Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

20.01.2020
ԱՇԽԱՐՀ


Միջին Արեւելքն ընկղմվել է վտանգավոր անորոշության մեջ

Հունվարի 3-ին, ժամը 1-ին Բաղդադի օդանավակայանից դեպի քաղաք գնացող ճանապարհին ԱՄՆ զորքերը, իրականացնելով «Կապույտ ամպրոպ» գործողությունը, թիրախ  են դարձրել  Իրանի հեղափոխության պահապան գվարդիայի Երուսաղեմի զորամիավորումների հրամանատար, գեներալ Ղասեմ Սոլեյմանիի եւ Իրաքի  շիա «Հաշադ շաաբի» (Ժողովրդական զորահավաք) ուժերի հրամանատարի ավտոմեքենաները, ինչի հետեւանքով զոհվել են գեներալ Սոլեյմանին, «Հաշադ շաաբիի» փոխհրամանատար Աբու Մահդի Մոհանդեսը եւ նրանց ուղեկցող 10 մարդ:
Այս առնչությամբ ԱՄՆ պաշտպանության նախարարության հրապարակած հայտարարությունում նշվում է, որ այդ երկրի զինծառայողների անվտանգությությունն ապահովելու նպատակով, նախագահ Դոնալդ Թրամփի հրամանով, պաշտպանական վճռական քայլի են դիմել: Հանգամանք, ինչը միջազգային ԶԼՄ-ներում, թերեւս, միջուկային ռումբի պայթյունի ազդեցություն է ունեցել: Եթե անգամ ասենք, թե ողջ աշխարհը շանթահար է եղել, էլի չափազանցություն չի լինի: Իրանա-իրաքյան պատերազմի մասնակից, աշխարհում իրանցի ամենահայտնի զինվորական, 58-ամյա գեներալ Սոլեյմանիի սպանությունը, որն իր հայրենիքում հայտնի է որպես հերոս, իսկ ԱՄՆ-ը նրան ներառել էր իր ահաբեկչական ցուցակում, ոչ միայն ԱՄՆ-Իրան բախումն է հավանական  դարձրել, այլեւ  Միջին Արեւելքը, որտեղ առանց այդ էլ իրավիճակը խիստ լարված էր, դարձրել է պայթյունավտանգ:
Այս առիթով Իրաքի նախկին վարչապետ Ադել Աբդուլմահդին նշել է, թե նման քայլը խախտել է  ամերիկյան ուժերի ներկայության պայմանավորվածություններն այդ երկրում,  ոտնահարել է Իրաքի ինքնիշխանությունը: Ավելին, դա քայլ է, որը կհանգեցնի պատերազմի Իրաքում, տարածաշրջանում ու աշխարհում: Միաժամանակ խորհրդարանից պահանջել է արտահերթ նիստ գումարել: Իսկ հայտնի հոգեւորական Մողթադա Սադրը, որի ձեւավորած դաշինքը խորհրդարանում մեծամասնության խմբակցությունն է, թեեւ իրանամետ չէ, սակայն խիստ դեմ է ԱՄՆ-ի ռազմական ներկայությանն Իրաքում, իր զինված թեւին, մասնավորապես, Մահդիի զորքին պատրաստ լինելու հրաման է տվել: Վերջինս լուրջ դերակատարություն է ունեցել այդ երկրի ներքաղաքական բախումներում՝ կանգնելով երկրի զինված ուժերի եւ ԱՄՆ զորամիավորումների  կողքին: Իրանում բարձրաստիճան բոլոր պաշտոնյաները շեշտել են, թե §պետական մակարդակի այդ ահաբեկչությունը¦ անպատասխան չի մնալու, իսկ երկրի ռազմաքաղաքական ու կրոնական առաջին դեմք հանդիսացող հեղափոխության առաջնորդը հայտարարել է, թե այդ ոճրագործությունների հեղինակները դաժանաբար պատժվելու են:
Բացի այդ, Իրանի ազգային անվտանգության գերագույն խորհուրդը հատուկ նիստ է գումարել: Իսկ Հեղափոխության պահապան գվարդիայի  հրապարակած հայտարարության մեջ շեշտվել է, թե Սոլեյմանին Իրաք էր ժամանել «Իսլամական խալի‎ֆայության» ու այլ ծայրահեղական խմբերի վերականգնման առնչությամբ ԱՄՆ ջանքերը չեզոքացնելու ծրագրեր կազմելու համար: Արեւմուտքի կողմից Սոլեյմանին մեղադրվում է Սիրիայում, Եմենում եւ Իրաքում տեղի ունեցող իրադարձություններում լուրջ դերակատարություն ունենալու համար: Հատկանշական է նաեւ, որ նա շատ կողմնակիցներ ունի տարածաշրջանի շատ երկրներում, ինչը եւս, բացառված չէ, որ ազդեցություն կունենա հետագա զարգացումներում: Մյուս կողմից, արեւմտյան երկրները թեեւ  խիստ բացասաբար են վերաբերվել Սոլեյմանիին,  բայց եւ այնպես «Կապույտ ամպրոպ» գործողության հնարավոր հետեւանքները խիստ մտահոգել են նրանց: Բազմաթիվ երկրներ, այդ թվում՝ ԱՄՆ-ը, իրենց քաղաքացիներին կոչ են արել հեռանալ Իրաքից, որը կարող է  վերածվել  վերջինիս  երկու դաշնակիցների՝ Իրանի եւ ԱՄՆ-ի բախումների ռազմադաշտի: Հատկանշական է նաեւ, որ ԱՄՆ-ում եւս բազմաթիվ քաղաքական գործիչներ, այդ թվում՝դեմոկրատ եւ հանրապետական կոնգրեսականներ, խստիվ քննադատելով Սոլեյմանիին, միաժամանակ մտահոգություն են հայտնել տրածաշրջանում իրավիճակի էլ ավելի սրվելու առնչությամբ:
Ներկայացուցիչների պալատի նախագահ Նենսի Փելոսին,  նշելով, որ Կոնգրեսն անտեղյակ է եղել գործողությունների ծրագրից, հավելել է, որ այն տարածաշրջանի լարվածությունը էլ ավելի վտանգավոր է դարձրել: Այլ կերպ ասած՝ «Կապույը ամպրոպը» խիստ շիկացրել է տարածաշրջանի մթնոլորտը, միաժամանակ այն ընկղմել  անորոշության մեջ: Հետագա զարգացումներն անկանխատեսելի են:
Էմմա ԲԵԳԻՋԱՆՅԱՆ

03-01-2020





18-01-2020
Պահանջը չի փոխվելու
«Միսը չի թանկանա, հակառակը, նույնիսկ իջեցում կարող է ...


18-01-2020
Տեւական երաշտը փորձությունների առաջ է կանգնեցրել հողագործներին
Ինչպես հաղթահարել բնական արգելքները

Դավիթ ՄԻՔԱՅԵԼՅԱՆ
d.miqayelyan@hhpress.am


«Աշնան ամիսների եւ ...


18-01-2020
Մեջքով... դեպի հանդիսատեսը
Դիրիժորը, թերեւս, միակն է, որ հանդիսատեսին կանգնում է մեջքով, ...


18-01-2020
Կաշեգործի մասնագիտությունը մերժած, նավապետի երազանքով մեծն նվագավարը
Մի ողջ դիվանագիտություն՝ թաքնված մաեստրո Չեքիջյանի կենսագրության թվերի ու ...


18-01-2020
Ինչո՞ւ Չեքիջյանի երազանքը մնաց անկատար…
Մաեստրոյի խոսքով՝ ամբողջ կյանքում ջանացել է, որ իրեն ...


18-01-2020
Աշխարհի առաջնակարգ նվագախմբեր ղեկավարած երաժշտություն մատուցողը
Որ հաշվի է առնում անգամ դահլիճի աթոռների գույնը

Արմենուհի ...


18-01-2020
Ամեն դիրիժոր իր ակնոցով է նայում նոտաներին
Դժվար է ասել, թե 91 տարի առաջ ի՞նչ եղանակ ...



18-01-2020
Անմահների ուղին փշոտ է, բայց հաղթական
Ադրբեջանական նենգության հերթական ...

18-01-2020
Հայաստանի մարզիկները ռուսական սպորտում լեգեոներներ չեն համարվի
Նոր հեռանկարներ հավաքական եւ ակումբային ...

18-01-2020
«Վարպետ Հակոբից բարեւներ եմ բերել ձեզ...»
Դուդուկահար Էրթան Թեկինը «ՀՀ»-ի հետ ...

18-01-2020
Ազգային երաժշտարվեստի զուլալ ակունքներից
Սասուն Պասկեւիչյանի երգերը շարունակում ...
USD
EURO
RUR
GEL
Եղանակը Երևանում
գիշերը +1... +3
ցերեկը +7... +9

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO