Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

06.08.2020
ԳԻՏՈՒԹՅՈՒՆ


Մատենադարանի կեսդարյա «բնակչուհին»

78-ամյա Աիդա Չարխչյանը Մեսրոպ Մաշտոցի անվան Մատենադարանի ամենաերկարակյաց աշխատակցուհիներից է։ Մատենադարանի կեսդարյա «բնակչուհին» ընդամենը 23 տարեկան դեռատի աղջիկ էր, երբ 1966 թ. ընդունվեց աշխատանքի՝ իբրեւ զբոսավար։
Այժմ տիկին Աիդային հաճախ կարելի է տեսնել մատենադարանի թանգարանում՝ հայկական մշակույթի եւ քաղաքակրթության «դռները» զբոսաշրջիկների առջեւ բացելիս։ «Հայրենադարձների ընտանիքից եմ։ Պարսկաստանից Հայաստան եկանք, երբ 21 տարեկան էի։ Երկու տարի անց ընդունվեցի Մատենադարանում աշխատելու եւ մինչ օրս այստեղ եմ։ Մատենադարանը շատ ուժեղ էներգետիկա ունի՝ մտնում ես ու «կպնում», չես կարողանում այլեւս պոկվել։ Տարիների ընթացքում եղել են առաջարկներ, առիթներ՝ այլ վայրերում աշխատելու, մի անգամ փորձել եմ»,–պատմում է մատենադարանցին։ Փորձը փորձանք, իհարկե, չբերեց, փոխարենը տիկին Աիդային ընդմիշտ հետ բերեց. «Այդ ժամանակ Մատենադարանի տնօրենը Սեն Արեւշատյանն էր՝ շատ իմաստուն մարդ։ Ասացի, որ հրավիրում են կանանց կոմիտե աշխատելու։ Մեկ շաբաթով ազատեց՝ ասելով. «Թույլ եմ տալիս, եթե կարողանաս՝ խնդրեմ գնա, եթե չէ՝ հետ արի»։
Հաջորդ օրն իսկ, կանանց կոմիտե գնալու ճամփին, արդեն «սրտիցս արյուն էր կաթում»։ Պատահաբար այդ օրը ստացվել էր այնպես, որ կոմիտե էին հրավիրվել Հայաստանի բոլոր կանայք։ Մոտ 3000 կին կար. «Այս կանայք բոլորը միասին խոսում էին՝ իրար հերթ չտալով, վերջը՝ մի գժանոց։ Հաջորդ օրը անմիջապես հետ վերադարձա ու մնացի Մատենադարանում։ Այդ մեկ անգամն էր, որ փորձ արեցի՝ այլ վայրում աշխատելու։ Հետո կրկին առիթներ եղան, բայց Մատենադարանից դուրս գալ այլեւս չցանկացա, չկարողացա»։ Հարցազրույցի ամբողջ ընթացքում, հարազատ տան նման, «աչքի պոչով» հետեւում էր ներս ու դուրս անող բոլոր այցելուներին՝ մերթ ընդ մերթ հիշելով նրանց հետ կապված բազմաթիվ զավեշտալի դեպքեր։
Պատմում է՝ Մատենադարանում են Բելոռուսիայից ժամանած պատվիրակության ներկայացուցիչներ, երկու կին, մեկը՝ երիտասարդ աղջիկ, մյուսը՝ համեմատաբար տարեց։ Աղջիկը, ասում է, ըստ երեւույթին, նրա քարտուղարուհին կլիներ։ Ասել էին, որ կառավարական պատվիրակություն է, ինքն էլ գնաց թանգարանի ցուցանմուշները ներկայացնելու։ «Մեր պատմությունն եմ պատմում, ասում եմ, որ հայերը ընդունել են քրիստոնեությունը շատ վաղ, եւ դեռ չեմ հասցրել ասել՝ 301 թվականին, այս երիտասարդ աղջիկը խոսքը «վրա բերեց». «Մեզ մոտ՝ Բելոռուսիայում քրիստոնեությունն ընդունել են մեր թվարկությունից առաջ 2—րդ դարում»։ Քրիստոսը դեռ չծնված իրենք ընդունել էին։ Սովորաբար, այդպիսի անլուրջ բաներ շատ են խոսում։ Ախր լռելն էլ է արվեստ, մտածում ես՝ թե չգիտեք, ինչու եք խոսում։ Մեծահասակ կինը շրջվեց, ասաց՝ «Մալչի, դուռա»։ Շատ են այսպիսի դեպքերը, մեկ—մեկ ասում են՝ ինչո՞ւ գրի չես առնում։ Մատենադարանում աշխատելը մեծ երջանկություն է, նաեւ պատիվ է»,–հպարտությամբ նշում է Մատենադարանի աշխատակցուհին։
Հպատանալու առիթներ շատ է ունեցել, հատկապես տպավորված է 1969 թ. Փարիզում տեղի ունեցած ցուցահանդեսով, երբ առաջին անգամ Մատենադարանից դուրս էին բերվել հայկական ձեռագրերը, իրեն էլ ուղարկել էին որպես ֆրանսերեն լավագույն իմացող եւ բացատրող. «Այն ժամանակ ես ջահել աղջիկ էի։ Ֆրանսիայի հայերը գալիս էին, խոսում, ծանոթանում։ Այնպիսի զգացողություն էր, ասես Մատենադարանը գլխիս լուսապսակ լիներ»։ Աշխատանքից դժգոհելու առիթներ, ասում է, երբեք չի ունեցել, իր խոսքով՝ եղել են վատ աշխատակիցներ. «Օրինակ՝ մի վարիչ ունեինք, շատ անհաջող մարդ էր։ Մանր—մունր բաները մարդ լուրջ չի ընդունի։ Ցանկացած աշխատավայրում էլ լինում են անախորժություններ, տհաճ պահեր, բայց դրանք անցողիկ են»։ Անդրադառնալով Մատենադարանի այցելությունների թվին, ասաց, որ միայն 2018 թ. ունեցել են 113000, իսկ 2019—ին՝ 132500 այցելու։ «Այցելությունների նման աճ դեռ երբեք չէր ունեցել Մատենադարանը, ասում են, որ այս տարի թիվն ավելի է մեծանալու։ Հայաստանում շատ քիչ թանգարաններ կան, որ այսքան այցելուներ են ունենում»,—ընդգծեց Աիդա Չարխչյանը։
Լիանա ՍԱՐԳՍՅԱՆ
l.sargsyan@hhpress.am

06-03-2020





01-08-2020
682 դեպքով հրդեհների թիվը նվազել է
Սակայն հրդեհավտանգ իրավիճակը կպահպանվի նաեւ օգոստոսին եւ սեպտեմբերին



01-08-2020
Ադրբեջանի էթնիկ քարտեզը
Հայկական տարրը տեւապես եղել է Կովկասի մշակութային շարժիչ ...


01-08-2020
Հայաստանում հաստատվել է COVID-19-ի 291 նոր դեպք․ ապաքինվել է 560, մահացել 11 քաղաքացի
Հայաստանում օգոստոսի 1-ի դրությամբ` հաստատվել է կորոնավիրուսային հիվանդության ընդհանուր ...


01-08-2020
Հուշապատում
Բինգյոլը... Սեւանի ափին

Սեւանա կղզին Իսահակյանի ամենասիրելի վայրերից ...


01-08-2020
«Ամենատխուր մարդը» կամ անազատության ազատությունը
Վերարժեւորելով Պերճ Զեյթունցյանին եւ նրա ինքնատիպ գործերից մեկը՝ ...


01-08-2020
Հայաստանի «Ինտերկապը» 30 տարեկան է
ՀԽՍՀ ֆիզիկական կուլտուրայի եւ սպորտի պետական կոմիտեի նախագահ Ռուբեն ...


01-08-2020
Կալիսիրի ակումբը՝ Շվեդիայի գավաթակիր
Շվեդիայի ֆուտբոլային գավաթը 8-րդ անգամ նվաճեց «Գյոթեբորգը»։ Ակումբակիցների հետ ...



01-08-2020
Հայաստանում մեկնարկում է հիմնարար բարեփոխումների գործընթաց
68-97 տոկոսով կբարձրացվեն ոստիկանության ...

01-08-2020
ՀԱԷԿ-ում ՊՆՎ-ն ըստ ժամանակացույցի է եւ առանց խոչընդոտների
Հայաստանն ատոմակայանի շահագործման եզակի ...

01-08-2020
Պատմության հետագծով
–1921 թ. օգոստոսի 1-ին ծնվել է Լիլի Չուգասզյանը՝ ...

01-08-2020
Ինֆանտինոն արդեն մեղադրյալ է
Համաշխարհային ֆուտբոլը հերթական ապտակը ստացավ. ...
USD
EURO
RUR
GEL
Եղանակը Երևանում
գիշերը +20... +22
ցերեկը +36... +38

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO