Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

07.06.2020
ՊՆ


Առանձնակի կարեւոր է զինվորների հետ ճիշտ աշխատանքը

Ինչպես նաեւ նրանց գիտելիքների օգտագործումը

Բանակում հունվար-փետրվար ամիսներին գրանցված զոհերի թվի աճի, ինչպես նաեւ զինվորների ու սպաների շրջանում տիրող բարոյահոգեբանական վիճակի մասին «Հայաստանի Հանրապետություն» օրաթերթը զրուցել է ԱՀ նախագահի խորհրդական Տիգրան Աբրահամյանի հետ։
—Պարոն Աբրահամյան, վերջին շրջանում զինված ուժերում զոհերը զգալիորեն նվազել էին, ի՞նչն էր պատճառը, որ 2020-ի սկզբում ոչ մարտական պայմաններում զոհերի այդպիսի աճ ունեցանք։
—Զինված ուժերում տեղի ունեցող զարգացումների վրա մեծաթիվ գործոններ են ազդում՝ օրենսդրականից մինչեւ արտաքին գործընթացներ։ Ընդ որում՝ արտաքինի տակ առաջին հերթին պետք է հասկանալ երկրի քաղաքական—հասարակական տրամադրությունների ներթափանցումը զինված ուժեր։ Գրանցվող միջադեպերի թիվը կտրուկ նվազեցնելու համար համալիր միջոցառումներ են անհրաժեշտ, իսկ մինչ այդ պետք է ամբողջական վերլուծության ենթարկել ինչպես տեղի ունեցող միջադեպերի պատճառահետեւանքային կապը, այնպես էլ բանակի վրա ազդող գործոնները։
—Դուք հարցազրույցներից մեկում նշել էիք, որ այժմ տարբեր աշխատանքներ են տարվում նմանատիպ երեւույթների աճը կանխելու համար։ Կմանրամասնե՞ք մի փոքր, թե ինչ աշխատանքների մասին է խոսքը։
—Այս պահին մի քանի ուղղվածության խմբեր են աշխատում զորամասերում, որոնց նպատակը նշածս խնդրի առաջնային լուծումն է՝ ճիշտ ախտորոշել իրավիճակն ու անցնել «բուժումների»։ Բուժծառայություն, բարոյահոգեբանական վիճակով զբաղվող սպաներ եւ մասնագետներ, իրավապահ կառույցների ներկայացուցիչներ եւ այլն։ Յուրաքանչյուրն իր առջեւ դրված խնդիր ունի՝ մի կողմից լինել օպերատիվ, մյուս կողմից՝ առանց շտապելու ստանալ ամբողջական պատկեր։
—Շատ հաճախ եք լինում զորամասերում եւ մարտական դիրքերում։ Ինչպիսի՞ն են զինվորների հոգեբանական վիճակը եւ հարաբերությունները միմյանց հետ։ Արդյոք ոչ կանոնադրային հարաբերություններն այդքան տարածված են։ Եթե այո, ի՞նչն է պատճառը։ Եվ ունե՞ք դրա դեմ պայքարի դեղատոմս։
—Միջադեպի պատճառները, բնույթը տարբեր են, եւ եղած խնդիրները չպետք է ամբողջությամբ տարածել բանակի վրա։ Եթե մենք մի քանի ուղղություններով խնդիրներ ենք ունեցել, դա դեռ չի խոսում ամբողջ բանակում տիրող անառողջ իրավիճակի մասին։ Որեւէ մեկը թող չկասկածի, որ դիրքում կանգնած զինվորը կարող է ընկճվել, թուլացնել զգոնությունը, ծառայության որակը վնասել։ Չնայած առանձին դեպքերի, մեր զինծառայողները շարունակում են փառքով տանել իրենց առաքելությունը։
—Այս ամենում կամ այդ խնդիրները լուծելու գործում ի՞նչ դեր ունեն սպաները, եւ, արդյոք, նրանք կարողանում են կատարել այդ դերն ըստ պատշաճի։ Ունե՞նք կրթված, պատրաստի սպաներ։
—Միանգամից ասեմ՝ չպետք է եղած խնդիրներն ամբողջությամբ բարդել սպաների վրա։ Հենց միայն այն, որ այդ մարդիկ ծանր պայմաններում շարունակում են իրենց վրա կրել անվտանգության ապահովման կարեւոր դերը, բավարար է, որպեսզի մեծ հարգանքով խոսենք այս նվիրյալ մարդկանց մասին։ Իհարկե, ունենք նաեւ խնդիրներ, որոնք նաեւ սպայական շարքերում փոփոխություններ են ենթադրում, սակայն սա շատ առանձնահատուկ աշխատանք է՝ բազմաթիվ նրբություններով, պետք է որոշակի զգուշություն ցուցաբերել, միաժամանակ քայլերի մեջ վճռական լինել։ Ինչ վերաբերում է սպաների կրթվածությանը, ապա տարբեր օղակներում կրթական ցենզը տարբեր է։ Պաշտոնական դիրքի առաջխաղացմանը զուգահեռ՝ սպաները կրթական պատրաստություն են ստանում ինչպես Հայաստանում, այնպես էլ արտերկրի ռազմական ուսումնական հաստատություններում։ Սակայն որակական աճի վրա պետք է մեծ ուշադրություն դարձնենք, դա վերաբերում է նաեւ միջնակարգ եւ բարձրագույն կրթություն ստացած երիտասարդների մուտքը բանակ խրախուսելուն։
—Ձեր շփման ընթացքում ի՞նչ հարցեր եք քննարկում զինվորների հետ, հաճա՞խ եք  սեմինարատիպ բաց դասեր, պարապմունքներ անցկացնում, եթե ճիշտ ձեւակերպեցի, ի՞նչն է ձեր քննարկման հիմնական առարկան եւ ի՞նչ տպավորություն ունեք մեր զինվորներից։
—Առաջնային նպատակ կա հասկանալու ու այդ օղակից վեր հանելու խնդիրներ, որոնք մեզ օգնելու են ծառայությունն ավելի լավ կազմակերպելու, առաջնահերթություններ սահմանելու եւ փորձելու դրանց լուծումներ տալ։ Զինվորները 2 տարվա ընթացքում մեծ փորձառություն են կուտակում, գիտելիքներ, որոնք պետք է ճիշտ ձեւով օգտագործել։ Կարեւորում եմ աշխատանքները հատկապես նորակոչիկների հետ։ Տղաները մուտք են գործում «նոր աշխարհ», եւ պետք է նրանց ճիշտ կուրսի մեջ դնել։ Նրանց հետ պետք է ճիշտ աշխատանք տանել, հատկապես՝ գաղափարական դաշտում։ Որոշ դեպքերում եւ ես, եւ իրենք շփվելու կամ ուղղակի առօրյա կյանքից խոսելու կարիք ենք ունենում, ինչի ապահովումը եւս շատ կարեւոր է։ Անելիքները շատ են, իրականացվող աշխատանքներն էլ քիչ չեն, հույս ունեմ, որ այս փուլը պատվով կհաղթահարենք՝ նոր հիմքեր ստեղծելով նոր որակի ծառայության ապահովման համար։
Դավիթ ՊԵՏՐՈՍՅԱՆ

21-02-2020





06-06-2020
Երբ խոսում ենք գույքահարկի կտրուկ բարձրանալու մասին
Պետք է իրական պատկերը հասկանանք եւ զգացմունքային դաշտից ...


06-06-2020
Նա դարձել է մեր փոքր լինելու առասպելի մեծ հերքում
Դարձել է մեր փոքր ժողովրդին մեծերի հետ չափելու ...


06-06-2020
Հայաստանում հաստատվել է COVID-19-ի 547 նոր դեպք, առողջացել է 207, մահացել՝ 7 քաղաքացի
Հայաստանում հունիսի 6-ին, ժամը 11:00-ի դրությամբ հաստատվել է կորոնավիրուսային ...


06-06-2020
«Ուրախ սիրտը օգտակար է, ինչպէս դեղ...»
Առօրյա կյանքում հաճախ ենք հանդիպում անցանկալի երեւույթների, իրողությունների, որոնք ...


06-06-2020
Գլոբալացու՞մ, թե՞ ազգային ինքնության պահպանում
Արդի ժամանակաշրջանում մարդկության զարգացման հիմնական առանձնահատկությունը գլոբալիզացիայի որդեգրումն է։ ...


06-06-2020
Բնակապահովման խնդիրն ամբողջությամբ կլուծվի
Երկրաշարժի հետեւանքով անօթեւան մնացած ընտանիքներին բնակարանով ապահովելու նպատակով Լոռու ...


06-06-2020
Լիբիան Էրդողանի համար կդառնա՞ փրկօղակ
Թուրքիայում իշխող «Արդարություն եւ զարգացում» կուսակցության (AKP) եւ նախագահ ...



06-06-2020
Փաստահավաք հանձնաժողովը լինելու է անկախ, ինքնավար մարմին
Անցումային արդարադատության հիմքում՝ ...

06-06-2020
Համայնքը կզբաղվի իր բնակիչների էկոլոգիական կրթության հարցերով
Նոր լիազորություններ են տրվում տեղական ...

06-06-2020
Թուրքիան Ռուսաստանից մոտ 1 մլրդ դոլարի տեխնիկա է պատվիրել
Եթե նախկինում իրավիճակը բարդ էր, ապա այժմ ...

06-06-2020
Առաջին միլիարդատերը Ռոնալդուն է
Թուրինի «Յուվենթուսի» պորտուգալացի հարձակվող ...
USD
EURO
RUR
GEL
Եղանակը Երևանում
գիշերը +13... +15
ցերեկը +28... +30

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO