Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

17.02.2020
ԶԱՆԱԶԱՆ


Երկու ոսկի, մեկ բրոնզ

Իտալիայի մայրաքաղաք Հռոմում օլիմպիական չեմպիոն, աշխարհի եռակի, Եվրոպայի քառակի չեմպիոն, եվրոպական խաղերի չեմպիոն Արթուր Ալեքսանյանը երեկ մրցագորգ դուրս եկավ մայրցամաքային առաջնության 5—րդ ոսկե մեդալի համար։ Հայ մարզիկը, ով արդեն Եվրոպայի չեմպիոնի կոչումը նվաճել է 2012, 2013, 2014 եւ 2018 թվականներին, այս անգամ նույնպես հաստատեց իր բարձր կարգը եւ հռչակվեց Հին աշխարհամասի հնգակի չեմպիոն։
Արթուր Ալեքսանյանը եզրափակչում 7։1 հաշվով առավելության հասավ Իտալիայի ներկայացուցիչ Նիկոլոս Կախելաշվիլու նկատմամբ։ Ուշագրավ է, որ մեկնարկում նա իր մրցակցին զիջում էր 0։1 հաշվով։ Երեւի ինքն էլ զարմացավ իրադարձությունների նման ընթացքից ու արագորեն միավորներ վաստակեց՝ դրսեւորելով «Սպիտակ արջին» բնորոշ իր կամքը։
Գյումրեցի ըմբիշը պայքարն սկսել էր 1/8 եզրափակչից։ Նա նախ 7։1 հաշվով հաղթեց թուրք Ջենք Իլդեմին, քառորդ եզրափակչում 9։0 հաշվով պարտության մատնեց բուլղարացի Կիրիլ Միլովին, իսկ կիսաեզրափակչում ոչ մի շանս չտվեց Ֆինլանդիայի ներկայացուցիչ Մաթի Էլիաս Կուոսմանենին (8։1)։
60 կգ քաշայինների եզրափակչում մայրցամաքի երիտասարդների չեմպիոն Գեւորգ Ղարիբյանը գոտեմարտեց երիտասարդների աշխարհի եռակի չեմպիոն, թուրք Քերեմ Քամալի հետ եւ նվաճեց Եվրոպայի չեմպիոնի տիտղոսը։
Սկզբում Ղարիբյանը բավական ակտիվ էր, սակայն հայ ըմբիշն ընդմիջման գնալիս պարտվում էր 0։1 հաշվով։ Բայց արդեն երկրորդ մրցափուլում նա 4 միավորանոց գցում կատարեց եւ հաստատեց իր առավելությունը։
Ղարիբյանը պայքարն սկսել էր որակավորման փուլից, որտեղ 9։1 հաշվով հաղթել էր բուլղարացի Ավգուստին Բոյանով Սպանովին, ապա փառահեղ հաղթանակ տարել ադրբեջանցի Մուրադ Բազարովի նկատմամբ (8։0)։ Կիսաեզրափակչում Գեւորգ Ղարիբյանը ոչ մի շանս չտվեց էստոնացի Հիլարի Մայգիսալուին՝ 8։0։
Ավելացնենք, որ սա 26—ամյա ըմբիշի առաջին լուրջ հաղթանակն էր մեծահասակների հավաքականի կազմում։
Մինչեւ 67 կգ քաշային կարգում Հայաստանի ներկայացուցիչ Կարեն Ասլանյանը բավարարվեց բրոնզե մեդալով։ Երրորդ տեղի համար պայքարում հայ ըմբիշը մրցեց Հունգարիայի ներկայացուցիչ Քրիստիան Իշտվան Վանզայի հետ եւ հաղթեց 7։5 հաշվով։
Կարեն Ասլանյանի հաղթանակը կամային էր։ Առաջին մրցափուլից հետո նա զիջում էր 0։3 հաշվով, սակայն երկրորդ մրցափուլում 4 միավորանոց գլորում կատարեց եւ առաջ անցավ հաշվի մեջ, իսկ վերջին պահին երկու միավորանոց գցումով հաստատեց վերջնահաշիվը՝ 7։5։
Սա Ասլանյանի երրորդ բրոնզե մեդալն է Եվրոպայի առաջնությունում։ Նա նույնպիսի հաջողության է հասել նաեւ 2018 եւ 2019 թվականներին։
Անդրադառնալով հռոմեական մրցաշարում նրա անցած ուղուն՝ նշենք, որ Կարենը որակավորման փուլում 3։1 հաշվով հաղթել է շվեդ Օսկար Էրլանդսոնին, 1/8 եզրափակչում 9։0 հաշվով վստահ հաղթանակ տոնել վրացի Գեորգի Շոթաձեի նկատմամբ, քառորդ եզրափակչում 10։1 հաշվով առավելության հասել սերբ Մաթե Նեմեշի նկատմամբ։ Կիսաեզրափակչում Կարեն Ասլանյանը գերլարված պայքարում 3։4 հաշվով զիջել է Ռուսաստանի ներկայացուցիչ Նազիր Աբդուլաեւին եւ երրորդ տեղի համար պայքարելու իրավունք ստացել։

12-02-2020





15-02-2020
Շուկան բաց կլինի նաեւ միջազգային խոշոր ներդրողների համար
Պարտատոմսերի աճուրդային համակարգը թարմացվում է

Լուսինե ՆԱԶԱՐՅԱՆ
l.nazaryan@hhpress.am


Որպեսզի պարտատոմսերի ...


15-02-2020
Հազարների փոխարեն՝ միլիոններ ու քրեական պատասխանատվություն
Շարունակական խստացումնե՛րը կզսպեն տնտեսավարողի ախորժակը

Արմենուհի ՄԵԼՔՈՆՅԱՆ
a.melqonyan@hhpress.am

Մենք մեր ...


15-02-2020
Հայաստանի ազգային հերոս
Յուրի Պողոսյան

«Մի անգամ, երբ ջոկատի տղաներով Մեծ ...


15-02-2020
Ի՞նչ կփոխվի ադրբեջանական քաղաքականության մեջ
Ընտրություններից առաջ եւ հետո

«ՀՀ»-ի հյուրն է ԱԺ ...


15-02-2020
Հայաստանն ու Գերմանիան շահագրգիռ են խորացնելու տնտեսական համագործակցությունը
Նիկոլ Փաշինյանն այցելել է «Ֆրիդրիխ Էբերտ» հիմնադրամ

Աշխատանքային ...


15-02-2020
Խոշոր վթար Նովոսելցովո-Վանաձոր ջրատարում
Փետրվարի 13-ի ցերեկը խոշոր վթար տեղի ունեցավ Նովոսելցովո—Վանաձոր ...


15-02-2020
Տուրիզմը կմտնի Խաչփար
Այստեղ բացվեց ԱՐՏ-թակարդ տուն-արվեստանոցը

ՄԱԿ-ի Զարգացման ծրագրի (ՄԱԶԾ) ...



15-02-2020
Ինչո՞ւ Չոպանյանը Կոմիտասին խորհուրդ տվեց Կ. Պոլիս հեռանալ
Կամ՝ ինչ պատճառով «Անուշ» օպերան այդպես ...

15-02-2020
Քաղաքական որոշում տնտեսական աճի ակնկալիքներով
Որո՞նք են Հայաստանի եւ Սերբիայի ...

15-02-2020
Սիրիան փոքր մարտադաշտ է
Որտեղ բախվում են բավականաչափ լուրջ ...

15-02-2020
«Սա երկկողմանի համաձայնությամբ որոշում էր»
Փետրվարի 12-ին հայտարարվեց, որ Հայաստանի ...
USD
EURO
RUR
GEL
Եղանակը Երևանում
գիշերը -1... -3
ցերեկը 0... +2

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO