Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

16.01.2021
ՏՆՏԵՍՈՒԹՅՈՒՆ


ՊԵԿ-ը հորդորում է չխախտել ներմուծման արգելքի որոշումը

Ուժեղացված վերահսկողությամբ կարգելվի թուրքական ապրանքների ներմուծումը Հայաստան

Հոկտեմբերին ԱԺ-ի ընդունած օրենքով 2020 թվականի դեկտեմբերի 31-ից ուժի մեջ է մտնում թուրքական ծագմամբ ապրանքների ներմուծման վերաբերյալ արգելքը: Այն նախնական պայմաններով գործելու է 6 ամիս: Այդ ժամանակահատվածը պարտադրված է ԵԱՏՄ օրենսդրությամբ, որի լիիրավ անդամն է Հայաստանը: Միանշանակ կարելի է պնդել, որ վերոնշյալ սահմանափակումը 6 ամսից կրկին կերկարաձգվի, քանի որ նույնիսկ պատերազմի ավարտից հետո էլ Թուրքիան շարունակում է զինել Ադրբեջանին: Օրերս բայրաքթարներով բեռնված հերթական ռազմական ինքնաթիռն ուղեւորվեց Ադրբեջան: Բացի այդ, Ադրբեջանում են Թուրքիայի բանակի ստորաբաժանումները եւ նրա վարձած ջիհադիստ ծայրահեղականները:
Այս պայմաններում մեր կողմից Թուրքիայի ռազմական բյուջեի համալրումն առնվազն տարօրինակ կլիներ: Չնայած փակ սահմաններին, հայ ձեռներեցները Վրաստանի տարածքով մեծ ծավալի ապրանքներ էին ներմուծում: Նրանցից շատերը մասնագիտացած են բացառապես թուրքական ապրանքների վաճառքի մեջ: Վերջիններիս կողմից նոր շուկաներ գտնելու համար նախատեսված ժամանակահատվածն ավարտվում է այս տարվա դեկտեմբերի 31-ին:
Ներմուծման արգելքը, բացի Թուրքիայից, տարածվելու է բոլոր երկրներից, նաեւ Վրաստանից եւ ԵԱՏՄ անդամ պետություններից ներմուծվող թուրքական ծագման նշված ապրանքների վրա։ Այս կապակցությամբ ՀՀ պետական եկամուտների կոմիտեն տնտեսավարողներին հիշեցրել է, որ մինչեւ 2020 թ. դեկտեմբերի 31-ը ներմուծված թուրքական ապրանքների նկատմամբ արգելքը չի գործի միայն այն դեպքում, եթե մինչեւ այդ ժամկետը ապրանքների նկատմամբ իրականացվեն բոլոր համապատասխան մաքսային գործառնությունները:
Տնտեսավարողները դրա համար պետք է հասցնեն այդ ապրանքները հայտարարագրել «Ներքին սպառման համար բացթողում» մաքսային ընթացակարգով, վճարեն համապատասխան մաքսային վճարները եւ ապրանքները բաց թողնվեն մինչեւ դեկտեմբերի 31-ը։ Պետական եկամուտների կոմիտեն տնտեսավարողներին հորդորել է նաեւ ապրանքների առեւտրային փաստաթղթերում նշել ծագման երկրի վերաբերյալ տվյալները, իսկ հնարավորության դեպքում նաեւ մաքսային մարմնի պահանջով ներկայացնել ծագման երկրի հավաստագիր կամ հայտարարագիր։
ՀՀ պետական եկամուտների կոմիտեն նշում է, որ ուժեղացված մաքսային հսկողություն է իրականացվելու այդ ապրանքների նկատմամբ, ներառյալ ֆիզիկական զննում, որը իրականացվելու է մաքսային հսկողության իրականացման վայրերում տեղադրված տեսախցիկների ներքո։ ՊԵԿ-ը հորդորում է խստագույնս պահպանել թուրքական ապրանքների արգելքի վերաբերյալ ՀՀ կառավարության 20.10.2020 թ. թիվ 1708-Ն որոշմամբ սահմանված դրույթները եւ զերծ մնալ հնարավոր խախտումներից։
Այսպիսով, 2021 թվականի հունվարի 1-ից մեկնարկում են Թուրքիայի իրականացրած ագրեսիային Հայաստանի պատասխան տնտեսական քայլերը: Այն Թուրքիայի համար զգալի կլինի՝ այնտեղ տիրող ծանր տնտեսական ֆոնի վրա, առավել եւս, որ արգելքի նման որոշումներ են ընդունել նաեւ այլ պետություններ՝ մասնավորապես Սաուդյան Արաբիան եւ Ֆրանսիան:

Արմեն ՎԱՐԴԱՆՅԱՆ

26-12-2020





16-01-2021
Հայաստանի էներգահամակարգի բարձր ՕԳԳ-ն ապահովելու համար
Ինչպիսի քայլեր կձեռնարկի պետությունն արտահանման մասով

Մեր էներգահամակարգը ...


16-01-2021
Բայդենը խոստանում է վերականգնել ԱՄՆ-ի հեղինակությունը
Չինաստանի հետ թշնամությունը պետք է փոխարինվի առողջ մրցակցությամբ



16-01-2021
Տարածաշրջանում ընթանում են խմորումներ՝ ռազմական ուժի ցուցադրումով
Հակաթուրքական բլոկի երկրների ռազմական բյուջեները մի քանի անգամ գերազանցում ...


16-01-2021
Մերձեցում միջուկային տեխնոլոգիաներին տիրանալու համար
Թուրքիան խորացնում է Պակիստանի եւ Ադրբեջանի հետ համագործակցությունը



16-01-2021
Կարգազանցներին հնարավորություն կտրվի վճարել միայն տույժի կեսը
2019-2020 թթ. ընթացք է տրվել մոտ երկու միլիոն կատարողական ...


16-01-2021
Պետական կառավարման մոդելի կապը
Տվյալ ժողովրդի արժեհամակարգային առանձնահատկությունների հետ

Պատմաբան, «Հայոց պատմության ...


16-01-2021
Սուրբ հոգու ծառայություն
Յուրաքանչյուր քրիստոնյա իր կյանքում կարող է տալ երկու ...



16-01-2021
2021 թվականը պետք է դառնա տնտեսական ամբիցիաների վերականգնման տարի
ՀՀ վարչապետ Նիկոլ Փաշինյանի մոտ կայացած ...

16-01-2021
«Կապահովվեն բոլոր պետությունների շահերը»
Ռուսաստանի, Հայաստանի եւ Ադրբեջանի փոխվարչապետների ...

16-01-2021
Արցախ է վերադարձել 49 հազար 264 մարդ
Ռուսական խաղաղապահ ուժերի եւ ռազմական ...

16-01-2021
Յուրչենկոն կխաղա Հայաստանում
Հայաստանի ֆուտբոլի ազգային հավաքականի դարպասապահ ...
USD
EURO
RUR
GEL
Եղանակը Երևանում
գիշերը -1... +1
ցերեկը +1... +4

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO