Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

18.01.2020
ՏՆՏԵՍՈՒԹՅՈՒՆ


ՀԱԷԿ-ի շահագործման ժամկետի երկարաձգման ծրագրի ժամկետները երկարացվել են

Վարկի մարումը՝ օգտագործվածի մասով

Արմենուհի ՄԵԼՔՈՆՅԱՆ
a.melqonyan@hhpress.am


ՀԱԷԿ-ի երկրորդ էներգաբլոկի շահագործման ժամկետի երկարաձգման ծրագրի իրականացման ժամկետները երկարացվել են մինչեւ 2021թ. դեկտեմբերի 31-ը (ՀԱԷԿ-ից ստացված տեղեկատվության համաձայն)։
Պարզաբանենք՝ ինչի մասին է խոսքը։
Ռուսաստանի աջակցությամբ իրականացվող Հայկական ԱԷԿ-ի 2-րդ էներգաբլոկի շահագործման նախագծային ժամկետի երկարացման ծրագրի շրջանակներում 2015թ. փետրվարի 5-ին կնքվել է «Հայաստանի Հանրապետության կառավարության եւ Ռուսաստանի Դաշնության կառավարության միջեւ՝ Հայաստանի Հանրապետության տարածքում ատոմային էլեկտրակայանի շահագործման ժամկետի երկարաձգման աշխատանքների ֆինանսավորման համար Հայաստանի Հանրապետության կառավարությանը պետական արտահանման վարկ տրամադրելու մասին» համաձայնագիր։ Խոսքը 300 մլն դոլարի մասին է, որից՝ 270 մլն դոլարը՝ վարկ եւ 30 մլն դոլարը՝ դրամաշնորհ։ Վարկային համաձայնագիրն ուժի մեջ էր մտել 2015թ. մայիսի 12—ին։ Վարկի մարման ամսաթիվ էր նախատեսվել 2019թ. դեկտեմբերի 31—ը։
Սակայն, ծրագրի շրջանակներում կատարված համալիր հետազոտության արդյունքների եւ էներգաբլոկի գոյապաշարը որոշող հիմնական համակարգերի ու սարքավորումների լրացուցիչ հետազոտությունների արդյունքներով նախապես պլանավորված անհրաժեշտ աշխատանքների ցանկը զգալիորեն ընդլայնվել է։ Այս պատճառով Հայկական ԱԷԿ—ի անվտանգության բարձրացմանն ուղղված որոշ առանցքային աշխատանքների ավարտի պլանային ժամկետները դուրս են եկել 2015թ. փետրվարի 5—ի համաձայնագրով նախատեսված վարկի օգտագործման ժամկետից։
Բացի այդ՝ ծրագրի շրջանակներում մնացորդային գումարներ կան, որոնք անհրաժեշտ է ուղղել Հայկական ԱԷԿ—ի անվտանգության բարձրացմանն ուղղված աշխատանքներն ավարտին հասցնելու համար։
Ելնելով այս ամենից եւ հիմք ընդունելով համաձայնագրով նախատեսված վարկի օգտագործման ժամկետի երկարաձգման վերաբերյալ տարածքային կառավարման եւ ենթակառուցվածքների նախարարության դիմումը՝ ֆինանսների նախարարությունը նպատակահարմար գտավ հիշյալ համաձայնագրում փոփոխություններ անելու մասին արձանագրության կնքումը։ Այս հարցն, ի դեպ, կառավարության դեկտեմբերյան նիստերից մեկի օրակարգում ներառված էր, բայց չզեկուցվողների շարքում էր։
Արձանագրությունում նշվում է, որ հայկական կողմը ոչ ուշ քան 2020թ. հունվարի 30—ը ռուսական կողմի օգտին կատարում է կոմիսիոն վճարում 2019թ. դեկտեմբերի 31—ի դրությամբ  չօգտագործված վարկի գումարի 1 տոկոսի չափով։ Իսկ ոչ ուշ, քան 2022թ. հունվարի 30—ը հայկական կողմը ռուսական կողմի օգտին պետք է կատարի կոմիսիոն վճարում 2021թ. դեկտեմբերի 31—ի դրությամբ չօգտագործված վարկի գումարի 1 տոկոսի չափով։
Ինչ վերաբերում է վարկի մարմանը։ Ինչպես պարզաբանեց տարածքային կառավարման եւ ենթակառուցվածքների նախարարի էներգետիկայի գծով տեղակալ Հակոբ Վարդանյանը, դա միայն օգտագործված գումարի մասով է լինելու։
Սահմանվում է, որ հայկական կողմը վարկը պետք է մարի հետեւյալ կարգով. 2015—2019թթ. օգտագործված վարկի գումարը՝ 10 տարիների ընթացքում հավասար կիսամյակային վճարումներով՝ յուրաքանչյուր տարվա հունվարի 15—ին եւ հուլիսի 15—ին, ընդ որում, վարկի առաջին վճարումը կկատարվի 2020թ. հունվարի 15—ին։ 2020—2021թթ. օգտագործված վարկի գումարը՝ 8 տարիների ընթացքում հավասար կիսամյակային վճարումներով՝ յուրաքանչյուր տարվա հունվարի 15—ին եւ հուլիսի 15—ին, ընդ որում, վարկի առաջին վճարումը կկատարվի 2022թ. հունվարի 15-ին։

25-12-2019





17-01-2020
Տուգանքների նոր բալային համակարգը՝ ընդդեմ օրինազանցների
Որոնք են օրենքի կիրառման դրական ու խնդրահարույց կողմերը

Լուսինե ...


17-01-2020
Սպանդանոցային պարտադիր մորթը քաղաքակիրթ տարբերակ է
Սակայն դաշտում առկա խնդիրները դրանից չեն պակասում

Լուսինե ՄԽԻԹԱՐՅԱՆ
l.mkhitaryan@hhpress.am




17-01-2020
Տարեցները սեղանի թենիս խնդրեցին
Վանաձորի տարեցների տան բնակիչներն օրերս հյուրընկալեցին Լոռու մարզպետ Անդրեյ ...


 
17-01-2020
Խնայված միջոցներով եւ նվիրատվություններով
Նորություններ կան նաեւ մարզի առողջապահական այլ հիմնարկներում։ «Ալավերդու ...


 
17-01-2020
Վճարովի ծառայությունների ավելացման շնորհիվ
2018 թ. հուլիսի 1-ից, այնուհետեւ 2019 թ. հունվարի ...


17-01-2020
Մեծանում է վստահությունը
«Վանաձորի բժշկական կենտրոն» ՓԲԸ-ի հանրույթն այսօր գործում է ...



17-01-2020
«Հայաստանի Հանրապետություն» օրաթերթ. Բացառիկ թողարկում՝ Հովհաննես Չեքիջյանի պատվավոր խմբագրությամբ
««Հայաստանի Հանրապետություն» օրաթերթի ...

17-01-2020
Ձիթապտուղ կարտահանենք ԵԱՏՄ եւ երրորդ երկրներ
Ընկերությունը հարկային արտոնություն ...

17-01-2020
Այլընտրանքային մանկապարտեզ, որտեղ շեշտը դրված է միայն կրթության վրա
ՅՈՒՆԻՍԵՖ-ի հաջողված փորձը

Լիանա ...
USD
EURO
RUR
GEL
Եղանակը Երևանում
գիշերը +1... +3
ցերեկը +7... +9

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO