Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

20.01.2021
ԱԳՆ


2021 թվականը դիվանագիտության ոլորտում լինելու է ճակատամարտերի տարի

Իրան-Հայաստան դիրքորոշումների մոտեցում

2021 թվականին Արցախի կարգավիճակի հարցով կտրուկ աճելու են բանակցային գործընթացները, եւ դիվանագիտության ոլորտում մեծ ծավալի աշխատանքներ են տարվելու:
Արցախյան պատերազմը վեր հանեց դիվանագիտական ճակատում առկա բացերը, որոնք արագ լուծման կարիք են զգում: Մասնավորապես մտահոգիչ էին Վրաստանի եւ Իրանի գործողությունները: Վերջիններս փակել էին իրենց ցամաքային սահմանները եւ թույլ չէին տալիս, որ Հայաստան զինամթերք մատակարարվի: Վրաստանը բացի ցամաքային ճանապարհներից փակել էր նաեւ օդային ուղիները:
Նման վարքագիծը վերջիններս բացատրեցին չեզոքություն պահպանելու եւ հարեւանների հետ բալանսավորված քաղաքականություն վարելու ձգտումով, բայց ակնհայտ է, որ այս ուղղությամբ էական աշխատանքներ տանելու անհրաժեշտություն կա: Դիվանագիտության ոլորտում աշխատանքների նոր թափը կարեւորվում է նաեւ այն հանգամանքով, որ առաջիկա տարիներին պատերազմը շարունակվելու է հենց այստեղ:
Այս առումով կարեւոր է, որ ԱԳ նախարար Արա Այվազյանն իր գործունեությունը սկսեց՝ ակտիվ աշխատելով արցախյան հակամարտության կարգավորման գործընթացում այս կամ այն կերպ ներգրավված կամ ազդեցություն ունեցող պետությունների հետ: Վերջինս արդեն հանդիպումներ եւ հեռախոսազրույցներ է ունեցել ԵԱՀԿ Մինսկի խմբի երկրների իր գործընկերների հետ:
Նախորդ օրը նա հեռախոսազրույց ունեցավ նաեւ Իրանի ԱԳ նախարար Մոհամմադ Ջավադ Զարիֆի հետ: Կողմերն անդրադարձել են տարածաշրջանային անվտանգության եւ կայունության հարցերի՝ քննարկելով նոր մարտահրավերների հասցեագրման ուղղությամբ համագործակցության հեռանկարները: Իսկ տարածաշրջանում միակ նոր մարտահրավերը Սիրիայից եւ Լիբիայից բերված ջիհադիստ ծայրահեղականների եւ թուրքական բանակի ներկայությունն է: Բնական է, որ Հայաստանը ՌԴ-ի եւ Իրանի հետ միասին պետք է կազմակերպի դրա հակազդումը: Այս խնդիրը մոտեցրել է կողմերի դիրքորոշումը եւ այդ ուղղությամբ համակարգված աշխատանքի հնարավորություններ ստեղծել:
Հատկանշական է, որ Մոհամմադ Ջավադ Զարիֆն անդրադարձել է նաեւ արցախյան պատերազմին եւ հայտնել իրանական կողմի ցավակցությունը Արցախում պատերազմի զոհերի կապակցությամբ, ինչպես նաեւ զորակցություն է մաղթել հայ ժողովրդին: Զրուցակիցները նաեւ ընդգծել են տարբեր մակարդակներով փոխշփումների եւ երկխոսության առավել ակտիվացման կարեւորությունը:
Եթե իրանի հետ հարաբերություններում առկա է շահերի համատեղում, ապա նույնը չի կարելի ասել մեր մյուս հարեւանի՝ Վրաստանի դեպքում: Վերջինս, ունենալով Աբխազիայի եւ Հարավային Օսեթիայի խնդիրները, նախընտրում է իր արտաքին քաղաքականության մեջ առաջնայնություն տալ Թուրքիայի եւ Ադրբեջանի հետ համագործակցության սերտացմանը, եւ այստեղ է, որ հայկական դիվանագիտությունը մեծ ծավալի աշխատանք ունի տանելու: Դրա նպատակը պետք է լինի այն, որ այդ եռյակի փոխգործակցությունը չաշխատի Հայաստանի դեմ:
Բոլոր դեպքերում ակնհայտ է, որ 2021 թվականը լինելու է բարդ, դիվանագիտական բազմաբեւեռ աշխատանքներով հագեցած տարի: Այդ կանխատեսումը հիմնավորվում է նաեւ Ադրբեջանից եւ Թուրքիայից եկող ազդակներով, ինչը խոսում է այն մասին, որ վերջիններս հակված չեն Արցախի հարցում բանակցությունների սեղանի մոտ վերադառնալուն կամ գոնե առերեւույթ դեմ են արտահայտվում առկա բանակցային ձեւաչափերին: Գալիք տարին առաջնային է լինելու թե՛ բանակցություններին նոր որակ հաղորդելու, թե՛ գործող ձեւաչափի պահպանման ուղղությամբ ջանքերի ներդրման առումով:

Արմեն ՎԱՐԴԱՆՅԱՆ

29-12-2020





20-01-2021
Կենտրոնացված ջերմամատակարարման առավելությունն ակնհայտ է
Ոլորտի տեսլականի համար հարկ է, որ հենց այս գործոնը ...


20-01-2021
Բայդենը կվերադառնա՞ Հարավային Կովկաս
Առայժմ հայտնի չէ, թե նա հիմա ինչ կարող է ...


20-01-2021
Ինչպիսի՞ն է լինելու ԱՄՆ-ի դերն աշխարհում
Ակնկալվում է ավելի ակտիվ եւ նախաձեռնող արտաքին քաղաքականություն



20-01-2021
Շարժում դեպի գազի միասնական շուկա
Պայմանագիրը կարող է պատրաստ լինել այս տարի եւ ստորագրվել ...


20-01-2021
Պատերազմի դաժան երեսը
Կատարվածից դասեր քաղելը պատասխանատվություն է ապագա սերունդների նկատմամբ



20-01-2021
Հայ բանաստեղծության մայրը
Նա իր փառքից միայն մի փոքրիկ բաժին թողեց իրեն


20-01-2021
Սուրբ Հոգին մեր կնիքն է
Ա. Բայց Աստուծոյ հաստատ հիմքը կանգնած է եւ այս ...



20-01-2021
Պետական կառավարման համակարգը ռեսթարթի անհրաժեշտություն ունի
Դա պետք է սկսվի վարչապետի աշխատակազմից


20-01-2021
Կայուն օպերատիվ իրավիճակը պահպանվել է
Հունվարի 18-ին եւ 19-ի առավոտյան ՀՀ պետական սահմանի ...

20-01-2021
Նոր մոտեցում ինքնակամ շինության օրինականացման հարցում
Նոր նախագծով առաջարկվում է, որ ինքնակամ ...

20-01-2021
Կանխատեսելի արդյունքներ ճերմակ մրցուղիներում
Կարծես, ներդաշնակելով մեր երկրում հաստատված ...
USD
EURO
RUR
GEL
Եղանակը Երևանում
գիշերը -1... +1
ցերեկը +1... +4

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO