Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

10.07.2020
ԱՅԼՔ...


Գերխնդիրը ոլորտի արդյունավետ կառավարումն է

Հիմքում՝ քաղաքակրթական, տնտեսական բաղադրիչն ու աշխարհայացքային ընկալումներն են

Լուսինե ՄԽԻԹԱՐՅԱՆ
l.mkhitaryan@hhpress.am


Աղբի կառավարման խնդիրը տարիներ շարունակ մեր երկրի ամենահրատապ, բայց դեռեւս հիմնարար լուծում չստացած հարցերից մեկն է մնում։ Իսկ արդյունավետ լուծումն աղբի տեսակավորումը եւ վերամշակումն է, որի անհրաժեշտության վերաբերյալ ժամանակակից աշխարհի զարգացած երկրներում երկրորդ կարծիք չկա։ Ոչ միայն հանրային վայրերում, այլեւ տանը աղբի տեսակավորումը դարձել է խնդրի կարեւորությունը գիտակցող մարդու առօրյա։ Թուղթը, ապակին, պլաստիկը եւ կենցաղային բազմապիսի կոշտ թափոններն այլեւս աղբ չեն այդ պետությունների քաղաքացիների համար։
Թեմայի կարեւորությանը բազմիցս անդրադարձել է նաեւ ՀՀ վարչապետ Նիկոլ Փաշինյանը։ Նախօրեին կառավարության խորհրդակցության ժամանակ գործադիրի ղեկավարը նշել էր, որ ժամանակակից աշխարհում երկրի քաղաքակրթության մակարդակի կարեւոր ցուցիչներից մեկն այն է, թե ինչպես են վարվում աղբի հետ։ Մյուս կողմից՝ աղբը լուրջ ռեսուրս է եւ ճիշտ կառավարման դեպքում կարող է էական դերակատարում ունենալ տնտեսության մեջ։ Կարեւորելով աղբի հավաքման, կառավարման եւ վերամշակման լիարժեք շղթայի ձեւավորումը՝ հանձնարարել է աշխատանքներ տանել աղբի վերամշակմամբ զբաղվող ընկերությունների գործունեությունը խթանելու ուղղությամբ։ Վարչապետը հանձնարարել է շարունակել ռազմավարության մշակման աշխատանքները, սեղմ ժամկետում վերջնական տեսքի բերել փաստաթուղթը եւ ներկայացնել աղբահանության համակարգի համապարփակ ռազմավարություն՝ միջոցառումների ծրագրով եւ իրականացման հստակ ժամանակացույցով։
«Աղբի կառավարումը պարզապես դրա հավաքագրումը եւ ինչ—որ վայր տեղափոխելը չէ։ Ամբողջ աշխարհում աղբի կառավարումն իրականացվում է տեսակավորման եւ վերամշակման ճանապարհով։ Հայաստանում եւս ակտիվ քայլեր են իրականացվում թե՛ քաղաքային իշխանությունների, թե՛ գործադիր իշխանության կողմից այդ մոտեցումները որդեգրելու համար»,–«ՀՀ»—ի հետ զրույցում նշեց ԱԺ տարածքային կառավարման, տեղական ինքնակառավարման, գյուղատնտեսության եւ բնապահպանության հարցերի մշտական հանձնաժողովի անդամ Մերի Գալստյանը՝ ընդգծելով, որ մենք ունենք բոլոր ռեսուրսները եւ ներուժը՝ հետեւելու աշխարհի լավագույն փորձին, այն է՝ անցնել աղբի տեսակավորմանն ու վերամշակմանը։
Նախքան աղբի վերամշակման գործարաններ կառուցելը, նա անհրաժեշտ է համարում համապատասխան ենթակառուցվածքների ստեղծումը, ինչը հնարավորություն կտա քաղաքային տարածքում եւ, առաջին հերթին, բազմաբնակարանային շենքերում աղբը տեսակավորելու համար։ «Մենք հիմա չունենք նման հնարավորություն։ Այդ ամենը լուրջ ենթակառուցվածքների, մեծ ծախսերի եւ շինարարական միջամտությունների անհրաժեշտություն է ենթադրում։ Երբ ունենանք ռազմավարությունը, ապա դրան կհաջորդեն կոնկրետ քայլերը՝ կապված ենթակառուցվածքների ստեղծման հետ»,–ասաց նա։
Հաջորդ փուլը կլինի արդեն տեսակավորված աղբի վերամշակման համար անհրաժեշտ գործարանների կառուցումը։ Աշխարհի շատ երկրներում աղբը համարվում է երկրորդային ռեսուրս, որի տնտեսական շահութաբերությունը բավականին մեծ է։ Վերամշակման արդյունքում ստացված նոր ապրանքատեսակները լայն կիրառություն ունեն առօրյայում։
Պատգամավորը լիահույս է, որ գործադիրը քայլեր կձեռնարկի երկրի ներդրումային միջավայրի գրավչությունն ավելացնելու ճանապարհով Հայաստանում աղբի վերամշակման գործունեությունը զարգացնելու համար. «Շատ կարեւոր է հասկանալ, թե տվյալ համայնքում որքան կարող է լինել աղբի ընդհանուր ծավալը։ Դա չափազանց կարեւոր թվային ցուցանիշ է ներդրողների համար, որպեսզի վերջիններս հասկանան, թե որքանով եկամտաբեր կլինի իրենց գործունեությունը։ Միայն դրանից հետո կարելի է այդ ուղղությամբ տնտեսական շարժեր ակնկալել»։
Աղբի կառավարման հարցում լուրջ առաջընթաց գրանցելու համար հատուկ ուշադրություն է պետք դարձնել կրթական բաղադրիչին։ Ներկայումս կան մի շարք հասարակական նախաձեռնություններ, որոնք զբաղվում են աղբի տեսակավորման հարցերով՝ ֆինանսավորում ստանալով միջազգային դոնոր կազմակերպություններից։ Մերի Գալստյանի նախաձեռնությամբ խորհրդարանի շենքում նույնպես տեղադրվել են աղբի տեսակավորման տուփեր, ինչը նպատակ ունի այս հարցի վերաբերյալ խթանել հանրային իրազեկվածությունը պետական կառույցների օրինակով։ «Մենք պետք է ուշադիր եւ սրտացավ լինենք մեր շրջակա միջավայրի մաքրության համար։ Շատ եմ կարեւորում այս մշակույթի ձեւավորումը, երբ հոգատարությունն ու սրտացավ վերաբերմունքը կդառնան մեր առօրյա գործունեության անբաժան մասը»,–շեշտեց զրուցակիցս։

15-01-2020





10-07-2020
«Լիճք» ենթակայանի ամբողջական վերակառուցումն անհրաժեշտություն է
Այն նաեւ Արցախի էներգետիկ անվտանգության հետ կապված կարեւոր ...


10-07-2020
Գյուղոլորտի ապագա կադրերը՝ Շուշիի տեխնոլոգիական համալսարանից
Ուսուցում՝ նաեւ լսարանից դուրս, «գործնական դաշտում»

Շուշիի տեխնոլոգիական ...


10-07-2020
Հայաստանում հաստատվել է COVID-19-ի 557 նոր դեպք․ապաքինվել է ևս 709, մահացել 11 քաղաքացի
Հայաստանում հուլիսի 10-ի դրությամբ հաստատվել է կորոնավիրուսային հիվանդության ընդհանուր ...


10-07-2020
Ժառանգելու են ե՛ւ գենետիկ, ե՛ւ հոգեւոր, ե՛ւ նյութական արժեքները
Այն, ինչ այսօր պատկանում է մեզ՝ ծնողներիս, վաղը պատկանելու ...


10-07-2020
«Առողջ անդամները հոսանքին հակառակ են ծնվում»
Կամ որտե՞ղ փնտրենք Ռուբեն Հախվերդյանին

Երգիչ-երգահանի հետ «ՀՀ»-ն ...


10-07-2020
Ազգի եւ մարդկության բարերարը
Ալեք Մանուկյանը տաժանակիր աշխատանքից հետո հայոց լեզվի դասընթացներ ...


10-07-2020
Պետությունը պատասխանատվություն է ստանձնում
Զոհված զինծառայողների ընտանիքների անդամներն անվճար սովորելու հնարավորություն կունենան




10-07-2020
«Թուֆենկյանը»՝ Քաշաթաղի շրջանին
«Ազատագրված տարածքները պիտի բնակեցվեն, ...

10-07-2020
«Դերասանուհին, որը դերասանություն չի անում...»
«Նա երբեք չի ստել, չի կեղծել, նրա ոչ մի ...

10-07-2020
Տուֆով սալարկումն ընդօրինակելի է
Անցած տարի սուբվենցիոն միջոցներով Ջրաշեն ...

10-07-2020
Ալոյանը կվիճարկի աշխարհի չեմպիոնի կոչումը
Ռուսաստանցի Միխայիլ Ալոյանը հոկտեմբերի 15-ին ...
USD
EURO
RUR
GEL
Եղանակը Երևանում
գիշերը +19... +21
ցերեկը +32... +34

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO