Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

03.08.2020
ՏՆՏԵՍՈՒԹՅՈՒՆ


Տնտեսական դժվարության պատճառներից մեկը

Մեծ պետությունների հովանավորչական տնտեսական քաղաքականությունն է

«Պանդեմիան արագացրեց ֆինանսական դժվարությունը, որը կանխատեսում էինք»,–«Հայաստանի Հանրապետություն» օրաթերթի հետ զրույցում նման տեսակետ հայտնեց տնտեսագետ Թաթուլ Մանասերյանը։
Անդրադառնալով տնտեսական գլոբալ դժվարության պատճառներին, տնտեսագետը նշեց. «Պատճառը ցիկլիկ զարգացումն է առաջին հերթին։ Մի քանի պատճառներ կարող ենք նշել։ Առաջինը, որ տնտեսությունն ընդհանրապես, այդ թվում համաշխարհային տնտեսությունը, կրում է ցիկլային բնույթ, եւ վերելքից հետո գալիս է լճացում, որից հետո արդեն ճգնաժամ։ Լճացման բոլոր ախտանշանները կային, եւ, ըստ էության, լճացումը հենց ճգնաժամի առաջին փուլ կարող ենք համարել։ Երկրորդ պատճառն այն է, որ շատ երկրներ այդպես էլ դասեր չքաղեցին գլոբալ ֆինանսատնտեսական դժվարությունից, եւ դա, բնականաբար, պետք է հանգեցներ նոր ճգնաժամի։ Երրորդ պատճառն այն է, որ ինչքան էլ խոսում ենք գլոբալացման, բաց տնտեսության մասին՝ որպես մեկ տնտեսություն, այնուամենայնիվ, ինչպես ցանկացած ազգային տնտեսություն, այնպես էլ գլոբալ համաշխարհային տնտեսությունը պահանջում է որոշակի կարգավորումներ կամ գոնե խաղի կանոններ։ Մեր խաղի կանոններն այդպես էլ չեն ուրվագծվում, որովհետեւ որոշ երկրներ, այնուամենայնիվ, ասում են՝ բոլորը հավասար են, բայց ոմանք ավելի հավասար են, քան մյուսները, մեղմ ասած։ Դա, իհարկե, խանգարում է»։
Թ. Մանասերյանի բնորոշմամբ՝ չորրորդ պատճառն այն է, որ հատկապես զարգացած երկրները որոշակի պատասխանատվություն ունեն աշխարհում տիրող աղքատության, սովի, միգրացիոն ճգնաժամի եւ այլ սպառնալիքների համար. «Որովհետեւ զարգացած երկրներում շատ եսակենտրոն զարգացում է նկատվում, որքան էլ նրանք խոսեն մարդասիրական օգնության, ազատ տեղաշարժի, աշխատուժի, տեխնոլոգիաների, ֆինանսական միջոցների եւ այլնի մասին։ Այնուամենայնիվ, ինքներդ եք տեսնում, որ իրականում միշտ չէ, որ այդպես է, հատկապես բարձր տեխնոլոգիաներ երբեք նրանք չեն զիջի, նույնիսկ ամենաբարձր գնով չեն համաձայնի վաճառել զարգացող երկրներին։ Աշխատուժի մասով՝ իրենք կլանում են այն աշխատուժը, որը որակյալ է՝ առաջարկելով շատ ավելի գրավիչ պայմաններ, եւ դա է պատճառը, որ նաեւ ուղեղների արտահոսք է նկատվում զարգացող երկրներից»։
Բանախոսի համոզմամբ՝ տնտեսական դժվարության հաջորդ պատճառն այն է, որ զարգացած երկրներն ունեն պետության կողմից շատ ավելի միջամտվող քաղաքականություն, քան դա պահանջում են զարգացող երկրներից։ Այդ խտրական քաղաքականությունը շատ ցայտուն երեւացել է գլոբալ ֆինանսական դժվարության փուլում, բայց հիմա ավելի է խորանում։
«Մյուս պատճառը սուբսիդիաներն են. զարգացող երկրները չունեն այդ հնարավորությունը, պետական բյուջեից շատ սահմանափակ միջոցներ կարող են ուղղել, օրինակ, գյուղատնտեսության զարգացմանը։ Նույն Միացյալ Նահանգները, Եվրամիության անդամ երկրները, Ճապոնիան հսկայական գումարներ են ուղղում գյուղատնտեսության եւ ոչ միայն գյուղատնտեսության՝ իրենց համար նախընտրելի ճյուղերի զարգացմանը, որն անարդար մրցակցություն է ստեղծում աշխարհում։ Այսինքն, եթե թողնեն այնպես, ինչպես կա, եւ բնական պայմաններով մրցակցեն, ապա ամեն մեկն իր բաժինը կստանա։ Բայց, ինչպես տեսնում ենք, այդպես չէ, անարդար մրցակցություն է, որովհետեւ այն, ինչը զարգացած երկրներում գործարարները չեն կարողանում մրցունակության որոշակի մակարդակի հասցնել, հատկապես՝ գնի մասով, նրանց օգնության է գալիս պետությունը, իսկ դա բնավ լիբերալ տնտեսության մասին, անգամ պլանային տնտեսության մասին չի խոսում։ Սա խտրական հովանավորչական քաղաքականություն է»,–հավելեց տնտեսագետը։
Թաթուլ Մանասերյանը համաշխարհային տնտեսական դժվարության մեկ այլ պատճառ էլ համարեց զարգացած երկրների կողմից տեղի կամ անտեղի պատժամիջոցների կիրառումը, ինչը որոշ դեպքերում կապված է լինում ժողովրդավարության հաստատման, մարդու իրավունքների հետ. «Բայց տեսնում ենք շատ այլ օրինակներ, երբ առանձնապես հիմնավորված չէ այդ պատժամիջոցների երկարաձգումը կամ ավելի խիստ պատժամիջոցների սահմանումը, որովհետեւ, ի վերջո, գործ ունենք ոչ թե կայսրերին կամ ոչ ժողովրդավար ղեկավարներին պատժելու դեպքերի, այլ ժողովուրդների հետ, որոնք տուժում են դրա հետեւանքով եւ հետընթաց են արձանագրում»։
Դավիթ ՊԵՏՐՈՍՅԱՆ

28-03-2020





01-08-2020
682 դեպքով հրդեհների թիվը նվազել է
Սակայն հրդեհավտանգ իրավիճակը կպահպանվի նաեւ օգոստոսին եւ սեպտեմբերին



01-08-2020
Ադրբեջանի էթնիկ քարտեզը
Հայկական տարրը տեւապես եղել է Կովկասի մշակութային շարժիչ ...


01-08-2020
Հայաստանում հաստատվել է COVID-19-ի 291 նոր դեպք․ ապաքինվել է 560, մահացել 11 քաղաքացի
Հայաստանում օգոստոսի 1-ի դրությամբ` հաստատվել է կորոնավիրուսային հիվանդության ընդհանուր ...


01-08-2020
Հուշապատում
Բինգյոլը... Սեւանի ափին

Սեւանա կղզին Իսահակյանի ամենասիրելի վայրերից ...


01-08-2020
«Ամենատխուր մարդը» կամ անազատության ազատությունը
Վերարժեւորելով Պերճ Զեյթունցյանին եւ նրա ինքնատիպ գործերից մեկը՝ ...


01-08-2020
Հայաստանի «Ինտերկապը» 30 տարեկան է
ՀԽՍՀ ֆիզիկական կուլտուրայի եւ սպորտի պետական կոմիտեի նախագահ Ռուբեն ...


01-08-2020
Կալիսիրի ակումբը՝ Շվեդիայի գավաթակիր
Շվեդիայի ֆուտբոլային գավաթը 8-րդ անգամ նվաճեց «Գյոթեբորգը»։ Ակումբակիցների հետ ...



01-08-2020
Հայաստանում մեկնարկում է հիմնարար բարեփոխումների գործընթաց
68-97 տոկոսով կբարձրացվեն ոստիկանության ...

01-08-2020
ՀԱԷԿ-ում ՊՆՎ-ն ըստ ժամանակացույցի է եւ առանց խոչընդոտների
Հայաստանն ատոմակայանի շահագործման եզակի ...

01-08-2020
Պատմության հետագծով
–1921 թ. օգոստոսի 1-ին ծնվել է Լիլի Չուգասզյանը՝ ...

01-08-2020
Ինֆանտինոն արդեն մեղադրյալ է
Համաշխարհային ֆուտբոլը հերթական ապտակը ստացավ. ...
USD
EURO
RUR
GEL
Եղանակը Երևանում
գիշերը +20... +22
ցերեկը +36... +38

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO