Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

06.08.2020
ԿՐԹՈՒԹՅՈՒՆ


Արտակարգ դրության արտակարգ... «Վերջին զանգը»

Տխրելու պատճառ չկա, դպրոցից բուհ տանող ճամփան մեկ «քայլ» է դարձել

Թղթին գրված հուշ մնաց «Վերջին զանգի» սցենարը։ Ծաղկավաճառի մոտ են ծաղիկները, որ պետք է նվիրեին ուսուցչական անձնակազմին։ Գրկախառնությունները՝ «հեռավար», համբույրները՝ «դիմակավորված», շնորհավորական խոսքերը՝ օնլայն, ավարտական երեկոյի արցունքները՝ ծածուկ։
Կորոնավիրուսն իր անելիքն արել է՝ «Վերջին զանգի» մասսայական միջոցառումներ չեն լինի, փոխարենը ավարտական տոնն այս տարի կունենա բոլորովին այլ նշանակություն։ «Երեւի թե իմ գործունեության տարիների ընթացքում առաջին դեպքն է, որ շրջանավարտը «Վերջին զանգ» չի ունենա։ Բայց կարծում եմ, որ ամենակարեւորը բոլորի առողջությունն է։ Մենք սա էլ կհաղթահարենք»,–«Հայաստանի Հանրապետություն» օրաթերթի հետ զրույցում ասում է Խաչիկ Դաշտենցի անվան թիվ 114 ավագ դպրոցի տնօրեն Ռուզան Կոստանյանը։
Շնորհավորում է շրջանավարտներին, բոլորին առողջություն է ցանկանում։ «Իրենց ընտրած ճանապարհը թող ամենահաջողը լինի։ Հասնեն ամենանվիրական նպատակներին։ Սիրում եմ բոլորին, շատ եմ հուզվում այս պահին»,– նշում է նա։ Ռ. Կոստանյանի կարծիքով՝ շրջանավարտները ավարտական երեկո չունենալուն ըմբռնումով են մոտնեում, քանի որ իրավիճակը թելադրում է՝ համակերպվել. «Սա էլ է հիշվելու որպես հետաքրքիր մի իրադարձություն։ Ատեստատների հանձնման օրը իհարկե առիթ կունենանք մեկս մյուսին շնորհավորելու»։
Այնպես չէ, որ աշակերտները միայն դժգոհելու եւ տխրելու առիթ ունեն։ Չմոռանանք, որ այս տարվա շրջանավարտները «արտոնյալ» են։ Կորոնավիրուսի համավարակով պայմանավորված՝ դպրոցական ավարտական քննություններ այս տարի չեն անցկացվի, իսկ բուհ ընդունվողները կարող են միայն մեկ քննություն հանձնել։ Ռ. Կոստանյանն ասաց, որ աշակերտների կողմից տարբեր կարծիքներ է լսել այս առնչությամբ, իսկ ինքը գտնում է, որ այս «արտոնությունը» բուհ ընդունվելու համար առավել հաղթահարելի տարբերակ է։
Աշակերտներին շնորհավորական խոսք ասաց նաեւ ԱԺ «Իմ քայլը» խմբակցության անդամ, ԱԺ ԿԳՄՍ հանձնաժողովի փոխնախագահ Հովհաննես Հովհաննիսյանը. «Դպրոցն ավարտելը աշակերտի համար շատ կարեւոր շրջափուլ է, որին հաջորդում է կյանքի մեկ այլ կարեւոր շրջափուլ, այն է՝ բուհ ընդունվելը, հասարակական կյանքում ինտեգրվելը»։ Դպրոցական տարիներն անփոխարինելի են, կարծում է Հովհաննսիյանը։ Ցավում է, որ շրջանավարտները հնարավորություն չունեցան մեծ միջոցառումներ կազմակերպելու, ուրախանալու։
«Ըստ իս՝ եթե այսօր չեն կարող անել, ապա համավարակից հետո հնարավորություն կունենան հավաքվել, նշել, ուրախանալ։ Պետք է ըմբռնումով ընդունել։ Բարեբախտաբար, մեր հասարակությունը գիտակցաբար է մոտենում այս իրավիճակին։ Պատասխանատվության բարձր զգացում ունեն իրենց տարեցների նկատմամբ, գիտեն, որ եթե վարակվեցին՝ կփոխանցեն նաեւ իրենց շրջապատի մեծահասակներին։ Եվ սա կարող է ճակատագրական լինել։ Չմոռանանք ընդգծել այն լավ իրադարձությունը, որ դպրոցականներն այս տարի հնարավորություն ունեցան կոմպենսացնել տոնախմբության պակասը՝ բուհ ընդունվելով մեկ քննությամբ։ Այս հանգամանքը աշակերտների շրջանում մեծ ոգեւորություն է առաջացրել»,–նկատեց պատգամավորը։
Լիանա ՍԱՐԳՍՅԱՆ
l.sargsyan@hhpress.am

23-05-2020





01-08-2020
682 դեպքով հրդեհների թիվը նվազել է
Սակայն հրդեհավտանգ իրավիճակը կպահպանվի նաեւ օգոստոսին եւ սեպտեմբերին



01-08-2020
Ադրբեջանի էթնիկ քարտեզը
Հայկական տարրը տեւապես եղել է Կովկասի մշակութային շարժիչ ...


01-08-2020
Հայաստանում հաստատվել է COVID-19-ի 291 նոր դեպք․ ապաքինվել է 560, մահացել 11 քաղաքացի
Հայաստանում օգոստոսի 1-ի դրությամբ` հաստատվել է կորոնավիրուսային հիվանդության ընդհանուր ...


01-08-2020
Հուշապատում
Բինգյոլը... Սեւանի ափին

Սեւանա կղզին Իսահակյանի ամենասիրելի վայրերից ...


01-08-2020
«Ամենատխուր մարդը» կամ անազատության ազատությունը
Վերարժեւորելով Պերճ Զեյթունցյանին եւ նրա ինքնատիպ գործերից մեկը՝ ...


01-08-2020
Հայաստանի «Ինտերկապը» 30 տարեկան է
ՀԽՍՀ ֆիզիկական կուլտուրայի եւ սպորտի պետական կոմիտեի նախագահ Ռուբեն ...


01-08-2020
Կալիսիրի ակումբը՝ Շվեդիայի գավաթակիր
Շվեդիայի ֆուտբոլային գավաթը 8-րդ անգամ նվաճեց «Գյոթեբորգը»։ Ակումբակիցների հետ ...



01-08-2020
Հայաստանում մեկնարկում է հիմնարար բարեփոխումների գործընթաց
68-97 տոկոսով կբարձրացվեն ոստիկանության ...

01-08-2020
ՀԱԷԿ-ում ՊՆՎ-ն ըստ ժամանակացույցի է եւ առանց խոչընդոտների
Հայաստանն ատոմակայանի շահագործման եզակի ...

01-08-2020
Պատմության հետագծով
–1921 թ. օգոստոսի 1-ին ծնվել է Լիլի Չուգասզյանը՝ ...

01-08-2020
Ինֆանտինոն արդեն մեղադրյալ է
Համաշխարհային ֆուտբոլը հերթական ապտակը ստացավ. ...
USD
EURO
RUR
GEL
Եղանակը Երևանում
գիշերը +20... +22
ցերեկը +36... +38

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO