Ընդդեմ Արցախի ժողովրդի հանդեպ իրականացված ագրեսիայի

ՀՀ ԱԳՆ մամուլի խոսնակը մեկնաբանել է Ֆրանսիայի ԱԺ կողմից ընդունված՝ ԼՂ ճանաչման անհրաժեշտության մասին բանաձեւը:
«Ողջունում ենք Ֆրանսիայի Ազգային ժողովի՝ ձայների ճնշող մեծամասնությամբ ընդունված՝ Լեռնային Ղարաբաղի ճանաչման անհրաժեշտության մասին բանաձեւը, որը հաջորդել է Սենատի՝ նախորդ շաբաթ ընդունած նույնանման բանաձեւին։
Ֆրանսիայի խորհրդարանի թե՛ ստորին եւ թե՛ վերին պալատների այս միասնական դիրքորոշումը խորհրդանշում է Ֆրանսիայի եւ ֆրանսիացիների վճռական բողոքի ձայնն ընդդեմ Ադրբեջանի կողմից Թուրքիայի ու ահաբեկիչ վարձկանների աջակցությամբ Արցախի ժողովրդի հանդեպ իրականացված ագրեսիայի եւ էթնիկ զտման ու ցեղասպան նկրտումներ պարունակող քաղաքականության»,- ասված է մեկնաբանության մեջ:

05-12-2020