Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

17.01.2021
ԱՇԽԱՐՀ


Քաղաքական ու աշխարհաքաղաքական նոր կարգ է ձեւավորվում

Այս տարի պատասխան կստանա այն հարցը, թե որքանով է կենսունակ Արցախը նոր իրավիճակում

Մի կողմ թողնելով 2020 թ. Կովկասում կատարված իրադարձությունների զգացմունքային կողմերը՝ պետք է նշել, որ տարին պատմական էր տարածաշրջանի համար: Արցախը զիջեց Ադրբեջանին իր տարածքների մեծ մասը վերջինիս սանձազերծած պատերազմում: Մեր ժողովրդի դեմ դուրս եկան եւ Ադրբեջանի կողմից պատերազմական գործողություններին մասնակցեցին Թուրքիան, Սիրիայի ու Լիբիայի վարձկան-ահաբեկիչները, Իսրայելը եւ ուրիշներ: Եվ աշխարհը հանգիստ հետեւեց տեղի ունեցող իրադարձություններին: Եվրամիությունն ու ԱՄՆ-ն դատապարտեցին Թուրքիային, նույնիսկ պատժամիջոցներ սահմանվեցին այդ երկրի նկատմամբ, բայց ոչ թե ահաբեկիչների հետ համագործակցելու, նրանց արցախահայության դեմ նետելու, հայ ժողովրդի դեմ պատերազմ վարելու եւ պատերազմական հանցագործություններ կատարելու ու դրանց սատարելու, այլեւ Միջերկրածովյանում Թուրքիայի հակահունական եւ հակակիպրոսյան գործողությունների ու Ռուսաստանից C-400 զենիթահրթիռային համակարգեր գնելու համար: Սա է միջազգային իրավունքի էությունը, եւ մենք՝ հայերս, միշտ կպարտվենք, քանի դեռ չենք ընկալել այն պարզ ճշմարտությունը, որ աշխարհում շարունակում է գործել միայն մեկ իրավունք՝ ուժի իրավունքը՝ խարսխված տնտեսական, քաղաքական ու ռազմական շահերի ու հետաքրքրությունների վրա, քանի դեռ հույսներս միայն մեզ հետ չենք կապել:
Կովկասի եւ Թուրքիայի գծով ամերիկյան «Eurasianet»-ի տարածաշրջանային խմբագիր Ջոշուա Կուչերան, ելնելով անցած տարվա իրադարձությունների ընթացքից, փորձել է հասկանալ, թե ինչ է սպասվում 2021 թ.:
«Արցախում տեղի ունեցած պատերազմն ազդարարում է տարածաշրջանում նոր քաղաքական ու աշխարհաքաղաքական կարգի ձեւավորման գործընթացի մասին: 2021 թ. այդ գործընթացը կշարունակվի: Եվ, անկասկած, ամենամռայլ հեռանկարները սպասվում են Հայաստանին: 2021-ը շրջադարձային կլինի քաղաքական առումով. հրաշք կլինի, եթե իշխող ուժը պահպանի իշխանությունը, սակայն պետք է նկատի ունենալ, որ իշխանափոխությունը տեւական ժամանակ կհանգեցնի անորոշության: Իսկ այդ դեպքում արդյոք կպահպանվե՞ն 2018 թ. թավշյա հեղափոխության արժեքները՝ կոռուպցիայի դեմ իրական պայքարն ու Հայաստանի ժողովրդավարացումը: Հարկ է սպասել, որ 2021-ը լի կլինի քաղաքական ցնցումներով:
Լեռնային Ղարաբաղի հայերի համար նույնպես անհանգիստ ժամանակներ են սկսվել: Պատերազմի արդյունքում նրանց ունեցած տարածքը շատ ավելի է փոքրացել, իսկ ադրբեջանցիները շատ ավելի մոտ են: Ռուս խաղաղապահները դեռ ապահովում են անվտանգությունը, բայց արդյոք հայերը կշարունակե՞ն մտածել, որ արժե երկար ժամանակ մնալ Ղարաբաղում: Թե՞ նրանք կհամարեն, որ Ղարաբաղում իրենց օրերը հաշվված են, եւ հավաքելու են ճամպրուկները: 2021 թվականը, հավանաբար, որոշակի պատասխան կտա այն հարցին, թե որքանով կենսունակ կլինի Ղարաբաղը»,-գրում է «Eurasianet»-ը:
Ինչ վերաբերում է Ադրբեջանին, ըստ հեղինակների՝ պատերազմում տարած հաղթանակից հետո այդ երկիրն էյֆորիայի մեջ է: Բայց հիմա նրա առջեւ բարդ խնդիր է դրված՝ վերականգնել եւ բնակեցնել ձեռք բերած տարածքները: Դա պետք է արվի սպառվող պետական բյուջեի ֆոնին` նավթի կայուն ցածր գների եւ պետական հիմնարկներում կոռուպցիայի ծաղկման պատճառով: Բայց հաջող ռազմական գործողությունները, ինչ խոսք, Ադրբեջանի ղեկավար Իլհամ Ալիեւին քաղաքական կապիտալ են բերել, կապիտալ, որը մոտ ժամանակներս չի սպառվի:
«Երկրում ծաղկում է տրիումֆալիզմը, եւ Բաքուն հանդուրժողականության ավելի քիչ նշաններ է ցույց տալիս ցանկացած բանի նկատմամբ, ինչը չի համապատասխանում իր ամենաուժեղ ազգայնական ազդակներին: Բայց նա նաեւ պնդում է, որ պատրաստ է ողջունել Ղարաբաղի հայերին՝ որպես Ադրբեջանի քաղաքացի: Կապված դրա հետ՝ Բաքուն 2021-ին ինչ-որ գործողություն կձեռնարկի՞, որպեսզի հայերն իրենց լիարժեք զգան: Լուրջ քայլեր կարող են լինել սարսափելի ռազմական հանցագործությունների կատարման մեջ մեղադրվող զինվորների քրեական հետապնդումը եւ «աղվանական» խելագար տեսության քարոզչությունից հրաժարումը, որի միջոցով Բաքուն փորձում է ջնջել հայերի պատմությունը տարածաշրջանում: Ոչ ոք չի սպասում, որ դա տեղի կունենա, մինչդեռ դա անհրաժեշտ է կատարել տարածաշրջանում խաղաղության ապահովման համար»,-շեշտել է «Eurasianet»-ը:
Կապված Վրաստանի հետ՝ պետք է նշել, որ նրա մասին լուրերը մղվել են երկրորդ պլան այդ երկրի հարավում տեղի ունեցած դրամատիկ իրադարձությունների պատճառով, չնայած որ նա նույնպես հայտնվել է մի շարք ճանապարհների խաչմերուկում: Վիճարկվող ընտրություններից հետո բոլոր ընդդիմադիր կուսակցությունները բոյկոտեցին խորհրդարանը, ինչի արդյունքում Վրաստանում խորհրդային ժամանակներից ի վեր առաջին անգամ կառավարում է մեկ կուսակցություն: Երկրում քաղաքական գործիչների նկատմամբ վստահությունը նախկինում էլ ցածր մակարդակի վրա էր, եւ պարզ չէ, թե ինչպես է երկիրը դուրս գալու այդ փակուղուց:
Բացի այդ, Վրաստանը, ինչպես տարածաշրջանում ոչ ոք, սպասում է կորոնավիրուսի տարածման շուտափույթ ավարտին: Երկրի տնտեսությունը մեծապես կախված է զբոսաշրջությունից, եւ 2020 թ. սեզոնը լիակատար ձախողվեց: Նրանք, ովքեր դեռ զբաղվում են տուրիզմով եւ ոլորտի հետ կապված այլ բիզնեսով, հուսահատորեն հույսեր են տածում, որ համաճարակը կթուլանա նոր հանգստյան սեզոնի սկզբին:

Պատրաստեց Իշխան ՔԻՇՄԻՐՅԱՆԸ

13-01-2021





16-01-2021
Հայաստանի էներգահամակարգի բարձր ՕԳԳ-ն ապահովելու համար
Ինչպիսի քայլեր կձեռնարկի պետությունն արտահանման մասով

Մեր էներգահամակարգը ...


16-01-2021
Բայդենը խոստանում է վերականգնել ԱՄՆ-ի հեղինակությունը
Չինաստանի հետ թշնամությունը պետք է փոխարինվի առողջ մրցակցությամբ



16-01-2021
Տարածաշրջանում ընթանում են խմորումներ՝ ռազմական ուժի ցուցադրումով
Հակաթուրքական բլոկի երկրների ռազմական բյուջեները մի քանի անգամ գերազանցում ...


16-01-2021
Մերձեցում միջուկային տեխնոլոգիաներին տիրանալու համար
Թուրքիան խորացնում է Պակիստանի եւ Ադրբեջանի հետ համագործակցությունը



16-01-2021
Կարգազանցներին հնարավորություն կտրվի վճարել միայն տույժի կեսը
2019-2020 թթ. ընթացք է տրվել մոտ երկու միլիոն կատարողական ...


16-01-2021
Պետական կառավարման մոդելի կապը
Տվյալ ժողովրդի արժեհամակարգային առանձնահատկությունների հետ

Պատմաբան, «Հայոց պատմության ...


16-01-2021
Սուրբ հոգու ծառայություն
Յուրաքանչյուր քրիստոնյա իր կյանքում կարող է տալ երկու ...



16-01-2021
2021 թվականը պետք է դառնա տնտեսական ամբիցիաների վերականգնման տարի
ՀՀ վարչապետ Նիկոլ Փաշինյանի մոտ կայացած ...

16-01-2021
«Կապահովվեն բոլոր պետությունների շահերը»
Ռուսաստանի, Հայաստանի եւ Ադրբեջանի փոխվարչապետների ...

16-01-2021
Արցախ է վերադարձել 49 հազար 264 մարդ
Ռուսական խաղաղապահ ուժերի եւ ռազմական ...

16-01-2021
Յուրչենկոն կխաղա Հայաստանում
Հայաստանի ֆուտբոլի ազգային հավաքականի դարպասապահ ...
USD
EURO
RUR
GEL
Եղանակը Երևանում
գիշերը -1... +1
ցերեկը +1... +4

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO