Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

21.04.2021
ՆԵՐՔԻՆ ԿՅԱՆՔ


Որդիներից կրտսերն էր Վիտալին

Աբովյան քաղաքում էին բնակվում Իվան եւ Թագուհի Յակուբովներ ամուսինները, ովքեր, իմանալով Քաշաթաղի շրջանի վերաբնակեցման մասին, 1997 թ. 4 որդու՝ Աշոտի, Լազարի, Աշուրի եւ Վիտալիի հետ տեղափոխվեցին Արցախ, բնակություն հաստատեցին Բերձոր քաղաքում։ Այստեղ ծնվեց Յակուբովների դուստրը՝ Սոսյան։
Բերձորում հասակ առան Յակուբով եղբայրները, սովորեցին Բերձորի Վահան Թեքեյանի անվան թիվ 1 միջնակարգ դպրոցում։ Կրտսեր որդին՝ Վիտալին, դպրոցում սովորեց 9 տարի։ Այնուհետեւ ընտրեց խոհարարի մասնագիտությունը, ավարտեց նաեւ Բերձորի արվեստի դպրոցի ակորդեոնի բաժինը։ Իվանն ու որդիները դարձան Բերձորը շենացնողներ, շինարարներ։ Թագուհին աշխատում էր դպրոցում եւ աշակերտների սիրելի Թաքուշ մորաքույրն էր։ 2016 թ. ապրիլին տղաները, նաեւ Վիտալին, մասնակցեցին քառօրյա եւ հետագա մարտական գործողություններին: Վիտալին պարգեւատրվեց «Արիություն» մեդալով։ Պատերազմն ավարտվեց, տուն եկան ու շարունակեցին իրենց բարի գործը, Աշոտն ընտրեց զինվորականի մասնագիտություն։ Իսկ Վիտալին զբաղված էր շինարարությամբ, խոհարարությամբ: 2018-ին ծնվեց դուստրը՝ Մարին։ Երջանիկ էր իր ընտանիքով, աշխատում էր, որ տուն կառուցեր Բերձորում։ Սակայն...
2020 թ. սեպտեմբերի 27-ին սկսված պատերազմի հենց առաջին օրը շատ քաշաթաղցիներ մեկնեցին առաջնագիծ, հոկտեմբերի սկզբին, որպես պահեստազորային, Ջաբրայիլ հասավ նաեւ Վիտալին։ Այդ օրերին ամենածանր տեղանքներից մեկն էր Արցախի հարավային սահմանը, եւ շատ հայորդիներ նահատակվեցին։ Հոկտեմբերի 10-ին մարտական գործողություն կատարելիս զոհվեց Վիտալին։ Նույն օրը Հադրութի տարածքում հերոսաբար նահատակվեցին նաեւ բերձորցիներ Վրեժ Պողոսյանն ու Մնացական Հարությունյանը։ Վիտալիին հուղարկավորեցին Աբովյանում՝ Սարալանջի հանգստարանում։ Եղբոր հուղարկավորությունից հետո կամավոր մարտադաշտ մեկնեց նաեւ Աշուրը։ Շուշիի պաշտպանների շարքերում էր։ Այստեղ ընթացող ծանր մարտերի մասնակիցը հիվանդացավ եւ այժմ բուժվում է հիվանդանոցում։ Աշոտը շարունակում է զինվորականի իր պարտքը։ Կրկին Աբովյան վերադարձան Յակուբովները, բնակվում են ժամանակավոր կացարանում։
Բերձորի Վ. Թեքեյանի անվ. թիվ 1 միջնակարգի տնօրեն Անահիտ Քոսակյանը ցավով է պատմում իր սանի՝ Վիտալիի մասին, ով դպրոցական տարիներին էլ աչքի էր ընկնում բարի ու համեստ բնավորությամբ, մասնակցում հանդեսներին, նվագում իր սիրելի երաժշտական գործիքը՝ ակորդեոնը։ Մայրը՝ Թագուհին, կարոտով է պատմում որդու մասին, ով պատրաստակամորեն մեկնեց առաջնագիծ, կռվեց հերոսաբար ու նահատակվեց։ Ցավով է տանում այն, որ ստիպված լքեցին Բերձորի իրենց տունը, որտեղ հասակ առան զավակները, իրենց հոր հետ վերակառուցեցին, որն այժմ դատարկ է...
Օրերս «Թեքեյան կենտրոն» հիմնադրամը հանդես եկավ Բերձորի Թեքեյանի անվ. դպրոցի նահատակ ու վիրավոր սաների ընտանիքներին, այդ թվում նաեւ՝ Վիտալիի, ընտանիքին կենցաղային տեխնիկա հատկացնելով։ Դպրոցի շատ շրջանավարտներ մասնակից եղան այս պատերազմին, 6-ը նահատակվեցին, 3-ը վիրավորվել են, դեռ բուժվում են։

Զոհրաբ ԸՌՔՈՅԱՆ

11-03-2021





20-04-2021
Մինսկի խումբը՝ արցախյան խնդրի լուծման միակ հարթակ
Ադրբեջանը բոյկոտում է Արցախի կարգավիճակի շուրջ բանակցությունները

ԵԱՀԿ ...


20-04-2021
Կապույտ ու կանաչ տարածքները
Պատերազմի «անտեսանելի» զոհեր

Մինչ Արցախյան երրորդ պատերազմը, մինչ ...


20-04-2021
Իսլամական ինտերնացիոնալիզմի հերթական դրսեւորումները
Պե՞տք է զարմանալ, որ Բարդուղիմեոսի հետ Փաշազադեի հանդիպումը կայացել ...


20-04-2021
Կանխել Արցախում իրականացվող մշակութային եղեռնը
Բողոքի ակցիա Ստեփանակերտում

2000-ից ավելի պատմամշակութային հուշարձաններ կան ...


20-04-2021
Հայի ձեռքով փրկվածն ու հայի ձեռքով սպանվածը
Աստված ողորմած է, բայց եւ արդարամիտ…

«Թուրքիան պատանդ ...


20-04-2021
Ցավով ու հպարտությամբ
Ապրիլի 18-ին Եռաբլուր-ամենասրբավայրում հուղարկավորվեց քաշաթաղցի պահեստազորային Արմեն Վոլոդյայի Մանուչարյանի ...


20-04-2021
Կորցրած հայրենիքի հիշատակները
Լեմս Ներսիսյանի իսկական ռեքվիեմ հիշեցնող գեղանկարչական ցուցահանդեսում

Երեւանի ...



20-04-2021
Այց «Ինժեներական քաղաք»
Առաջիկա տասը տարում պետք է վերականգնել Հայաստանի ...

20-04-2021
Իրար կողքի եղեք, աչալուրջ եղեք, օգնեք իրար
ՀՀ նախագահն այցելել է Սյունիքի Խնածախ համայնքի ...

20-04-2021
Հանդիպել են պատերազմի մասնակիցների հարազատների հետ
ՀՀ ԶՈՒ գլխավոր շտաբի սպաները, ԶՈՒ ռազմաբժշկական ...

20-04-2021
Տասից ավելի պատվիրակություններ
Կմասնակցեն Հայոց ցեղասպանության տարելիցի ...
USD
EURO
RUR
GEL
Եղանակը Երևանում
գիշերը -1... +1
ցերեկը +1... +4

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO