Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

23.09.2020
ՄԱՐԶԵՐ


407 հազար դրամի արտադրանք՝ մեկ շնչի հաշվով

Վայոց ձորի մարզպետի ամփոփիչ մամուլի ասուլիսը

Վայոց ձորի մարզպետ Արարատ Գրիգորյանը երեկ հրավիրել է մամուլի ասուլիս, որում ամփոփել է մարզպետարանի 2019 թ. տարեկան գործունեության եւ իր պաշտոնավարման հարյուր օրվա արդյունքները։ Ասուլիսում, որին ներկա էին ԶԼՄ-ների ներկայացուցիչներ եւ մարզում գործող հասարակական կազմակերպությունների ղեկավարներ, Արարատ Գրիգորյանը ներկայացրել է մարզի կենսագործունեության տարբեր ոլորտներում նախորդ տարի իրականացված ծրագրերի, ձեռքբերումների, առաջընթացի, համագործակցային նախաձեռնությունների, արտաքին կապերի վերաբերյալ փաստագրված տվյալները, ինչպես նաեւ մարզում առկա խնդիրների լուծման ուղղությամբ ձեռնարկված եւ ձեռնարկվելիք քայլերը։
Վայոց ձորի մարզի տնտեսության զարգացման հիմնական ուղղությունը գյուղատնտեսությունն է։ 2019 թվականին արտադրվել է մոտ 24,4 մլրդ դրամի համախառն գյուղատնտեսական արտադրանք։ Մեկ շնչի հաշվով արտադրվում է 407 հազար դրամի արտադրանք։ Մարզի ոռոգելի հողատարածքները կազմում են 6622,9 հա, որից վարելահող՝ 2599,8 հա։ Ոռոգելի վարելահողերը կազմում են ընդհանուր վարելահողերի 17 տոկոսը։
Ձեռք են բերվել բարձր մթերատվության անասուններ, հիմնվել են ինտենսիվ մշակության այգիներ, կատարվել են ներդրումներ։ Մասնավորապես՝ Ջերմուկ համայնքի Կարմրաշեն բնակավայրում կատարվել է 100—120 մլն դրամի ներդրում՝ 100 գլուխ մսային ուղվածության խոշոր եղջերավոր կենդանի ձեռք բերելու, տիպային անասնագոմի եւ սպանդանոցի կառուցման նպատակով։
Չիվա բնակավայրում գործարար Մհեր Տերտերյանի կողմից հիմնվել է 40 հա խաղողի այգի (կաթիլային ոռոգման համակարգով)։ Իսկ ամերիկահայ ներդրող Ավո Դավթյանի կողմից գնվել է 60 հեկտար հողատարածք, որի վրա հիմնվել է խաղողի այգի։
Պաշտոնավարման առաջին իսկ օրվանից Վայոց ձորի մարզպետի ուշադրության կենտրոնում մշտապես եղել է մարզային ենթակայության առողջապահական կազմակերպությունների, հանրակրթական եւ մշակութային հաստատությունների գործունեությունը։ Հանդիպումներ են կազմակերպվել կրթական եւ մշակութային հաստատությունների եւ առողջապահական կազմակերպությունների ղեկավարների հետ, քննարկվել են մարզում կրթության որակի բարձրացման, բուժսպասարկման բարելավման, մարզական եւ մշակութային միջոցառումների պատշաճ կազմակերպման վերաբերյալ հարցերը։
Մարզային առողջապահական հաստատությունների ֆինանսավորման համար 2019 թ. հատկացվել է 767 420.3 դրամ։ 2019 թ. վճարովի ծառայությունը կազմել է 79.288.2, նախորդ տարվա նույն ժամանակաշրջանում՝ 60.393.4, աճը կազմում է 18.894.8 դրամ։ Մարզի հիվանդանոցային բժշկական հիմնարկները համալրվել են շտապ օգնության 5՝ 1 ռեանիմոբիլ եւ 4 գծային մեքենաներով, բուժսարքավորումներով։ Մարզային հիվանդանոց կառուցելու նպատակով 2019 թ. Եղեգնաձոր քաղաքում լուծվել է հողահատկացման խնդիրը, ներկայումս ընթանում եմ նախագծման աշխատանքները։
Հարյուրօրյա պաշտոնավարման ընթացքում՝ 2019 թվականի նոյեմբերի 8—ից մինչեւ դեկտեմբերի 12—ը մարզպետն այցելել է մարզի բոլոր համայնքներ եւ բնակավայրեր, ծանոթացել համայնքներում կատարվող աշխատանքներին, բնակիչներին հուզող հարցերին եւ լուծում պահանջող խնդիրներին։
2019 թվականին մարզպետի կողմից ընդունվել է 61 որոշում եւ 156 կարգադրություն, աշխատակազմի ղեկավարի կողմից արձակվել է 267 հրաման։ Մարզպետն ընդունել է 1060 քաղաքացու։
2019 թ. պետական բյուջեի շրջանակներում Վայոց ձորի մարզպետարանին 23 ծրագրով հատկացվել է 3.001.331.600, փաստացի ֆինանսավորվել է 2.819.321.400 դրամ, ֆինանսավորումը կատարվել է 93.94%—ով։
Սուբվենցիոն ծրագրերով մարզի համայնքներում իրականացվել է 22 ծրագիր, որն ընդգրկում է 40 օբյեկտ՝ 576.157.340 դրամ գումարով։
2019 թվականին մարզ է այցելել ավելի քան 120000 զբոսաշրջիկ, ինչը զգալիորեն նպաստել է ենթակառուցվածքների զարգացմանը։ Իրականացվել են հրատապ լուծում պահանջող հիմնախնդիրների տասը ծրագրեր՝ 78.972.76 դրամի չափով։
Հայաստանի ֆուտբոլի ֆեդերացիայի պատվիրատվությամբ 155.542.4 դրամով եւ համայնքների՝ 25.943.5 դրամով համաֆինանսավորմամբ կառուցվել են փոքր ֆուտբոլի 10 խաղահրապարակներ։
«ՎիվաՍելի» եւ «Վայրի բնության ու մշակութային արժեքների պահպանման հիմնադրամի» միջոցներով 61 394.55 դրամի ֆինանսավորմամբ 4 համայնքում կատարվել են ջրագծերի հիմնանորոգման եւ փողոցային լուսավորության անցկացման աշխատանքներ։
Եղեգնաձորում վերաբացվել է ժողովրդական թատրոնը, որը տարվա ընթացքում Վայոց ձորի մարզում եւ ԼՂՀ—ում հանդես է եկել մի շարք ներկայացումներով։
2020 թվականին ՀՀ Վայոց ձորի մարզում կիրականացվի 6 ներդրումային ծրագիր։ ՀՀ կառավարության հաստատմանն է ներկայացվել 34 սուբվենցիոն ծրագիր։
ՀՀ Վայոց ձորի մարզպետ Արարատ Գրիգորյանը պաշտոնավարման կարճ ժամանակահատվածում դրսեւորած աշխատասիրության, պատասխանատվության եւ ակտիվ գործունեության համար «Իրավաբանների եւ հոգեբանների միջազգային ասոցիացիա» հասարակական կազմակերպության կողմից ճանաչվել է որպես տարվա «Լավագույն մարզպետ»։
Ա. Գրիգորյանն սպառիչ պատասխանեց լրատվամիջոցների եւ ՀԿ ներկայացուցիչների կողմից իրեն ուղղված բոլոր հարցերին։ Հարցերը վերաբերում էին, մասնավորապես, մարզում 2019 թ. իրականացված եւ 2020—ին իրականացվելիք ներդրումային եւ սուբվենցիոն ծրագրերին, Եղեգնաձորում կառուցվելիք հիվանդանոցի աշխատանքների ընթացքին, զբոսաշրջության զարգացման նպատակով դեպի մշակութային կոթողներ տանող ճանապարհների վերանորոգմանը, հանքարդյունաբերությանը, դպրոցահասակ երեխաների եւ մանկավարժների տեղափոխման ծախսի փոխհատուցման կարգին, երիտասարդ ընտանիքներին բնակարանով ապահովելու նպատակով բնակարանաշինության ծրագրերին, մարզում զինվորական հագուստի արտադրության կազմակերպման խնդիրներին, ՀԿ—ների հետ համագործակցության ակտիվացմանը, գյուղական ամբուլատորիաների զարգացման ծրագրերի մշակմանը, Արփա գետի վրա կառուցված ՀԷԿ-երի համար օգտագործվող ոռոգման ջրի քանակի սահմանափակմանը (գյուղատնտեսության ակտիվ գործունեության շրջանում), «Վարդաձոր» մարզային թերթի տպագրման խնդիրներին։
Առաջարկվեց համագործակցել սոցիալական 2՝ սոցիալ—հոգեբանական եւ վիճակագրական հետազոտությունների կենտրոնի «Եղեգնաձորի ցերեկային խնամքի կենտրոն» (ռիսկային գոտում հայտնված երեխաների համար) գործող եւ Հայկական կարմիր խաչի Եղեգնաձորի մասնաճյուղի «Խնամքի կենտրոն՝ արժանապատիվ ծերություն» գործարկվելիք ծրագրերով։
Ասուլիսի ավարտին մարզպետ Արարատ Գրիգորյանը լրատվամիջոցների եւ ՀԿ—ների ներկայացուցիչների հետ ավելի ակտիվ համագործակցության պատրաստակամություն հայտնեց։

08-02-2020





23-09-2020
Անտառները փրկելու ներուժ ունենք, որովհետեւ ունենք վառելափայտի այլընտրանքի հումքը
Իսկ մատչելիության խնդրին պետք է լուծում տրվի

Որպես ...


23-09-2020
Ուսանելի մի պատմություն
Նման մարդկանցով անուշ է դառնում կյանքն ու քաղցրանում աշխարհը


23-09-2020
ԱՄՆ-ն դաշնակիցներ է հավաքագրում՝ ընդդեմ գազամուղի
«Հյուսիսային հոսք-2»-ից հրաժարվելու դեպքում Բեռլինն ստիպված կլինի 10 մլրդ ...


23-09-2020
Մարդն անոթ է
Մարմինը՝ փակուղի

«Մի՞թէ բրուտը իշխանութիւն չունի հողի վերայ, ...


23-09-2020
Երկիրը կարո՞ղ է գոյատեւել Արեւի մահանալուց հետո
«Ջեյմս Վեբ» տիեզերական աստղադիտակը տիեզերք կուղարկվի հաջորդ տարվա հոկտեմբերին


23-09-2020
Մարզիչը գոհ է
Իտալական «Ռոմայի» գլխավոր մարզիչ Պաուլու Ֆոնսեկան խոստովանել է, որ ...


22-09-2020
Վարդի ու աշնանային ռոմանտիկայի արարիչը
Սեպտեմբերի 19-ը Ռոմանոս Մելիքյանի ծննդյան օրն է

«Նրա ...



23-09-2020
Ինքնորոշման իրավունքի մերժումը կարող է հանգեցնել նոր բռնությունների
«Մեր իսկ սահմանած օրենքին ենթարկվելն ազատություն ...

23-09-2020
Արոնյանը եւ Մովսիսյանը՝ Գերմանիայի չեմպիոն
Լեւոն Արոնյանը եւ Սերգեյ Մովսիսյանը շախմատի ...

23-09-2020
Վարազդատ Հարոյան, այնուհանդերձ, հեռացավ
Ֆուտբոլի Հայաստանի ազգային հավաքականի պաշտպան ...

23-09-2020
Էրդողանը հայտնվել է անելանելի վիճակում
Թուրքիան համաձայնել է զորքերի ու ռազմական ...
USD
EURO
RUR
GEL
Եղանակը Երևանում
գիշերը +16... +19
ցերեկը +24... +26

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO