Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

03.08.2020
ԿԱՌԱՎԱՐՈՒԹՅՈՒՆ


«Մենք շանս ունենք ջարդելու այս համավարակի ողնաշարը»

Կառավարությունը կփոխհատուցի սոցիալական բնակարանային ֆոնդի կացարաններում բնակվող միայնակ կենսաթոշակառուների կոմունալների վարձավճարները

Երեկ տեղի է ունեցել ՀՀ կառավարության հերթական նիստը, որը վարել է ՀՀ վարչապետ Նիկոլ Փաշինյանը։
Նախքան օրակարգային հարցերի քննարկումը վարչապետն անդրադարձել է Հայաստանում կորոնավիրուսի հետ կապված իրավիճակին։ «Ինչպես երեկ առիթ ունեցել եմ ասելու՝ վերջին 15 օրում կորոնավիրուսի հետ կապված համաճարակային վիճակը Հայաստանում էականորեն բարելավվել է եւ բարելավվում է։ Հունիսի 11—ից հետո առաջին անգամ երեկվա դրությամբ մենք ունենք ակտիվ դեպքերի 9000—ից պակաս դեպք։ Երեկվա դրությամբ դրական ախտորոշված եւ չառողջացած դեպքերը 8877 են։ Հունիսի 11—ից հետո մենք երբեք այսպիսի ցածր թիվ չենք ունեցել։ Երեկ ունեցել ենք 259 նոր ախտորոշման դեպք եւ 6 օր անընդմեջ ունենք 400—ից պակաս ամենօրյա դեպքեր։ Իսկ նման իրավիճակ, որ 6 օր մեր դեպքերը լինեն 400—ից պակաս, այսինքն՝ մայիսի 24—ի դրությամբ է այդպիսի իրավիճակ արձանագրվել։
Այս ամենը նշանակում է, որ մենք շանս ունենք, եթե շատ պատկերավոր ասենք, ջարդելու այս համավարակի ողնաշարը։ Եվ սա մեզնից յուրաքանչյուրի վրա դնում է հատուկ պատասխանատվություն։ Առաջինը՝ ես ուզում եմ կրկին ընդգծել պետական կառավարման բոլոր մարմինների հատուկ պատասխանատվությունը մասնավորապես այնտեղ, որտեղ կա քաղաքացիների ընդունելության հատված։ Բոլոր տեղերում պետք է հստակ հակահամաճարակային կանոնները պահպանվեն՝ դիմակների պարտադիր կրում, սոցիալական հեռավորության պահպանում հերթերի ձեւով, ընդ որում՝ ոչ միայն մուտքից ներս, այլեւ եթե այնպիսի իրավիճակ է, որ փակ տարածքում չեն տեղավորվում մարդիկ եւ ստիպված են դրսում սպասել, դրսում նույնպես պետք է հերթերը կարգավորվեն։
Օգոստոսի 1—ին թոշակների բաժանման պրոցես է սկսվելու։ Եվ մենք նախորդ՝ հուլիսի 1—ի օրինակով, մեծ պրոբլեմներ ունեցանք ե՛ւ բանկերի բաժանմունքներում, ե՛ւ Հայփոստի բաժանմունքներում։ Այնպես որ, առաջիկա օրերին՝ այսօր—վաղը, պարոն Գալստյան եւ պարոն Արշակյան, հատուկ աշխատեք, որպեսզի հակահամաճարակային կանոնները հստակ պահպանվեն։
Իհարկե, այս ամենը չի կարող որեւէ արդյունք ունենալ, եթե նույնպիսի պատասխանատվություն կամ առնվազն այդ պատասխանատվությունը չկիսեն մեր սիրելի հայրենակիցները, քաղաքացիները, որոնցից ակնկալվում է հակահամաճարակային կանոնների պահպանում՝ դիմակի պարտադիր կրում, սոցիալական հեռավորություն եւ ձեռքերի պարբերաբար ախտահանում։ Որեւէ կասկած չկա, որ, իհարկե, այս իրավիճակի բարելավումը հակահամաճարակային կանոնների պահպանման եւ, թույլ տվեք ասել, նաեւ քաղաքացիների գիտակցության բարձրացման արդյունք է։ Ի վերջո, մենք պիկը գոնե այսօրվա դրությամբ ունեցել ենք հուլիսի 6—ին։ Եվ այդ պահին արդեն թվերն այնքան ահագնացող էին, որ նաեւ հանրության համար ունեցան սթափեցնող նշանակություն։ Բայց ուզում եմ ասել, որ այս պրոցեսի անկյունաքարը, այնուամենայնիվ, դիմակների պարտադիր կրումն է։ Եվ մենք համոզված ենք, մեր վերլուծությունը ցույց է տալիս՝ դիմակների պարտադիր կրումն է, որ այն մյուս ջանքերը դարձնում է առավել արդյունավետ։
Եվ պետք է մեր քաղաքացիներին խնդրեմ նաեւ, որ հոգեհանգիստների, հուղարկավորությունների արարողությունների ժամանակ լինեն ծայրահեղ ուշադիր եւ պահպանեն հակամաճարակային կանոնները կամ պարետատան սահմանած նորմերը։ Նաեւ՝ հարսանյաց արարողությունների կազմակերպման ժամանակ եւ ընդհանրապես միջոցառումներ կազմակերպելու ժամանակ խստիվ հետեւեն այն կանոններին, որոնք սահմանված են պարետատան կողմից։
Ցավոք, մենք հիմա վստահ գիտենք, որ մինչեւ տուրիստական սեզոնի ավարտն ավիափոխադրումները սովորական ռեժիմով չեն վերականգնվի, ինչը նշանակում է, որ մեր այն հայրենակիցները, որոնք մտադիր են եւ ունեն հնարավորություն ամառային արձակուրդն անցկացնել հանգստյան վայրերում, պետք է օգտվեն ներքին տուրիզմի հնարավորություններից։ Սա մի կողմից հնարավորություն է, որ մեր հայրենակիցները հայրենագիտական իրենց գիտելիքները մեծացնեն, բայց մյուս կողմից, կարծում եմ՝ մեր տեսչական մարմիններն այս ընթացքում պետք է հատուկ ուշադրություն դարձնեն առողջարաններում, հանգստյան տներում, հանգստի գոտիներում հակահամաճարակային կանոնների պահպանմանը։ Եվ, իհարկե, կարծում եմ, որ այս արդյունքը կապված է նաեւ ոստիկանության գործողությունների առավել խիստ լինելու հետ։ Ինչքան էլ դա մեզ բոլորիս որոշակի դիսկոմֆորտ եւ տհաճություն է պատճառում, բայց մենք պետք է շարունակենք նույնպիսի խստությամբ հետեւել կանոններին, որովհետեւ հիմա ձեւակերպում ենք խնդիր, որ մենք համաճարակը, ըստ էության, որպես օրակարգի հարց, դուրս բերենք մեր հանրային կյանքի օրակարգից։ Սա չի նշանակում, որ կորոնավիրուսի դեպքեր ընդհանրապես չլինեն Հայաստանի Հանրապետությունում։ Սա նշանակում է, որ կորոնավիրուսի դեպքերը լինեն այն աստիճանի եւ մակարդակի վրա, որ մենք դա չհամարենք առնվազն առողջապահական առումով ճգնաժամ։ Եվ հետեւաբար, այո՛, մենք այսօր այդ շանսը, հնարավորությունը ռեալ ունենք։ Ինչքանո՞վ կիրացնենք այդ շանսը՝ կախված է ե՛ւ պետական մարմինների, ե՛ւ մեզնից յուրաքանչյուրի, ե՛ւ յուրաքանչյուր քաղաքացու պատասխանատվության մակարդակից։ Եվ մենք հույս ենք դնում, սիրելի հայրենակիցներ, ձեզ վրա։ Եվ, իհարկե, նաեւ մենք մեզնից կախված մեր պատասխանատվության բաժինը լիարժեք կկրենք։ Բայց հույս ենք դնում, որ ձեզնից յուրաքանչյուրն այս պատասխանատվությունը եւ այս մարտահրավերը կընդունի, եւ մենք կկարողանանք սեպտեմբերին արձանագրել ճգնաժամի ավարտը։
Եվ էլի ուզում եմ ասել, որ այս լավատեսական ուղերձները ոչ թե նրա համար են, որ մեր զգոնությունը թուլանա, այլ նրա համար են, որ մենք ավելի զգոն լինենք, որովհետեւ մենք ունենք հնարավորություն, որը, ցավոք սրտի, երաշխավորված չէ, եւ կարող ենք այդ հնարավորությունը ձեռքից բաց թողնել, եթե պատշաճ լրջությամբ չվերաբերենք իրավիճակին»,–ասել է Նիկոլ Փաշինյանը։
Անցնելով օրակարգային հարցերի քննարկմանը՝ կառավարությունն ընդունել է որոշում, որով սահմանվել է սոցիալական բնակարանային ֆոնդի կացարաններում բնակվող միայնակ կենսաթոշակառուների սպառած բնական գազի, էլեկտրական էներգիայի եւ ջրամատակարարման վարձավճարների փոխհատուցման կարգը։ Հիմնավորման համաձայն, սոցիալական բնակարանային ֆոնդի կացարաններում ներկա դրությամբ բնակվում է ավելի քան 250 անձ, որից միայնակ է 74—ը։ Սահմանված կարգով միայնակ կենսաթոշակառուներին՝ սպառած բնական գազի, էլեկտրական էներգիայի եւ ջրամատակարարման վարձավճարների դիմաց փոխհատուցման գործընթացը կիրականացվի անկանխիկ եղանակով։ Ըստ նախնական հաշվարկների՝ սոցիալական բնակարանային ֆոնդի կացարաններում բնակվող յուրաքանչյուր միայնակ կենսաթոշակառու ամսական վճարում է միջին հաշվով 12 հազ. դրամ (երեք ծառայության համար միասին), այսինքն՝ տարեկան 144 000 դրամ։ Արդյունքում՝ կմեղմվի միայնակ թոշակառուների սոցիալական վիճակը, քանի որ վերջիններս տնտեսված այդ գումարը կկարողանա ծախսել կենսականորեն անհրաժեշտ այլ կարիքներ հոգալու համար։

31-07-2020





01-08-2020
682 դեպքով հրդեհների թիվը նվազել է
Սակայն հրդեհավտանգ իրավիճակը կպահպանվի նաեւ օգոստոսին եւ սեպտեմբերին



01-08-2020
Ադրբեջանի էթնիկ քարտեզը
Հայկական տարրը տեւապես եղել է Կովկասի մշակութային շարժիչ ...


01-08-2020
Հայաստանում հաստատվել է COVID-19-ի 291 նոր դեպք․ ապաքինվել է 560, մահացել 11 քաղաքացի
Հայաստանում օգոստոսի 1-ի դրությամբ` հաստատվել է կորոնավիրուսային հիվանդության ընդհանուր ...


01-08-2020
Հուշապատում
Բինգյոլը... Սեւանի ափին

Սեւանա կղզին Իսահակյանի ամենասիրելի վայրերից ...


01-08-2020
«Ամենատխուր մարդը» կամ անազատության ազատությունը
Վերարժեւորելով Պերճ Զեյթունցյանին եւ նրա ինքնատիպ գործերից մեկը՝ ...


01-08-2020
Հայաստանի «Ինտերկապը» 30 տարեկան է
ՀԽՍՀ ֆիզիկական կուլտուրայի եւ սպորտի պետական կոմիտեի նախագահ Ռուբեն ...


01-08-2020
Կալիսիրի ակումբը՝ Շվեդիայի գավաթակիր
Շվեդիայի ֆուտբոլային գավաթը 8-րդ անգամ նվաճեց «Գյոթեբորգը»։ Ակումբակիցների հետ ...



01-08-2020
Հայաստանում մեկնարկում է հիմնարար բարեփոխումների գործընթաց
68-97 տոկոսով կբարձրացվեն ոստիկանության ...

01-08-2020
ՀԱԷԿ-ում ՊՆՎ-ն ըստ ժամանակացույցի է եւ առանց խոչընդոտների
Հայաստանն ատոմակայանի շահագործման եզակի ...

01-08-2020
Պատմության հետագծով
–1921 թ. օգոստոսի 1-ին ծնվել է Լիլի Չուգասզյանը՝ ...

01-08-2020
Ինֆանտինոն արդեն մեղադրյալ է
Համաշխարհային ֆուտբոլը հերթական ապտակը ստացավ. ...
USD
EURO
RUR
GEL
Եղանակը Երևանում
գիշերը +20... +22
ցերեկը +36... +38

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO