Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

20.10.2020
ՄԱՅՐ ԱԹՈՌ


«Էջմիածինը մեզ համար երկիր է երկրի վրա եւ երկինք՝ երկնքի մեջ»

Համբարձման տոնը՝ Մայր Աթոռ Սուրբ Էջմիածնում

Երեկ Հայաստանյայց առաքելական սուրբ եկեղեցին տոնախմբեց մեր Տեր Հիսուս Քրիստոսի Համբարձման տոնը, հայտնում են Մայր Աթոռ Ս. Էջմիածնի տեղեկատվական համակարգից։ Այս տոնին հիշատակվում է նաեւ 1441 թ. Ամենայն հայոց հայրապետության Աթոռը Սիս քաղաքից Սուրբ Էջմիածին փոխադրման պատմական օրը։
Ն.Ս.Օ.Տ.Տ. Գարեգին Երկրորդ Ծայրագույն պատրիարք եւ Ամենայն հայոց կաթողիկոսի գլխավորությամբ Մայր Աթոռի միաբանությունը պատարագի սրբազան արարողությանը մասնակցեց Սուրբ Գայանե վանքում։ Պատարագիչն էր Մայր Աթոռ Սուրբ Էջմիածնի միջեկեղեցական հարաբերությունների բաժնի տնօրեն հոգեշնորհ տ. Շահե ծայրագույն վարդապետ Անանյանը։
Սուրբ պատարագի ընթացքում հոգեշնորհ հայր սուրբն անդրադարձ կատարեց Տիրոջ համբարձման խորհրդին։
«Դժվար չէ պատկերացնել, որ այդքան ժամանակ առաքյալներին ներշնչման, հավատի, սիրո եւ մարդասիրության բացարձակ օրինակ ծառայած երկնավոր Վարդապետն այսպես միանգամից, հարություն առնելուց հետո վերանում է երկինք, եւ նրանք այլեւս երբեք չեն տեսնելու Նրան, չեն ճաշելու Նրա հետ, չեն լսելու Նրա աստվածային խոսքերը։ Բայց Հիսուս շտապում է փարատել նրանց կասկածները՝ «Ես ձեզ հետ եմ մինչեւ աշխարհի վախճանը»։
Որտե՞ղ պիտի փնտրեին ու գտնեին առաքյալները Հիսուսին։ Բոլոր այն վայրերում, որտեղ կար Հիսուսի ոտնահետքը, որտեղ Հիսուսի հիշողությունները պահպանվում էին առաքյալների մտքի մեջ. Ձիթենյաց լեռան ստորոտում էր, որ Հիսուս արտասվեց, քրտնեց եւ աղոթեց մարդու փրկության համար, Բեթանիայում էր, որ Հիսուս հարություն տվեց իր բարեկամին՝ Ղազարոսին, եւ արտասվեց մարդու մահվան համար, Երուսաղեմ քաղաքում էր, որ Նա վերջին ընթրիքը հաստատեց եւ Իր մարմինն ու արյունը բաշխեց առաքյալներին, ի վերջո, Գողգոթայում էր, որտեղ Նա խաչ բարձրացավ, մահացավ եւ հարություն առավ մարդու փրկության համար։ Այդ բոլոր վայրերը սրբացան հենց համբարձման պահին, որովհետեւ հենց այդ պահին, երբ Հիսուս օրհնեց իր աշակերտներին եւ նրանց ասաց նշանավոր այդ խոսքերը, նրանք անմիջապես մտաբերեցին, որ այլեւս Հիսուս ոչ թե իրենց հետ երկրի վրա քայլելու է, այլ մեկընդմիշտ փոխելու է իրենց կյանքը։ Մնացյալ բոլոր տարիներն առաքյալները ապրելու են Հիսուսի համբարձումից հետո, լինելու է այլեւս նրանց գործելու ժամանակը, Հիսուսի ներկայությունը մարդկանց կյանքի մեջ բերելու ժամանակը»,– նշեց պատարագիչ հայր սուրբը։
Հայր Շահեն ընդգծեց, որ Համբարձման տոնը հենց Հիսուսի ոտնահետքերի մասին հիշողությունն է ամենքիս համար եւ աշակերտների նման բոլորին օրհնելով՝ նույն բառերն ասել. «Ես ձեզ հետ եմ մինչեւ աշխարհի վախճանը»։
Պատարագիչ հայր սուրբը խոսեց նաեւ օրվա մեկ այլ նվիրական խորհրդի մասին՝ անդրադառնալով Ամենայն հայոց հայրապետական Աթոռը Սիս քաղաքից Սուրբ Էջմիածին փոխադրելու պատմական հիշատակությանը։
«Տասնհինգերորդ դարում տեղի ունեցած այս իրողությունը պատմական է ոչ թե այն իմաստով, որ Սուրբ Աթոռը վերադարձել է իր առաջին եւ օրինական վայրը, այլ նրանով, որ պատմության դառն փորձությունների մեջ, երկար դարեր տեւած դեգերումներից հետո ի վերջո Լուսավորչի տեսիլքը մեկընդմիշտ գտել է իր պատմական արդարացումն ու իրականացումը։ Այդ իմաստով, այսօր ամենքիս՝ Սուրբ Էջմիածնի զավակների, միաբանների եւ ողջ հայության տոնն է, որովհետեւ Սուրբ Էջմիածինը հայորդիների Սիոնն է, հոգեւոր կենտրոնը, որտեղից, ըստ մեր պատմիչների, Գրիգոր Լուսավորիչը հոգեւոր իմաստով ծնել եւ մկրտել է հայ ժողովրդին։
Մայր Աթոռ Սուրբ Էջմիածինը մեզ համար հենց Հիսուսի ոտնահետքն է այս աշխարհում։ Եթե մենք կամենում ենք համբուրել այդ ոտնահետքը, բավական է, որ մենք խոնարհվենք Սուրբ Էջմիածնի սրբացած քարերի առջեւ, եթե կամենում ենք տեսնել, զգալ եւ շոշափել Հիսուսի իրական ներկայությունը հայոց հողի վրա, ապա ամենքս մեր հայացքը պետք է հառենք Մայր Աթոռ Սուրբ Էջմիածնին։
Ինչքան էլ, որ հայ քրիստոնեական քաղաքակրթական միտքը զարգանա, այն երբեք չի բարձրանալու Սուրբ Էջմիածնի գմբեթից ավելին, որովհետեւ Էջմիածինը մեզ համար երկիր է երկրի վրա եւ երկինք՝ երկնքի մեջ»,–ասաց հայր Շահեն՝ հորդորելով ամենքին աղոթել, որ Տերն անսասան պահի Հայկազյան Աթոռը՝ առողջություն եւ երկար տարիների գահակալություն պարգեւելով նրա ազգընտիր գահակալին։
Քարոզից հետո, հանդիսապետությամբ Ամենայն հայոց կաթողիկոսի, կատարվեց հայրապետական մաղթանք, որի ընթացքում հոգեւոր դասն աղոթք բարձրացրեց առ Աստված Մայր Աթոռ Սուրբ Էջմիածնի եւ Ամենայն հայոց հայրապետության անսասանության, պայծառության ու հավետ շենացման համար։

22-05-2020





17-10-2020
Անկարան օգտագործել եւ օգտագործում է Բաքվին
Ադրբեջանի հանդեպ Թուրքիայի տնտեսական ձեռքբերումները մեծապես կապելով հայկական լծակի ...


17-10-2020
Լավագույն հանգուցալուծումը հայկական կողմի ջախջախիչ հաղթանակն է
Այդ հաղթանակն Ադրբեջանին կստիպի զինադադար խնդրել

Հարցազրույց «Ակոս» ...


17-10-2020
ԵՄ դռներն ավելի ամուր են փակվում Թուրքիայի առջեւ
Ավստրիայի խորհրդարանն ընդունել է դատապարտող բանաձեւ

Ավստրիայի Ազգային ...


17-10-2020
Թուրքական իմպերիալիզմը խախտում է հայ ժողովրդի իրավունքը
Միջազգային ինչպիսի՞ արձագանք կառաջացներ գերմանացիների հարձակումն Իսրայելի վրա



17-10-2020
Այս պատերազմը միայն հայության խնդիրը չէ
Սա առավել մեծ՝ տարածաշրջանային, ինչպես նաեւ միջազգային ընդգրկում ունի


17-10-2020
Ֆրանսիական կինոյի լեգենդի մի մասնիկը
Ազգ ներկայացնող փառավոր անուն

«Ես կարդում, գրում եմ ...


17-10-2020
«Ես որոնց որ սիրում եմ յանդիմանում եմ, եւ խրատում եմ. ուրեմն ջանք արա եւ ապաշխարիր»
Աստվածաշնչում կարդում ենք «մեծ ողբի» մասին, երկրագնդի վրա մեծ ...



17-10-2020
Միջազգային հանրությունը պետք է ընդունի «անջատում հանուն փրկության» սկզբունքը
ՀՀ վարչապետ Նիկոլ Փաշինյանը հարցազրույց է տվել ...

17-10-2020
Ահաբեկիչներին կարող են ոչնչացնել նաեւ բուն Ադրբեջանի տարածքում
Թուրքիան արդեն մտել է Ադրբեջան եւ այնտեղից դուրս ...

17-10-2020
Ինքնորոշման իրավունքի ճանաչումն առաջնային է
ՀՀ արտաքին գործերի նախարար Զոհրաբ Մնացականյանն ...

17-10-2020
Մխիթարյանը շնորհակալություն է հայտնել իտալացի պատգամավորին
Հենրիխ Մխիթարյանը ֆեյսբուքյան գրառմամբ իր ...
USD
EURO
RUR
GEL
Եղանակը Երևանում
գիշերը +16... +19
ցերեկը +24... +26

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO