Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

07.08.2020
ՄՇԱԿՈՒՅԹ


Հեղինակավոր ու պատվաբեր առաքելություն

«Վրաստան» թերթն ու նրա խմբագիրը նշում են արժանահիշատակ հոբելյաններ

Իմ վաղեմի բարեկամ, գրչակից ընկեր Վան Բայբուրթյանը 80 տարեկան է եւ երեք տասնամյակից ավելի խմբագրում է Թբիլիսիում լույս տեսնող հայկական «Վրաստան» թերթը, թերթ, որն այս տարի նշում է իր 100-ամյակը։
«Կարմիր աստղ», «Մարտակոչ», «Պրոլետար», «Խորհրդային Վրաստան», «Սովետական Վրաստան», «Վրաստան»... Այս պարբերականն իր մեկդարյա պատմության ընթացքում եղել է Վրաստանի ամենաճանաչված լրատվամիջոցներից մեկը, տարիներ շարունակ կատարել է իր առաքելությունը՝ ընթերցողին մատուցելով ճշմարտացի, թարմ եւ օբյեկտիվ տեղեկատվություն։ Անցյալ դարի 30—40—ական թվականներին թերթին աշխատակցել են ժամանակի հայ գրականության երեւելի մարդկանցից շատերը, մասնավորապես՝ Արշավիր Մելիքյանը (որոշ ժամանակ եղել է թերթի խմբագիրը), Մաթեւոս Դարբինյանը, Գեւորգ Խալաթյանը, Եղիշե Չարենցը, Նաիրի Զարյանը, Ծերուն Թորգոմյանը, Կորյուն Ազրոյանը, Բենիկ Սեյրանյանը, Մարտին Քարամյանը, Հովհաննես Կարայանը, Աղասի Այվազյանը եւ այլք։
Վան Բայբուրթյանին բախտ էր վիճակված շարունակելու այն բարի ավանդույթները, որ տարիների ընթացքում ձեւավորվել էին այստեղ։ Նրան «Վրաստան» թերթի խմբագիր նշանակվելու առթիվ առաջին շնորհավորողներից մեկը եղել եմ ես։ Դրա համար ես ունեի երկու հարգելի պատճառ։ Նախ՝ այն, որ Վանիկ Բայբուրթյանն ավարտել է այն դպրոցը, որտեղ ուսում եմ ստացել նաեւ ես։ Եվ ոչ միայն ես, այլեւ շատերը, այդ թվում՝ շախմատի աշխարհի չեմպիոն Տիգրան Պետրոսյանը, Խորհրդային Միության առաջին հայազգի հերոս Կարապետ Սիմոնյանը…
Երկրորդ պատճառն այն էր, որ Վան Բայբուրթյանին կուսակցական թերթի խմբագիր նշանակելով՝ կոտրվեց տարիներ շարունակ գոյություն ունեցող կարծրատիպը։ Նա առաջին պրոֆեսիոնալ ժուռնալիստն էր, որ գլխավորելու էր թերթը։ Համենայնդեպս, Բայբուրթյանից առաջ եղած երեք—չորս խմբագիրներ լրագրող չէին։
Մինչեւ «Վրաստան» գալը նա ակտիվորեն աշխատակցել է միութենական «Կոմսոմոլսկայա պրավդա», «Սովետսկի սպորտ» թերթերին, մի քանի տարի եղել է «Վրացինֆորմի» հասարակական—քաղաքական ինֆորմացիայի բաժնի խմբագիրը։ Ապա իր գործունեությունը շարունակել է «ԱՊՆ» գործակալության Վրաստանի բաժանմունքում՝ թղթակից, ապա ղեկավար։
Ինչպես ընդունված էր այն տարիներին, թերթի խմբագրին նշանակում էր կուսակցության կենտկոմի բյուրոն։ Որպես «Վրաստան» թերթի խմբագրի թեկնածու առաջինը Վան Բայբուրթյանին նկատել է Վրաստանի կոմկուսի կենտկոմի առաջին քարտուղար Էդուարդ Շեւարդնաձեն, ում, սակայն, չի հաջողվում նրան համոզել գլխավորելու թերթի խմբագրությունը։ Բայբուրթյանը գերադասեց մնալ «ԱՊՆ»—ի ղեկավար։ Սակայն մի քանի տարի անց դա հաջողվում է Շեւարդնաձեին փոխարինած Ջումբեր Պատիաշվիլուն։ Դա 1987—ին էր։ Այդ օրվանից «Վրաստան» հայկական միակ թերթի խմբագիրը Վան Բայբուրթյանն է, ով միաժամանակ ճանաչված հասարակական—քաղաքական գործիչ է։ Մի քանի անգամ եղել է Վրաստանի Հանրապետության օրենսդիր մարմնի պատգամավոր, որոշ ժամանակ աշխատել է Վրաստանի Հանրապետության նախագահի՝ ազգային փոքրամասնությունների հարցերով խորհրդական։
Ի դեպ, Վան Բայբուրթյանը մի քանի տարի ապրել եւ աշխատել է Հայաստանում, եղել է Հայաստանի սպորտկոմիտեի նախագահ Լորիս Քալաշյանի օգնականը՝ զուգահեռաբար աշխատակցելով «Սովետսկի սպորտ» թերթին։ 1970-1974 թթ. եղել է Հայաստանի ֆուտբոլի ֆեդերացիայի պատասխանատու քարտուղարը եւ, կարելի է ասել, որոշակի լումա ունի «Արարատ-73»-ի պատմական հաղթանակում։
Առիթից օգտվելով՝ Վանին ու «Վրաստան» թերթի ողջ խմբագրակազմին նորանոր ստեղծագործական հաջողություններ եմ ցանկանում, մաղթում՝ երկրորդ հարյուրամյակը սկսել նոր հետաքրքիր գործերով եւ միշտ լինել ընթերցողի շահերի պաշտպանի դիրքերում։
Լեւոն ԱԶՐՈՅԱՆ

30-07-2020





01-08-2020
682 դեպքով հրդեհների թիվը նվազել է
Սակայն հրդեհավտանգ իրավիճակը կպահպանվի նաեւ օգոստոսին եւ սեպտեմբերին



01-08-2020
Ադրբեջանի էթնիկ քարտեզը
Հայկական տարրը տեւապես եղել է Կովկասի մշակութային շարժիչ ...


01-08-2020
Հայաստանում հաստատվել է COVID-19-ի 291 նոր դեպք․ ապաքինվել է 560, մահացել 11 քաղաքացի
Հայաստանում օգոստոսի 1-ի դրությամբ` հաստատվել է կորոնավիրուսային հիվանդության ընդհանուր ...


01-08-2020
Հուշապատում
Բինգյոլը... Սեւանի ափին

Սեւանա կղզին Իսահակյանի ամենասիրելի վայրերից ...


01-08-2020
«Ամենատխուր մարդը» կամ անազատության ազատությունը
Վերարժեւորելով Պերճ Զեյթունցյանին եւ նրա ինքնատիպ գործերից մեկը՝ ...


01-08-2020
Հայաստանի «Ինտերկապը» 30 տարեկան է
ՀԽՍՀ ֆիզիկական կուլտուրայի եւ սպորտի պետական կոմիտեի նախագահ Ռուբեն ...


01-08-2020
Կալիսիրի ակումբը՝ Շվեդիայի գավաթակիր
Շվեդիայի ֆուտբոլային գավաթը 8-րդ անգամ նվաճեց «Գյոթեբորգը»։ Ակումբակիցների հետ ...



01-08-2020
Հայաստանում մեկնարկում է հիմնարար բարեփոխումների գործընթաց
68-97 տոկոսով կբարձրացվեն ոստիկանության ...

01-08-2020
ՀԱԷԿ-ում ՊՆՎ-ն ըստ ժամանակացույցի է եւ առանց խոչընդոտների
Հայաստանն ատոմակայանի շահագործման եզակի ...

01-08-2020
Պատմության հետագծով
–1921 թ. օգոստոսի 1-ին ծնվել է Լիլի Չուգասզյանը՝ ...

01-08-2020
Ինֆանտինոն արդեն մեղադրյալ է
Համաշխարհային ֆուտբոլը հերթական ապտակը ստացավ. ...
USD
EURO
RUR
GEL
Եղանակը Երևանում
գիշերը +20... +22
ցերեկը +36... +38

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO