Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

26.09.2020
ԱՐՏԱՔԻՆ ՔԱՂԱՔԱԿԱՆՈՒԹՅՈՒՆ


Ծանր ու երկարատեւ պայքարը

Երբեմն մոռացության է տալիս իրական նպատակը՝ ստեղծելով նոր խնդիրներ

Նիկոլ Փաշինյանն իր ֆեյսբուքյան էջում օրեր առաջ հրապարակել էր նախորդ տարի օգոստոսին Արցախում հնչեցրած 6 կոնսենսուսային կետ, որոնք, ըստ վարչապետի, համազգային միասնականությունն ապահովելու անկյունաքարերը պետք է դառնան։
Եվ այսպես, վեցերորդ կետը վերաբերում է Արցախի խնդրի կարգավորմանը, որի գերնպատակը պետք է լինի Արցախի ժողովրդի ինքնորոշման ու անվտանգության ապահովումը։
«Կոնսենսուս 6. Ամենագլխավոր կոնսենսուսը՝ Արցախի հարցի կարգավորման բանակցային գործընթացի նպատակը պետք է լինի Արցախի ժողովրդի ինքնորոշման եւ անվտանգության համար մղված արցախյան ազատամարտի արդյունքների պաշտպանությունը։ Բանակցությունների արդյունքում Հայաստանի եւ Արցախի կառավարությունների համար ընդունելի համարված որեւէ լուծում կարող է ընդունելի դիտվել միայն Հայաստանում եւ Արցախում ժողովրդական հավանության դեպքում»,–ասված է վարչապետի ֆեյսբուքյան գրառման մեջ։
Այս կետով վարչապետն անդրադառնում է տարիներ շարունակ չարչրկված ու այժմ էլ հաճախակի շահարկումների առիթ դարձող այն մեղադրանքներին, թե իշխանությունները գործարքի են գնում ԼՂ հարցում հակառակ կողմի հետ, ենթարկվում են ճնշումների, հանձնում են հողերը եւ այլն։ Ըստ որում, դա խնդիր է եղել նաեւ նախորդ իշխանությունների համար։ Այժմ վարչապետը հստակ նշում է, որ Արցախի խնդրի ընդունելի լուծում կարող է դառնալ միայն այն տարբերակը, որը կարժանանա Արցախի ու Հայաստանի ժողովուրդների հավանությանը։ Իսկ թե դա ինչպես կարվի՝ հանրաքվեի միջոցով, թե այլ, դա արդեն, ինչպես ասում են, տեխնիկայի հարց է։
Այս մոտեցման մեջ, անշուշտ, արդարության մեծ տարր կա, քանի որ այնպիսի գլոբալ ու համազգային խնդիր, ինչպիսին է Արցախի հարցի կարգավորումը, չի կարող իրականացվել միանձնյա կամ որեւէ քաղաքական վերնախավի որոշմամբ։ Արցախի հարցում տարվող պայքարն ամբողջ հայ ժողովրդի եւ ՀՀ ու Արցախի յուրաքանչյուր քաղաքացու՝ անհատապես վերցրած, խնդիրն ու անելիքն է։ Յուրաքանչյուր քաղաքացի իր բաժին ծանրությունն է կրել պայքարի ավելի քան 30 տարվա ընթացքում, եւ որեւէ մեկը չպետք է իրեն խաբված ու արժանապատվությունը նսեմացված զգա Արցախի խնդրի որեւէ լուծման դեպքում։ Եվ այդ պատճառով շատ կարեւոր է, որ լուծումը, որպես այդպիսին, ընկալելի լինի յուրաքանչյուրին։
Վարչապետն իր խոսքում հենց այս մասին է խոսում՝ միեւնույն ժամանակ ակնարկելով, որ այդ պայքարը ինքնանպատակ չպետք է լինի, այլ պետք է հետապնդի հստակ լուծումներ, այն է՝ արցախյան ազատամարտի արդյունքների պաշտպանությունը։ Այս դրվագին եւս հարկ է հատուկ ուշադրություն դարձնել, քանի որ ծանր ու երկարատեւ պայքարը երբեմն մոռացության է տալիս իրական նպատակը՝ շեղելով կողմերի ու մարդկանց ուշադրությունը իրական խնդրից՝ այդպիսով ստեղծելով նորերը։
Դավիթ ՊԵՏՐՈՍՅԱՆ

13-02-2020





25-09-2020
Ասֆալտապատման փոխարեն՝ սալարկում
Գյուղական ճանապարհների բարեկարգման համար շինթույլտվություն չի պահանջվի

Գործադիրը ...


25-09-2020
Հանրության դատին է ներկայացվել ինտեգրված կադաստրի ստեղծման ռազմավարական ծրագիրը
Կգործարկվի կադաստրային գործարքները եւ գործողությունները ապահովող միասնական էլեկտրոնային հարթակ


25-09-2020
«Հարություն վարդապետ, եթե դու ողջ լինեիր…»
«Գիտնական, ուսուցիչ, զինվոր եւ բանաստեղծ». գրված է նրա շիրմաքարին


25-09-2020
Նա ընկավ հսկա կաղնու նման
Եվ ծանր լռություն տիրեց անտառում

Այդ տխուր օրը ...


25-09-2020
Աստված կյանքի Հոգին է
Սկզբից Նա ծնվեց մարմնով, որպես մարդ՝ Հիսուս անունով: ...


25-09-2020
Համավարակի կորի իջնելը պետք է զորացնի մեր կամքը
Պայքարը դեռ չի ավարտվել

Վերացվել է հատուկ դրության ...


25-09-2020
Իրականացնում է «Քաշաթաղի ջրամատակարարում» ընկերությունը
Քաշաթաղի շրջանում մի շարք աշխատանքներ՝ շինարարություն, ճանապարհաշինություն, ջրամատակարարում եւ ...



25-09-2020
Արարատ Միրզոյանն առանձնազրույց է ունեցել Արցախի ԱԺ նախագահի հետ
Պաշտոնական այցով Հայաստանի Հանրապետություն ...

25-09-2020
Հայկական եւ ռուսական ուժերը համահունչ են գործել
«Կովկաս-2020» զորավարժություն
«Ալագյազ» ...

25-09-2020
Իտալացի մեծանուն նկարիչների գլուխգործոցները
Ժամանակավոր կզարդարեն ՀՀ նախագահի նստավայրը

25-09-2020
ՌԴ-ի դաշնակիցների շարքում ՀՀ-ն արժանացել է շատ բարձր գնահատականի
Ռուսական վերլուծական կենտրոններից մեկը հրապարակել ...
USD
EURO
RUR
GEL
Եղանակը Երևանում
գիշերը +16... +19
ցերեկը +24... +26

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO