Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

11.07.2020
ՏՆՏԵՍՈՒԹՅՈՒՆ


Ներդրումները՝ պետության կողմից համաֆինանսավորման տրամաբանությամբ

Կառավարությունն ուզում է «կիսել» մասնավոր կազմակերպությունների ռիսկերը

Գործադիրը երեկվա նիստում հաստատեց կառավարության նախատեսած 80 մլրդ դրամ հանրագումարով տնտեսական երկարաժամկետ զարգացմանն ուղղված ծրագրերի շրջանակում առաջին ծրագիրը։ Վարչապետ Նիկոլ Փաշինյանն այն համարեց շրջադարձային, աննախադեպ նախագիծ. «Ճգնաժամի մեկնարկին մենք հայտարարեցինք, որ պատրաստվում ենք 25 մլրդ դրամի սոցիալական աջակցության ծրագրեր իրականացնել եւ 80 մլրդ դրամի՝ տնտեսական երկարաժամկետ զարգացմանն ուղղված ծրագրեր»։
Ֆինանսական աջակցության պայմանները ներկայացրեց էկոնոմիկայի նախարար Տիգրան Խաչատրյանը. «Մենք աջակցում ենք, բայց աջակցում ենք պայմանով, որ այդպիսի ֆինանսական աջակցությունը մեր կողմից կառաջացնի նաեւ մասնավոր հատվածի՝ մի քանի անգամ գերազանցող ներդրումներ անելուն»։
Բացի այդ՝ Տիգրան Խաչատրյանը տեղեկացրեց, որ ինչքան կառավարությունն է ներդրում անում, նույն չափով ներդրողը պետք է անի, դրան զուգահեռ պայմանն այն է, որ որքան կառավարությունը մասնավոր ներդրողի հետ ներդրում անի, այդքան էլ վարկային ռեսուրսներ կներգրավվեն։ Այսպիսով՝ ներդրումներն արվելու են պետության կողմից համաֆինանսավորման տրամաբանությամբ՝ այս իրավիճակում մասնավոր կազմակերպություններում ներդրումների ռիսկերը կիսելու եւ ֆինանսական աջակցություն ցուցաբերելու նպատակով։ «Ծրագրի շրջանակներում նախատեսվում է պետության մասնակցությունը «Ձեռնարկատեր+պետություն հակաճգնաժամային ներդրումների կառավարիչ» ՓԲԸ—ի «Ձեռնարկատեր+պետություն հակաճգնաժամային ներդրումներ» ոչ հրապարակային մասնագիտացված պայմանագրային ներդրումային ֆոնդում՝ մինչեւ 50 մլրդ դրամ ընդհանուր արժողությամբ ֆոնդի փայերի ձեռք բերման եղանակով»,–ասաց էկոնոմիկայի նախարարը։
Կառավարության կողմից ֆոնդի փայերի (կառավարության հաստատած ծրագրում այս բառն է, ուստի մենք այն չենք փոխում) ձեռք բերումը նախատեսվում է իրականացնել 10 մասնաբաժնով՝ յուրաքանչյուրը մինչեւ 5 մլրդ դրամի չափով։ Ընդ որում, առաջին 5 մլրդ դրամի չափով փայերի ձեռքբերման դիմաց վճարումը կատարվում է ֆոնդի փայերի ձեռք բերման հայտը ֆոնդի կանոններով սահմանված կարգով հաստատվելուց հետո 5 աշխատանքային օրվա ընթացքում, իսկ յուրաքանչյուր հաջորդ մասնաբաժնի ձեռք բերման դիմաց վճարումն արվում է ֆոնդի կառավարչի կողմից նախորդ մասնաբաժնի գումարի ներդրումներ իրականացնելու փաստի մասին կառավարությանը գրավոր ծանուցելուց հետո։ Ընդ որում, յուրաքանչյուր հաջորդ փայի ձեռք բերումը տեղի կունենա կառավարության որոշման հիմամբ՝ նախորդ մասնաբաժնի գումարի ներդրումների վերաբերյալ ներկայացված հաշվետվության արդյունքներով։
Ծրագրի շրջանակներում նախատեսվում է կնքել ներդրումային պայմանագիր ՀՀ կառավարության՝ ի դեմս էկոնոմիկայի նախարարի եւ ֆոնդի կառավարչի միջեւ, որում կնախատեսվեն մի շարք պայմաններ։
Օրինակ՝ մեկ առեւտրային կազմակերպությունում, ինչպես նաեւ փոխկապակցված ընկերություններում Ֆոնդի մասնակցության հանրագումարը պետք է կազմի առնվազն 1 մլն դոլարին եւ առավելագույնը 2 մլն դոլարին համարժեք դրամ։ Ֆոնդի կողմից ներդրումներ կարող են իրականացվել այն առեւտրային կազմակերպություններում, որոնք, ասենք, ֆոնդի կողմից ներդրման իրականացման դեպքում միաժամանակ կստանան առնվազն նույն չափով ներդրում մասնավոր ներդրողից։ Ընդ որում, մասնավոր ներդրումը պետք է իրականացվի դրամական միջոցներով։ Ֆոնդի եւ մասնավոր ներդրողի ներդրումների արդյունքում կազմակերպության սեփական կապիտալը պետք է ավելանա այդ ներդրումների հանրագումարի չափով։
Հավելենք, որ կատարված ներդրումները մշտապես լինելու են ՀՀ կառավարության դիտարկման դաշտում՝ հիմք ընդունելով այն փաստը, որ «Ձեռնարկատեր+պետություն հակաճգնաժամային ներդրումների կառավարիչ» ՓԲԸ—ի «Ձեռնարկատեր+պետություն հակաճգնաժամային ներդրումներ» ներդրումային ֆոնդը համարվում է «Հայաստանի պետական հետաքրքրությունների ֆոնդ» փակ բաժնետիրական ընկերության դուստր կազմակերպություն, որի 100 տոկոս բաժնետեր է Հայաստանի Հանրապետությունը։
Արմենուհի ՄԵԼՔՈՆՅԱՆ
a.melqonyan@hhpress.am

22-05-2020





11-07-2020
10 տարի անց բարեփոխվում է հանրակրթության բովանդակությունը
Դպրոցից դուրս է մղվում անբավարար գնահատման համակարգը

Ժամանակակից ...


11-07-2020
Թվային քաղաքակրթություն
Իսկ իրական աշխարհը մեզ է սպասում իր ամենավառ ...


11-07-2020
Հայաստանում հաստատվել է COVID-19-ի 489 նոր դեպք․ապաքինվել է ևս 710, մահացել 13 քաղաքացի
Հայաստանում հուլիսի 11-ի դրությամբ հաստատվել է կորոնավիրուսային հիվանդության ընդհանուր ...


11-07-2020
ՀՀ Ազգային հերոս Թաթուլ Կրպեյանի եւ Գետաշենի ինքնապաշտպանության մասին մենագրության հետքերով
1991 թվականի ապրիլի 30-ին սանձազերծվեց Խորհրդային Միության (ԽՍՀՄ) ...


11-07-2020
Հարկային բարենպաստ պայմաններ են ստեղծվում փոքր եւ միջին բիզնեսի համար
Տոկոսադրույքների նվազեցումը բիզնեսի խթանիչ ուժն է

Զարգացած երկրների ...


11-07-2020
Դիք. չաստվածների պաշտամունք
Ավարառության եւ գերեվարության ոգու հետ մեկտեղ Տիգրանն ու ...


11-07-2020
«Նա 40 տարի առաջ բարձրացել է իր խավար հայրենիքի բլուրները ու իր բարձրությունից ինչե՜ր, ինչե՜ր է տեսել…»
Հովհ. Թումանյան, «Քառասուն տարի»

1862 թվի գարնանը մի ...



11-07-2020
Ջերմոցային գազերի արտանետումների մեր բաժինն ու դրանք կրճատելու ներուժը
Հրապարակվել է կլիմայի փոփոխության մասին ...

11-07-2020
Մեծ Պեպոն
Գաբրիել Սունդուկյանը միշտ հաճոյախոսել է ...

11-07-2020
Սիրիայում կփոխվե՞ն խաղի կանոնները
Կողմերը պահանջել են այդ երկրից դուրս ...

11-07-2020
Ռեւանշի հնարավորություն
Հայաստանի եւ Քուվեյթի ֆուտբոլի ֆեդերացիաներն ...
USD
EURO
RUR
GEL
Եղանակը Երևանում
գիշերը +19... +21
ցերեկը +32... +34

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO