Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

24.11.2020
ՏՆՏԵՍՈՒԹՅՈՒՆ


ՏՏ զարգացման վրա պետք է շեշտադրումն անել

Ոլորտի ընկերությունները ոչ թե անկում, այլ արտադրանքի աճ են արձանագրել

Այս ամիսներին, համավարակով պայմանավորված, երբ տնտեսության որոշ ճյուղեր անկում ապրեցին, ինչպես ողջ աշխարհում, այնպես էլ Հայաստանում լայն թափ ստացան տեղեկատվական տեխնոլոգիաների պահանջարկը եւ դրանց կիրառումը նաեւ էլեկտրոնային համակարգում։ Ինչպես «ՀՀ» օրաթերթի հետ զրույցում ասաց «Ձեռնարկությունների ինկուբատոր» հիմնադրամի տնօրեն Բագրատ Ենգիբարյանը, համավարակը ցույց տվեց, որ տնտեսության շատ քիչ ճյուղեր, մասնավորապես՝ ՏՏ ոլորտը, կարողացան այս ժամանակաշրջանում ոչ միայն գոյատեւել, այլեւ զարգացման միտում արձանագրել։ Կան ճարտարագիտության ուղղություններ, որոնք իրենց ներուժով կարող են Հայաստանին լավագույն դիրքավորում ապահովել։
«Իրավիճակն ապացուցեց, որ Հայաստանը ճիշտ ուղու վրա է եւ կարողացավ ճիշտ պահին ՏՏ ոլորտը զարգացնել։ Թեպետ ճարտարագիտության մեջ եղան դժվարություններ, սակայն հատկապես սարքաշինությունը, գիտությունը սկսեցին աճ արձանագրել։ Գիտատար պատվերների մեծ պահանջարկ առաջացավ»,–ասաց նա՝ հավելելով, որ սա այն բացառիկ ոլորտն է, որտեղ աշխարհը պատրաստ է մեծ գումարներ ներդնել։
«Կա միտում, որ բարձր տեխնոլոգիական, ՏՏ գիտական պատվերները գնալով կաճեն, որովհետեւ ներդրողները, ավանդական ճյուղերում ներդրումներ անելուց զատ, ցանկանում են նոր ոլորտներ ի հայտ բերել՝ տուրիզմ, ավիաընկերություններ, էլեկտրոնային կրթություն եւ այլն։ Ըստ կանխատեսումների, առաջիկա 2 տարում խոշոր ներդրումներ են սպասվում առցանց առետրի, օնլայն աշխատանքի, ծրագրային բիզնես լուծումների, փաթեթների մշակման ուղղություններով։ Հայաստանում ՏՏ ոլորտը զարգացնելու բոլոր նախապայմանները կան, պարզապես, պետք է առանց երկմտելու օգտագործել այս հնարավորությունն ի շահ երկրի։ Պետք է ագրեսիվ մոտենանք երկիրը ճիշտ դիրքավորելու առումով եւ ցույց տանք աշխարհին, որ Հայաստանը ՏՏ ոլորտի համար արդյունավետ ու շահեկան վայր է ներդրումներ անելու համար»,–նշեց ՁԻՀ—ի տնօրենը՝ հավաստիացնելով, որ արդեն իսկ հետաքրքրությունը բավական մեծ է մեր երկրի հանդեպ։
Նա հորդորեց մեծացնել ՏՏ ոլորտի զարգացման ուղղությամբ շեշտադրումը եւ հետեւողական լինել բոլոր գործընթացների ուղղությամբ։ Ի լրումն այս ամենի, նշենք, որ վերջերս ՀՀ կառավարությունը «Ինժեներական քաղաքի» ներդրման հերթական ծրագիրը հաստատեց։ Սա վկայում է, որ համավարակային պայմանները չեն խոչընդոտել ՏՏ ընկերությունների աշխատանքին, ընդհակառակը, տարածքում տեղակայված որոշ ընկերություններ խոշոր պատվերներ են ստացել։
Ըստ Բագրատ Ենգիբարյանի, սա «Ինժեներական քաղաքի» ներդրումային վերջին մասն է, որը ենթադրում է, թե հողատարածքը ինչ չափորոշիչներով է հատկացվելու այն շահագործողներին։ Ակնկալվում է նոր տարածքում տեղակայել մինչեւ 44 կազմակերպություն։ Կստեղծվի համապատասխան հանձնաժողով, կամրագրվեն այնտեղ գործունեություն ծավալելու հստակ պահանջներն ու կանոնները։ Նրա խոսքով, կառավարությունն արդեն հաստատել է «մաստեր պլանը», որոշվել են խաղի հստակ կանոններ, երկու շաբաթվա ընթացքում կտեղադրվեն ռեզիդենտների դիմումների ընդունման հայտարարագրերը, եւ ՏՏ ընկերությունները կկարողանան դիմել իրենց առաջարկներով։
Այնտեղ գործող ընկերությունները կարողանալու են օգտագործել «Ինժեներական քաղաքի» բոլոր ռեսուրսները, պոտենցիալը, լաբորատորիաները, կրթական ծրագրերը, ինչպես ասում է Բագրատ Ենգիբարյանը՝ ուս—ուսի տալով փորձելու են ավելի խոշոր ներդրումներ բերել։
Նշենք, որ «Ինժեներական քաղաքում» գործունեություն է ծավալում 22 կազմակերպություն։ Դրանցից որոշները, ըստ զրուցակցիս, թոքերի օդափոխման սարքերի արտադրման խոշոր պատվերներ են ստացել, իսկ որոշ կազմակերպություններ արտադրանքի ծավալային աճ են ունեցել 5—6 անգամ։
Ի դեպ, «Ինժեներական քաղաքի» կառուցման ծրագիրը ՀՀ կառավարության որոշմամբ նախաձեռնվել է մոտ երկու տարի առաջ եւ նպատակ ունի երկրում նոր թափ հաղորդելու ինժեներական եւ բարձր տեխնոլոգիաների զարգացմանն ու հայկական ինժեներական մտքի մեկտեղմանը։ Ծրագրի ուղղությամբ արդեն ավելի քան 20—21 մլն դոլար է ներդրվել։
Լուսինե ՆԱԶԱՐՅԱՆ
l.nazaryan@hhpress.am

31-07-2020





24-11-2020
Վայրկյան անգամ չհապաղելու ժամանակը
«Կարող ենք կառուցել այնպիսի տնտեսական համակարգ, որը հնարավորություն կտա ...


24-11-2020
Ժամանակն է սանձել Թուրքիային
Էրդողանի աշխարհաքաղաքական ամբիցիաներն ուժգին հարվածում են երկրի տնտեսությանը



24-11-2020
Լոնդոնը ձգտում է օգտագործել Անկարային՝ ընդդեմ Մոսկվայի
Մուրը սերտ հարաբերություններ էր հաստատել Բաքվի վերնախավի ներկայացուցիչների հետ


24-11-2020
Քանի՞ քայլ է մինչեւ հաղթանակ
Այն կարող է սկսվել միայն համախմբման միջոցով

Պատմությունը ...


24-11-2020
Փոքրիկ քննության փորձ
Ինչ է նստած մեր ազգային գենետիկ հիշողության ծալքերում



24-11-2020
Ինչո՞ւ Ռուսաստանը չպետք է թուրքական նարդի խաղա Կովկասում
Էրդողանի որոշակի համառությունը կարող է շատ արագ վերածվել ստրկամտության ...


24-11-2020
Նա մեծ արվեստ էր եկել հետնամուտքով
Իսկ դրանից հեռանալու համար վաստակել էր շքամուտքի իրավունքը




24-11-2020
Պետք է կարողանանք ավելի կոնկրետ եւ ամբողջական տեղեկատվություն հաղորդել
Վարչապետը հանդիպումներ կունենա անհետ կորած եւ ...

24-11-2020
Ավելի քան 2.1 միլիոն եվրոյի խոստում–նվիրատվություն
Նոյեմբերի 22-ին «Հայաստան» համահայկական հիմնադրամի ...

24-11-2020
Վահրամ Դումանյանը նշանակվել է ԿԳՄՍ նախարար
ՀՀ նախագահ Արմեն Սարգսյանի հրամանագրերով Արայիկ ...

24-11-2020
Կա փոխվստահություն, եւ կարող ենք աշխատել հանուն ապագայի
Մեկնարկել է ՀՀ նախագահի այցը Հորդանան
USD
EURO
RUR
GEL
Եղանակը Երևանում
գիշերը +2... +4
ցերեկը +4... +7

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO