Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

11.07.2020
ԼՂՀ


Որոտանում կառուցվում է մանկապարտեզ

Քաշաթաղի շրջանի Որոտան քաղաքային համայնքը կազմավորվել է 2013 թ. ամռանը։ Այժմ այստեղ կա 430 բնակիչ, որից մոտ կեսը երեխաներ են։ Քաղաքը մինչ օրս չունի հանրակրթական դպրոց եւ մանկապարտեզ։ 90-ից ավելի աշակերտ եւ 10 ուսուցիչ հաճախում են Որոտանից մոտ 5-6 կմ հեռու գտնվող Հայկազյան գյուղական համայնքի Հայկազ Խաչատրյանի անվ. միջնակարգ դպրոց։ Արցախի Հանրապետության կառավարության հատկացումներով կառուցված դպրոցի նոր շենքն աչքի է ընկնում իր գեղեցկությամբ, հարմարություններով։
Որոտանից աշակերտների եւ ուսուցիչների տեղափոխությունը կատարվում է համայնքին հատկացված ավտոբուսով։ Տեղափոխման հարցում օժանդակում է նաեւ քաղաքում տեղակայված զորամասի հրամանատարությունը։ Որոտանցի նախադպրոցական 120 երեխա, ովքեր հիմնականում զինվորականների ընտանիքներից են, առայժմ տանն են մնում։ ԱՀ կառավարության հատկացումներով անցած տարվա աշնանից քաղաքում սկսվել են մանկապարտեզի կառուցման աշխատանքները։ Եղանակային պայմաններից ելնելով՝ աշխատանքները դադարել էին, եւ վերջին օրերին վերսկսվել են։
Որոտանի ղեկավար Վրույր Ասրյանի հետ եղանք շինհրապարակում։ Ըստ նախագծի՝ կառուցվելու է երկհարկանի շենք՝ մոտ 1000 քմ ընդհանուր մակերեսով։ Տարածքը ցանկապատվելու է, գործելու են խաղահրապարակ, ենթակառույցներ, կիրականացվի կանաչ գոտու հիմնում։ Շենքի հիմքերն արդեն պատրաստ են, եւ շինարարներն սկսել են պատերի կառուցումը։ Շինարարությունը կատարվում է «ԱՐՍՍԱԹԱԱ» ՍՊԸ շինարարական կազմակերպության կողմից։ Աշխատանքները ղեկավարում է Արսեն Քյարունցը, ով արդեն ճանաչված շինարար է Քաշաթաղի շրջանում։ Նույն կազմակերպության կողմից են կառուցվել Հայկազյանի դպրոցը, բազմազավակ ընտանիքների համար բնակելի տներ Որոտանում, Վուրգավանում, այլ բնակավայրերում։ Որմնադիր վարպետները Գորիսից են։ Տեղեկացրին՝ առայժմ շինանյութի պակաս չունեն։ Վ. Ասրյանն ասաց՝ աշխատանքներում ընդգրկված են նաեւ քաղաքի բնակիչները։
–Մանկապարտեզի խնդիրը միշտ կար քաղաքում,–հավելեց Վ. Ասրյանը,–եւ ողջունելի է՝ արդեն իրողություն է դառնում Արցախի Հանրապետության կառավարության ֆինանսավորմամբ։ 100 երեխայի համար կառուցվում է սեսմակայուն նոր շենք՝ ապահովված նաեւ ապաստարանով։ Նախակրթարանը նաեւ կապահովի աշխատատեղով։ Շինարարության ընթացքում նոյնպես աշխատանք կունենան մեր քաղաքի որոշ բնակիչներ։ Նախատեսված է 2021 թվականին շահագործման հանձնել մանկապարտեզի շենքը։
Քաղաքում, համայնքի եկամուտների հաշվին, կառուցվում է համայնքային կենտրոն։ Կիսակառույց երկհարկանի նախկին շենքը վերափոխվել է։ Առաջին հարկում գործելու են հանդիսությունների դահլիճ, սանհանգույց, աշխատասենյակներ։ Երկրորդ հարկում, բացի քաղաքապետարանի աշխատակազմի համար նախատեսված աշխատասենյակներից, գործելու են բուժկետ, գրադարան, ակումբ։ Շենքի ներքին աշխատանքները գրեթե ավարտին են հասել։ Շուտով կսկսվի դրսի պատերի հարդարումը։ Այժմ համայնքապետարանը տեղակայված է հարմարեցված տնակում։
Վ. Ասրյանի խոսքով՝ 2021 թ. կունենան հարմարավետ համայնքային կենտրոն, ինչպես նաեւ գեղեցիկ մանկապարտեզ։ Այս օրերին քաղաքում կատարվում են նաեւ գյուղատնտեսական աշխատանքներ։ Համայնքն ունի մոտ 800 հեկտար վարելահող, որն օգտագործվում է հացահատիկային եւ այլ մշակաբույսեր արտադրելու համար։

Զոհրաբ ԸՌՔՈՅԱՆ

21-05-2020





11-07-2020
10 տարի անց բարեփոխվում է հանրակրթության բովանդակությունը
Դպրոցից դուրս է մղվում անբավարար գնահատման համակարգը

Ժամանակակից ...


11-07-2020
Թվային քաղաքակրթություն
Իսկ իրական աշխարհը մեզ է սպասում իր ամենավառ ...


11-07-2020
Հայաստանում հաստատվել է COVID-19-ի 489 նոր դեպք․ապաքինվել է ևս 710, մահացել 13 քաղաքացի
Հայաստանում հուլիսի 11-ի դրությամբ հաստատվել է կորոնավիրուսային հիվանդության ընդհանուր ...


11-07-2020
ՀՀ Ազգային հերոս Թաթուլ Կրպեյանի եւ Գետաշենի ինքնապաշտպանության մասին մենագրության հետքերով
1991 թվականի ապրիլի 30-ին սանձազերծվեց Խորհրդային Միության (ԽՍՀՄ) ...


11-07-2020
Հարկային բարենպաստ պայմաններ են ստեղծվում փոքր եւ միջին բիզնեսի համար
Տոկոսադրույքների նվազեցումը բիզնեսի խթանիչ ուժն է

Զարգացած երկրների ...


11-07-2020
Դիք. չաստվածների պաշտամունք
Ավարառության եւ գերեվարության ոգու հետ մեկտեղ Տիգրանն ու ...


11-07-2020
«Նա 40 տարի առաջ բարձրացել է իր խավար հայրենիքի բլուրները ու իր բարձրությունից ինչե՜ր, ինչե՜ր է տեսել…»
Հովհ. Թումանյան, «Քառասուն տարի»

1862 թվի գարնանը մի ...



11-07-2020
Ջերմոցային գազերի արտանետումների մեր բաժինն ու դրանք կրճատելու ներուժը
Հրապարակվել է կլիմայի փոփոխության մասին ...

11-07-2020
Մեծ Պեպոն
Գաբրիել Սունդուկյանը միշտ հաճոյախոսել է ...

11-07-2020
Սիրիայում կփոխվե՞ն խաղի կանոնները
Կողմերը պահանջել են այդ երկրից դուրս ...

11-07-2020
Ռեւանշի հնարավորություն
Հայաստանի եւ Քուվեյթի ֆուտբոլի ֆեդերացիաներն ...
USD
EURO
RUR
GEL
Եղանակը Երևանում
գիշերը +19... +21
ցերեկը +32... +34

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO