Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

20.10.2020
ԱՌՈՂՋԱՊԱՀՈՒԹՅՈՒՆ


ՀՀ ոչ մի բուժհաստատություն չպետք է անմասն մնա համավարակի դեմ պայքարից

Մասնագետը հորդորում է մահճակալային ֆոնդն ավելացնել

ՀՀ-ում նոր կորոնավիրուսի տարածման ռիսկերը հաշվի առնելով՝ ԵՊԲՀ-ն իր աջակցությունն է հայտնել ՀՀ կառավարությանը եւ առողջապահական պատկան մարմիններին՝ ընդգրկվելու վարակի տարածման կանխարգելման աշխատանքներում։ Համալսարանական հիվանդանոցները բերված են բարձր պատրաստվածության եւ շարունակում են ծառայել կորոնավիրուսով հիվանդներին։
Առողջապահության կազմակերպիչ, ԵՊԲՀ-ի հանրային առողջության եւ առողջապահության ամբիոնի դոցենտ, բ. գ. թ. Գագիկ Միրիջանյանը «ՀՀ»–ի հետ զրույցում նշեց, որ դեռ փետրվարից ԵՊԲՀ ռեկտորի հրամանով ստեղծվել է հատուկ հանձնաժողով, եւ համալսարանի ենթակայության տակ գտնվող 3 կլինիկական հիվանդանոցներն ավելացրել են իրենց մահճակալային ֆոնդը կորոնավիրուսով վարակվածներին անհրաժեշտության դեպքում հոսպիտալացնելու համար։
Նրա խոսքով՝ վերջերս ԵՊԲՀ—ին թույլատրվել է անմիջականորեն մասնակցել «COVID 19»—ի բուժական պրոցեսին։ «Մինչ այդ, համալսարանի ուսանողներով, կլինիկական օրդինատորներով եւ բժիշկներով ակտիվ մասնակցություն ենք ցուցաբերել կորոնավիրուսի կանխարգելման եւ բուժական գործընթացին։ Համալսարանն իր գիտական ներուժով մշտապես հանդես է եկել տարբեր կոչերով, թե ինչպես նվազագույնի հասցնել վարակի տարածումը»,–նշեց Գագիկ Միրիջանյանը։
Նրա դիտարկմամբ՝ եթե մարտին վարակի հստակ օջախներ կային, ապա այժմ, ցավոք, վարակը դուրս է եկել իր հիմնական օջախներից, եւ էպիդեմիոլոգիական շղթան կոտրել դժվար է լինելու։ Ուստի առաջարկում է հիվանդության կանխարգելման աշխատանքներում ներգրավել գործող բոլոր բուժաշխատողներին՝ առանց նեղ մասնագետներին տարանջատելու։ Խոսքը վերաբերում է նաեւ գյուղական ամբուլատորիաների, քաղաքային ստացիոնար կլինիկաների բուժաշխատողներին։ Գագիկ Միրիջանյանն ասում է՝ այդպիսով մատչելի եւ պատկերավոր կդառնա բուժօգնությունը։
Որպեսզի հստակ երեւա վարակվածների իրական պատկերը, առողջապահության կազմակերպիչն առաջարկում է բնակչության շրջանում մասսայական թեստավորում սկսել։ «Պետք է քաղաքականություն փոխել եւ համատարած թեստավորել, որպեսզի հստակ պատկեր լինի՝ հանրության քանի՞ տոկոսն է վարակված, դա կլինի պատերազմական գործողության ժամանակ անտեսանելի թշնամուն հասցրած մեր ամենամեծ հարվածը։ Կարելի է դոտացիայի տեսքով ռեսուրսներն ուղղել դեպի լաբորատոր օղակներ»,–ասաց Գագիկ Միրիջանյանը։ Բացի այդ, մասնագետը հորդորում է ապակենտրոնացնել կորոնավիրուսով հիվանդներին սպասարկող բուժհաստատությունները Երեւանից մարզեր եւ բեռնաթափել Երեւանը։ Նրա մոտեցմամբ՝ ՀՀ ոչ մի լիցենզավորված բուժհաստատություն չպետք է անմասն մնա «COVID 19»-ի դեմ պայքարից։
Ինչ վերաբերում է վարակի կանխարգելման հնարավոր տարբերակին, ապա առողջապահության կազմակերպչի մեջբերմամբ՝ բոլոր ինֆեկցիոն հիվանդությունները, ի վերջո, հանգեցնում են պատվաստանյութի ստեղծման, ինչը, սակայն, դեռ մի քանի ամիս կպահանջի համաշխարհային բժշկագիտությունից։ Մինչ այդ Գագիկ Միրիջանյանը հորդորում է բնակչությանը համախմբվել, ոլորտը չքաղաքականացնել, խստագույնս պահպանել պարետատան կողմից սահմանված կանխարգելիչ կանոնները եւ առաջին իսկ ախտանշանի դեպքում անհապաղ տեղամասային բժշկին դիմել։
Լուսինե ՆԱԶԱՐՅԱՆ
l.nazaryan@hhpress.am

04-07-2020





17-10-2020
Անկարան օգտագործել եւ օգտագործում է Բաքվին
Ադրբեջանի հանդեպ Թուրքիայի տնտեսական ձեռքբերումները մեծապես կապելով հայկական լծակի ...


17-10-2020
Լավագույն հանգուցալուծումը հայկական կողմի ջախջախիչ հաղթանակն է
Այդ հաղթանակն Ադրբեջանին կստիպի զինադադար խնդրել

Հարցազրույց «Ակոս» ...


17-10-2020
ԵՄ դռներն ավելի ամուր են փակվում Թուրքիայի առջեւ
Ավստրիայի խորհրդարանն ընդունել է դատապարտող բանաձեւ

Ավստրիայի Ազգային ...


17-10-2020
Թուրքական իմպերիալիզմը խախտում է հայ ժողովրդի իրավունքը
Միջազգային ինչպիսի՞ արձագանք կառաջացներ գերմանացիների հարձակումն Իսրայելի վրա



17-10-2020
Այս պատերազմը միայն հայության խնդիրը չէ
Սա առավել մեծ՝ տարածաշրջանային, ինչպես նաեւ միջազգային ընդգրկում ունի


17-10-2020
Ֆրանսիական կինոյի լեգենդի մի մասնիկը
Ազգ ներկայացնող փառավոր անուն

«Ես կարդում, գրում եմ ...


17-10-2020
«Ես որոնց որ սիրում եմ յանդիմանում եմ, եւ խրատում եմ. ուրեմն ջանք արա եւ ապաշխարիր»
Աստվածաշնչում կարդում ենք «մեծ ողբի» մասին, երկրագնդի վրա մեծ ...



17-10-2020
Միջազգային հանրությունը պետք է ընդունի «անջատում հանուն փրկության» սկզբունքը
ՀՀ վարչապետ Նիկոլ Փաշինյանը հարցազրույց է տվել ...

17-10-2020
Ահաբեկիչներին կարող են ոչնչացնել նաեւ բուն Ադրբեջանի տարածքում
Թուրքիան արդեն մտել է Ադրբեջան եւ այնտեղից դուրս ...

17-10-2020
Ինքնորոշման իրավունքի ճանաչումն առաջնային է
ՀՀ արտաքին գործերի նախարար Զոհրաբ Մնացականյանն ...

17-10-2020
Մխիթարյանը շնորհակալություն է հայտնել իտալացի պատգամավորին
Հենրիխ Մխիթարյանը ֆեյսբուքյան գրառմամբ իր ...
USD
EURO
RUR
GEL
Եղանակը Երևանում
գիշերը +16... +19
ցերեկը +24... +26

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO