Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

11.07.2020
ԱՇԽԱՐՀ


Բաց սահմաններն այլընտրանք չունեն

Եվրամիությունն այդ ուղղությամբ քայլեր է անում

Եվրահանձնաժողովի փոխնախագահ Մարգրետե Վեստագերն օրեր առաջ Բրյուսելում հանդես էր եկել հայտարարությամբ, որ Եվրամիությունը հաստատակամ է անդամ պետությունների միջեւ ներքին սահմանները բացելու հարցում։ Դա է այս տարվա զբոսաշրջային սեզոնը գոնե մասամբ փրկելու միակ տարբերակը։ ԵՄ-ի սահմանները փակվել էին մարտի 17-ից, որի հետեւանքով դադարեցվել էին ճանապարհորդությունները Եվրամիության եւ ոչ եվրոպական երկրների միջեւ։ Կանխատեսումներ էին արվում, որ միգուցե Եվրամիության անդամ պետությունների սահմանները փակ մնան երկու տարի շարունակ։ Այս իրավիճակը խիստ արտառոց կարող ենք համարել ԵՄ-ի համար, որի ներքին բաց սահմանները եւ ազատ տեղաշարժը թվում էր՝ այլընտրանք չունի։
ԱԺ «Լուսավոր Հայաստան» խմբակցության անդամ, մասնագիտությամբ քաղաքագետ Կարեն Սիմոնյանը «Հայաստանի Հանրապետություն» օրաթերթի թղթակցի հետ զրույցում նշեց, որ կորոնավիրուսը կարծես լակմուսի թուղթ լիներ, որը բացահայտեց Եվրոպական միությունում առկա խնդիրները։
Վերջին քսան տարվա ընթացքում Եվրամիության շրջանակներում որեւէ մեկը փակ սահման չէր տեսել։ Անդամ 28 պետությունը մի շարք մարտահրավերների առջեւ միայնակ մնացին։ Հիշենք իտալացիների բողոքները ԵՄ—ի ոչ ամբողջ ծավալով աջակցության համար։ Ճի՛շտ է, հետագայում կարողացան վերագնահատել իրավիճակը, վերախմբավորել ու հավասարաչափ բաշխել ռեսուրսները եւ ուժերը։ «Առաջին շրջանում նկատելի էր շոկային իրավիճակ, երբ խնդիրներ էին առաջացել պետությունների միջեւ, երկրորդում արդեն ընթանում էր կարգավորման փուլը»,–ասաց պատգամավորը՝ համոզմունք հայտնելով, որ ԵՄ—ն ունի այն կանոնակարգերն ու նորմերը, որոնց միջոցով կկարողանա առավելագույն ադապտացվել հետկորոնավիրուսային աշխարհում եւ հնարավորինս բացառել անվերահսկելի ընթացքը։ Սա կարծես թեսթ լիներ, որը հնարավորություն ընձեռեց շատ արագ կողմնորոշվել, եւ եթե ավելի վատ հետեւանքներով նոր համավարակ լինի, ապա փորձը թույլ կտա մշակած մեխանիզմները շատ հեշտ կիրառել, կանոնակարգել իրավիճակը եւ հասկանալ հետագա անելիքները։ «Հիմա մարդկությունը գնում է չտրորված ճանապարով, նոր—նոր բացահայտում է եւ փորձում է հասկանալ, թե ինչ անել»,–շեշտեց նա։
Մեկ անգամ եւս պետք է փաստենք, որ մարդկությունը, պետությունները պատրաստ չէին նման մարտահրավերի։ Կ. Սիմոնյանի խոսքով, ՀՀ օրենսդրության մեջ, օրինակ, չկար այն դրույթը, որ համավարակի պատճառով կարող է արտակարգ դրություն հայտարարվել. «Իսպանկայից հետո մարդիկ չէին բախվել այս մասշտաբի խնդիրների հետ։ Այո՛, եղել են տեղային համաճարակներ, որոնք հաղթահարվել են։ Արեւմտյան Աֆրիկայում հնարավոր եղավ 2010—ական թվականների սկզբին կանգնեցնել էբոլայի համաճարակը։ Մարդիկ մտածում էին, որ այս դեպքում էլ առողջապահական համակարգը խնդիրը կլուծի, սակայն մարդկանց սպասումները չարդարացան։ Որեւիցե մեկի մտքով չէր կարող անցնել, որ կարող է այնպիսի համաճարակ լինի, որի հետեւանքով ստիպված լինեն արտակարգ դրություն հայտարարել, փակել երկիրը, քաղաքները, այն էլ՝ Եվրոպայում»։
Այնուամենայնիվ, Կարեն Սիմոնյանը համոզված է, որ բաց սահմաններով Եվրոպային այլընտրանք չկա, որովհետեւ որպես աշխարհի երրորդ տնտեսական կենտրոն Եվրամիության անդամ երկրներն ապրում, աշխատում եւ զարգանում են բաց սահմանների շնորհիվ։ Եթե չլինեն բաց սահմաններ, ապա գործ կունենանք 28 տարբեր պետությունների հետ, որոնք տարբեր արտաքին քաղաքականություն կվարեն։ Պատգամավորը նման զարգացումը մասամբ նմանեցրեց Խորհրային Միության փլուզումից ստեղծված իրավիճակին, երբ կապերը միաժամանակ խզվեցին, ինչը խնդիրներ առաջացրեց։ «Իհարկե, այս պարագայում հազիվ թե կոլապսի վերածվի, բայց այն, որ կդադարի գոյություն ունենալ միասնական տնտեսական գոտին, դա հաստատ է։ Հետեւաբար, Եվրամիությունն այլընտրանք չունի՝ կամ հաղթահարելու է վարակը, կամ սովորելու է ապրել դրա հետ բաց սահմանների պայմաններում»,–ասաց նա՝ հավելելով, որ առանց տնտեսական զարգացման հնարավոր չի լինի նաեւ պայքարել վարակի դեմ։ Տնտեսության զարգացման միջոցով է հնարավոր լուծել առողջապահական եւ սոցիալական խնդիրները։
Լուսինե ՄԽԻԹԱՐՅԱՆ
l.mkhitaryan@hhpress.am

15-05-2020





11-07-2020
10 տարի անց բարեփոխվում է հանրակրթության բովանդակությունը
Դպրոցից դուրս է մղվում անբավարար գնահատման համակարգը

Ժամանակակից ...


11-07-2020
Թվային քաղաքակրթություն
Իսկ իրական աշխարհը մեզ է սպասում իր ամենավառ ...


11-07-2020
Հայաստանում հաստատվել է COVID-19-ի 489 նոր դեպք․ապաքինվել է ևս 710, մահացել 13 քաղաքացի
Հայաստանում հուլիսի 11-ի դրությամբ հաստատվել է կորոնավիրուսային հիվանդության ընդհանուր ...


11-07-2020
ՀՀ Ազգային հերոս Թաթուլ Կրպեյանի եւ Գետաշենի ինքնապաշտպանության մասին մենագրության հետքերով
1991 թվականի ապրիլի 30-ին սանձազերծվեց Խորհրդային Միության (ԽՍՀՄ) ...


11-07-2020
Հարկային բարենպաստ պայմաններ են ստեղծվում փոքր եւ միջին բիզնեսի համար
Տոկոսադրույքների նվազեցումը բիզնեսի խթանիչ ուժն է

Զարգացած երկրների ...


11-07-2020
Դիք. չաստվածների պաշտամունք
Ավարառության եւ գերեվարության ոգու հետ մեկտեղ Տիգրանն ու ...


11-07-2020
«Նա 40 տարի առաջ բարձրացել է իր խավար հայրենիքի բլուրները ու իր բարձրությունից ինչե՜ր, ինչե՜ր է տեսել…»
Հովհ. Թումանյան, «Քառասուն տարի»

1862 թվի գարնանը մի ...



11-07-2020
Ջերմոցային գազերի արտանետումների մեր բաժինն ու դրանք կրճատելու ներուժը
Հրապարակվել է կլիմայի փոփոխության մասին ...

11-07-2020
Մեծ Պեպոն
Գաբրիել Սունդուկյանը միշտ հաճոյախոսել է ...

11-07-2020
Սիրիայում կփոխվե՞ն խաղի կանոնները
Կողմերը պահանջել են այդ երկրից դուրս ...

11-07-2020
Ռեւանշի հնարավորություն
Հայաստանի եւ Քուվեյթի ֆուտբոլի ֆեդերացիաներն ...
USD
EURO
RUR
GEL
Եղանակը Երևանում
գիշերը +19... +21
ցերեկը +32... +34

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO