Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

09.08.2020
ԵՐԵՎԱՆ


Մայրաքաղաքի ծանրաբեռնվածության խնդրի լուծումը հնարավոր է հետաձգել

Բայց հնարավոր չէ չեղարկել

Շուտով շրջանառության մեջ է դրվելու մի օրինագիծ, որը նախատեսում է.
կրճատել կարմիր գծերի քանակը, դրանք թողնելով միայն Կենտրոնում եւ Արաբկիր վարչական շրջանի մի մասում,
տեղադրել տեսախցիկներ, ինչի արդյունքում կարմիր գծերով գծանշված հատվածներում կայանված բոլոր մեքենաները խախտում թույլ տալու դեպքում կունենան դրանք ցույց տվող ոչ թե լուսանկար, այլ տեսանյութ, ինչը կապացուցի, որ մեքենան 15 րոպեից ավելի է կայանել տվյալ վայրում,
տարեկան վճարման ժամկետը կսպառվի վճարման օրվանից փաստացի 365 օրացուցային օր անց,
նոր սակագներ կսահմանվեն վարձույթով կամ վաճառքի նպատակով կայանված մեքենաների համար կամ դրանք կտեղափոխվեն հատուկ սահմանված վայրեր,
ինչպես նաեւ որոշ այլ փոփոխություններ։
Կարմիր գծերի ներդրումը մայրաքաղաքում պարբերաբար առաջացնում էր քաղաքացիների դժգոհությունը։ Ամենակարեւոր խնդիրն այն էր, որ այն ի սկզբանե պատկանում էր մի ընկերության, որի ծագումն անհայտ էր, բնականաբար, ուղղվող գումարների հանգրվանը՝ եւս։ Երբ կարմիր գծերը սպասարկող ընկերությունն անցավ Երեւանի քաղաքապետարանին, ընկալելի ու հասկանալի դարձավ, թե ում են քաղաքացիները վճարում կայանատեղիների համար, որովհետեւ այդ վճարները սկսեցին մուտք գործել Երեւանի բյուջե, ոչ թե մասնավոր ընկերության կամ անհատների գրպաններ։
Բայց արդյո՞ք Կենտրոնում ու Արաբկիրում կարմիր գծերը թողնելը նվազեցնում է դրանցով օգտվողների քանակը, որովհետեւ հայտնի է, որ բնակչության մի զգալի մասն ամեն օր աշխատանքի է գնում հենց այդ վարչական շրջաններ եւ ստիպված օգտվում է այդ շրջանների կայանատեղիներից, անգամ եթե իրենց բնակության վարչական շրջաններում կարմիր գծեր չկան։ Ճիշտ է, կարմիր գծերի կիրառության աշխարհագրական նվազեցումը դրանցից օգտվողների նկատմամբ միեւնույն քանակական էֆեկտը չի խոստանում, բայց ամեն դեպքում թեթեւացնում է քաղաքացիների մի որոշ հատվածի հոգսը։
Մյուս կողմից, նախապես խոստացվել էր, որ կարմիր գծերի կայանատեղիներում կայանելը լինելու է ապահով, քանի որ այդ հատվածները տեսանկարահանող սարքերով են կահավորված լինելու, ինչն էլ, իր հերթին, պայմանավորում ու ձեւավորում էր կայանատեղիների համար վճարվող գումարի տրամաբանությունը։ Բայց, ինչպես տեսանք, անվտանգության պայմանը ժամանակին չապահովվեց կամ ապահովվեց մասնակի։ Այժմ տեսանկարահանող սարքերի ամբողջական տեղադրումը կարող է ապահովել մեքենայի անվտանգությունը։ Ընդգծենք, որ սա կարեւոր է։
Հետաքրքիր մեկ այլ հանգամանք եւս՝ մինչ այս, անկախ այն բանից, թե երբ էր վճարվել կարմիր գծերի սպասարկման տարեկան վճարը, այն ավարտվում էր ամեն տարվա դեկտեմբերի 31—ին, իսկ նոր օրինագծով, եթե քաղաքացին վճարելու է ամբողջ տարվա համար, ապա վճարման ժամկետը կսպառվի փաստացի մեկ տարի անց՝ հաջորդ տարվա նույն օրը։
Քաղաքացիների համար մեկ այլ խնդիր էլ կենտրոնի հագեցածության պայմաններում վաճառքի կամ վարձույթի նպատակով կայանված ավտոմեքենաներն են, որոնք ամիսներով կայանում են նույն վայրում, այն պարագայում, երբ ակտիվ շահագործվող ավտոմեքենաները չունեն կայանատեղիներ. այսպես ասած՝ հերթով են կայանում։ Մայրաքաղաքի կենտրոնի փողոցներում մեքենան կարող է պտտվել այնքան, մինչեւ անգամ մեկ ժամ, մինչեւ պատահաբար, բախտի բերմամբ ազատ կայանատեղի հանդիպի։
Բայց, իհարկե, վաճառվող մեքենաները տեղերից հանելով եւ հատուկ վայրեր տեղափոխելով՝ Երեւանում կայանատեղիների խնդիրը չի լուծվում, հարկավոր են հիմնարար լուծումներ։ Այս հարցի լուծման քննարկումներում սովորաբար երկու տարբերակ է առաջ քաշվում։ Առաջին տարբերակի համաձայն՝ քաղաքի ծանրաբեռնված մասերում պետք է կառուցվեն ստորգետնյա կայանատեղիներ, ինչը բավական ծախսատար ու դժվարին աշխատանք է, հատկապես հաշվի առնելով Երեւանի խիտ կառուցապատումը, բարդ ռելիեֆն ու քարքարոտ ընդերքը։ Երկրորդ տարբերակի համաձայն՝ կարեւոր օբյեկտները կենտրոնից ու ծանրաբեռնված վայրերի հեռացնելն ու արվարձաններ տեղափոխելն է։ Այս տարբերակը եւս ենթակառուցվածքային հսկայական աշխատանք է ենթադրում։ Թե որ տարբերակը կընտրի քաղաքային իշխանությունը, դեռ հայտնի չէ, գուցե երկուսից քիչ-քիչ։ Բայց միանշանակ է, որ խնդրի լուծումը կապված է հսկայական ֆինանսական միջոցների հետ։ Իսկ այդ ընտրությունը եւ խնդրի կարգավորումը հնարավոր է միայն հետաձգել, բայց չի կարելի չեղարկել։
Դավիթ ՊԵՏՐՈՍՅԱՆ

30-04-2020





01-08-2020
682 դեպքով հրդեհների թիվը նվազել է
Սակայն հրդեհավտանգ իրավիճակը կպահպանվի նաեւ օգոստոսին եւ սեպտեմբերին



01-08-2020
Ադրբեջանի էթնիկ քարտեզը
Հայկական տարրը տեւապես եղել է Կովկասի մշակութային շարժիչ ...


01-08-2020
Հայաստանում հաստատվել է COVID-19-ի 291 նոր դեպք․ ապաքինվել է 560, մահացել 11 քաղաքացի
Հայաստանում օգոստոսի 1-ի դրությամբ` հաստատվել է կորոնավիրուսային հիվանդության ընդհանուր ...


01-08-2020
Հուշապատում
Բինգյոլը... Սեւանի ափին

Սեւանա կղզին Իսահակյանի ամենասիրելի վայրերից ...


01-08-2020
«Ամենատխուր մարդը» կամ անազատության ազատությունը
Վերարժեւորելով Պերճ Զեյթունցյանին եւ նրա ինքնատիպ գործերից մեկը՝ ...


01-08-2020
Հայաստանի «Ինտերկապը» 30 տարեկան է
ՀԽՍՀ ֆիզիկական կուլտուրայի եւ սպորտի պետական կոմիտեի նախագահ Ռուբեն ...


01-08-2020
Կալիսիրի ակումբը՝ Շվեդիայի գավաթակիր
Շվեդիայի ֆուտբոլային գավաթը 8-րդ անգամ նվաճեց «Գյոթեբորգը»։ Ակումբակիցների հետ ...



01-08-2020
Հայաստանում մեկնարկում է հիմնարար բարեփոխումների գործընթաց
68-97 տոկոսով կբարձրացվեն ոստիկանության ...

01-08-2020
ՀԱԷԿ-ում ՊՆՎ-ն ըստ ժամանակացույցի է եւ առանց խոչընդոտների
Հայաստանն ատոմակայանի շահագործման եզակի ...

01-08-2020
Պատմության հետագծով
–1921 թ. օգոստոսի 1-ին ծնվել է Լիլի Չուգասզյանը՝ ...

01-08-2020
Ինֆանտինոն արդեն մեղադրյալ է
Համաշխարհային ֆուտբոլը հերթական ապտակը ստացավ. ...
USD
EURO
RUR
GEL
Եղանակը Երևանում
գիշերը +20... +22
ցերեկը +36... +38

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO