Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

26.11.2020
ԱՌՈՂՋԱՊԱՀՈՒԹՅՈՒՆ


Սահմանափակումների վերացումը նոր պահանջներ է թելադրում

Դիմակների պարտադիր կրումը պետք է կենսական անհրաժեշտություն դառնա

Մայիսի 18-ից հանրային տրանսպորտի ամբողջովին գործարկումը, առեւտրի կետերի բացումը, հանրային սննդի օբյեկտների ծառայությունների մատուցումը, մարզասրահների եւ այլ վայրերի շահագործումը բոլորովին նոր իրավիճակ են պարտադրում։ Բոլոր սահմանափակումների թուլացումները որքան էլ ուղեկցվեն համակեցության հստակ կանոնների սահմանմամբ, դրանք չեն կարող արդյունավետ լինել, եթե չփոխվի մարդկանց վարքագիծը եւ չմեծանա սոցիալական պատասխանատվությունը։ Ինչպե՞ս պետք է ազգաբնակչությանը նոր իրավիճակին ինտեգրել եւ դիմակներ կրելը պարտադիր կենսական պահանջ դարձնել, այս եւ այլ հարցերի շուրջ «ՀՀ»—ն զրուցել է «Նորք» ինֆեկցիոն կլինիկական հիվանդանոցի վարակաբան, հեպատոլոգիայի բաժանմունքի ղեկավար Հասմիկ Ղազինյանի հետ։
Սահմանափակումների վերացումը եւ բնակչության պահանջներին ընդառաջ գնալը, նրա դիտարկմամբ, պետք է փոխադարձաբար մեծացնեն ժողովրդի սոցիալական պատասխանատվությունը եւ նոր մշակույթին ինտեգրեն։ Որքան համահունչ մոտեցումներ լինեն, այնքան ինֆեկցումը եւ մահացության ցուցանիշը հետագայում ավելի ցածր կլինեն։ Վարակաբանի խոսքով, պարետի հրամանով առաջ քաշված նոր մոտեցումներն ու պահանջները պետք է կիրառելի լինեն անխտիր բոլորի համար, եւ կիրառելի ոչ միայն հասարակական տրանսպորտում, երթուղային տաքսիում, այլեւ առեւտրային կենտրոններում եւ հանրային այլ վայրերում։
«Մեր հասարակության որոշ զանգված, ցավոք, դեռեւս չի հավատում կորոնավիրուսի գոյությանը եւ ոչ միայն չի հավատում, այլեւ ապատեղեկատվություն է տարածում՝ կասկածի տակ դնելով դրա առկայությունը։ Նրանց կարծիքը չպետք է վնասի շրջապատին, տարեցներին, հատկապես ռիսկային գոտում գտնվող անձանց։ Հավատում են թե ոչ, անկախ այդ հանգամանքից, բոլոր քաղաքացիները պարտավոր են օրենքին համահունչ մոտեցում կիրառել։ Ցավով նշեմ, որ «Covid 19»—ը ավելի քան 200 երկրում թողել է ծանր հիշողություն, որի հետ առնչվում ենք եւ ապրելու ենք նաեւ մենք։ Նոր ինֆեկցիան խիստ կարիք ունի իրազեկման եւ ուսումնասիրման, առավել եւս տեղեկատվական դաշտը բավական շատ է, ուստի պետք է լինենք հնարավորինս իրազեկված եւ զերծ մնանք ապատեղեկատվություն տարածելուց»,–ասաց Հասմիկ Ղազինյանը։
Ինչպես է պետք օգտվել հասարակական տրանսպորտից, որպեսզի հնարավորինս նվազ ցուցանիշ կազմի ինֆեկցումը։ «Հանրային տրանսպորտի գործարկման անվտանգության ապահովման համար,–պարզաբանում է վարակաբանը,–գործում են բավական արդյունավետ որոշումներ, սոցիալական տարածության պահպանումը, ձեռնոցների պարտադիր օգտագործումն ու դիմակ կրելը փակ տարածքում կարող են էապես նվազեցնել վարակման ռիսկը»։ Քանի որ միեւնույն դիմակը սովորաբար թույլատրվում է կրել ընդամենը 3 ժամ, ուստի մասնագետը խորհուրդ է տալիս, օրվա ընթացքում մի քանի անգամ դիմակ գնելուց զերծ մնալու համար, դրանք պատրաստել տնային պայմաններում եւ, ինչո՞ւ չէ, հաճախակի լվանալ, ախտահանել եւ պիտանի դարձնել կրկնօգտագործման համար։
«Այն այսօր շատ կարեւոր բաղադրիչ է վարակը կանխարգելելու եւ անվտանգության ապահովման համար, ուստի այն կրելով պետք է գիտակցենք, որ ապահովագրում ենք ոչ միայն մեզ, այլեւ մեր շրջապատին, մեր ընտանիքի անդամներին կորոնավիրուսով վարակվելու վտանգից։ Նույնիսկ ԱՀԿ—ն է առաջարկում դիմակներ պատրաստել տան պայմաններում, որոնք կարող են լինել ավելի գեղեցիկ եւ ապահով»,–ասաց Հասմիկ Ղազինյանը՝ կիսելով մտահոգությունն առ այն, որ մեր հայրենակիցների մի մասը օրենքներին ականջալուր ու հետամուտ է միայն ՀՀ սահմաններից դուրս, իսկ հանրապետության տարածքում օրենքները նրանց կողմից սովորաբար շրջանցվում են. «Ես կողմնակից եմ խիստ վերահսկողության սահմանման, եւ այդ ամենը պետք է սկսվի սուպերմարկետներից։ Օրինակ՝ տարեցների համար սահմանված գնումների ժամը նորից պետք է օրակարգ մտցվի։ Օրենքը պետք է օրենք լինի բոլորի համար, եթե գործում են տույժեր, ապա պետք է կիրառվեն բոլորի համար։ Գործատուներն էլ պետք է սահմանեն օրենքին համապատասխան միջոցառումներ»։
Պարտադիր դիմակներ կրելու որոշումը հանրության որոշ մասին տարակուսելու եւ դժգոհելու առիթ է տալիս։ Օրինակ՝ ինչպես պետք է կրել դիմակը ժամանցային վայր այցելելիս, սրճարանում սուրճ կամ թեյ խմելիս։ Հասմիկ Ղազինյանն ասում է՝ կա առողջությանը սպառնացող գլոբալ խնդիր, եւ չպետք է մտածել, որ դժվար է լինելու դիմակն ամենուր կրելը։ Օրինակ՝ սրճարանում, եթե միեւնույն սեղանին ընտանիքի անդամներն են, ապա մեկը մյուսից դիմակով պաշտպանվելու խնդիր չունի, սակայն պարտադիր են մյուս հաճախորդներից 1—1,5 մետր սոցիալական հեռավորություն պահելը եւ ժամանակ առ ժամանակ ձեռքերն ախտահանելը։
«Նորք» ինֆեկցիոն կլինիկական հիվանդանոցի վարակաբանն անդրադարձավ նաեւ ամենախոցելի վայրերից մեկում՝ մանկապարտեզներում վարակի կանխարգելման պարտադիր միջոցառումներին։ Նրա կարծիքով, պարտադիր չէ, որ այս ընթացքում մանկապարտեզ հաճախեն բոլոր երեխաները։ Ցանկալի է, որ երեխային մանկապարտեզ ուղարկեն բացառապես երկկողմանի աշխատող ծնողները։ Մանկապարտեզների համար եւս առաջարկված են որոշումներ, որ երեխաները հնարավորինս ինքնուրույն սովորեն անձնական հիգիենայի պահպանման միջոցառումները, հաճախակի լվանան ձեռքերը եւ, կարեւորը, կարողանան ճիշտ կազմակերպել ախտահանման գործընթացները։ Դրանք պետք է զուգակցվեն նաեւ անձնակազմի կողմից կիրառվող կանխարգելիչ գործողություններով։ Բոլոր աշխատակիցները պետք է պարտադիր դիմակ կրեն, որպեսզի նախակրթարաններում ինֆեկցման հավանականությունը նվազի։
«Պետք է, ի վերջո, ընդունենք, որ այս տեսակի վարակը գոյություն ունի, այն միֆ չէ եւ առանձնանում է իր բարձր մահացությամբ։ Ինֆեկցվածության ցուցանիշը երկրում թեպետ բարձր է, սակայն ի պատիվ բուժանձնակազմի անքուն, հերոսական ու քրտնաջան աշխատանքի, մահացության ցուցանիշը բարեբախտաբար ցածր մակարդակի վրա է։ Մենք ապրելու ենք այսուհետ կորոնավիրուսի հետ, դա կլինի մեկ ամիս, թե տարիներ, պարզ չէ, քանի որ այն համարվում է վարքագծային հիվանդություն, եւ պահանջում է իր կանխարգելիչ միջոցառումների շարքն այնքան ժամանակ, քանի դեռ գոյություն ունի։ Ինֆեկցիան անկառավարելի չէ, սակայն պետք է լինենք նույն կերպ կազմակերպված, ինչպես օրհասական պահերին»,–եզրափակեց «Նորք» ինֆեկցիոն հիվանդանոցի հեպատոլոգիայի բաժանմունքի ղեկավարը։
Լուսինե ՆԱԶԱՐՅԱՆ
l.nazaryan@hhpress.am

20-05-2020





25-11-2020
Արցախի հիմնախնդիրը՝ միջազգային իրավունքի համատեքստում
Անկախության ճանաչումը հանուն փրկության

Պատերազմի օրերից սկսած ...


25-11-2020
«Իմ կենացը մի խմեք, այլ շարունակեք իմ գործը»
«Յուրաքանչյուր ժողովրդի հաղթանակ առաջին հերթին ազգային համախմբվածության արդյունք է»


25-11-2020
Անկարան վերահսկում է Ֆրանսիայի 2600 մզկիթից 320-ը
Երբ ավելանում են «գայլերը», քաղաքակիրթ աշխարհի խնդիրն է մտածել ...


25-11-2020
Եռակողմ հայտարարության նախաձեռնողն ամեն կերպ կձգտի պահպանել այն
ՌԴ-ն մատնանշում է Արցախում խաղաղությունը խաթարելու փորձ անողներին



25-11-2020
Առկա իրողություններում չի կարելի բացառել տարածաշրջանային զարգացման որեւէ սցենար
Պետականության ուժեղացման ռեսուրսները հնարավոր է ապահովել միայն ազգային ներուժի ...


25-11-2020
Ռազմավարական ակնարկ Իրանին
ԱՄՆ-ը կործանիչներ է ուղարկել Մերձավոր Արեւելք

Իրաքում ...


25-11-2020
Ամրոցները՝ Որոտանի ափերին
Սա Հայաստան է, եւ վերջ...
Լեոնիդ ԱԶԳԱԼԴՅԱՆ




25-11-2020
Արմեն Սարգսյանն հանդիպում է ունեցել Հորդանանի հայ համայնքի ներկայացուցիչների հետ
Աշխատանքային այցով Հորդանանի Հաշիմյան ...

25-11-2020
ՀՀ վարչապետը ներկայացրել է ԿԳՄՍ նորանշանակ նախարարին
ՀՀ վարչապետ Նիկոլ Փաշինյանն այցելել է ՀՀ կրթության, ...

25-11-2020
Ռուսական կենտրոնն սկսել է աշխատանքը
Լեռնային Ղարաբաղում իր աշխատանքն է սկսում ...

25-11-2020
Մխիթարյանի նոր ռեկորդները եւ հնարավոր պայմանագիրը
Իտալական «Ռոման» պատրաստվում է երկարաձգել ...
USD
EURO
RUR
GEL
Եղանակը Երևանում
գիշերը +2... +4
ցերեկը +4... +7

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO