Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

06.06.2020
ԱՅԼՔ...


Ինչպե՞ս կազդեն փակ սահմանները ներքին զբոսաշրջության վրա

Կորոնավիրուսի համավարակի տարածումն առավել հուժկու հարված հասցրեց տուրիզմի ու սպասարկման ոլորտներին։ Սակայն եթե սպասարկման ոլորտի ռեստորանային, սրճարանային հատվածը մասամբ ակտիվացման նշաններ է ցույց տալիս, հատկապես սեզոնի բացվելուն զուգընթաց, ապա տուրիզմը դժվարին ժամանակներ է ապրում։ Արտագնա տուրիզմն ընդհանրապես անշարժ է, կարծես գոյություն չի էլ ունեցել։ Ճիշտ է, մարդիկ զգուշանում են մարդաշատ վայրեր այցելելուց կամ աշխատում են հնարավորինս քիչ դուրս գալ տնից, բայց ամառվա գալու հետ հազիվ թե կարողանան չտրվել գայթակղությանը եւ չայցելել տարբեր տեսարժան վայրեր ու հանգստի գոտիներ։
Այս հանգամանքը նկատի ունենալով, պետք է ընդունենք, որ հետաքրքիր հնարավորություններ են ստեղծվում ներքին տուրիզմի զարգացման ու աշխուժացման համար։ Այսինքն՝ այն մարդիկ, ովքեր այդ նպատակով սովորաբար մեկնում էին արտերկիր, դա անել չկարողանալու բացը փորձելու են լրացնել Հայաստանում շրջագայելով։ Եվ դա իր հերթին նպաստելու է, որ ֆինանսական միջոցները երկրից չարտահոսեն։
Բայց այստեղ մեկ այլ խնդիր է առաջանում։ Հուլիս—օգոստոս ամիսներին սովորաբար Հայաստանում հնարավոր չէր լինում գտնել ազատ հյուրանոցներ։ Այսինքն՝ եթե արտասահման մեկնող մեր քաղաքացիներն էլ որոշեն հանգստանալ Հայաստանում, ապա կամ հյուրանոցների ազատ համարների դեֆիցիտ է առաջանալու, կամ հնարավոր է գների որոշակի բարձրացում տեղի ունենա։
Չի բացառվում, որ ականատես լինենք մեկ այլ երեւույթի։ Խոսքը, մասնավորապես, տուրիզմի տարբեր տարատեսակների զարգացման մասին է՝ էքստրեմալ, գյուղական, լեռնագնացություն եւ այլն։ Այսինքն՝ եթե հյուրատների որոշակի սակավություն կամ գնաճ նկատվի, մարդիկ բնականաբար փորձելու են գտնել այլընտրանքներ։ Եվ այդ փնտրտուքն ի վերջո ավարտվելու է զբոսաշրջության նոր ճյուղերի բացահայտմամբ ու այդ ոլորտի գործարարների կողմից նոր մտքերի գեներացմամբ։
Այսինքն, հնարավոր է զարգանա մի սցենար, երբ արտաքին փակ սահմանները նպաստեն ներքին զբոսաշրջության զարգացմանն ու այդ զբոսաշրջության նոր տարատեսակների բացահայտմանը։ Մյուս կողմից, քանի որ մարդիկ ամեն դեպքում խուսափելու են մարդաշատ վայրերում գտնվելուց կամ մեծ հյուրանոցային համալիրներից, չի բացառվում, որ ուշադրության կենտրոնում հայտնվի արշավային զբոսաշրջությունը, որը ենթադրում է փոքր խմբերով արշավներ միանգամայն բաց ու էկոլոգիապես մաքուր միջավայրում։
Ակնկալվում է, որ ոլորտի մասնագետները, տնտեսավարողներն ու պատասխանատուները նմանատիպ ելքեր գտնեն՝ տնտեսության այդ ճյուղին աշխուժություն եւ նոր շնչառություն հաղորդելու համար։ Եվ սա հնարավորություն կարող է ստեղծել գալիք տարիներին, երբ արտասահմանից զբոսաշրջիկներ սկսեն ժամանել Հայաստան, մենք կարողանանք ավելի պատրաստված ընդունել նրանց՝ առաջարկելով զբոսաշրջության նոր վայրեր ու նոր հետաքրքրություններ։ Այսպիսով՝ ավելացնելով Հայաստանի գրավչությունն արտասահմանցի զբոսաշրջիկների շրջանում։
Մի խոսքով, շրջանառվող այն միտքը, թե ճգնաժամերը նոր հնարավորություններ են ստեղծում, վերաբերում է, օրինակ, հենց զբոսաշրջության ոլորտին։ Կարեւորը ներկայիս դժվարություններից չհուսահատվելն ու նոր եռանդով աշխատելն է։ Մնացյալ խնդիրները լուծելի են ու անցողիկ։

Դավիթ ՊԵՏՐՈՍՅԱՆ

23-05-2020





06-06-2020
Երբ խոսում ենք գույքահարկի կտրուկ բարձրանալու մասին
Պետք է իրական պատկերը հասկանանք եւ զգացմունքային դաշտից ...


06-06-2020
Նա դարձել է մեր փոքր լինելու առասպելի մեծ հերքում
Դարձել է մեր փոքր ժողովրդին մեծերի հետ չափելու ...


06-06-2020
Հայաստանում հաստատվել է COVID-19-ի 547 նոր դեպք, առողջացել է 207, մահացել՝ 7 քաղաքացի
Հայաստանում հունիսի 6-ին, ժամը 11:00-ի դրությամբ հաստատվել է կորոնավիրուսային ...


06-06-2020
«Ուրախ սիրտը օգտակար է, ինչպէս դեղ...»
Առօրյա կյանքում հաճախ ենք հանդիպում անցանկալի երեւույթների, իրողությունների, որոնք ...


06-06-2020
Գլոբալացու՞մ, թե՞ ազգային ինքնության պահպանում
Արդի ժամանակաշրջանում մարդկության զարգացման հիմնական առանձնահատկությունը գլոբալիզացիայի որդեգրումն է։ ...


06-06-2020
Բնակապահովման խնդիրն ամբողջությամբ կլուծվի
Երկրաշարժի հետեւանքով անօթեւան մնացած ընտանիքներին բնակարանով ապահովելու նպատակով Լոռու ...


06-06-2020
Լիբիան Էրդողանի համար կդառնա՞ փրկօղակ
Թուրքիայում իշխող «Արդարություն եւ զարգացում» կուսակցության (AKP) եւ նախագահ ...



06-06-2020
Փաստահավաք հանձնաժողովը լինելու է անկախ, ինքնավար մարմին
Անցումային արդարադատության հիմքում՝ ...

06-06-2020
Համայնքը կզբաղվի իր բնակիչների էկոլոգիական կրթության հարցերով
Նոր լիազորություններ են տրվում տեղական ...

06-06-2020
Թուրքիան Ռուսաստանից մոտ 1 մլրդ դոլարի տեխնիկա է պատվիրել
Եթե նախկինում իրավիճակը բարդ էր, ապա այժմ ...

06-06-2020
Առաջին միլիարդատերը Ռոնալդուն է
Թուրինի «Յուվենթուսի» պորտուգալացի հարձակվող ...
USD
EURO
RUR
GEL
Եղանակը Երևանում
գիշերը +13... +15
ցերեկը +28... +30

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO