Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

21.01.2020
ՏՆՏԵՍՈՒԹՅՈՒՆ


Ամանորի նախաշեմին՝ աչքալուսանք գործարարներին

Իրանի տարածքով կենդանիների տարանցիկ արտահանման համաձայնություն է ձեռք բերվել

Արմենուհի ՄԵԼՔՈՆՅԱՆ
a.melqonyan@hhpress.am


Մեր տնտեսավարողները ցայսօր մեծ գումարներ են վճարել, որպեսզի ինքնաթիռով Իրան, Իրաք, Քուվեյթ, Արաբական Միացյալ Էմիրություններ, Քաթար եւ այլուր կենդանիներ տեղափոխել կարողանան։ Այսուհետ այդպես չի լինի։ Քանզի արդեն Իրանի տարածքով կենդանի կենդանիների տարանցիկ արտահանման համաձայնություն կա։
Այս մասին տեղեկացանք կառավարությանը ենթակա սննդամթերքի անվտանգության տեսչական մարմնի տեղեկատվության եւ հասարակայնության հետ կապերի բաժնի պետ Անուշ Հարությունյանից։ Նա հայտնեց, որ այդ բանակցությունները տեւել են գրեթե մեկ տարի եւ հենց Ամանորի նախաշեմին հաջողությամբ պսակվել։
Տարանցիկ արտահանման համաձայնությունը ձեռք է բերվել Իրանի Իսլամական Հանրապետության անասնաբուժության կազմակերպության եւ մեր ՍԱՏՄ—ի միջեւ։ Եվ ՍԱՏՄ ղեկավար Գեորգի Ավետիսյանը երեք օր առաջ ստորագրել է իրանական կողմից արդեն ստորագրված համաձայնագիրը։
ՍԱՏՄ—ն վստահ է, որ այս համաձայնության ձեռքբերումը «բացառիկ կարեւորության քայլ է մեր երկրի տնտեսության զարգացումը խթանելու ճանապարհին։ Դա նշանակում է, որ տնտեսավարողներն այլեւս ստիպված չեն լինի հսկայական գումարներ վճարել ինքնաթիռով կենդանիներ տեղափոխելու համար։ Վստահաբար կարելի է պնդել, որ կենդանիների արտահանման ծավալները կտրուկ կավելանան, ինչն էլ կխթանի անասնաբուծության զարգացումը»։
Փորձեցինք հասկանալ՝ կվերահսկվե՞ն, արդյոք, այդ արտահանման ծավալները, որպեսզի հանկարծ այնպես չլինի, որ, ասենք, մսի պակասի պատճառով թանկացում լինի։ ՍԱՏՄ—ից պարզաբանեցին, որ դա իրենց գործառույթը չէ, իրենք պատասխանատու են միայն այն բանի համար, որ առողջ կենդանիներ արտահանվեն։
Հասկանալի է՝ պետությունը խթանում է արտահանումը, բայցեւ՝ այս պարագան պետք է հաշվի առնվի։ Ի դեպ, համապատկերում հետաքրքրվեցինք՝ ինչու խանութներում վերջին 20 օրերին գառան միս չկա։ Հարցրել ենք Երեւանում գործող տարբեր սուպերմարկետների ցանցերում։ Պատասխանը նույնն էր՝ չգիտենք։ Միայն մեկում պատճառաբանեցին, թե չեն բերում՝ թանկությամբ պայմանավորված, քանզի գնորդ էլ չի լինում։
ՍԱՏՄ—ից խոստացան հասկանալ՝ ինչումն է խնդիրը։
Ինչեւէ, գանք Իրանով տարանցման խնդրին։ Կենդանիների տեղափոխումը կիրականացվի միջազգային բոլոր չափորոշիչներին ու կանոնակարգերին համապատասխան։
Հ. Գ. — Նոր տարվա եւ Սուրբ Ծննդյան տոների կապակցությամբ սահմանված հանգստյան բոլոր 8 օրերին սննդամթերքի անվտանգության տեսչական մարմնի թեժ գիծը՝ 010 206040, շարունակելու է շուրջօրյա աշխատանքը։ Ահազանգերին ընթացք է տրվելու։ Տեսուչները կաշխատեն արագ արձագանքման սկզբունքով։

28-12-2019





18-01-2020
Պահանջը չի փոխվելու
«Միսը չի թանկանա, հակառակը, նույնիսկ իջեցում կարող է ...


18-01-2020
Տեւական երաշտը փորձությունների առաջ է կանգնեցրել հողագործներին
Ինչպես հաղթահարել բնական արգելքները

Դավիթ ՄԻՔԱՅԵԼՅԱՆ
d.miqayelyan@hhpress.am


«Աշնան ամիսների եւ ...


18-01-2020
Մեջքով... դեպի հանդիսատեսը
Դիրիժորը, թերեւս, միակն է, որ հանդիսատեսին կանգնում է մեջքով, ...


18-01-2020
Կաշեգործի մասնագիտությունը մերժած, նավապետի երազանքով մեծն նվագավարը
Մի ողջ դիվանագիտություն՝ թաքնված մաեստրո Չեքիջյանի կենսագրության թվերի ու ...


18-01-2020
Ինչո՞ւ Չեքիջյանի երազանքը մնաց անկատար…
Մաեստրոյի խոսքով՝ ամբողջ կյանքում ջանացել է, որ իրեն ...


18-01-2020
Աշխարհի առաջնակարգ նվագախմբեր ղեկավարած երաժշտություն մատուցողը
Որ հաշվի է առնում անգամ դահլիճի աթոռների գույնը

Արմենուհի ...


18-01-2020
Ամեն դիրիժոր իր ակնոցով է նայում նոտաներին
Դժվար է ասել, թե 91 տարի առաջ ի՞նչ եղանակ ...



18-01-2020
Անմահների ուղին փշոտ է, բայց հաղթական
Ադրբեջանական նենգության հերթական ...

18-01-2020
Հայաստանի մարզիկները ռուսական սպորտում լեգեոներներ չեն համարվի
Նոր հեռանկարներ հավաքական եւ ակումբային ...

18-01-2020
«Վարպետ Հակոբից բարեւներ եմ բերել ձեզ...»
Դուդուկահար Էրթան Թեկինը «ՀՀ»-ի հետ ...

18-01-2020
Ազգային երաժշտարվեստի զուլալ ակունքներից
Սասուն Պասկեւիչյանի երգերը շարունակում ...
USD
EURO
RUR
GEL
Եղանակը Երևանում
գիշերը +1... +3
ցերեկը +7... +9

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO