Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

11.07.2020
ԱՇԽԱՐՀ


Մերկելն ու Մակրոնը հանդես են եկել նախաձեռնությամբ

Տնտեսագետները կարծում են, որ դեռ հաղթանակ տոնելու ժամանակը չէ

Փարիզն ու Բեռլինը ներկայացրել են եվրոպական տնտեսության վերականգնման ընդհանուր նախաձեռնություն՝ հենվելով չորս ճյուղի վրա՝ սանիտարական պաշտպանության ոլորտում եվրոպական հնարավորությունների զարգացում, էկոլոգիական ծրագրի վերականգնում, տնտեսական ինքնիշխանության ամրապնդում եւ բյուջետային վերականգնման միջոցառումներ 500 մլրդ եվրոյի չափով՝ ընդհանուր վարկերի հիման վրա։
2012 թ. հունիսին Անգելա Մերկելը ձգտում էր հանգստացնել գերմանական հասարակությանը Ֆրանսուա Օլանդի հետ իր առաջին գագաթնաժողովի նախաշեմին։
Այդ ժամանակ Ֆրանսիայի նոր նախագահը, ում օգնականն էր Էմանուել Մակրոնը, առաջ է քաշել պարտքերի միավորման գաղափարը՝ եվրագոտու ճգնաժամի կարգավորման համար։ Կանցլերը, իր հերթին, հարազատ կուսակցության պատգամավորներին խոստացել էր, որ «քանի դեռ» կենդանի է, հանդես է գալու ցանկացած եվրապարտատոմսի ձեւավորման դեմ։
Միջոցառումները, որոնք նրա կողմից ներկայացվեցին 8 տարի առաջ ֆրանսիական առաջնորդի հետ համատեղ մամուլի ասուլիսում, եվրապարտատոմս չէին. խոսքը պետությունների միջեւ բոլոր պարտքերի բաժանման մասին չէ, որոնց բյուջետային քաղաքականությունը չի հետեւել կոշտ կանոնների։ Ֆրանս—գերմանական նախաձեռնությունը՝ վերականգնելու եվրոպական տնտեսությունը, այս ուղղությամբ շատ ավելի հեռուն կգնա, քան այն բոլորը, ինչ տեսել ենք մինչ այժմ։
Եվրագոտու առաջին երկու տնտեսությունները պայմանավորվել են «պարտքի ընդհանուր գործիքների վերաբերյալ»։ Խոսքը պարտքերի գծով եվրոպական պետությունների համերաշխության երաշխիքների մասին չէ, ինչպես 2010 թ. առաջարկում էին տնտեսագետներ ժակ Դելպան ու Յակոբ ֆոն Վայցզեկկերը, այլ 500 մլրդ եվրոյի հատկացման մասին՝ կորոնավիրուսային իրավիճակի սանիտարական, տնտեսական ու սոցիալական հետեւանքների դեմ պայքարի համար։
Այդ 500 միլիարդը կներգրավվի ֆինանսական շուկաներում պետական երաշխիքներով (օրինակ՝ 20 տոկոս Ֆրանսիայի համար) եւ հասանելի կլինի 2021 թվականից, մինչդեռ վարկերը նախատեսվում է մարել 2027 թվականից հետո։ Միջոցները հիմնականում կհատկացվեն ճգնաժամից առավել տուժած երկրներին։ Այսպիսով՝ խոսքը բյուջետային աննախադեպ փոխանցումների եւ տարածաշրջանների ու ճյուղերի վերականգնման մեջ եվրոպական օգնության ծրագրերի զգալի՝ 30 տոկոսով աճի մասին է։
Երկու լիդերների բառերի ընտրությունը ցույց է տվել, որ բյուջետային հարցերին նրանց հայացքները մինչեւ հիմա անհամատեղելի են։ Էմանուել Մակրոնը ողջունել է «մեծ քայլը», մինչդեռ Անգելա Մերկելը հիշատակել է «անհրաժեշտ ջանքեր» արտահայտությունը։ Ամեն դեպքում՝ Փարիզն ու Բեռլինը պատմական քայլ են կատարել եվրոպական համերաշխության ճանապարհին։
Երկկողմ բանակցությունները ծանր են եղել, երբեմն նաեւ՝ լարված։ «Մենք ուշադիր էինք, ոչ մի անգամ չարտաբերեցինք լարվածություն առաջացնող «եվրապարտատոմս» բառը։ Դա Գերմանիայի հետ արդյունավետ եւ հանգիստ երկխոսության հիմքերից մեկն էր»,–ասել է նախագահի խորհրդականներից մեկը։
Որքան էլ պարադոքսալ հնչի, կանցլերը, հավանաբար, որոշել է քայլ կատարել բյուջետային համերաշխության ուղղությամբ Գերմանիայի Սահմանադրական դատարանի վերջին որոշման պատճառով, որը Եվրոպական կենտրոնական բանկին երեք ամիս ժամանակ է տվել պարտքերի գնման իր ծրագիրը հիմնավորելու համար։
500 մլրդ եվրո նոր ծախսերը կգումարվեն 540 մլրդ պարտքին, որը հասանելի կլինի հունիսից։ Եվրահանձնաժողովի ծրագիրը պետություններին հնարավորություն կտա 100 մլրդ եվրոյի չափով մասամբ ֆինանսավորել գործազրկությունը։ Եվրոպական ներդրումային բանկը, իր հերթին, կներգրավի 200 մլրդ եվրո՝ վարկերի կամ եվրոպական ձեռնարկություններում համատեղ ներդրման համար։ Վերջապես՝ համերաշխության եվրոպական մեխանիզմը պետություններին 240 մլրդ եվրոյի վարկ կտրամադրի։
Ընդհանուր առմամբ՝ Եվրոպան ավելի քան մեկ տրիլիոն եվրո է ուղղորդում, ինչը գերակշռում է պետական մակարդակով ձեռնարկված միջոցառումներին, որոնք հասել են եվրոպական ՀՆԱ—ի 3 տոկոսին։ Այսպիսով՝ տնտեսական վերականգնման ընդհանուր պլանը հասնում է ԵՄ—ի ՀՆԱ—ի 10 կետի։ Այս ամենը՝ 4 ամսից պակաս ժամանակահատվածի համար։ Հարկ է հիշել, որ ԵԿԲ նախկին նախագահ Մարիո Դրագիից 4 տարի պահանջվեց, որպեսզի եվրագոտին դուրս բերի ճգնաժամից իր հայտնի «ամեն գնով» արտահայտությամբ...
Այնուամենայնիվ, այս հարցում դեռ վերջակետ դրված չէ. ֆրանս—գերմանական նախաձեռնությունը պետք է արժանանա Եվրահանձնաժողովի հավանությանը, որը հաջորդ շաբաթ կներկայացնի տնտեսության աջակցության հիմնադրամի սեփական նախագիծը։ Անցած շաբաթ Եվրախորհրդարանում նրա ղեկավար Ուրսուլա ֆոն դեր Լյաենի ելույթն ամեն ինչ հանգեցնում է Փարիզ—Բեռլին—Բրյուսել առանցքի ձեւավորման հեռանկարների մտքին։
27 անդամ պետությունների խորհրդարանները նույնպես պետք է իրենց կարծիքը հայտնեն հիմնադրամի մասին, եւ երաշխիք չկա, որ Նիդերլանդները կամ Եվրոպայի հյուսիսային «համառ» մյուս երկրները լուռ կընդունեն այն։
Եթե նախագիծը հասցվի մինչեւ վերջ, պատմական քայլ կլինի եվրոպական շինարարության գործընթացում։ Առաջին անգամ «խախտվում է ցանկացած այլ նպատակով վարկ վերցնելու արգելքը, բացի վարկերի ներգրավումից։ Ընդունվում է մի համակարգ, որը հենված չէ վարձատրության վրա, ինչը եվրոպական նորմ էր Մարգարետ Թետչերի ժամանակներից»,–նշել է տնտեսագետ Ժան Փիսանի—Ֆերին։
Արդյոք այս հնչեղ նորությունը խոսո՞ւմ է բյուջետային միության սկզբի մասին։ Ձեւավորման սկզբից եվրագոտին տառապում է դեֆեկտից՝ բյուջետային հիմքի բացակայությունից, որը խանգարում է նրան աշխատել։ Տնտեսագետները կարծում են, որ դեռ հաղթանակ տոնելու ժամանակը չէ։ «Դա, իհարկե, նման առաջին դեպքն է, սակայն հիմնադրամը ժամանակավոր է եւ ուղղված հստակ որոշված խնդիրների՝ կորոնավիրուսի հետեւանքների դեմ։ Խոսքը մշտական բյուջեի մասին չէ»,–վստահ է տնտեսական ուսումնասիրության խորհրդի ներկայացուցիչ Ֆիլիպ Մարտենը։
«Սակայն եթե այդ ժամանակավոր համակարգն աշխատի, եթե երկրներն արդյունավետ օգտագործեն այն, եթե ճգնաժամից դուրս գալիս չափազանց մեծ չլինի տարանջատվածությունը եվրոպական տնտեսությունների միջեւ, դրանից հետեւություններ կարվեն»,–ավելացրել է նա։
Պատասխանատվությունն ընկնում է եվրոպական գումարները ստացողների, ինչպես նաեւ այն ձեռնարկությունների վրա, որոնք կներգրավեն Եվրոպական ներդրումային բանկի միջոցները եւ պարտավորություններ կստանձնեն բնապահպանության ոլորտում։ «Դա թեստ է Եվրոպայի եւ եվրոպական բյուրոկրատիայի համար»,- շեշտել է Ֆիլիպ Մարտենը։
Պատրաստեց Իշխան ՔԻՇՄԻՐՅԱՆԸ

21-05-2020





11-07-2020
10 տարի անց բարեփոխվում է հանրակրթության բովանդակությունը
Դպրոցից դուրս է մղվում անբավարար գնահատման համակարգը

Ժամանակակից ...


11-07-2020
Թվային քաղաքակրթություն
Իսկ իրական աշխարհը մեզ է սպասում իր ամենավառ ...


11-07-2020
Հայաստանում հաստատվել է COVID-19-ի 489 նոր դեպք․ապաքինվել է ևս 710, մահացել 13 քաղաքացի
Հայաստանում հուլիսի 11-ի դրությամբ հաստատվել է կորոնավիրուսային հիվանդության ընդհանուր ...


11-07-2020
ՀՀ Ազգային հերոս Թաթուլ Կրպեյանի եւ Գետաշենի ինքնապաշտպանության մասին մենագրության հետքերով
1991 թվականի ապրիլի 30-ին սանձազերծվեց Խորհրդային Միության (ԽՍՀՄ) ...


11-07-2020
Հարկային բարենպաստ պայմաններ են ստեղծվում փոքր եւ միջին բիզնեսի համար
Տոկոսադրույքների նվազեցումը բիզնեսի խթանիչ ուժն է

Զարգացած երկրների ...


11-07-2020
Դիք. չաստվածների պաշտամունք
Ավարառության եւ գերեվարության ոգու հետ մեկտեղ Տիգրանն ու ...


11-07-2020
«Նա 40 տարի առաջ բարձրացել է իր խավար հայրենիքի բլուրները ու իր բարձրությունից ինչե՜ր, ինչե՜ր է տեսել…»
Հովհ. Թումանյան, «Քառասուն տարի»

1862 թվի գարնանը մի ...



11-07-2020
Ջերմոցային գազերի արտանետումների մեր բաժինն ու դրանք կրճատելու ներուժը
Հրապարակվել է կլիմայի փոփոխության մասին ...

11-07-2020
Մեծ Պեպոն
Գաբրիել Սունդուկյանը միշտ հաճոյախոսել է ...

11-07-2020
Սիրիայում կփոխվե՞ն խաղի կանոնները
Կողմերը պահանջել են այդ երկրից դուրս ...

11-07-2020
Ռեւանշի հնարավորություն
Հայաստանի եւ Քուվեյթի ֆուտբոլի ֆեդերացիաներն ...
USD
EURO
RUR
GEL
Եղանակը Երևանում
գիշերը +19... +21
ցերեկը +32... +34

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO