Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

10.04.2020
ԿՐԹՈՒԹՅՈՒՆ


Այս իրավիճակը մեզ հնարավորություն տվեց

Ավելի արագ անցնելու հեռավար կրթության պիլոտային ծրագրերի

Արտակարգ իրավիճակում ուսումնական հաստատությունների՝ հեռավար ուսուցման ռեժիմի անցնելու եւ դրա արդյունավետության շուրջ «Հայաստանի Հանրապետություն» օրաթերթը զրուցել է ԱԺ «Իմ քայլը» խմբակցության անդամ Գայանե Աբրահամյանի հետ։
–Տիկին Աբրահամյան, ինչպե՞ս եք գնահատում հեռավար ուսուցման անցնելու գործընթացը, եւ ի՞նչ արձագանքներ կան այս պահին։
–Կարծում եմ՝ այն արդեն իսկ զանգվածային է դառնում։ Անձնական օրինակներով ասեմ, որովհետեւ այս դեպքում դրանք շատ ավելի հավաստի են։ Ամուսինս դասախոս է եւ իր ուսանողների հետ «Զում»—ով է հիմա աշխատում։ Փոքրիկս «Խան էքըդեմի» հարթակում է մաթեմատիկա պարապում։ Եվ շատ ավելի սիրով է սկսել անել։ Այսինքն՝ շատ հետաքրքիր է, որ հիմա մենք ստիպված սկսեցինք բացահայտել նոր հնարավորություններ, որոնք երեխաների համար շատ հետաքրքիր են։ Օրինակ՝ եթե յոթ տարեկան աղջկաս կես ժամ, քառասուն րոպե մաթեմատիկայի տետրի վրա կենտրոնացնելը բավական բարդ էր, այսօր երկու ժամ գամված այդ վարժություններն է անում, որովհետեւ նրան շատ ավելի հետաքրքիր է համակարգչով աշխատելը։ Այսինքն՝ ամեն իրավիճակ, ցանկացած ճգնաժամ, այնուամենայնիվ, որոշակի հնարավորություն է ստեղծում։ Տարիներ շարունակ խոսվել է հեռավար կրթության անհրաժեշտության եւ մասսայականացման մասին, տարիներ շարունակ ասվել է՝ քայլեր իրականացվում են եւ այլն, եւ այլն, հիմա մենք ստիպված դրան ենք անցնում։
–Իսկ տեխնիկական հագեցվածությունը բավարա՞ր է։
–Հիմա ամբողջ հարցն այն է, որ երբ արդեն Հանրային հեռուստաընկերությամբ ու «Յուքոմի» ալիքով արդեն դասերը տրվում են, տեխնիկական հագեցվածության խնդիր չկա, որովհետեւ ամենահեռավոր մարզում էլ, ամենաաղքատ տանն էլ գոնե մեկ հեռուստացույց կա, անհրաժեշտության դեպքում տվյալ ժամին այդ ալիքը միացնում են, եւ երեխան դասը տեսնում է։ Եթե անգամ համակարգիչ էլ չունենան տանը, հեռախոս կունենան։ Այստեղ ինտերնետի հասանելիության հարցն է, բայց քանի որ Հանրային հեռուստաընկերությամբ է արվելու, դա եւս խնդիր չէ։ Այդ առումով այս պահին տեխնիկական որեւէ հարց չի լինելու։ Հանրային հեռուստաընկերության ներգրավվածությունը մի ուրիշ գաղափար է, որն արդեն մի քանի ամիս է՝ քննարկում ենք ՀՌԱՀ—ի մեր գործընկերների հետ եւ ՀՌԱՀ—ի մասին օրենքի փոփոխության շուրջ։ Մեր հիմնական դիտարկումներից մեկն այն է, որ Հանրային հեռուստաընկերության մուլտիպլեքսի մի ամբողջ ալիք պետք է բացառապես կրթական դառնա։ Հիմա, թերեւս, այդ փորձն է արվում՝ հետագայում այն ավելի լայնամասշտաբ կիրառելու համար։
–Ե՞րբ է հնարավոր գործնականում այդպիսի ալիք ունենալ։
–Երբ արդեն կունենանք մասնավոր մուլտիպլեքսներ, որպեսզի հանրային մուլտիպլեքսն ազատենք մասնավոր հեռուստաալիքներից։ Սա լուրջ խնդիր է, բավական ներդրում է պահանջելու, բայց պետք է դրան հասնենք։ Կարծում եմ՝ պետք է ունենանք մասնավոր մուլտիպլեքսներ, որոնք կօգտագործեն մասնավոր հեռուստաընկերությունները, իսկ հանրային մուլտիպլեքսը պետք է բացառապես ծառայի հանրային շահին՝ լինի կրթական, թե մշակութային։
–Մասնավոր մուլտիպլեքս ունենալու համար որտեղի՞ց են ներդրումներ ակնկալվում։ Մասնավոր հեռուստաընկերությունների՞ց։
–Մասնավորից, այո։ Մեր օրենքը մեզ հիմա հնարավորություն տալիս է, բայց այդտեղ ներդրումների խնդիրն է, այսինքն՝ մասնավորներն իրենք էլ պիտի հետաքրքրված լինեն այդ դաշտ մտնելու։ Առայժմ չգիտեմ՝ որքանով շահավետ կլինի, բայց հեռանկարում հնարավոր է։ Ամեն դեպքում, կարծում եմ, այս իրավիճակը մեզ հնարավորություն տվեց ավելի արագ անցնելու հեռավար կրթության պիլոտային ծրագրերի։ Հիմա մեծ հաշվով իրականացնում ենք պիլոտային ծրագիր, իսկ հետո սա շատ ավելի լայնամասշտաբ կդառնա հատկապես մարզերի երեխաների համար, որտեղ որակյալ մանկավարժական ռեսուրսի պակաս կա, եւ այնտեղ հեռավար ուսուցումը շատ ավելի պահանջված է ու միշտ է պահանջված լինելու։
–Ի՞նչ կարծիքի եք, մոտիվացիայի հարց չի՞ կարող առաջանալ։ Երբ աշակերտը գնում է դպրոց, նա պարտադրված է դասերին մասնակցել։ Այս պարագայում…
–Իրականում այստեղ շատ հետաքրքիր է, որովհետեւ աղջկաս օրինակով եմ այդ տարբերությունը տեսնում, բայց նաեւ դիտարկել եմ իր դասընկերների, ընկերների երեխաների փորձը։ Իրենք մի տեսակ նոր աշխարհ են իրենց համար բացահայտում, երբ օնլայն նաեւ միմյանց են տեսնում, եւ այս նոր միջավայրը նրանց համար շատ հետաքրքիր է։ Նորից ասեմ, որ շատ բարդ էր իմ երեխային քառասուն րոպե կենտրոնացնել դասի վրա, հիմա դա շատ ավելի հեշտ է ստացվում։ Հիմա նա անընդհատ համակարգչով կապի մեջ է, նոր միջավայրում են իրար տեսնում, եւ դա շատ ավելի հետաքրքիր է իր համար դառնում։ Հասկանում եմ, որ սա եթե ձգվի երկու—երեք ամիս, կարող է մի քիչ բարդ լինել, բայց քանի որ ժամանակավոր է, իրենց համար, ընդհակառակը, նոր մոտիվացիա է եւ նոր հետաքրքրություն։ Այնպես որ, երեխաների կրթության մասով առանձնապես մտավախություններ չունեմ, քանի որ իրենք շատ արագ բաց թողնվածը վերականգնելու հնարավորութուն ունեն։
–Այսինքն՝ ամառային արձակուրդից լրացուցիչ հատված վերցնելու անհրաժեշտություն չի՞ լինի։
–Գուցե ամառային արձակուրդներից որոշ ժամանակահատված վերցնենք, բայց ես, որպես 90—ականների սերունդ, ի վերջո, հիշում եմ, որ ձմռան երեք ամիսներին մենք դաս չենք արել։ Ինչ խոսք, հեռավար ուսուցման մասին այն ժամանակ ընդհանրապես խոսք չկար, բայց ամբողջ կրթական բազան ստացել ենք, եւ չեմ կարծում, թե սա մեծ ողբերգություն է մեր երեխաների համար։
Դավիթ ՊԵՏՐՈՍՅԱՆ

21-03-2020





09-04-2020
Հնարավոր է նվազագույն կորուստներով չեզոքացնել վնասները
Այդ նպատակով ի՞նչ լուծումներ են առաջարկում հայ տուրօպերատորները



09-04-2020
«Այդ նյութերն իմ հայ ժողովրդից եմ վերցրել եւ նրան էլ վերադարձնում եմ»
Սերունդներին են փոխանցվել հայրենազրկված եւ ունեզրկված հայ գաղթականների ...


09-04-2020
Հոգեւոր անկյուն
Եթե չկա հստակ նպատակամղվածություն առ աղոթքը, ապա մարդը թողնվում ...


09-04-2020
Նոր իրական հնարավորություններ
Գիտություն-տնտեսություն շղթայի ձեւավորման համար

Սովորաբար դժվարին իրավիճակները հաղթահարվում ...


09-04-2020
Մեր այս օրերը կարող ենք դարձնել տանելի, նույնիսկ հետաքրքիր
Տանը մնալով՝ ինչ-որ մարտավարական հնարքներ բանեցնելու միջոցով

Կորոնավիրուսի ...


09-04-2020
Հայաստանն ավելացրել է կոնյակի արտահանման ծավալները
2019 թ. 10 ամսվա արտահանումը գերազանցել է 2018 ...


09-04-2020
Բանականության սահմանից այն կողմ
ՍԻԱՄԱՆԹՈ (Ատոմ Հովհաննեսի Յարճանյան). բանաստեղծ, գրող, լրագրող, քաղաքական գործիչ ...



09-04-2020
Վերանորոգվում է Մելիքատունը
Աղավնո-Արքունագետ գետի ափին է հայոց պատմական ...

09-04-2020
Նա ապրում էր իր զարմանալի խոհերով…
Մեծանուն հայագետ Ղեւոնդ Ալիշանի ...

09-04-2020
Լիբիայի ԱՀԿ-ի պարտությունը հարված կլինի նաեւ Թուրքիայի հեղինակությանը
Ազգային բանակը ռազմական ակնհայտ ...

09-04-2020
Ռոնալդինյոյի խափանման միջոցը փոխել են
Կորոնավիրուսի պատճառով ստեղծված իրավիճակում ...
USD
EURO
RUR
GEL
Եղանակը Երևանում
գիշերը +2... +4
ցերեկը +11... +13

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO