Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

20.01.2021
ԳԻՏՈՒԹՅՈՒՆ


Երկիրը կարո՞ղ է գոյատեւել Արեւի մահանալուց հետո

«Ջեյմս Վեբ» տիեզերական աստղադիտակը տիեզերք կուղարկվի հաջորդ տարվա հոկտեմբերին

Ասում են՝ 5 մլրդ տարի անց Արեւը կմահանա՝ վերածվելով մեռած աստղի՝ սպիտակ թզուկի: Սակայն ՆԱՍԱ-ի վերջին հետազոտությունները մեզ փրկության հնարավորություն են տալիս: Այս մասին գրում է դանիական «Videnskab»-ը:
Վերջերս գիտնականները հայտնաբերել են մի մոլորակ, որը պտտվում է սպիտակ թզուկի շուրջ, բայց չի ոչնչանում նրա հսկայական գրավիտացիայի պատճառով: Եվ դա ապացուցում է, որ մոլորակները կարող են գոյատեւել նման աստղերի մոտակայքում: Այս մասին հայտնել է ԱՄՆ-ի Կոռնելիի համալսարանը: Խոսքը Յուպիտերի չափերի գազային մոլորակի մասին է, որն ստացել է «WD 1856b» անվանումը:
«Սպիտակ թզուկը ոչնչացնում է մոտակայքում գտնվող բոլոր մոլորակները, որպես կանոն՝ նրա հսկայական գրավիտացիան կտորների է վերածում այն ամենը, ինչն իրեն չափից ավելի է մոտենում: Մենք դեռ շատ հարցեր ունենք այն մասին, թե ինչպես է «WD 1856b»-ը հայտնվել այնտեղ, որտեղ հիմա է, ինչու նրան չի սպառնացել նույն ճակատագիրը»,-ասել է Վիսկոնսինի Մեդիսոնի համալսարանի աստղագիտության պրոֆեսոր Էնդրյու Վանդերբուրգը ՆԱՍԱ-ի կողմից հրապարակված մամուլի հաղորդագրության մեջ:
Նոր հետազոտության արդյունքները հրապարակվել են «Nature» գիտական հանդեսում, իսկ այն անցկացվել է նաեւ Դանիայի տեխնիկական համալսարանի մասնակցությամբ:
Մոլորակը հայտնաբերվել է TESS աստղադիտակի միջոցով, որը նախատեսված է հատուկ էկզոմոլորակներ որոնելու համար: Աստղադիտակը պատկանում է NASA-ին, իսկ դանիացի գիտնականները խնդիրը կատարելու համար տեխնոլոգիա եւ ինտելեկտուալ ռեսուրսներ են տրամադրել:
Նոր հայտնագործությունը հույս է տալիս ժամանակին զուգընթաց պարզել, թե Երկիր մոլորակի վրա կյանքը կարո՞ղ է գոյատեւել այն բանից հետո, երբ նրա աստղը փլուզվի եւ վերածվի սպիտակ թզուկի: Այս մասին նշել են Կոռնելիի համալսարանի գիտնականները:
«Եթե սպիտակ թզուկների մոտ պինդ մոլորակներ լինեն, ապա գուցե առաջիկա տարիներին նրանց վրա կյանքի նշաններ կարողանանք հայտնաբերել»,-ենթադրել է Կոռնելիի համալսարանի աստղագիտության պրոֆեսոր, Կառլ Սագանի ինստիտուտի տնօրեն Լիզա Կալտենեգերը:
«Astrophysical Journal Letters»-ում հրապարակված ուղեկցող ուսումնասիրության մեջ Կալտենեգերը վերջերս գնահատել է սպիտակ թզուկների շուրջ պտտվող մոլորակների մթնոլորտում կյանքի նշանների հայտնաբերման հավանականությունը: Ըստ ուսումնասիրության՝ այդ հարցում կարող է օգնել ՆԱՍԱ-ի «Ջեյմս Վեբ» տիեզերական աստղադիտակը, որը, համաձայն պլանի, տիեզերք կուղարկվի հաջորդ տարվա հոկտեմբերին:
«Հետեւելով Երկրի նման մոլորակներին սպիտակ թզուկների ուղեծրում՝ տիեզերական «Ջեյմս Վեբ» աստղադիտակը կարող է հաշվված ժամերի ընթացքում ջրի եւ ածխածնային գազի հետքեր հայտնաբերել»,-ավելացրել է Ռայան Մակդոնալդը՝ «Astrophysical Journal Letters»-ում հրապարակված հետազոտության համահեղինակը:
Քանի որ վերջերս հայտնաբերված «WD 1856b»-ը գազային մոլորակ է, դա լավագույն տեղը չէ կյանք որոնելու համար այն տեսքով, ինչպիսին մենք գիտենք: Բայց սպիտակ թզուկի ուղեծրում գոյություն ունեցող մոլորակի առկայությունը կարող է վկայել, որ կյանքի նշաններ կարելի է գտնել նաեւ ավելի փոքր պինդ մոլորակներում, որոնք պտտվում են այդպիսի աստղերի շուրջ:
Լիզա Կալտենեգերի խոսքերով՝ եթե կյանքի նշաններ հայտնվեն, դա նշանակալից հայտնագործություն կլինի:
Ի՞նչ կլինի, եթե աստղի մահը դեռ ողջ կյանքի վերջը չէ: Կյանքը գոյություն կունենա՞, արդյոք, այն բանից հետո, երբ մահանա մեր արեւը: Եթե մենք սպիտակ թզուկների շուրջ պտտվող մոլորակների վրա կյանքի նշաններ գտնենք, ապա դա ոչ միայն կդառնա կյանքի անհավանական կայունության օրինակ, այլեւ որոշակի պատկերացում կտա սեփական ապագայի մասին:

Պատրաստեց Իշխան ՔԻՇՄԻՐՅԱՆԸ

23-09-2020





19-01-2021
Բաշխման էլեկտրական ցանցերում տեխնոլոգիական կորուստները կնվազեն
Ինչ է նախատեսված 10-ամյա ներդրումային ծրագրով

Հայաստանի էլեկտրական ...


19-01-2021
Մեծ Բրիտանիան նոր «Մեծ խաղ» է նախաձեռնել
Լոնդոնը Թուրքիային դարձրել է իր զենքը սեփական շահերի առաջխաղացման ...


19-01-2021
«Իմ մահը պիտի ըլլա ոտքի վրա…»
Նա քաջ գիտակցում էր, թե ինչ է նշանակում հայ ...


19-01-2021
Նվազեցվում են ՊԵԿ աշխատակից-հարկատու շփումները
Ներդրվում է վարչական իրավախախտումների վերաբերյալ վարույթների էլեկտրոնային կառավարման համակարգ


19-01-2021
Թուրքիան չի հրաժարվում սպառնալիքի լեզվով խոսելուց
Կարսում նախատեսվում են թուրք-ադրբեջանական համատեղ զորավարժություններ

Հայաստանին սահմանակից ...


19-01-2021
Հայաստանի բազմաբնակարան շենքերի երեք տոկոսից ավելին անբավարար վիճակում է
Կառավարման մարմինները բնակֆոնդի պահպանման գործառույթներ պետք է իրականացնեն


19-01-2021
Սուրբ Հոգու պարգեւները
«Պարգեւները զանազան են, բայց Հոգին նոյնն է: Եւ պաշտօնները ...



19-01-2021
Կստանձնի ՀՀ վարչապետի աշխատակազմի ղեկավարի պաշտոնը
ՀՀ վարչապետ Նիկոլ Փաշինյանի որոշմամբ այսուհետ ...

19-01-2021
Քննարկման է ներկայացվել հակակոռուպցիոն կոմիտե ստեղծելու նախագիծ
Կառավարությունը ՀՀ Ազգային ժողովի քննարկմանն է ...

19-01-2021
Հոբելյանը կնշվի համերգային ծրագրերով
ԽՍՀՄ ժողովրդական արտիստ, պետական մրցանակների ...

19-01-2021
Այս տարի էլ հաղթեց Հովիկ Հայրապետյանը
Արցախցի գրոսմայստեր Հովիկ Հայրապետյանը երկրորդ ...
USD
EURO
RUR
GEL
Եղանակը Երևանում
գիշերը -1... +1
ցերեկը +1... +4

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO