Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

29.10.2020
ՏՆՏԵՍՈՒԹՅՈՒՆ


Մեր խաղաղության երաշխիքը յուրաքանչյուր ոլորտում մոբիլիզացումն է

Ազգը, որ ինքնապաշտպանական հաց է ստեղծել, զորեղ է եւ անպարտելի

Մեր տարածաշրջանում հատվում են տարբեր գերտերությունների շահեր, տարբեր էթնոսների ձգտումներ եւ, հետեւաբար, ապագայում էլ պատերազմներն անխուսափելի են: Բայց սա չի նշանակում, թե պատերազմներից խուսափելն անհնար է: Հնարավոր է, բայց եթե լինենք համապատասխան պատրաստվածության, եւ այդ դեպքում հակառակորդը չի համարձակվի ռազմական ճանապարհով խնդիրներ լուծել:
Որ հայ զինվորը հզոր ռազմիկ է, գիտենք, բայց այս օրերին դա նաեւ աշխարհն իմացավ: Եվ գուցե շատերս խորքային չենք պատկերացնում, թե ինչ դժվարին խնդիրներ է հայ ռազմիկն ամեն օր լուծում:
Ռազմական վերլուծաբան Արթուր Եղիազարյանը հստակեցնում է. «Հայտնի է, որ հայկական ու ադրբեջանական բանակները տարիներով զինվում են: Բայց մի նրբություն կա. ներկա դրությամբ սա արդեն հայ-ադրբեջանական հակամարտությունից դուրս գործընթաց է: Որովհետեւ եւ՛ «իսլամական պետության» վարձկաններն են ներգրավված, եւ՛ Թուրքիայի կողմից ամբողջական ներգրավվածություն կա, թեկուզ դեռ քողարկվում է ադրբեջանական մորթու տակ, բայց ամեն տեղից թուրքական ոտքերն են երեւում՝ թե՛ զինտեխնիկայի, թե՛ մարդկային ռեսուրսների ձեւով: Այսինքն՝ սա արդեն հայ-թուրքական պատերազմի է վերածվել: Ժամանակակից Թուրքիայի նկրտումներն այս տարածաշրջանում ակնհայտ են՝ ստեղծել միացյալ թուրքական միություն: Հիմա դա մեկ պետության տեսքով են նախատեսում, թե միության կամ մեկ այլ ֆորմատով, ակնհայտ տեսանելի են նկրտումները»:
Վերլուծաբանը խոսում է տարիներ շարունակ թուրքական քաղաքականությունից: Ստեղծել է թյուրքալեզու ժողովուրդների խորհուրդ, որում ներգրավված է 6 պետություն: Չմոռանանք՝ դեռ տարիներ առաջ Նախիջեւանում տեղի ունեցած խորհրդի ժողովի ժամանակ բացահայտ ակնարկել են, որ Նախիջեւանը այն տարածքն է, որը պետք է միավորի թուրքական աշխարհները: Եվ ներկա դրությամբ նրանց մաքսիմալ ծրագիրը սա է: Իհարկե, պատերազմ սանձազերծող կողմը հաշվարկում է մինիմալ ու մաքսիմալ ծրագրեր: Մի քանի գործոններ են հատվում այստեղ: «Ադրբեջանում լուրջ սոցիալական խնդիրներ են սկսվել եւ հիմա էլ կան՝ կապված ջրային ռեսուրսների հետ: Եվ այդ խնդիրները հենց Թուրքիան է ծնում,- նշում է Արթուր Եղիազարյանը,- Կուր գետի ավազանը փոքրացել է (իհարկե, բնական գործոն էլ կա), որովհետեւ թուրքական կողմը իր տարածքում ջրային մեծ ավազաններ է ստեղծում, Կուրի աջափնյակը, կարելի է ասել, ամբողջությամբ ջրազրկված է: Չմոռանանք նաեւ, որ այդ հատվածի ջրային ռեսուրսների գերակշիռ մասը ծնունդ է առնում Արցախի լեռներից: Արդեն պարզ է, չէ՞, նրանց մինիմալ ծրագիրը: Եվ այդ ակտիվությունը նկատում ենք Արցախի հյուսիսային հատվածում՝ անպայման դուրս գալու Թարթառ գետի ակունքներ»:
Իսկ թշնամու մաքսիմալ ծրագիրը կարող է բերել տարածաշրջանային պատերազմի: Թշնամին ցանկանում է Արցախի հարավային կողմից մոտենալ Հայաստանի Հանրապետության սահմաններին՝ Մեղրիի շրջանին. իսկ այստեղից մինչեւ Նախիջեւանի Օրդուբադ ընդամենը 37 կմ է բաժանում: «Շատերի մոտ տարակուսանք է առաջանում. ինչպե՞ս, չէ՞ որ այստեղ Ռուսաստանի, Իրանի գործոններն են: Այո, այդ գործոնները կան, բայց ես ուզում եմ, որ մենք այլ գործոն հաշվի առնելով էլ պատրաստ լինենք,- շեշտում է ռազմական վերլուծաբանը,- Թուրքիան ոչ մեկին հաշվի չի առնում, կորցրել է չափի զգացողությունը: Եվ եթե հայկական ուժերը չկարողանան հակադարձել, Թուրքիան կփորձի իրագործել իր ծրագրերը: Սա չբացառվող տարբերակ է: Հետո` այս դեպքում, բնականաբար, կներքաշվեն այլ երկրներ…»:
«Դրա համար ենք ասում. Արցախի հարավային հատվածը եւ Մեղրիի հատվածը մարդկության քաղաքակրթության անջրպետն է, որով կանխվում է ավելի մեծ չարիքի՝ թյուրքական դաշինքի ծնունդը»,- ընդգծում է զրուցակիցս:
Ի դեպ, ընդամենը օրեր հետո՝ հոկտեմբերի 29-ին պետք է տեղի ունենա թյուրքալեզու ժողովուրդների խորհրդի հերթական նիստը, որի օրակարգային հարցերից մեկն էլ Թուրանի միացյալ բանակի ստեղծումն է: Այսինքն՝ գործնական քայլի են գնում՝ այս երկրները ռազմական առումով միավորելու: Եթե ուշադիր լինենք, ինչպես բացատրում է ռազմական վերլուծաբանը, տեղեկատվական դաշտում դեռ այս ամառվանից միավորումներն արդեն սկսել են: Եվ հենց այդ ժամանակ էլ Էրդողանը կոչով դիմեց արտերկրում ապրող թուրք եւ ադրբեջանցի հանրությանը՝ պայքարելու Հայ դատի գրասենյակների դեմ… Պատճառները առավել քան հասկանալի են: Այսինքն՝ այսօրվա պատերազմը շատ ավելի խորքային պատճառներ ունի՝ մեզ զրկել մեր հայրենիքի վերականգնման ձգտումներից: «Պատահական չէ, որ օրեր առաջ «Գորշ գայլերի» ղեկավարն ասաց, թե եթե այս պատերազմում հայերը հաղթող դուրս գան, ապա թուրքերի երազանքները կարող են տապալվել, հետեւաբար, ոչ մի միջոցի առաջ չպետք է կանգնեն: Սա ոչ այլ ինչ է, քան հայերի ցեղասպանության բացահայտ կոչ»,- հայտնում է Ա. Եղիազարյանը՝ միաժամանակ ընդգծելով. «Սա նշանակում է, որ մենք այլ տարբերակ չունենք, քան հստակ հաղթանակ տանելը»:
Իհարկե, սրա հետ կապված շատ արագ եւ լուրջ քայլեր է անհրաժեշտ ձեռնարկել արտաքին հատվածում: Եթե հակիրճ, ապա պետք է աշխատանք տանենք դաշնակիցներ եւ թիմակիցներ գտնելու համար՝ հակաթուրքական ճակատում: Մենք արել ենք շատ կարեւոր մի բան. ցույց ենք տվել այն համառությունն ու ուժը, որ տարածաշրջանային լուրջ գործոն ենք: Եվ մենք ինքներս, ըստ վերլուծաբանի, պետք է կարողանանք մեր շահը ձեւակերպել որոշակի գերտերությունների շահերի շրջանակներում: Տերություններից հնչում են հավասարության նշան դնող հայտարարություններ, զգուշավոր «պրոտոկոլային տեքստեր», բայց այդ տեքստերում էլ երանգներ կան: Մենք պետք է հուզականությունը մի կողմ թողնենք եւ իրական քաղաքականության հետ հաշվի նստենք՝ մեր շահն առաջ տանելով: «Միջազգային հարթակներում ուսումնասիրում եւ նշում են, որ Երկրորդ համաշխարհային պատերազմից հետո երկրագնդում նման խտության ռազմական գործողություններ չեն իրականացվել՝ փոքր հատվածում եւ այդքան զինտեխնիկայի կիրառմամբ: Եվ, այսքանով հանդերձ, հայկական բանակը տապալեց թուրքական բլից-կրիգը: Մենք ստիպեցիք մեզ հարգել, մեզ չնայել առաջվա պրիզմայով… Մենք զարմանալի հատկություն ունենք՝ արտաքին վտանգի ժամանակ արագ մոբիլիզացվում ենք: Մենք մեր ուժերից վեր խնդիր ենք լուծում: Բայց չպետք է սրանով բավարարվենք: Պետք է կարողանանք շատ արագ փոփոխություններ բերել պատերազմում՝ թշնամուն դուրս մղելով»,- հայտնում է Արթուր Եղիազարյանը:
Նրա խոսքերով՝ ամեն ոլորտում մոբիլիզացումն է մեր խաղաղության երաշխիքը:
Համապատկերում ռազմական վերլուծաբանը պատմական մի փաստ հիշեց: Երբ Մակեդոնացին Հյուսիսային Միջագետք էր հասել, նայում է հյուսիսի լեռների կողմը եւ ցանկություն հայտնում գրավել Հայաստանի տարածքը: Զինված հետախուզական խումբ է ուղարկում, որ վերադառնալով` լավաշ է բերում Մակեդոնացուն: Նա հարցնում է՝ ի՞նչ է սա: Հետախույզները բացատրում են՝ հայերի չփչացող հացը, թխում են, չորացնում, ամիսներով պահում, հետո թրջում եւ իբրեւ թարմ հաց ուտում: Մակեդոնացին հետ է կանգնում Հայաստանը գրավելու մտքից. մի ազգ, որ ինքնապաշտպանական հաց է ստեղծել, ավելի լավ է նրա հետ գործ չունենալ:
«Այսինքն՝ մենք պիտի այնպիսի տնտեսություն, այնպիսի երկիր ունենանք, որ մեզ հետ պարզապես չցանկանան պատերազմել: Ասված է՝ եթե խաղաղություն ենք ուզում, անընդհատ պետք է պատերազմի պատրաստվենք: Թշնամին ուզում է մինիմալը՝ Արցախի չգոյություն, մաքսիմալը՝ Հայաստանի չգոյություն: Պե՞տք է հանդուրժենք: Բնականաբար՝ ոչ: Հետեւաբար բոլոր ռեսուրսներով պետք է նվիրվենք մեր գործին: Ինչու ոչ, պարտավոր ենք նաեւ ոչ ստանդարտ լուծումներ գտնել: Հաղթանակը մեզ համար այլընտրանք չունի: Սա ֆիքսում ենք եւ անցնում լուծումների»,- եզրափակում է ռազմական վերլուծաբան Արթուր Եղիազարյանը:

Արմենուհի ՄԵԼՔՈՆՅԱՆ

16-10-2020





28-10-2020
Թուրքիայի տնտեսությունը կոլապսի առջեւ
Թուրքիան եւ Ադրբեջանը ստիպված կլինեն առերեսվել քաղաքացիական պատերազմին



28-10-2020
Թուրքիան սխալ էր հաշվարկել
Իսկ Անկարան ի վիճակի՞ է իր համար բախումների նոր ...


28-10-2020
Քարվաճառ. Ամրոց Ծար 1
Արդեն նշել եմ՝ Ծարը (նախկինում՝ Զառ) եղել է Արցախ ...


28-10-2020
Հայկական բանակը դեռ ցույց չի տվել իր ողջ զինանոցը
Համանախագահների առանձին փորձերին պետք է հաջորդի նոր՝ միասնական ու ...


28-10-2020
Հայաստանի Հանրապետություն չի մտնում եւ չի կարող մտնել չստուգված, վտանգավոր սննդամթերք
ՍԱՏՄ-ն անցել է վերահսկողության ուժեղացման ռեժիմի

Մի բան ...


28-10-2020
Ադրբեջանաթուրքական դաշինքը հարվածում է Իրանի անվտանգության համակարգին
Իրանից զենք գնելու մասին հայտարարությունը հեռահար նպատակներ է հետապնդում


27-10-2020
Աստծո բոլոր ծառաները պետք է վերցվեն երկրի վրայից եւ հավաքվեն երկնքում
Վեցերորդ փողի հնչյուններից ազատվում են չորս հրեշտակներ, ովքեր պետք ...



28-10-2020
Արցախը կանգուն է մնալու
Որովհետեւ մեր ոգին անկոտրում է, մեր կամքը` ...

28-10-2020
ԱԺ-ն վավերացրեց վարձկանների հավաքագրման, օգտագործման, ֆինանսավորման եւ ուսուցման դեմ կոնվենցիան
ՀՀ Ազգային ժողովը վավերացրեց «Վարձկանների ...

28-10-2020
Նիկոլ Փաշինյանը հանդիպել է Գարեգին Բ-ի հետ
ՀՀ վարչապետ Նիկոլ Փաշինյանը երեկ կառավարությունում ...

28-10-2020
Ջալալ Հարությունյանին փոխարինել է Միքայել Արզումանյանը
Ջալալ Հարությունյանն ազատվել է Արցախի ...
USD
EURO
RUR
GEL
Եղանակը Երևանում
գիշերը +16... +19
ցերեկը +24... +26

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO