Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

22.02.2020
ԱՇԽԱՐՀ


Թուրքիան հարկադրված զորքերը դուրս է բերելու Սիրիայից

Քանի որ, փորձագետների գնահատմամբ, ռազմական գործողությունների փուլն ավարտվել է ի վնաս Անկարայի

Էմմա ԲԵԳԻՋԱՆՅԱՆ
e.begijanyan@hhpress.am


Փետրվարի 10-ին Սիրիան Հալեպի հարավային հատվածի եւ Իդլիբի նահանգի նկատմամբ վերահսկողություն հաստատելու համար իրականացնող ռազմական գործողություններում լուրջ հաջողություններ է արձանագրել։ Ընդ որում, արդեն վերահսկում է Հալեպ-Դամասկոս մայրուղին, շրջափակել է Հալեպի հարավային արվարձանում գտնվող Թուրքայի 6-րդ պարեկային դիտակետը։ Բացի այդ, նույն օրը Դամասկոսն արդեն վերահսկողություն էր սահմանել Իդլիբի ավելի քան 2 տասնյակ բնակավայրերի, ինչպեսեւ վերջնականապես Սարակիբ ռազմավարական նշանակության քաղաքի վրա, որը համանուն նահանգի կենտրոն Իդլիբ քաղաքից 15 կմ հեռավորության վրա է։
Միաժամանակ Թուրքիան, Սիրիայում իր դիրքերը ամրապնդելու նպատակով, զինտեխնիկա եւ զորք է տեղափոխում այդ երկիր։ Ըստ Լոնդոնում գտնվող Սիրիայի իրավապաշտպան կազմակերպության, որը հակված է ընդդիմության կողմը, հայտնի է, որ միայն փետրվարի 9—ին ռազմատեխնիկական նշանակության 430 ավտոմեքնա է սահմանը հատել։ Միաժամանակ Անկարան սպառնացել է, որ ցանկացած հարձակում իր պարեկային բազաների վրա կարժանանա համարժեք հակահարվածի։ Այսուհանդերձ, ըստ ամենայնի, Թուրքիան հարկադրված է զորքերը դուրս բերել Սիրիայից։ Ինչպես նշում են փորձագետները, ռազմական գործողությունների փուլն ավարտվել է ի վնաս Թուրքիայի։ Այսուհանդերձ, ջանքեր են գործադրվում իրավիճակն էլ ավելի չսրելու, ավելի արյունալի բախումները կանխարգելելու ուղղությամբ։ Փետրվարի 8—ին Սիրիայի հիմնահարցով ՄԱԿ—ի հատուկ բանագնաց Գիր Պեդերսոնը Թեհրանում հանդիպել է Իրանի ԱԳ նախարար Մոհամեդ Ջավադ Զարիֆի հետ, քննարկվել են թուրք—սիրիական հակամարտության, Սիրիայի հիմնախնդրի կարգավորման, այդ թվում՝ Սահմանադրության կոմիտեի ձեւավորման գործընթացի, երկրի վերականգնման եւ այլ հարցեր։
Իրանական կողմը պատրաստակմություն է հայտնել միջնորդական դեր ստանձնելու թուրք—սիրիական հարցի առնչությամբ՝ Սիրիայի ինքնիշխանության, տարածքային ամբողջականության շրջանակներում։ Մյուս կողմից, փետրվարի 9—ին, ինչպես հայտնել է համաարաբական «Ռայ ալյում» լրատվականը, Անկարայում տեղի են ունեցել ռուս—թուրքական բանակցություններ։ Ռուսական կողմի պատվիրակությունը գլխավորել են ԱԳ փոխնախարար Սերգեյ Վերշինինը եւ Պուտինի Սիրիայի հարցով հատուկ բանագնաց Ալեքսանդր Լարվենտեւը, իսկ թուրքականը՝ ԱԳ փոխնախարար Սադաթ Ունալը։ Ըստ նշյալ աղբյուրի՝ բանակցություններում քննարկվել է Իդլիբի եւ Սիրիայի հյուսիսի ճակատագրի հարցը, սակայն ոչ թե 2018 թ. Սոչիի համաձայնությունն է եղել բանակցությունների առանցքը, այլ թուրք—սիրիական 1998 թ. ստորագրված Ադանայի համաձայնագիրը՝ ավելի համապարփակ, Ադանա—2 ձեւաչափով։ «Ռայ ալ յումը» նշել է, որ պայմանավորվածություն է ձեռք բերվել վերջնական համաձայնության գալու նպատակով շարունակել բանակցությունները, իսկ արդյունքների մասին կհայտարարվի երկու երկրների նախագահների հանդիպմանը, որը տեղի կունենա մինչեւ փետրվարի վերջը։
Ըստ ամենայնի, մինչ այդ Դամասկոսին կհաջողվի էլ ավելի մեծացնել իր վերահսկողությունը Իդլիբի վրա նորանոր ձեռքբերումներով, թեեւ, հաշվի առնելով, որ Թուրքիան ակտիվորեն ընդլայնում է իր ռազմական ներկայությունն այդ երկրում, բացառված չեն նաեւ նոր բախումները։
Սիրիայում շուրջ 9—ամյա բախումների ընթացքում այդ երկրի 70 տոկոսը ավերակի է վերածվել, ներքին ու հարեւան երկրներում փախստականների թիվը գերազանցում է 11 միլիոնը՝ երկրի բնակչության շուրջ 50 տոկոսը, ավելի քան 500 հազար մարդ զոհվել է, երկրի վերակառուցման համար անհրաժեշտ է 400 միլիարդ դոլար։ Սակայն տարածաշրջանային ու միջազգային գերտերությունների շահերի հակասության պատճառով իրավիճակը կրկին բարդացել է, երբ թվում էր, թե զարգացումները հիմնահարցի հանգուցալուծման ուղիով են ընթանում։ Հանգամանք, ինչը պետք է բացատրել Թուրքիայի որդեգրած քաղաքականությամբ։ Ինչպես նշում են փորձագետները՝ 1974—ից ի վեր որ երկիրը որտեղ զորք է մտցրել, այլեւս չի հեռացել այդտեղից, այդօրինակ նպատակ է հետապնդում նաեւ Սիրիայում (www.fri.fr/fa/, 7 փետրվարի, 2020 թ.)։

11-02-2020





21-02-2020
Հարկային խստացումներով կիրականացվի կանխարգելման գործառույթ
Կենսառեսուրսների ողջամիտ օգտագործում՝ հանուն գալիք սերունդների

Երկիր մոլորակի ...


21-02-2020
Անկախ Արցախի ուղին
Իրադարձություններ, փաստեր, դեպքեր

Հարցազրույց մարդու իրավունքների նախկին պաշտպան ...


21-02-2020
Հայաստանի ազգային հերոս
Շառլ Ազնավուր

«Աշխատասիրությունը հայի գենի իմ ամենակարեւոր գծերից ...


21-02-2020
Նիկոլ Փաշինյանը նոր մոտեցումների, հայացքների մասին էր բարձրաձայնում
Իսկ Իլհամ Ալիեւն իր սերտած «հին երգն էր ...


21-02-2020
Մաթեւոսյանական դպրոցը
Հերոսները քաղաքում չեն կարոտում գյուղին, ոչ էլ գյուղում ...


21-02-2020
Ավելի արագ, ավելի մատչելի
Հյուպատոսական որոշ ծառայություններ կմատուցվեն նաեւ տեսակապի միջոցով

Լուսինե ՄԽԻԹԱՐՅԱՆ
l.mkhitaryan@hhpress.am ...


21-02-2020
Արցախ պուրակը… վերադարձվում է Վանաձորին
Վանաձորի Արցախ պուրակը, որի մի զգալի մասը դեռ ...



21-02-2020
Առանձնակի կարեւոր է զինվորների հետ ճիշտ աշխատանքը
Ինչպես նաեւ նրանց գիտելիքների ...

21-02-2020
Արդյունավետ քաղաքականություն վարելու համար պետք են օբյեկտիվ տվյալներ
Ինչպես բժշկին է անհրաժեշտ ճիշտ ...

21-02-2020
Գրքի հետ, գրքից անբաժան
«Սուտ է, աշխարհում ոչ մեկից ու ոչ մի ...

21-02-2020
Հավաքականն սկսում է նույն դիրքից
Հայաստանի ֆուտբոլի ազգային հավաքականը ...
USD
EURO
RUR
GEL
Եղանակը Երևանում
գիշերը -1... -3
ցերեկը 0... +2

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO