Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

27.02.2021
ՍՈՑԻՈՒՄ


Գնաճը կազմել է 3.7 տոկոս

Ըստ Հայաստանի Հանրապետության վիճակագրական կոմիտեի հրապարակած 2020 թ. հունվար-դեկտեմբերի սպառողական գների վիճակագրության՝ 12 ամիսներին հանրապետության սպառողական շուկայում գնաճը կազմել է 3.7 տոկոս: Այս ցուցանիշը կանխատեսելի էր՝ հաշվի առնելով 2020 թ. համավարակի եւ պատերազմի բացասական հետեւանքները:
Հանրապետության բոլոր քաղաքներում 2020 թ. դեկտեմբերին նոյեմբերի համեմատ սպառողական գներն աճել են 2.9-3.7 տոկոսով: Ամենաբարձր գնաճն արձանագրվել է Վաղարշապատում (3.7 տոկոս), իսկ Երեւանում այն բարձրացել է 3.3 տոկոսով:
Էականորեն բարձրացել են սննդամթերքի եւ ոչ ալկոհոլային խմիչքի գները, ինչը կազմել է 4.9 տոկոս: Բանջարեղենի գներն աճել են 2.8 տոկոսով: Այս սննդամթերքի որոշ տեսակների գներում արձանագրվել է զգալի նվազում: Այսպես՝ նախորդ տարվա համեմատ կարտոֆիլի գները նվազել են 23.1, գլուխ սոխինը՝ 21.4 տոկոսով, գրեթե նույնքան էլ նվազել է կանաչ սոխի գինը, իսկ գազարն էժանացել է 16.3 տոկոսով: Սակայն դրա փոխարեն սխտորի վաճառքի գինը բարձրացել է 104.5 տոկոսով, սմբուկինը՝ 47 տոկոսով, իսկ պղպեղի արժեքը բարձրացել էր 48 տոկոսով: Վերջին ցուցանիշները որոշիչ եղան այս ապրանքատեսակի ընդհանուր գնի աճի համար:
Մրգի ապրանքախմբում 2020 թ. արձանագրվել է 11.4 տոկոս գնաճ: Այստեղ արձանագրվել է խաղողի 14.7 տոկոս եւ ելակի 12.5 տոկոս գնանկում, բայց դրա փոխարեն խնձորի արժեքի 32,5 տոկոս եւ դեղձի 28 տոկոս բարձրացում է գրանցվել:
Յուղերի եւ ճարպերի ապրանքախմբում 2020 թ. դեկտեմբերին 2019-ի դեկտեմբերի համեմատ արձանագրվել է 13.1 տոկոս աճ: Հատկապես բարձրացել են արեւածաղկի բուսական յուղի միջին գները, եւ աճը կազմել է 35.3 տոկոս:
7.4 տոկոսով ավելացել են առաջին սպառման ապրանքատեսակներից հացաբուլկեղենի եւ ձավարեղենի գները: Կաթնամթերքի, պանիր եւ ձու ապրանքախմբի գնաճը կազմել է 5.8 տոկոս, հատկապես զգալի է եղել ձվի գների աճը՝ 18.5 տոկոս: 2020 թ. 38.1 տոկոսով աճել են շաքարի եւ շաքարավազի գները:
Մսամթերքի շուկայում արձանագրվել է 0.6 տոկոս գնանկում: Վերջինս մեծապես պայմանավորվում է նաեւ Հայաստան Ադրբեջանին հանձնած տարածքներից խոշոր եւ մանր եղջերավոր անասունների ներհոսքով ու մորթով:
Ոչ պարենային ապրանքների շուկայում 2020 թ. դեկտեմբերին 2019-ի դեկտեմբերի համեմատ արձանագրվել է 3.4 տոկոս գնաճ: Կորոնավիրուսի համավարակի եւ պատերազմի հետեւանքով պահանջարկի նվազման պատճառով ծառայությունների սակագներն էական աճ չեն գրանցել, եւ այն կազմել է ընդամենը 1.6 տոկոս:
Ճգնաժամային տարին չէր կարող չազդել արտարժույթի շուկայի վրա: 2020 թ. դեկտեմբերին հանրապետությունում գրանցվել է սպառողական գների եւ ԱՄՆ դոլարի նկատմամբ հայկական դրամի հաշվարկային փոխարժեքի 3.7 տոկոս եւ 8.5 տոկոս հավելաճ: 2020 թ. դեկտեմբերին ԱՄՆ դոլարի նկատմամբ հայկական դրամի միջին հաշվարկային փոխարժեքը կազմել է 518.9 դրամ, այն դեպքում, երբ 2019-ի դեկտեմբերին այն 478.2 դրամ էր:
2020 թ. ճգնաժամային տարում նման ցուցանիշներն անսպասելի չէին, սակայն պարզվում է, որ Հայաստանի սպառողական գների ինդեքսը ԱՊՀ երկրների համեմատությամբ բավականին դրական է: Այդ ցուցանիշը Հայաստանում 0.3 տոկոս է, այն դեպքում, երբ ՌԴ-ում եւ Ուկրաինայում 4.1 տոկոս է, իսկ Բելառուսում՝ 6.1 տոկոս: Վրաստանում սպառողական գների ինդեքսը կազմել է 3.4 տոկոս:
Ստեղծված իրավիճակում գնաճի կարգավորման գործառույթն իրականացնող պատասխանատու կառույցը՝ Կենտրոնական բանկը, առարկայորեն պարտավոր է համապատասխան կանխարգելիչ քայլեր իրականացնել: Հանրապետության գլխավոր դրամատունն արդեն տարածել է հաղորդագրություն, որում հայտնել է, որ ՀՀ ֆինանսական շուկաների բնականոն գործունեության ապահովման նպատակով կիրականացնի գործառնություններ։
«ՀՀ կենտրոնական բանկը շարունակում է իրականացնել ֆինանսական շուկաների մշտադիտարկում եւ անհրաժեշտության դեպքում կկիրառի իր գործիքակազմում առկա բոլոր գործիքները՝ երաշխավորելով գների եւ ֆինանսական կայունությունը»,- ասված է ԿԲ տարածած հաղորդագրության մեջ։ Հայտնի է, որ ԿԲ-ն Հայաստանում գնաճի թույլատրելի սահմանը տեսնում է 4 տոկոսի շրջակայքում, իսկ այսօր արդեն առկա է 3.7 տոկոսը: Կորոնավիրուսի ճգնաժամը չի զիջում դիրքերը: Ավելին՝ Առողջապահության համաշխարհային կազմակերպությունը կանխատեսում է համավարակի նոր ալիք, ինչը նշանակում է, որ տնտեսական անբարենպաստ իրավիճակը պահպանվելու է, եւ գների հետագա աճն անխուսափելի կլինի:

Ա. Վ.

16-01-2021





27-02-2021
Խթանվում է Հայաստանի հարուստ արեւային էներգիայի օգտագործումը
Նոր արտոնություններ այս ճյուղի արտադրությամբ զբաղվել ցանկացողների համար



27-02-2021
Ամենամեծ խնդիրը հիմա տնտեսական ճգնաժամն է
Դրա պատճառով Սիրիայի 9.3 մլն քաղաքացիներ սննդի պակաս են ...


27-02-2021
Ալիեւը սպառնում է եռակողմ հայտարարության ողջ տրամաբանությանը
Ադրբեջանի նախագահի բացասական ակնարկները Ռուսաստանի ուղղությամբ

Ադրբեջանի նախագահը ...


27-02-2021
Վրաստանը ՆԱՏՕ-ին միանալու հնարավորություն ունի՞
Թբիլիսին չի դադարում ձգտել դեպի Հյուսիսատլանտյան դաշինք

Վրաստանի՝ ...


27-02-2021
Միրիկ գյուղի մոտակա ամրոցները
Սա Հայաստան է, եւ վերջ...
Լեոնիդ Ազգալդյան



27-02-2021
Երբ հայդուկին հորդորում են վեր կենալ գերեզմանից...
Ելի՛ր, Գեւորգ, ելի՛ր, դուշմանը շատ է,
Հայոց ազգի համար ...


27-02-2021
Նրա ֆիլմերը երբեք չեն ծերանում
«Ինչ ծնվում է, պետք է ծնվի մեր հողից, մեր ...



27-02-2021
Հայտնի է երրորդ հանդիպման օրը
Մոսկվայում այսօր տեղի կունենա Հայաստանի ...

27-02-2021
Պուտինը ՌԴ ԱԽ մշտական անդամների հետ քննարկել է Ղարաբաղի հարցը
Ռուսաստանի նախագահ Վլադիմիր Պուտինն օպերատիվ ...

27-02-2021
Մաշտոցյան Մատենադարանում կներկայացվի արցախյան ձեռագրային արվեստը
Մաշտոցյան Մատենադարանում մարտի 3-ին կբացվի ...

27-02-2021
Արոնյանը որոշեց հեռանալ
Գրոսմայստեր Լեւոն Արոնյանը հայտարարել է Հայաստանից ...
USD
EURO
RUR
GEL
Եղանակը Երևանում
գիշերը -1... +1
ցերեկը +1... +4

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO