Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

05.12.2020
ԼՂՀ


Արցախի նոր հանգրվանը

Գիտելիքը կարեւոր է, բայց շատ կարեւոր է այն, թե ով է դրա արդյունքի սպառողը

Ապրիլի 14-ին Արցախի նախագահական ընտրությունների երկրորդ փուլի արդյունքներով նախագահ է ընտրվել «Ազատ հայրենիք» կուսակցության նախագահ Արայիկ Հարությունյանը։ Նրա՝ պաշտոնի ստանձնմանը նվիրված Ազգային ժողովի հատուկ նիստը տեղի կունենա այսօր, ժամը 18։00-ին, Շուշիի մշակույթի եւ երիտասարդության կենտրոնի դահլիճում։
ԱՀ նորընտիր նախագահ Արայիկ Հարությունյանի պաշտոնի ստանձնման եւ երդման արարողությանը ներկա կլինի նաեւ ՀՀ վարչապետ Նիկոլ Փաշինյանը։ Նրա ներկայությունը պատահական չէ. բազմիցս հայտարարելով, որ Արցախը պետք է վերադառնա բանակցությունների սեղան եւ ինքնուրույն որոշի իր ապագայի հարցը, ՀՀ վարչապետն այս քայլով միեւնույն ժամանակ հաստատում է, որ Հայաստանը եղել եւ մնում է Արցախի անվտանգության երաշխավորը։
Արայիկ Հարությունյանը երկար տարիներ գլխավորել է Արցախի կառավարությունը, եւ նրա գիտելիքներն անփոխարինելի են երկրի շենացման ու զարգացման գործում։ Իհարկե, առաջին հերթին կարեւոր կլինի, թե ով է լինելու այդ գիտելիքների արդյունքի սպառողը։ Նրա գործունեությունը պետք է միտված լինի դեպի Արցախի Հանրապետության յուրաքանչյուր քաղաքացին՝ զինվորն ու պոտենցիալ զինվորը՝ անկախ սեռից ու տարիքից, եւս մեկ անգամ ամրապնդի արցախցու՝ մայր հայրենիքի հետ ազատ ապրելու ձգտումը։
Ուշագրավ մեկ փաստ, որին կցանկանայի անդրադառնալ։ Ոմանք ենթադրում էին, որ նախագահական ու խորհրդարանական ընտրություններում պայքարը կարող է դուրս գալ թույլատրելիի սահմաններից, քանզի մեկ տասնյակից ավելի մարդ պայքարում էր նախագահի պաշտոնի համար, էլ չենք խոսում պատգամավորության թեկնածուների քանակի մասին։
Սակայն Արցախում տեղի ունեցած իրադարձությունները վկայում են միայն հայկական պետության բնակչության իմաստության մասին։ Ի հեճուկս թշնամիների, ամեն բան ընթացավ հայակենտրոն տրամադրվածությամբ՝ բոլորի կողմից, ինչը փաստում է, որ Արցախը, անկախ այն բանից՝ զենքով, թե գրչով, շարունակում է իր ազատագրական պայքարը եւ վստահաբար այն կհասցնի հաղթական ավարտի։
Պատմության ընթացքում, երբ Հայաստանը բազմիցս հայտնվել է օտար նվաճողների լծի տակ, Արցախն ու Սյունիքը գրեթե միշտ կիսանկախ վիճակով պահպանել են պետականության հիմքերը եւ հենց այդ պատմությունից քաղած դասերն են իրացնում հազարամյակների ընթացքում ձեւավորած պետականության ավանդույթների միջոցով։ Այդ ավանդույթներն ավելի քան 30 տարի ուղղորդում են արցախահայությանը եւ նրա քաղաքականության հիմքն են նաեւ այսօր ու կլինեն վաղը։
Արայիկ Հարությունյանը եւ «հին» գործիչ է, եւ «նոր»։ Որպես կառավարության նախկին ղեկավար՝ գերազանց գիտի այն իրավիճակը, որում այժմ գտնվում է երկիրը, ճանաչում է նրա բոլոր քարերն ու սյուները, բայց նաեւ «նոր» է, որովհետեւ որպես պետության առաջին դեմք՝ հնարավորություն ունի հստակորեն հայտարարելու իր համոզմունքների ու Արցախի տեղի ու դերի վերաբերյալ սեփական պատկերացումների մասին։ Եվ առաջիկա տարիներին շատ բան պայմանավորված կլինի նրա սկզբունքայնությամբ։
Արցախի յոթերորդ գումարման նորընտիր խորհրդարանում էլ մեծ թվով երիտասարդ պատգամավորներ կան։ Առաջին նստաշրջանը, որը կմեկնարկի այսօր, ժամը 10։00-ին, հուսով ենք՝ կազդարարի ոչ միայն նոր խորհրդարանի, այլեւ Արցախի նոր կյանքի սկիզբը։
Իշխան ՔԻՇՄԻՐՅԱՆ

21-05-2020





04-12-2020
Մոռացվա՞ծ են, արդյոք, Շահումյանն ու Գետաշենը
Դառը պատմությունը կարող է կրկնվել Հադրութի եւ Արցախից զավթած ...


04-12-2020
Թուրքիային կհաջողվի՞ Սիրիայում ավարտին հասցնել քրդական հարցը
Համենայնդեպս, Ջո Բայդենի նախագահության օրոք Թուրքիային նման հնարավորություն դժվար ...


04-12-2020
Զոհերի ընտանիքներն ու հաշմանդամություն ձեռք բերածները աջակցություն կստանան
Խոսքը քաղաքացիական անձանց շրջանակին է վերաբերում

2020 թ. ...


04-12-2020
Թուրքիայի հիմնական նպատակն է օրինական մուտք գործել տարածաշրջան
Այն կյանքի կոչվեց միայն մասամբ

Թուրքիայի նախագահ ...


04-12-2020
Հայկական բոլոր ռեսուրսների մեկտեղումն օրախնդիր է
Մեկնարկել է վճռական՝ դիվանագիտական ճակատամարտը

Արցախյան երրորդ պատերազմում ...


04-12-2020
Ամրապնդել բարեկամությունը, խորացնել համագործակցությունը
Եվ երկու ժողովուրդների հարաբերություններում նոր հեռանկարներ բացել



04-12-2020
Նրա համար արգելանքը առ ոչինչ էր
Վիպասանը՝ ազգային ազատագրական պայքարի մարտիկ ու քարոզիչ

Հայ ...



04-12-2020
Ֆրանսիայի ԱԺ-ն ընդունել է Լեռնային Ղարաբաղի ճանաչման հրատապ անհրաժեշտության մասին բանաձեւ
Ֆրանսիայի Ազգային ժողովն երեկ՝ Արցախի ...

04-12-2020
Հակակոռուպցիոն կոմիտեի ստեղծմամբ
Ակնկալվում է իրավախախտումների բացահայտումը ...

04-12-2020
Արմատական փոփոխություններ են առաջարկվում
Բարձրագույն կրթության եւ գիտության ...

04-12-2020
Բայրամյանը ամսվա լավագույն ֆուտբոլիստն է պրեմիեր լիգայում
Հայաստանի ազգային հավաքականի կիսապաշտպան Խորեն ...
USD
EURO
RUR
GEL
Եղանակը Երևանում
գիշերը +2... +4
ցերեկը +4... +7

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO