Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

12.07.2020
ԱՐՏԱՔԻՆ ՔԱՂԱՔԱԿԱՆՈՒԹՅՈՒՆ


Լրացուցիչ մարտահրավեր ՄԱԿ—ում մեր դիվանագիտական ներկայացուցչության համար

Թուրք դիվանագետը կգլխավորի Գլխավոր ասամբլեայի 75-րդ նստաշրջանը

Հունիսի 17-ին կայացած քվեարկությամբ ՄԱԿ-ի Գլխավոր ասամբլեայի 75-րդ նստաշրջանի նախագահ է ընտրվել թուրք դիվանագետ Վոլկան Բոզքըրը։ Թուրք դիվանագետը ստացել է 193 երկրներից 178-ի ներկայացուցիչների աջակցությունը, 11-ը ձեռնպահ են մնացել քվեարկությունից, եւս երեք քվեաթերթիկ անվավեր է ճանաչվել։
Նշենք, որ Գլխավոր ասամբլեայի նախագահն ընտրվում է տարածաշրջանային հինգ խմբերի միջեւ ռոտացիոն սկզբունքով։ Այս անգամ արեւմտաեվրոպական եւ այլ պետությունների խմբի ներկայացուցչի հերթն էր. այս խումբը ներառում է նաեւ Թուրքիան։ Բոզքըրը դիվանագիտական ծառայության մեջ է 1972 թվականից, իսկ 2011—ից Թուրքիայի խորհրդարանի անդամ է եւ նախկինում զբաղեցրել է Թուրքիայի խորհրդարանի արտաքին քաղաքականության հարցերով հանձնաժողովի նախագահի, ինչպես նաեւ ԵՄ—ի հետ հարցերի նախարարի պաշտոնը։
Թուրք դիվանագետը միակ թեկնածուն էր, մյուս պետությունները չէին ներկայացրել իրենց թեկնածուին, եւ ընտրությունը պետք է լռելյայն լիներ, սակայն Հայաստանի, Հունաստանի եւ Կիպրոսի, այնուհետեւ նաեւ ԱՄԷ—ի պահանջով կայացել էր քվեարկություն։
Գլխավոր ասամբլեայի նախագահի պաշտոնը լրացուցիչ լծակներ է տալիս Թուրքիային, եւ կառույցը ներկայացնող քաղաքական գործիչն իր զրույցներում, պաշտոնական դիրքորոշումներն արտահայտելիս, նաեւ որոշակի կազմակերպչական հարցեր լուծելիս կամ որպես պաշտոնատար անձի հետ հանդիպումներ ունենալիս կարող է ոչ այնքան հայանպաստ վարքագիծ դրսեւորել։ «Թեեւ միջազգային կառույցը կայացած է, ունի երկար պատմություն եւ լուրջ փորձառություն ներքին աշխատանքների կազմակերպման առումով, եւ անձինք չեն կարող խաթարել կառույցի աշխատանքները, սակայն նրանք՝ որպես ներկայացուցչական մարմնի ներկայացուցիչներ, կարող են իրենց խոսքում եւ գործում որոշակիորեն ոչ այնքան հայանպաստ վարքագիծ դրսեւորել։ Սա անհարկի կամ լրացուցիչ ձեւով կբարդացնի մեր դիվանագիտական կորպուսի աշխատանքը, որովհետեւ նրանք առավել աչալուրջ եւ զգոն պետք է լինեն՝ թույլ չտալու համար որեւէ հակահայկական վարքագծի դրսեւորում Գլխավոր ասամբլեայի ամբիոնից»,–«Հայաստանի Հանրապետություն» օրաթերթի թղթակցի հետ զրույցում ասաց միջազգային իրավունքի մասնագետ, ԱԺ «Լուսավոր Հայաստան» խմբակցության անդամ Տարոն Սիմոնյանը։
Նրա խոսքով՝ շատ դժվար էր պայքարել, երբ չկար երկրորդ թեկնածուն։ Հետեւաբար, եթե ցանկանում էինք մեկ այլ թեկնածու, ապա պետք է ավելի վաղ սկսեինք աշխատել այդ ուղղությամբ, եւ ապահովվեր այլընտանքային թեկնածուի առկայությունը։ Չնայած դրան, ստեղծված իրավիճակը կարելի է դիտարկել մեկ այլ կողմից եւս՝ արդեն դրական առումով. այս հարցում արձանագրվեց երեք պետությունների համատեղ աշխատանքը, որոնք ունեն ընդհանուր շահ։ Այս փաստը նպաստավոր է Հայաստան—Հունաստան—Կիպրոս եռակողմ հարթակի ավելի ամրապնդման համար, որը հետագայում եւս կարող է ունենալ իր զարգացումները։
Ի՞նչ հնարավորություններ ունի եռակողմ հարթակը, եւ ինչպիսի՞ ներուժ ունենք ավելի մեծաթիվ համախոհներ ներգրավելու առումով՝ կասեցնելու այն հակահունական եւ հակահայկական քայլերը, որ միգուցե լինեն ապագայում։ Տ. Սիմոնյանի կարծիքով՝ մենք ունենք հնարավորություններ զարգացնելու երկկողմ հարաբերություններ ոչ միայն Հունաստանի, Կիպրոսի եւ տարածաշրջանի այլ պետությունների հետ, այլեւ միաժամանակ նոր պետություններ ներգրավենք հայանպաստ որոշումներ ընդունելու գործընթացում։ «Այս աշխատանքը ենթադրում է, որ մենք ինքներս պետք է հստակորեն գիտակցենք մեր շահերը եւ դրանք ճիշտ ներկայացնենք մեր գործընկերներին, որպեսզի մեր շահերը նրանց կողմից եւս առաջնային մակարդակում գնահատվեն։ Փոխադարձության այս մակարդակում երեք պետությունների համագործակցությունն ավելի ընդլայնելով՝ կկարողանանք ներգրավել այլ պետությունների եւս։ Առաջիկայում Գլխավոր ասամբլեայում բավականին լուրջ աշխատանք ունենք տանելու թե՛ համաշխարհային մակարդակում մարդու իրավունքների պաշտպանության, թե՛ ցեղասպանությունների կանխման բնագավառում»,–ասաց միջազգային իրավունքի մասնագետը։
2015 թ. ՄԱԿ—ի Գլխավոր ասամբլեան իր 69—րդ նստաշրջանում կոնսենսուսով ընդունեց Հայաստանի նախաձեռնած՝ դեկտեմբերի 9—ը Ցեղասպանության հանցագործության զոհերի հիշատակի ու արժանապատվության եւ այդ հանցագործության կանխարգելման միջազգային օր հռչակելու վերաբերյալ բանաձեւը։ Այդ համատեքստում, պատգամավորի գնահատմամբ, մեր աշխատանքներն իհարկե լավ ապագա ունեն։
Վերջին շրջանում միջազգային ասպարեզում տեղի ունեցող իրադարձություններն այնքան էլ համահունչ չեն հայկական շահի առաջմղման գործընթացների հետ, ինչն ավելացնում է մեր առջեւ ծառացող մարտահրավերների թիվը։ Այստեղ է, որ Հայաստանը պետք է ավելի մեծացնի զգոնությունը եւ այն գիտակցումը, որ, նախեւառաջ, մենք արձագանքելով՝ չպետք է արտաքին քաղաքականությունը վարենք, այլ ավելի նախաձեռնող եւ առաջանցիկ քաղաքականություն պետք է մշակենք։ Դա թույլ կտա հակահայկական դրսեւորումները կանխել դեռ սաղմնային շրջանում եւ ոչ թե արձագանքել արդեն առաջացած մարտահրավերներին։ Այս առումով նման պատասխանատու պաշտոնում թուրք դիվանագետի ընտրվելու փաստը միգուցե զգոնության լրացուցիչ ազդակ դառնա նախապես քայլերը մշակելու համար։
Լուսինե ՄԽԻԹԱՐՅԱՆ
l.mkhitaryan@hhpress.am

20-06-2020





11-07-2020
10 տարի անց բարեփոխվում է հանրակրթության բովանդակությունը
Դպրոցից դուրս է մղվում անբավարար գնահատման համակարգը

Ժամանակակից ...


11-07-2020
Թվային քաղաքակրթություն
Իսկ իրական աշխարհը մեզ է սպասում իր ամենավառ ...


11-07-2020
Հայաստանում հաստատվել է COVID-19-ի 489 նոր դեպք․ապաքինվել է ևս 710, մահացել 13 քաղաքացի
Հայաստանում հուլիսի 11-ի դրությամբ հաստատվել է կորոնավիրուսային հիվանդության ընդհանուր ...


11-07-2020
ՀՀ Ազգային հերոս Թաթուլ Կրպեյանի եւ Գետաշենի ինքնապաշտպանության մասին մենագրության հետքերով
1991 թվականի ապրիլի 30-ին սանձազերծվեց Խորհրդային Միության (ԽՍՀՄ) ...


11-07-2020
Հարկային բարենպաստ պայմաններ են ստեղծվում փոքր եւ միջին բիզնեսի համար
Տոկոսադրույքների նվազեցումը բիզնեսի խթանիչ ուժն է

Զարգացած երկրների ...


11-07-2020
Դիք. չաստվածների պաշտամունք
Ավարառության եւ գերեվարության ոգու հետ մեկտեղ Տիգրանն ու ...


11-07-2020
«Նա 40 տարի առաջ բարձրացել է իր խավար հայրենիքի բլուրները ու իր բարձրությունից ինչե՜ր, ինչե՜ր է տեսել…»
Հովհ. Թումանյան, «Քառասուն տարի»

1862 թվի գարնանը մի ...



11-07-2020
Ջերմոցային գազերի արտանետումների մեր բաժինն ու դրանք կրճատելու ներուժը
Հրապարակվել է կլիմայի փոփոխության մասին ...

11-07-2020
Մեծ Պեպոն
Գաբրիել Սունդուկյանը միշտ հաճոյախոսել է ...

11-07-2020
Սիրիայում կփոխվե՞ն խաղի կանոնները
Կողմերը պահանջել են այդ երկրից դուրս ...

11-07-2020
Ռեւանշի հնարավորություն
Հայաստանի եւ Քուվեյթի ֆուտբոլի ֆեդերացիաներն ...
USD
EURO
RUR
GEL
Եղանակը Երևանում
գիշերը +19... +21
ցերեկը +32... +34

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO