Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

05.12.2020
ՏՆՏԵՍՈՒԹՅՈՒՆ


Կարգելվի գյուղնշանակության հողերի փոխադրումն այլ նշանակության հողերի

Բայց կթույլատրվի 10 բացառիկ դեպքերում

Գյուղատնտեսական նշանակության հողերի անհիմն փոխադրումն այլ նպատակային նշանակության հողերի պետք է բացառել։ Այդ իսկ պատճառով էկոնոմիկայի նախարարությունը մի նախագիծ է շրջանառում, ըստ որի սահմանվում են գյուղատնտեսական նշանակության հողերն այլ նպատակային նշանակության փոխադրման բացառիկ դեպքերը։ Բայց հողային օրենսգրքով արդեն ամրագրված է, որ գյուղատնտեսական հողատեսքերը ենթակա են հատուկ պահպանության եւ որ այդ հողերի փոխադրումը ոչ գյուղատնտեսական նշանակության հողերի թույլատրվում է բացառիկ դեպքերում՝ սույն օրենսգրքի 7—րդ հոդվածով սահմանված կարգով։ Ուրեմն՝ ինչի՞ մասին է էկոնոմիկայի նախարարության նախագիծը։
Ըստ պետական այս կառույցի պարզաբանման, իրենց մշակած նախագծի ընդունման անհրաժեշտությունը պայմանավորված է «Հողային օրենսգրքում փոփոխություն կատարելու մասին» օրենքի նախագծի ընդունմամբ։ Էկոնոմիկայի նախարարությունն ասում է, որ իրենք բազմաթիվ դիմումներ են ստանում գյուղատնտեսական նշանակության հողերն այլ նպատակային նշանակության փոխադրելու հետ կապված, որոնց վերաբերյալ տրամադրելով բացասական կարծիք՝ բախվում են մի շարք խնդիրների։ Օրինակ՝ ներկայացվում են պարզաբանումներ, որ հողերը երկար տարիներ չեն մշակվել ու պիտանի չեն գյուղատնտեսական գործունեություն ծավալելու համար, կամ որ էկոնոմիկայի նախարարությունը խոչընդոտում է տնտեսության այլ ճյուղերում ներդրումների ներգրավմանն ու աշխատատեղերի ստեղծմանը եւ այլն։ Եվ, այո, ներկայումս հողերի նպատակային նշանակության փոփոխությունն իրականացվում է հողային օրենսգրքի 7—րդ հոդվածով եւ կառավարության 2011 թ. դեկտեմբերի 29—ի որոշմներով սահմանված կարգով։ Սակայն, ըստ կառույցի, նշված իրավական ակտերի դրույթները չեն սահմանում այն բացառիկ դեպքերը, որոնց պարագայում կարելի է թույլատրել գյուղատնտեսական նշանակության հողերի նպատակային նշանակության փոփոխությունը։
Խնդիրը կարգավորելու համար էլ նախարարությունը նախագիծ է մշակել, որի ընդունման նպատակը «գյուղատնտեսական նշանակության հողերի պահպանության եւ արդյունավետ օգտագործման, գյուղատնտեսական շրջանառությունից անհիմն բացառման օրենսդրական հենքի ստեղծումն է»։ Եվ ակնկալում են, որ նախագծի ընդունման արդյունքում հնարավորություն կստեղծվի բացառել գյուղատնտեսական հողերի անհիմն փոխադրումն այլ նպատակային նշանակության հողերի շարքը։
Հարց է ծագում՝ իսկ որոնք են գյուղատնտեսական նշանակության հողերի՝ այլ նպատակային նշանակության փոխադրման բացառիկ դեպքերը։ Պարզվում է՝ էկոնոմիկայի նախարարությունն այդպիսի 10 դեպք է սահմանել։
Այսպիսով՝ գյուղատնտեսական նշանակության հողերի փոխադրումը այլ նպատակային նշանակության թույլատրվում է բացառիկ դեպքերում, որոնք պայմանավորված են. 1. բնապահպանական, առողջարանական, պատմական եւ մշակութային նպատակներով՝ հատուկ պահպանվող տարածքների ստեղծմամբ։ 2. Անտառային, ջրային կամ պահուստային հողերի կազմի մեջ գյուղատնտեսական արտադրության համար ոչ պիտանի՝ ճահճացած, գերխոնավացած, աղակալված, էրոզացված հողամասերի ընդգրկմամբ։ 3. Ճանապարհների, էլեկտրահաղորդման գծերի, կապի գծերի, գազատարների եւ այլ խողովակաշարերի, երկաթուղային գծերի եւ այլ նմանատիպ օբյեկտների (այսուհետ՝ գծային օբյեկտներ) կառուցմամբ, կառուցված գծային օբյեկտներին հարակից, շինարարության իրականացման համար օգտագործված գյուղատնտեսական նշանակության հողատարածքների շրջակա միջավայրի վրա ազդեցության փորձաքննություն անցած վերականգնման (ռեկուլտիվացիայի) ծրագրի առկայության դեպքում։ 4. Հայաստանի միջազգային պարտավորությունների կատարմամբ, երկրի պաշտպանության եւ պետության անվտանգության ապահովմամբ։ 5. Շահագրգիռ գերատեսչությունների դրական եզրակացությունների հիման վրա՝ Հայաստանի կառավարության կողմից հաստատված կամ հավանության արժանացած ներդրումային ծրագրերի իրականացմամբ՝ պայմանով, որ ներդրումային ծրագրի փաթեթում հաստատված լինի նաեւ հողամասի տեղակայումը՝ WGS—84 ազգային գեոդեզիական կոորդինատային համակարգով։ 6. Ընդերքօգտագործման աշխատանքներով՝ օրենքով սահմանված կարգով շրջակա միջավայրի վրա ազդեցության փորձաքննություն անցած ծրագրի (այդ թվում՝ հողերի վերականգնման (ռեկուլտիվացիայի) առկայության դեպքում։ 7. Բնակելի տների կառուցմամբ՝ այլընտրանքների բացակայության դեպքում։ 8. Առողջապահական, կրթական, սոցիալական օբյեկտների կառուցմամբ՝ այդ օբյեկտների տեղադրման այլընտրանքների բացակայության դեպքում, համայնքի զարգացման եւ տարածական պլանավորման փաստաթղթի (գլխավոր հատակագիծ) կամ հողերի օգտագործման ժամանակավոր սխեմաների հիման վրա։ 9. Արդյունաբերական, էներգետիկ օբյեկտների կամ հասարակական նշանակության շինությունների կառուցման նպատակով՝ այլ հողատեսքերի, արոտավայրերի եւ խոտհարքների 4-րդ եւ 5-րդ կարգի հողամասերի տրամադրմամբ՝ այդ օբյեկտների տեղադրման այլընտրանքների բացակայության դեպքում։ 10. Համայնքներին հողերի փոխանցման ժամանակ առաջացած հողամասերի նպատակային նշանակություններին առնչվող անճշտությունների ուղղման դեպքերով։
Արմենուհի ՄԵԼՔՈՆՅԱՆ
a.melqonyan@hhpress.am

14-05-2020





04-12-2020
Մոռացվա՞ծ են, արդյոք, Շահումյանն ու Գետաշենը
Դառը պատմությունը կարող է կրկնվել Հադրութի եւ Արցախից զավթած ...


04-12-2020
Թուրքիային կհաջողվի՞ Սիրիայում ավարտին հասցնել քրդական հարցը
Համենայնդեպս, Ջո Բայդենի նախագահության օրոք Թուրքիային նման հնարավորություն դժվար ...


04-12-2020
Զոհերի ընտանիքներն ու հաշմանդամություն ձեռք բերածները աջակցություն կստանան
Խոսքը քաղաքացիական անձանց շրջանակին է վերաբերում

2020 թ. ...


04-12-2020
Թուրքիայի հիմնական նպատակն է օրինական մուտք գործել տարածաշրջան
Այն կյանքի կոչվեց միայն մասամբ

Թուրքիայի նախագահ ...


04-12-2020
Հայկական բոլոր ռեսուրսների մեկտեղումն օրախնդիր է
Մեկնարկել է վճռական՝ դիվանագիտական ճակատամարտը

Արցախյան երրորդ պատերազմում ...


04-12-2020
Ամրապնդել բարեկամությունը, խորացնել համագործակցությունը
Եվ երկու ժողովուրդների հարաբերություններում նոր հեռանկարներ բացել



04-12-2020
Նրա համար արգելանքը առ ոչինչ էր
Վիպասանը՝ ազգային ազատագրական պայքարի մարտիկ ու քարոզիչ

Հայ ...



04-12-2020
Ֆրանսիայի ԱԺ-ն ընդունել է Լեռնային Ղարաբաղի ճանաչման հրատապ անհրաժեշտության մասին բանաձեւ
Ֆրանսիայի Ազգային ժողովն երեկ՝ Արցախի ...

04-12-2020
Հակակոռուպցիոն կոմիտեի ստեղծմամբ
Ակնկալվում է իրավախախտումների բացահայտումը ...

04-12-2020
Արմատական փոփոխություններ են առաջարկվում
Բարձրագույն կրթության եւ գիտության ...

04-12-2020
Բայրամյանը ամսվա լավագույն ֆուտբոլիստն է պրեմիեր լիգայում
Հայաստանի ազգային հավաքականի կիսապաշտպան Խորեն ...
USD
EURO
RUR
GEL
Եղանակը Երևանում
գիշերը +2... +4
ցերեկը +4... +7

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO