Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

18.01.2020
ՍՈՑԻՈՒՄ


Քիչ ու շատ ստացողները կվճարեն նույն եկամտահարկը

2023թ. այս հարկատեսակն արդեն կդառնա 20 տոկոս

Տարեսկզբից ուժի մեջ է մտել եկամտահարկի փոփոխությունը։ Ըստ այդմ, աշխատավարձ ստացողները կվճարեն նույն չափի՝ 23 տոկոս եկամտահարկ։ Նախկինում հարկումը եռաստիճան էր, այսինքն՝ եկամտահարկի տարբեր չափեր էին սահմանված ցածր, միջին ու բարձր աշխավարձ ստացողների համար։ Այլ կերպ՝ մինչեւ 150 հազար դրամ ստացողը վճարում էր աշխատավարձի 23 տոկոսը, 150 հազարից մինչեւ 2 միլիոն դրամ ստացողը՝ 28 տոկոսը, իսկ 2 միլիոնից ավելի ստացողները 36 տոկոս էին վճարում։ Հունվարի 1—ից արդեն բոլորը կվճարեն համահարթ՝ 23 տոկոս եկամտահարկ։
Ինչպես տեղեկացանք ֆիննախի եկամուտների քաղաքականության եւ վարչարարության մեթոդաբանության վարչության պետ Օրի Ալավերդյանից, այս փոփոխություններն ավելի շատ կզգան բարձր աշխատավարձ ստացողները։ Մինչեւ 150 հազար դրամ ստացողները, որոնք մեծամասնություն են (65 տոկոս), այս տարի որեւէ փոփոխություն չեն զգա։ Քանզի նրանք մինչ այս էլ վճարում էին 23 տոկոս։ Իսկ 150 հազար դրամից շատ ստացողները կզգան այդ փոփոխությունը։
Ի դեպ, եկամտահարկի չափը գնալով կնվազի։ Եթե 2020—ի հունվարի 1—ից եկամտահարկը 23 տոկոս է, ապա 2021—ի հունվարի 1—ից՝ 22 տոկոս կլինի, 2022—ի հունվարի 1—ից՝ 21 տոկոս, իսկ 2023—ի հունվարի 1—ից՝ արդեն 20 տոկոս։ Այստեղ մի նրբություն կա, որին կուզեինք անդրադառնալ։ Բանն այն է, որ սոցիալական վճարի դրույքաչափն է փոխվում։ Ըստ ֆիննախի, նախատեսվում է սոցվճարի դրույքաչափի աստիճանական վերականգնում 2.5 տոկոսից նախկինում կիրառվող 5 տոկոսի մակարդակում։
Ըստ այդմ՝ 2021թ. հունվարի 1—ից այն կդառնա 3.5 տոկոս, 2022թ. հունվարի 1—ից՝ 4.5 տոկոս, 2023թ. հունվարի 1—ից՝ 5 տոկոս։ Հիշեցնենք, որ այս վճարը աշխատավարձի 10 տոկոսի չափով է, որից 2.5 տոկոսը վճարում է մասնակիցը, իսկ 7.5 տոկոսը՝ պետությունը։ Այս հարաբերակցությունը կպահպանվի 2020թ., սակայն 2021թ. սկսած անհատի մասնաբաժինը կավելանա 1 տոկոսով, իսկ պետությանը՝ կպակասի։ 2021թ. անհատները կվճարեն արդեն 3.5 տոկոս, 2022թ. 4.5 տոկոս, իսկ 2023—ին՝ 5 տոկոս։ Այսինքն՝ 5 տոկոս կվճարի քաղաքացին, 5 տոկոս՝ պետությունը։
Եթե ավելի պարզ, ապա սա նշանակում է, որ, օրինակ՝ մինչեւ 150 հազար դրամ ստացող քաղաքացիները, ում եկամտահարկը 2021 թվականից կնվազի մեկ տոկոսով, այդ փոփոխությունը չեն զգա, եթե նրանք նաեւ պարտադիր կուտակային կենսաթոշակային համակարգի մասնակից են։ Որովհետեւ եկամտահարկի հաշվարկման այս փոփոխություններին զուգահեռ՝ փոխվում է նաեւ կուտակային կենսաթոշակների հաշվարկման կարգը։ Այսինքն՝ մեկ տոկոսով եկամտահարկը նվազում է, բայցեւ մեկ տոկոսով էլ բարձրանում է պարտադիր կուտակային կենսաթոշակների՝ քաղաքացու կողմից վճարվող մասնաբաժինը։ Բարձր աշխատավարձ ստացողները կզգան դրական փոփոխությունը, անգամ եթե կուտակային համակարգի մասնակից են։ Ավելին, ըստ ֆիննախի, 2023թ. այսօրվա համեմատ եկամտային հարկի դրույքաչափը նվազեցված է լինելու 3 տոկոսով, իսկ սոցիալական վճարը բարձրացած կլինի 2.5 տոկոսով։ Անգամ այս պարագայում փոփոխությունը համամասնությունը 0.5 տոկոս ի շահ քաղաքացու է լինելու։
Արմենուհի ՄԵԼՔՈՆՅԱՆ
a.melqonyan@hhpress.am

09-01-2020





17-01-2020
Տուգանքների նոր բալային համակարգը՝ ընդդեմ օրինազանցների
Որոնք են օրենքի կիրառման դրական ու խնդրահարույց կողմերը

Լուսինե ...


17-01-2020
Սպանդանոցային պարտադիր մորթը քաղաքակիրթ տարբերակ է
Սակայն դաշտում առկա խնդիրները դրանից չեն պակասում

Լուսինե ՄԽԻԹԱՐՅԱՆ
l.mkhitaryan@hhpress.am




17-01-2020
Տարեցները սեղանի թենիս խնդրեցին
Վանաձորի տարեցների տան բնակիչներն օրերս հյուրընկալեցին Լոռու մարզպետ Անդրեյ ...


 
17-01-2020
Խնայված միջոցներով եւ նվիրատվություններով
Նորություններ կան նաեւ մարզի առողջապահական այլ հիմնարկներում։ «Ալավերդու ...


 
17-01-2020
Վճարովի ծառայությունների ավելացման շնորհիվ
2018 թ. հուլիսի 1-ից, այնուհետեւ 2019 թ. հունվարի ...


17-01-2020
Մեծանում է վստահությունը
«Վանաձորի բժշկական կենտրոն» ՓԲԸ-ի հանրույթն այսօր գործում է ...



17-01-2020
«Հայաստանի Հանրապետություն» օրաթերթ. Բացառիկ թողարկում՝ Հովհաննես Չեքիջյանի պատվավոր խմբագրությամբ
««Հայաստանի Հանրապետություն» օրաթերթի ...

17-01-2020
Ձիթապտուղ կարտահանենք ԵԱՏՄ եւ երրորդ երկրներ
Ընկերությունը հարկային արտոնություն ...

17-01-2020
Այլընտրանքային մանկապարտեզ, որտեղ շեշտը դրված է միայն կրթության վրա
ՅՈՒՆԻՍԵՖ-ի հաջողված փորձը

Լիանա ...
USD
EURO
RUR
GEL
Եղանակը Երևանում
գիշերը +1... +3
ցերեկը +7... +9

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO