Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

28.09.2020
ԱՌՈՂՋԱՊԱՀՈՒԹՅՈՒՆ


Առողջություն քեզ, բժի'շկ, որպեսզի առողջություն պարգեւես մարդուն

Հունիսի 21-ին բուժաշխատողներն իրենց տոնը կնշեն ծանր համավարակին դիմակայելով

Ամեն տարի հունիսի 21-ին Հայաստանում նշվում է բուժաշխատողի օրը։ Այն տոն է ոչ միայն առողջապահության ոլորտում աշխատողների, այլեւ բոլոր նրանց համար, ովքեր լավ են հասկանում մարդու առողջության ու կյանքի մեծագույն արժեքը։ Բժշկությունը քաղաքացիական այն եզակի մասնագիտություններից է, որի ճանապարհին ոտք դնողները երդվում են եւ պարտավորվում պայքարել ու նվիրվել մարդու համար ամենաթանկի՝ առողջության համար։
Այս տարի համավարակի պայմաններում օրն առանձնակի խորհուրդ ու նշանակություն է ստանում մեր քաղաքացիների եւ ողջ աշխարհի բնակչության համար։ Հազարավոր բժիշկներ, բուժքույրեր եւ կամավորներ այսօր միասին պայքարում են յուրաքանչյուր հիվանդի կյանքի համար։ Նրանք շաբաթներով, նույնիսկ ամիսներով չեն լքում հիվանդանոցները՝ հոգատարությամբ ու մասնագիտական աջակցությամբ համակելով վտանգավոր համավարակի ճիրաններում հայտնված մարդկանց։ Ով գեթ մեկ անգամ հայտնվել է հիվանդանոցում՝ ողջ կյանքում կհիշի իրեն բուժող բարի աչքերով հոգատար բուժաշխատողին։
Բժշկի մասնագիտությունը բոլոր ժամանակներում էլ եղել է պահանջված։ Այսօր Հայաստանում կան մոտ 13,370 բժիշկ եւ 15,830 բուժքույր ու մայրապետ։ 2019 թ. մեր երկրի աշխատաշուկայում ամենաշատ պահանջված մասնագետը եղել է բժիշկը։ Նախորդ տարի աշխատաշուկան կարիք ուներ առողջապահության ոլորտի 195 եւ բժշկական խնամքի ու մանկաբարձության 17 աշխատակցի։ Նկատենք, որ պահանջված մասնագիտությունների ցանկում երկրորդ հորիզոնականը զբաղեցնողի դեպքում անհրաժեշտ էր եղել 55 մասնագետ։
Չնայած Հայաստանում պատրաստում են առողջապահության ոլորտի համար անհրաժեշտ քանակի մասնագետներ, բայց միեւնույն է, նրանց թիվը բավարար չէ։ Այսօր Հայաստանի Հանրապետությունում յուրաքանչյուր բժշկի բաժին է հասնում մոտ 230 քաղաքացի։ Այլ կերպ ասած, մեր երկրի յուրաքանչյուր 10 հազար բնակչին բաժին է հասնում միջինն ընդամենը 45 բժիշկ։
Անգնահատելի էր մեր բժիշկների եւ բուժքույրերի դերը Արցախյան ազատամարտի տարիներին։ Հազարավոր փրկված կյանքեր, ընտանիքներին եւ հայրենիքին վերադարձված նվիրյալներ։ Ռազմաճակատում գտնվող մեր բժիշկները, մասնագիտական օգնություն ցուցաբերելու հետ մեկտեղ, զենքերը ձեռքերին էին պայքարում թշնամու դեմ։
Այսօր էլ Հայաստանի զինված ուժերում ամենօրյա ռազմական դրության պայմաններում ծառայում են ռազմական բժիշկները եւ բուժանձնակազմը՝ հիվանդություններից անառիկ պահելով մեր զինվորների եւ սպաների առողջությունը։ Նրանք պայքարում են երկու ճակատով՝ զինվորի առողջության եւ հայրենիքի սահմանների պաշտպանության։
Չնայած աստվածահաճո եւ ծանր ծառայության, առողջապահության եւ բնակչության սոցիալական սպասարկման ոլորտի աշխատողների միջին ամսական աշխատավարձը մոտ 180 հազար դրամ է։ Անտեսելով դժվարությունները՝ բուժաշխատողները պատվով, անձնուրացությամբ եւ սիրով են կատարում իրենց աշխատանքը՝ հիվանդի մահճակալի մոտ անցկացնելով անքուն գիշերներ, վիրահատական սեղանների մոտ գերլարված աշխատելով երկար ժամեր։ Պետությունն ուշադրության կենտրոնում է պահում կարեւոր այս մասնագիտությամբ զբաղվողների հարցը։ Գործադիրը նախորդ տարի ընդհանուր աշխատավարձերի բարձրացման գործընթացում տոկոսային հարաբերակցությամբ ամենաշատը բարձրացրեց առողջապահության ոլորտի աշխատողների աշխատավարձը։
Սակայն ինչքան էլ բարձրացվի նյութական գնահատման այդ սանդղակը, միեւնույն է, հնարավոր չէ չափել եւ գնահատել մարդկային կյանքեր փրկելու եւ առողջություն պարգեւելու գինը։ Այսօր էլ 12—րդ դարում մեր բժշկությունը հիմնադրած Մխիթար Հերացու գործը եւ պատգամը բարձր են պահում բժշկի մասնագիտությունն ընտրած մեր հայրենակիցները՝ պատվով ու անձնուրացությամբ կատարելով վերջինիս տված երդումը։ Մեզ մնում է ասել՝ տոնդ շնորհավոր, բժիշկ, առողջություն քեզ, որպեսզի առողջություն պարգեւես մարդ արարածին։
Արմեն ՎԱՐԴԱՆՅԱՆ

20-06-2020





26-09-2020
Կտրուկ քայլ՝ տեղական արտադրությունը պաշտպանելու համար
Արգելվում է Հայաստանի համար ռազմավարական նշանակության սեւ եւ գունավոր ...


26-09-2020
Ճնշում է գործադրվում Կիպրոսի վրա
ԱՄՆ-ը պնդում է այլեւս չարգելափակել Բելառուսի նկատմամբ ԵՄ-ի պատժամիջոցների ...


26-09-2020
Իդլիբը՝ Մոսկվայի ու Անկարայի միջեւ
Ստատուս-քվոն պահպանվում է

Մոսկվան ու Անկարան որոշում են ...


26-09-2020
Էներգախնայողությունը` էներգիայի նոր աղբյուր
Ինչ ներուժ ունի Հայաստանը եւ ինչ քայլեր է ձեռնարկում ...


26-09-2020
Նա՝ մեր անլռելի զանգակատունը
Սերմ էր, որ ընկնելու էր հողի մեջ, որպեսզի հողը ...


26-09-2020
Հումանիտար ականազերծման կենտրոն՝ Արցախում
Հիմնադիրներն արցախյան պատերազմի մարտական սպաներն են

Երկրորդ ամիսն ...


26-09-2020
Ինչպես ենք մենք վայելում Աստծուն
Որպեսզի ընդունենք Աստծուն, մենք պարտավոր ենք դեմքով շրջվել դեպի ...



26-09-2020
«Հայաստանի հետ պետք չէ խոսել ուժի եւ սպառնալիքի լեզվով»
ՀՀ վարչապետ Նիկոլ Փաշինյանը կառավարությունում ...

26-09-2020
Դավիթ Տոնոյանը ՌԴ-ում ներկա է «Կովկաս-2020» զորավարժության հիմնական փուլին
ՀՀ պաշտպանության նախարար Դավիթ Տոնոյանն ...

26-09-2020
ՀՀ նախագահը շնորհավորել է «Ավրորա» մրցանակաբաշխության 5-ամյակը
Հայաստանի Հանրապետության նախագահ Արմեն Սարգսյանը ...

26-09-2020
Արոնյանը ձգտում է եզրափակիչ
Լեւոն Արոնյանը երկրորդ հաղթանակը տանելով ...
USD
EURO
RUR
GEL
Եղանակը Երևանում
գիշերը +16... +19
ցերեկը +24... +26

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO