Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

11.07.2020
ՀԱՍԱՐԱԿՈՒԹՅՈՒՆ


Ինչո՞ւ չսպասարկել մյուսներին, եթե տարեցներ չկան

«Սիրելի՛ հայրենակիցներ, կորոնավիրուսով պայմանավորված իրավիճակն առավել վտանգավոր է ավագ սերնդի մեր համաքաղաքացիների համար։ Այսպիսով, կոչ եմ անում մթերային խանութներին, սուպերմարկետներին մարտի 24–ից առավոտյան 10։00–12։00 ժամերն առանձնացնել միայն կենսաթոշակային տարիքի անձանց սպասարկելու համար։ Մյուս տարիքային խմբերի քաղաքացիներին խնդրում եմ այդ ժամերին խանութ չգնալ եւ այդպիսով շփումը նվազեցնելով՝ պահպանել ավագ սերնդի մեր համաքաղաքացիների առողջությունը։ Շնորհակալություն։ Առո՛ղջ եղեք»։
Մարտի 24-ից առաջ ֆ/բ էջում գրառել էր պարետ Տիգրան Ավինյանը։
Ժամային այս սահմանափակումը դժվարություն կառաջացներ հատկապես այն քաղաքացիների համար, ում, տարբեր պատճառներից ելնելով, հարմար էր հենց այդ ժամերին, ասենք, գործ ունենալ բանկերի հետ, հանրային ծառայություններ մատուցող գրասենյակների հետ եւն։
Բայց մեր ծառայություն մատուցողները ճկուն եղան՝ գտան այն ձեւը, որ օգնեց եւ կենսաթոշակային տարիքի անձանց, եւ մյուս քաղաքացիներին։ Եթե այդ ժամերին կար հերթ, անկախ էլեկտրոնային հերթագրման հաջորդականությունից, առաջնահերթությունը տրվում էր կենսաթոշակային տարիքի մարդկանց, հետո՝ մյուսներին՝ արդեն ըստ գրանցման համարի։
Համենայնդեպս, դա նկատել եմ ոչ մեկ անգամ եւ քաղաքի տարբեր հատվածներում դիտարկում անելիս։ Եվ դժգոհություն էլ չեմ նկատել, որովհետեւ բոլորը գիտեին եւ տեսնում էին, որ բանկի կամ խանութի ցուցափեղկին, տեսանելի վայրում փակցված է՝ ժամը 10-12-ը սպասարկումը թոշակառուների համար է։ Բայց եթե չկար տարեց քաղաքացի, բանկը կամ հանրային ծառայություններ մատուցող այլ գրասենյակները աշխատանքը չէին դադարեցնում եւ սպասարկում էին այլ անձանց։ Այդպես է նաեւ հիմա։
Վերջերս, սակայն, խմբագրություն դիմեցին քաղաքացիներ, ովքեր ասացին, որ այդ ժամերին եղել են հանրային ծառայություն մատուցող բջջային օպերատորների այս կամ այն գրասենյակում եւ չեն սպասարկվել, դուռը փակ է եղել, ներսում՝ աշխատակիցներ եղել են, բայց տարեց քաղաքացիներ՝ ոչ։ Թեեւ գրասենյակի աշխատակիցները իբրեւ փակ դռան պատճառաբանություն հենց մեջբերել են կենսաթոշակառուներին սպասարկելու պատճառը։
Դիմեցինք պարետատուն՝ նախ ճշտելու՝ ժամային հիշյալ սահմանափակումը կո՞չ է եղել, թե՞ որոշում։ Ի դեպ, պարետատունը, հարցերին ի պատասխան, միայն պարետի որոշման համարներն է ասում՝ հղում անելով օրվան։ Որեւէ այլ հարցի պարագայում գրավոր հարցում է խնդրում։ Ու նաեւ՝ պատասխանների տոնայնությունն էլ է տարբերվում. դա զգացի՝ երբ զանգեցի որպես լրագրող, իսկ հաջորդ անգամ՝ որպես քաղաքացի։
Ինչեւէ, պարետատնից տվեցին որոշման համարը՝ 110։ Մինչեւ ցանկացա ասել, որ սա հունիսի որոշում է, մինչդեռ իմ հարցը մարտի մասով է, անջատեցին։ Իբրեւ քաղաքացի էի զանգել…
Իսկ հունիսի 3-ի թիվ 110 որոշումը, որ փոփոխություններ ու լրացումներ է անում մայիսի 3-ի թիվ 63 որոշման մեջ, ասում է, որ (առեւտրի իրականացման վայրերում, մեծածախ եւ մանրածախ առեւտրի օբյեկտներում, ծառայությունների ոլորտում հաճախորդների սպասարկման տարածքներում կորոնավիրուսային հիվանդության տարածման կանխարգելման անվտանգության կանոններ) յուրաքանչյուր օր ժամը 10։00—12։00—ը սպասարկվում են կենսաթոշակային տարիքի անձինք։
Նորից դիտարկում արեցի։ Պարզվեց՝ այո, սպասարկման որոշ տարածքներ այդ ժամերին միայն կենսաթոշակային տարիքի անձանց են սպասարկում եւ ուրիշ ոչ ոքի, որոշները սպասարկում են մյուս քաղաքացիներին, եթե այդ պահին տարեցներ չկան։ Զրուցեցի այդ տարածքներից մեկի աշխատակիցների հետ, ընդ որում՝ դռան մոտ կանգնած։ Ասում եմ՝ ինչո՞ւ ինձ չսպասարկեք, եթե այս պահին ինձնից բացի ընդհանրապես մարդ չկա, առավելեւս՝ տարեց մարդ։ Պատասխանեցին, թե առավոտյան տարածքը լավ ախտահանել են, որպեսզի հենց այդ երկու ժամվա ընթացքում միայն թոշակառուներին սպասարկեն։ Ասում եմ՝ լավ, եթե համարում եք, որ կկեղտոտեմ տարածքը, ներս չեմ գա, սա՝ ինտերնետիս գումարը, սա էլ՝ կոդը, շտապ է։ Ի դեպ, նաեւ բացատրում եմ շտապելուս պատճառը։ Բայց քանի որ արդեն ոչ էին ասել, ոչ-ները այո չդարձավ։
Մյուս՝ իմ դիտարկման տարածքները նորմալ աշխատում էին. ներսում մեկ քաղաքացուց ավելի չկար, քաղաքացիները դրսում էին՝ հեռավորությունը պահող նշված շրջանակների մեջ կանգնած՝ հերթով, շարքով։ Տարեց մարդու մոտենալու պարագայում գրասենյակից դուրս էր գալիս աշխատակիցը, ստուգում դիմակի առկայությունը, ուղեկցում ներս։ Տարեցին սպասարկելուց հետո՝ նորից հերթն էր գործում։ Ինչպես ասացի՝ ոչ ահելներն էին տուժում, ոչ ջահելները։
Իսկ ես դիտարկմանս արդյունքում… փոխեցի ինձ ինտերնետ ծառայություն մատուցող օպերատորին՝ ոչ ճկուն լինելու, պարապ նստելու եւ հաճախորդի ժամանակը չգնահատելու համար…

Արմենուհի ՄԵԼՔՈՆՅԱՆ
a.melqonyan@hhpress.am

27-06-2020





10-07-2020
«Լիճք» ենթակայանի ամբողջական վերակառուցումն անհրաժեշտություն է
Այն նաեւ Արցախի էներգետիկ անվտանգության հետ կապված կարեւոր ...


10-07-2020
Գյուղոլորտի ապագա կադրերը՝ Շուշիի տեխնոլոգիական համալսարանից
Ուսուցում՝ նաեւ լսարանից դուրս, «գործնական դաշտում»

Շուշիի տեխնոլոգիական ...


10-07-2020
Հայաստանում հաստատվել է COVID-19-ի 557 նոր դեպք․ապաքինվել է ևս 709, մահացել 11 քաղաքացի
Հայաստանում հուլիսի 10-ի դրությամբ հաստատվել է կորոնավիրուսային հիվանդության ընդհանուր ...


10-07-2020
Ժառանգելու են ե՛ւ գենետիկ, ե՛ւ հոգեւոր, ե՛ւ նյութական արժեքները
Այն, ինչ այսօր պատկանում է մեզ՝ ծնողներիս, վաղը պատկանելու ...


10-07-2020
«Առողջ անդամները հոսանքին հակառակ են ծնվում»
Կամ որտե՞ղ փնտրենք Ռուբեն Հախվերդյանին

Երգիչ-երգահանի հետ «ՀՀ»-ն ...


10-07-2020
Ազգի եւ մարդկության բարերարը
Ալեք Մանուկյանը տաժանակիր աշխատանքից հետո հայոց լեզվի դասընթացներ ...


10-07-2020
Պետությունը պատասխանատվություն է ստանձնում
Զոհված զինծառայողների ընտանիքների անդամներն անվճար սովորելու հնարավորություն կունենան




10-07-2020
«Թուֆենկյանը»՝ Քաշաթաղի շրջանին
«Ազատագրված տարածքները պիտի բնակեցվեն, ...

10-07-2020
«Դերասանուհին, որը դերասանություն չի անում...»
«Նա երբեք չի ստել, չի կեղծել, նրա ոչ մի ...

10-07-2020
Տուֆով սալարկումն ընդօրինակելի է
Անցած տարի սուբվենցիոն միջոցներով Ջրաշեն ...

10-07-2020
Ալոյանը կվիճարկի աշխարհի չեմպիոնի կոչումը
Ռուսաստանցի Միխայիլ Ալոյանը հոկտեմբերի 15-ին ...
USD
EURO
RUR
GEL
Եղանակը Երևանում
գիշերը +19... +21
ցերեկը +32... +34

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO