Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

12.07.2020
ԱՇԽԱՐՀ


Թուրքիայում ուզում են Ղրիմը ճանաչել որպես ռուսական տարածք

Թուրքական «Վաթան» կուսակցությունն օնլայն ձեւաչափով անցկացրած աշխատանքային խորհրդակցությունում ներկայացրել է Սեւ ծով-միջերկրածովյան բարեկամության ու խաղաղության պլանը, որում ներառել է Ղրիմի՝ որպես ռուսական տարածք ճանաչումը։ Բացի այդ, փաստաթղթում կան նաեւ այլ առաջարկներ՝ ճանաչել Աբխազիայի Հանրապետությունը եւ Հյուսիսային Կիպրոսի ինքնահռչակ թուրքական հանրապետությունը, Սիրիայի տարածքային ամբողջականության պահպանումն ու խաղաղությունն այդ երկրում, ինչպես նաեւ Լիբիայում ԱՄՆ-ի միջամտության դադարեցումը։
Ղրիմի թաթարների խորհրդի կրթության, գիտության ու երիտասարդական քաղաքականության կոմիտեի ներկայացուցիչ Լեմար Սելենդելին, հանդես գալով խորհրդակցությունում, պատմել է Ռուսաստանի կազմի մեջ մտնելուց հետո Ղրիմում ապրող թաթարների կյանքում կատարված էական բարելավումների մասին։
«Ղրիմաթաթարական լեզուն դարձել է պաշտոնական։ Մենք ստացել ենք Ռուսաստանի մյուս թյուրք ժողովուրդների իրավունքները։ Մոտ 25 տարվա ընթացքում վատ պայմաններում ենք ապրել, ճանապարհները քանդված էին, դպրոցներ չէին կառուցվում։ Վերջին 5 տարում այդ խնդիրներն սկսել են լուծվել։ Ղրիմյան թաթարների տնտեսական դրությունն սկսել է բարելավվել»,–ասել է նա։
Խորհրդակցության ընթացքում հանդես է եկել նաեւ «Sahipkiran» ռազմավարական հետազոտությունների կենտրոնի վերլուծաբան Քյուրշադ Օրնեկը։ Նա դիմել է թուրքական ԱԳՆ—ին՝ կոչ անելով անմիջապես հարաբերություններ հաստատել Ղրիմի հետ եւ Ռուսաստանի հետ պայմանավորվածությամբ դառնալ ղրիմյան թաթարների իրավունքների երաշխավորը։
Նա պատմել է, որ անձամբ ինքը ղրիմյան ծագում ունի, 6 տարի սովորել է թերակղզում, ավարտել ռուսական բանասիրության ասպիրանտուրան ու մագիստրատուրան։ Օրնեկը վստահ է, որ գործնականում Ղրիմը «երբեք ուկրաինական հող չի եղել»։ Նրա խոսքերով՝ 6 տարվա ընթացքում ինքն այնտեղ ուկրաիներեն խոսող մարդու չի հանդիպել։
«Մեր դպրոցներն ու մզկիթները բա՞ց են Ղրիմում։ Բաց են։ Սակայն ղրիմյան քաղաքականության մեջ մեզ մոտ առայժմ չեն գործում մեր պատգամավորներն ու նախարարները։ Պետք է ուղղենք դա»,–շեշտել է փորձագետը։
Իր հերթին՝ «Վաթան» կուսակցության միջազգային հարաբերությունների բյուրոյի ղեկավար Սեմիհ Կորայը, որը նույնպես մասնակցել է խորհրդակցությանը, Սեւ ծով—միջերկրածովյան բարեկամության ու խաղաղության պլանն անվանել է գլխավոր նպատակ։ Նրա խոսքերով՝ խնդիրն այն է, որ Վաշինգտոնը մենակ թողնվի տարածաշրջանում, եւ իրացվի համապարփակ ռազմավարություն՝ հիմնված եվրասիական համագործակցության ու Արեւմտյան Ասիայի միության վրա։ Կորայը շեշտել է, որ այդ պլանի կարեւորագույն յուրահատկությունը նրա ամբողջականությունն է։ «Այդ պլանը հիմնված է Թուրքիայի ու Ռուսաստանի միջեւ համագործակցության առանցքի ամրապնդման վրա»,–հայտարարել է նա։
Ուկրաինան առաջվա պես թերակղզին իր, բայց ժամանակավորապես գրավված տարածք է համարում։ Այդ հարցում Կիեւին աջակցում են արտասահմանյան մի շարք տերություններ։
Ռուսաստանի ղեկավարությունը միեւնույն ժամանակ հայտարարել է, որ տարածաշրջանի ժողովուրդներն իրենց ճակատագիրը որոշել են ժողովրդավարական ճանապարհով՝ ՄԱԿ—ի կանոնադրության ու միջազգային իրավունքի համաձայն։
Տարածքային նման փոփոխություններին չեն աջակցում նաեւ թուրքական իշխանությունները։ Ընթացիկ տարվա փետրվարին Թուրքիայի նախագահ Ռեջեփ Թայիփ Էրդողանը կրկին հայտարարել է, որ Անկարան չի ճանաչում Ղրիմի միացումը Ռուսաստանին։
«Մենք շարունակում ենք պաշտպանել Ուկրաինայի տարածքային ամբողջականությունը, չենք ճանաչում Ղրիմի ապօրինի անեքսիան։ Ուկրաինայի հետ մեր սերտ հարաբերությունների կարեւոր գործոն են ղրիմյան թաթարները, շարունակում ենք հետեւել նրանց դրությանը»,–ասել է Էրդողանը։
Ուկրաինայի նախագահ Վլադիմիր Զելենսկին թուրք գործընկերոջ հետ հանդիպման արդյունքներով հայտարարել է, որ Ուկրաինան հույսեր է կապում Թուրքիայի օգնության հետ՝ ազատագրելու Ռուսաստանում «պահված» ուկրաինացիներին ու ղրիմյան թաթարներին։
Այնուհետեւ Ռուսաստանի նախագահի մամուլի քարտուղար Դմիտրի Պեսկովն ասել է, որ Ղրիմի «անեքսիայի» ու ղրիմյան թաթարների վատ դրության մասին Էրդողանի խոսքերն իրական հիմքեր չունեն, ինչում նա անձամբ կարող է համոզվել՝ այցելելով այնտեղ։

Պատրաստեց Իշխան ՔԻՇՄԻՐՅԱՆԸ

27-06-2020





11-07-2020
10 տարի անց բարեփոխվում է հանրակրթության բովանդակությունը
Դպրոցից դուրս է մղվում անբավարար գնահատման համակարգը

Ժամանակակից ...


11-07-2020
Թվային քաղաքակրթություն
Իսկ իրական աշխարհը մեզ է սպասում իր ամենավառ ...


11-07-2020
Հայաստանում հաստատվել է COVID-19-ի 489 նոր դեպք․ապաքինվել է ևս 710, մահացել 13 քաղաքացի
Հայաստանում հուլիսի 11-ի դրությամբ հաստատվել է կորոնավիրուսային հիվանդության ընդհանուր ...


11-07-2020
ՀՀ Ազգային հերոս Թաթուլ Կրպեյանի եւ Գետաշենի ինքնապաշտպանության մասին մենագրության հետքերով
1991 թվականի ապրիլի 30-ին սանձազերծվեց Խորհրդային Միության (ԽՍՀՄ) ...


11-07-2020
Հարկային բարենպաստ պայմաններ են ստեղծվում փոքր եւ միջին բիզնեսի համար
Տոկոսադրույքների նվազեցումը բիզնեսի խթանիչ ուժն է

Զարգացած երկրների ...


11-07-2020
Դիք. չաստվածների պաշտամունք
Ավարառության եւ գերեվարության ոգու հետ մեկտեղ Տիգրանն ու ...


11-07-2020
«Նա 40 տարի առաջ բարձրացել է իր խավար հայրենիքի բլուրները ու իր բարձրությունից ինչե՜ր, ինչե՜ր է տեսել…»
Հովհ. Թումանյան, «Քառասուն տարի»

1862 թվի գարնանը մի ...



11-07-2020
Ջերմոցային գազերի արտանետումների մեր բաժինն ու դրանք կրճատելու ներուժը
Հրապարակվել է կլիմայի փոփոխության մասին ...

11-07-2020
Մեծ Պեպոն
Գաբրիել Սունդուկյանը միշտ հաճոյախոսել է ...

11-07-2020
Սիրիայում կփոխվե՞ն խաղի կանոնները
Կողմերը պահանջել են այդ երկրից դուրս ...

11-07-2020
Ռեւանշի հնարավորություն
Հայաստանի եւ Քուվեյթի ֆուտբոլի ֆեդերացիաներն ...
USD
EURO
RUR
GEL
Եղանակը Երևանում
գիշերը +19... +21
ցերեկը +32... +34

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO