Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

24.02.2021
ԼՂՀ


Պատահածը լրջագույն դաս պիտի լինի բոլորիս համար

Ստեփանակերտում նշվել է Արցախյան շարժման 33-րդ տարեդարձը

Փետրվարի 21-ին, ինչպես 33 տարի առաջ, ժողովուրդը մեկ մարդու պես դուրս էր եկել Ստեփանակերտի Վերածննդի հրապարակ` վերահաստատելու պատմական արդարությունը եւ մայր Հայաստանին վերամիավորվելու իր հաստատակամ վճիռը: Հայաստանի ու Արցախի պետական դրոշներով գրեթե նույն կարգախոսներն էին հնչում հանրահավաքի մասնակիցների շուրթերից, եւ նրանց գլխավերեւում պահվող պաստառներն ու մյուս գրություններն ազդարարում էին արցախահայության անցած 33-ամյա բարդ, փորձություններով ու դժվարություններով, նաեւ` ձեռքբերումներով լի անցած ճանապարհի մասին:
Վերարժեւորելով ու վերաիմաստավորելով պայքարի տարիները, Արցախյան շարժման առաջամարտիկները հպարտությամբ անդրադարձան Արցախի, հայ ժողովրդի համար ճակատագրական նշանակություն ունեցող` 1988-ի փետրվարի 20-ին ԼՂԻՄ մարզխորհրդի արտահերթ նստաշրջանի ընդունած պատմական որոշմանը, բարձր գնահատեցին պատգամավորների, բազմահազարանոց հանրահավաքի մասնակիցների խիզախումն ու հաստատակամությունը:
«Մեր ժողովուրդը միասնաբար ոչ ասաց Ադրբեջանի բռնապետությանը եւ Մոսկվայից պահանջեց Արցախը դուրս բերել Ադրբեջանի կազմից ու վերամիավորել Հայաստանին, - ասում է շարժման ակտիվ մասնակից, Հայկական ԽՍՀ նախկին պատգամավոր Համլետ Գրիգորյանը: - Ցավոք, Բաքուն թշնամաբար արձագանքեց մեր օրինական պահանջին եւ սպառնաց հաշվեհարդարով, ինչը չուշացավ: Ստեղծված բարդ իրավիճակից ելնելով՝ հետագայում անկախություն հռչակեցինք` առաջին հերթին նկատի առնելով երկրի անվտանգության ապահովման անհրաժեշտությունը: Սակայն տարաձայնությունները քաղաքակիրթ ձեւով կարգավորելու փոխարեն Ադրբեջանը գերադասեց պատերազմ սանձազերծել Արցախի դեմ, էթնիկ զտումներ իրականացնել, բնակչությանը տեղահանել մշտական բնակավայրից եւ Նախիջեւանի ճակատագրին արժանացնել: Մենք չէինք կարող ենթարկվել նման նվաստացման ու ստրկացման, եւ ազգովի պայքարի ելանք հայրենիքը փրկելու: Ցավոք, հնարավոր չեղավ ծանր կորուստներից խուսափել»:
Ավագներին այսօր փոխարինում է երիտասարդ սերունդը, որն իրեն հերոսաբար դրսեւորեց 44-ամյա դաժան պատերազմում եւ, հավատարիմ 1988-ի ազատագրական շարժման առաջնորդների պատգամներին, պատրաստ է իր հանգրվանին հասցնել համաժողովրդական պայքարը: «1991-1994 թվականներին հայկական զինված ուժերը ոչ միայն հաջողությամբ կասեցրին թշնամու լայնածավալ ռազմագործությունները, այլեւ ազատագրեցին հակառակորդի հսկողության տակ գտնվող մեր պատմական հողերը, նրան ստիպեցին ծնկաչոք հրադադար խնդրել: Բայց ազերիները դասեր չքաղեցին պարտությունից եւ 2016-ի ապրիլին դարձյալ հարձակում գործեցին մեր սահմանների վրա: Այս անգամ եւս Ադրբեջանը Ռուսաստանին դիմեց զինադադար հաստատելու խնդրանքով: Ասել է թե` երկու պատերազմների դեպքում էլ հաղթեց հայի միասնական ուժը, - ասում է արցախյան ազատամարտի ակտիվ մասնակից, փոխգնդապետ, «Մարտական խաչ» շքանշանի ասպետ Սամվել Հարությունյանը:- Դժբախտաբար, 2020-ի սեպտեմբերի 27-ին Ադրբեջանի սանձազերծած պատերազմում մենք ծանր կորուստներ, մեծաթիվ զոհեր ու վիրավորներ ունեցանք: Կորցրինք արյան գնով նվաճած մեր հայրենիքի զգալի մասը, ինչի հետ հաշտվել հնարավոր չէ: Մենք, որ սովոր ենք միմիայն հաղթել, մինչեւ հիմա դժվարանում եմ ընկալել, թե ինչպես եւ ինչ հանգամանքներում մեր ուժերը զիջեցին դիրքերը: Սա լրջագույն դաս պիտի համարվի բոլորիս համար, եւ անհրաժեշտ հետեւություններ պիտի անենք»: Հայրենիքի զինվորը կարծում է, որ անզիջում պայքարի ընթացքում ձեռք բերված ազատությունն ու անկախությունն ամեն գնով պիտի պահպանվեն եւ սակարկման ենթակա չեն: Ասում է. «Հայրենիքը վիրավոր է, ու մենք պիտի բուժենք նրա վերքերը, շենացնենք եւ զորացնենք»:
Հանրահավաքի մասնակիցները՝ նախագահ Արայիկ Հարությունյանի գլխավորությամբ, կենտրոնական հրապարակից շարժվել են Ստեփանակերտի հուշահամալիր եւ ծաղիկներ խոնարհել արցախյան երեք ազատամարտերում նահատակված հայորդիների շիրիմներին: Ապա Արցախի հոգեւոր թեմի առաջնորդ Վրթանես եպիսկոպոս Աբրահամյանը ոգեկոչման կարգ է կատարել, աղոթել հայրենիքի ազատության համար նահատակված զավակների հոգու հանգստության համար:
Ի դեպ, ԱՀ նախագահի հրամանագրով, արցախյան շարժման մի խումբ ակտիվ մասնակիցներ պարգեւատրվել են պետական պարգեւներով: Շարժման առաջամարտիկներ Իգոր Մուրադյանն ու Վիգեն Շիրինյանը հետմահու արժանացել են «Արցախի հերոս» բարձր կոչմանը:

Դավիթ Միքայելյան
Ստեփանակերտ

23-02-2021





24-02-2021
Ռազմավարական գործընկերության առավել սերտացումը ժամանակի պահանջ է
ՌԴ 102-րդ ռազմաբազայի ընդլայնման անհրաժեշտությունը թելադրված է տարածաշրջանային զարգացումներով


24-02-2021
Սիրիան պահանջում է դադարեցնել ավիահարվածները
Ռուսաստանը, Իրանը եւ Թուրքիան համակարծիք են այդ հարցում



24-02-2021
Անկարան վախենում է, որ Սեւ ծովը կարող է դառնալ «ռուսական»
Թշնամական նավերի այնտեղ հայտնվելը պարզապես ինքնասպանություն է

Թուրքիայի ...


24-02-2021
Իրանում քաղաքական մթնոլորտն «ընտրականացվում» է
2021 թ. հունիսի 18-ին Իրանի Իսլամական Հանրապետությունում (ԻԻՀ) տեղի ...


24-02-2021
Վերադասավորումների եւ հստակեցումների ճանապարհով
Ինչ փոփոխություններ են եղել կառավարության նախորդ տարվա որոշման մեջ


24-02-2021
Մեր գործերով պետք է փորձենք բարություն քարոզել ու սփռել շուրջբոլորը
Նկարիչների գալիք սերնդին հարկ է քաջալերել, սրտապնդել, որպեսզի կարողանանք ...


24-02-2021
Ինչպե՞ս օգնել երեխաներին՝ ընթերցելու Աստվածաշունչ
«Եւ որ մանկութիւնիցդ սուրբ գրքերը գիտես...»

Գ . ...



24-02-2021
Նիկոլ Փաշինյանը ծանոթացել է ՀՀ շրջակա միջավայրի նախարարության ծրագրերին
ՀՀ վարչապետ Նիկոլ Փաշինյանը երեկ այցելել է ՀՀ ...

24-02-2021
Արցախի նախագահի խոսնակը պարզաբանել է
Արցախի վերահսկողության ներքո գտնվող ...

24-02-2021
Մայրը միշտ պաշտպանում է իր զավակներին
Իտալիայի Կավրիլյայի (տարածաշրջան Տոսկանա, գավառ ...

24-02-2021
Միանձնյա առաջատարներով
Երեւանում շարունակվում են շախմատի Հայաստանի կանանց ...
USD
EURO
RUR
GEL
Եղանակը Երևանում
գիշերը -1... +1
ցերեկը +1... +4

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO