Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

28.01.2021
ՀԱՍԱՐԱԿՈՒԹՅՈՒՆ


Հայաստանի ազգային հերոս

«Եթե կորցնենք Արցախը, կշրջենք հայոց պատմության վերջին էջը»

Մոնթե Մելքոնյան (Ավո)–ղարաբաղյան պատերազմի հերոս։ ՀՀ ազգային հերոս։ Ուրարտագետ, Հայ դատի եւ արցախյան ազատամարտի նվիրյալ։ Ազգային հերոսի կոչումը նրան շնորհվել է հետմահու՝ 1996 թ. սեպտեմբերի 20–ին։
Մոնթեն ծնվել է 1957 թ. նոյեմբերի 25-ին ԱՄՆ-ում՝ ցեղասպանության ճիրաններից փրկված եւ Կալիֆորնիայի Վայսելիա քաղաքում հանգրվանած հայի ընտանիքում։ Հաճախել է տեղի միջնակարգ դպրոցը։
1973 թ., որպես առաջավոր աշակերտի, փոխուսուցման ծրագրով նրան ուղարկել են Ճապոնիա, որտեղ 18 ամիս սովորել է Օսակա քաղաքում։ Այդ ընթացքում իր իսկ նախաձեռնությամբ ճամփորդել է Հարավարեւելյան Ասիայի մի շարք երկրներում, այդ թվում՝ Հարավային Կորեայում, Կամբոջիայում, Թաիլանդում, Վիետնամում։
1978 թ. ավարտել է Կալիֆորնիայի Բերկլիի համալսարանի հին ասիական ժողովուրդների պատմության եւ հնագիտության բաժինը՝ բացառիկ ընդունակությունների շնորհիվ ուսման 4 տարվա ծրագիրը յուրացնելով 2,5 տարում։
Ուսանելու տարիներին մի քանի ընկերների հետ հիմնել է Բերկլիի համալսարանի «Հայ ուսանողների միությունը»՝ նպատակ ունենալով համախմբել այնտեղ սովորող սփյուռքահայ երիտասարդությանը կազմակերպության միջոցով համապատասխան աշխատանք կատարելու ազգային նշանակության խնդիրների լուծման համար։ Տիրապետել է 7 լեզվի։ Գրել է ուսումնասիրություններ ազգային—ազատագրական պայքարի մասին։
1980 թ. անդամագրվել է Հայաստանի ազատագրության հայ գաղտնի բանակին (ԱՍԱԼԱ)։ Այդ եւ հաջորդ տարիներին իր ռազմական գիտելիքները կատարելագործել է ՀԱՀԳԲ—ի ռազմական կայանում։ Ձեռք բերելով լրացուցիչ գիտելիքներ ու փորձ՝ հետագայում դարձել է ՀԱՀԳԲ—ի գլխավոր մարզողներից մեկը։
Կեղծ անձնագիր կրելու մեղադրանքով եւ Հռոմում թուրք դիվանագետի դեմ մահափորձ կատարելու կասկածով 1981 թ. նոյեմբերի 11—ին ձերբակալվել է Օրլիի օդանավակայանում եւ մեկ ամիս հետո ազատ արձակվել։ Սակայն 1981 թ. վերջից ապրել է ընդհատակում։
1983 թ. օգոստոսին համախոհների հետ ստեղծել է «ՀԱՀԳԲ—հեղափոխական շարժում» կազմակերպությունը։
Փաստաթղթեր չունենալու պատճառով 1989 թ. փետրվարից մինչեւ 1990 թ. սեպտեմբերն ապրել է թափառական ու հալածական, նախ՝ կարճ ժամանակով Եմենում, ուր նրան է միացել կինը, ապա՝ Կենտրոնական Եվրոպայում ու Հարավսլավիայում։
1990 թ. հոկտեմբերին Մոնթեին վերջապես հաջողվել է գալ Հայաստան։ Մինչեւ 1991 թ. սեպտեմբերը զուգընթաց կատարել է գիտական ու զինվորական աշխատանքներ։ Հայաստանի գիտությունների ակադեմիայի արեւելագետ մասնագետների հետ գրեթե 8 ամիս զբաղվել է «Հայաստանը եւ իր հարեւանները» ծավալուն գրքի ստեղծմամբ, սակայն աշխատանքները մնացել են անավարտ՝ Շահումյանում եւ Արցախում լարված իրավիճակի եւ զինված ընդհարումների պատճառով։ 1991 թ. սեպտեմբերի 12—ին ֆրանսաբնակ հայուհու հետ իբրեւ թարգմանիչ՝ Ավո կեղծանվամբ, մեկնել է Արցախի հյուսիսային դարպաս՝ Շահումյանի շրջան։
Մ. Մելքոնյանը մասնակցել է ՀՀ Իջեւանի, Ճամբարակի, ԼՂՀ Շահումյանի (Էրքեջ, Բուզլուխ, Մանաշիդ, Կարաչինար), Մարտակերտի, Մարտունիի շրջանների ինքնապաշտպանական եւ ազատագրական մարտերին։
Ղեկավարել է Մարտունու (գրաված գյուղեր), Քելբաջարի (Քարվաճառ), Աղդամի (Ակնա) ազատագրական ռազմական գործողությունները։ Զոհվել է 12. 06. 1993 թ. Աղդամի շրջանի Մարզիլի գյուղում։
Իր ողջ գիտակից կյանքում նա պայքարել է հայերի իրավունքների, հայոց ցեղասպանության ճանաչման եւ մեր հայրենիքի վերատիրման համար։ Մոնթեն բացառիկ հայի կերպար է մեր պատմության համար։ Նրա մասին մեզ հասած հայրենասիրական պատմություններն ուղղակի թվում են անհավանական։ Մոնթեի մեջ կարող ենք ամփոփել հայ ընտանիքի ու իսկական հայի կերպարը։
Արգամ ՀԱՐՈՒԹՅՈՒՆՅԱՆ

08-02-2020





28-01-2021
Ազգային նկարագիրն ու հոգեկերտվածքը մեր բանակի ամենահզոր զենքերն են
Արժանի լինենք հայ զինվորին՝ կառուցելով մեր բաժին պետականությունը



28-01-2021
«...Մենք դեռ կռվելու եւ հաղթելու ենք...»
Թշնամին միշտ թշնամի է. երբեք չպետք է փոխել վերաբերմունքը ...


28-01-2021
Հաղթական ճակատամարտով է սկսվում հայերիս պատմությունը
Ազգային գաղափարախոսություն՝ ռազմական բաղադրիչի մեծացմամբ

Հայ զինվորականը մշտապես ...


28-01-2021
ՀՀ ԶՈՒ ստեղծումը վերջին հազարամյակում մեր ժողովրդի մեծագույն նվաճումն ու հաղթանակն է
Հարցազրույց ՀՀ ԶՈՒ պահեստի գնդապետ, «Արծիվ մահապարտներ» գումարտակի մարտիկ, ...


28-01-2021
Հայկական հաղթանակների խորհրդանիշ Շուշին կվերածվի պանթուրքիզմի որջի՞
Այստեղ «Գորշ գայլերի» դպրոցի հիմնումն ուղղված է արցախյան հիմնահարցի ...


28-01-2021
Երկիր Նաիրիի բանաստեղծը
Նա ազնիվ մետաղի պես փայլ տվեց մեր արքայական լեզվին


28-01-2021
Առակաց խորհուրդը. Քրիստոսի առակները
«Դարձեալ նման է երկնքի արքայութիւնը ծովը գցուած ուռկանի, որ ...



28-01-2021
Նիկոլ Փաշինյանն ընդունել է Ջավադ Զարիֆին
ՀՀ վարչապետ Նիկոլ Փաշինյանն ընդունել է Իրանի ...

28-01-2021
Քննարկվել է Տնտեսական արձագանքման ծրագրի նախագիծը
ՀՀ վարչապետ Նիկոլ Փաշինյանի գլխավորությամբ ...

28-01-2021
Տեւական խաղաղության համար հիմքեր չկան
Հայաստանը չի համարում, որ Արցախի դեմ Ադրբեջանի ...

28-01-2021
«Վահագնի Սիթիի» հաղթանակով
Հայաստանի բասկետբոլի տղամարդկանց «Ա» լիգայի ...
USD
EURO
RUR
GEL
Եղանակը Երևանում
գիշերը -1... +1
ցերեկը +1... +4

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO