Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

23.04.2021
ԱՐՏԱՔԻՆ ՔԱՂԱՔԱԿԱՆՈՒԹՅՈՒՆ


Փորձագիտական հանրույթին համախմբելու ժամանակն է

Կստեղծվի մասնագիտական խորհուրդ արտաքին քաղաքականության հարցերով

ԱԺ արտաքին հարաբերությունների մշտական հանձնաժողովին կից կստեղծվի «Արտաքին քաղաքականության խորհուրդ» աշխատանքային խումբ, որի կազմում կընդգրկվեն փորձագիտական հանրույթի ներկայացուցիչները։
Հանձնաժողովի անդամ եւ խորհրդի ստեղծման նախաձեռնող Սոս Ավետիսյանը «ՀՀ»—ի հետ զրույցում անդրադարձավ ստեղծվելիք աշխատանքային խմբի գործունեությանը՝ նշելով, որ արտաքին քաղաքականության ուղղությամբ առավել արդյունավետ բանաձեւեր մշակելու համար նպատակահարմար է ունենալ փորձագիտական խմբեր։ Խորհրդարանը գործում է մեկ տարուց ավելի, մարտահրավերներն էլ նոր չեն, սակայն ամենօրյա աշխատանքի ընթացքում շատ անգամ աղճատվում են ընդհանուր պատկերները, եւ խնդիր են ունենում նոր հայացք եւ միտք լսելու. «Այս խորհրդարանը, որն արտաքին քաղաքականության, հատկապես խորհրդարանական դիվանագիտության ավելի մեծ կարողություններ ունի, կկարողանա ավելի լավ իրականացնել սեփական ներուժը, եթե իրապես ճիշտ փորձագիտական միտք լինի։ Հասել ենք մի կետի, որտեղ լրացուցիչ քննարկումը կարող է ավելի լավ արդյունքներ գրանցել։ Այդ տեմպը պահելը եւ ինստիտուցիոնալ մակարդակի հասցնելը չափազանց կարեւոր է»։
Խորհուրդը դեռեւս չի ստեղծվել, սակայն օրեր առաջ տեղի է ունեցել քննարկում—հանդիպում, որի ընթացքում փորձագիտական հանրույթի հետ քննարկվել խորհրդի գաղափարը՝ հասկանալու համար ռազմավարական կարեւոր ուղղությունները, ինչպես նաեւ մշակելու այնպիսի աշխատակարգ, որի շնորհիվ խորհուրդը կլինի գործող կառույց։ Ս. Ավետիսյանը տեղեկացրեց, որ փորձագետների կողմից առաջարկներ են հնչել բովանդակության, աշխատանքի մեթոդոլոգիայի շուրջ, որը քննարկում են հանձնաժողովում։
Բացի պատգամավորներից եւ փորձագետներից, խորհրդի մեջ կոնկրետ թեմաների շուրջ քննարկումների ժամանակ կարող են լինել նաեւ հրավիրյալ մարդիկ։ «Ոլորտի փորձառու մասնագետների ներգրավումը խիստ կարեւոր է նախեւառաջ քննադատական միտք լսելու համար։ Դրա հետ մեկտեղ կան նաեւ երիտասարդներ, որոնք շատ տաղանդավոր են, եւ այս խորհրդի ձեւավորման միջոցով կկարողանանք աջակցել նրանց՝ ներգրավելով այս գործընթացներում»,–շեշտեց զրուցակիցս։ Թեեւ խորհրդարանական հանձնաժողովները նույնպես ունեն փորձագետներ, սակայն աշխատանքի ծավալը հուշում է, որ առկա ռեսուրսը բավարար չի լինելու։ «Փորձագիտական հանրության մեջ կան տարբեր սերունդներ, տարբեր գաղափարախոսությունների կրողներ, եւ մենք փորձելու ենք բոլորին հավաքել մեկտեղ եւ բանաձեւել Հայաստանի պետականության զարգացմանն ուղղված քայլերը։ Շատ կարեւոր է, որ փորձագիտական կարծիքները հավասարակշռվեն, եւ միջին ճանապարհն ավելի լավ ուրվագծվի։ Փորձագետները պետք է զբաղվեն այդ ուղղություններով աջակցություն տրամադրել պատգամավորներին»,–շարունակեց Ս. Ավետիսյանը։ Նա այս հարցում կարեւորեց նաեւ ԱԳՆ—ի դերը եւ մասնակցությունն այն առումով, որ խորհրդարանն ունի վերահսկողական գործառույթ եւ պետք է կարողանա պատշաճ ուսումնասիրել, թե ինչ է տեղի ունենում արտաքին քաղաքականության ոլորտում։
Խորհրդի ձեւավորումը դրական ազդակ կարող է հաղորդել մասնագիտական համայնքին, քանի որ, պատգամավորի խոսքով, քաղաքագիտական դպրոցներ, կենտրոններ, որոնք խնդիրներ են լուծել, այդպես էլ չեն ձեւավորվել։ Ընդհակառակը՝ մեզ մոտ քաղաքագիտական եւ միջազգայնագիտական միտքը, որպես կանոն, նախկինում կրել է քաղաքական որոշակի նպատակահարմարության դրոշմը, գործել քարոզչական տիրույթում, հետեւաբար, ժամանակն է դուրս գալ այդ կարգավիճակից։ «Հետազոտությունների եւ առհասարակ բուհական կրթության որակը մեզ մոտ փայլուն չէ։ Ճիշտ է, ունենք տարբեր մասնագետներ, որոնք առանձին ուղղություններով փայլուն են, բայց դա ի հեճուկս կրթական համակարգի է տեղի ունեցել։ Հիմա մարդկանց պետք է համախմբենք մեկ ընդհանուր պետական նպատակի շուրջ, այդտեղից բանաձեւեր դուրս բերենք եւ այդ ազդակները կարողանանք հաղորդել հասարակությանը»,–ասաց նա։
Ս. Ավետիսյանը նշեց, որ, ամենայն հավանականությամբ, մինչեւ հունիս խորհուրդը կձեւավորվի, կգործեն կայուն ենթախմբեր, քանի որ փոքր խմբերով ավելի արդյունավետ է լինում աշխատանքը։
Լուսինե ՄԽԻԹԱՐՅԱՆ
l.mkhitaryan@hhpress.am

07-03-2020





22-04-2021
Կմշակվի կրկնակի երկարացման հայեցակարգը
ՀԱԷԿ-ի շահագործման ժամկետի երկարաձգումը՝ Հայաստանի եւ Ռուսաստանի առանցքային նախագիծ


22-04-2021
Պաշտոնական Բաքուն շարունակում է ֆաշիստական քաղաքականությունը
Թշնամական նկրտումներն ավելի բացահայտ բնույթ են ստանում

Նախօրեին ...


22-04-2021
Թեհրանը որոշել է չշտապել
Իրանը ցանկանում է համոզվել, որ ԱՄՆ-ը կկատարի ստանձնած պարտավորությունները


22-04-2021
Ծապաթաղ՝ սահմանամերձ պատմական գյուղ
Սյունիքի 13-րդ դարի պատմիչ Ստեփանոս Օրբելյանը «Սյունիքի պատմություն» գրքում, ...


22-04-2021
Ուշադրության կենտրոնում է նախադպրոցական համակարգը
Նոր մեխանիզմներ՝ կրթական գործընթացը վերահսկելու համար

Կրթության ոլորտը ...


22-04-2021
Նահատակության պսակավոր հերոսը
«Գետաշենը կդատարկվի միայն իմ դիակի վրայով…»

«Երբ պոռթկաց ...


22-04-2021
Առկա է 189 թափուր տեղ
2021 թ. հունվարից ուժի մեջ մտած սահմանամերձ կամ բարձրլեռնային ...



22-04-2021
Խորհրդակցություն Սյունիքի մարզպետարանում
Ալիեւը սադրիչ հայտարարություններով ուզում է հետ ...

22-04-2021
ՀՀ փոխվարչապետը շնորհակալություն է հայտնել ԵՄ-ին
ՀՀ փոխվարչապետ Տիգրան Ավինյանը երեկ ընդունել է ...

22-04-2021
Հավաքներ Թուրքիայի դիվանագիտական ներկայացուցչությունների մոտ
Ֆրանսիայում ապրիլի 24-ին Հայոց ցեղասպանության ...

22-04-2021
Գերմանիան շարունակում է աջակցել ԵԱՀԿ ՄԽ համանախագահությանը
Գերմանիայի Դաշնային Հանրապետության ...
USD
EURO
RUR
GEL
Եղանակը Երևանում
գիշերը -1... +1
ցերեկը +1... +4

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO