Արմեն Սարգսյանն ընդունել է աշխատանքի եւ սոցիալական հարցերի նախարարին

Հայաստանի Հանրապետության նախագահ Արմեն Սարգսյանն ընդունել է ՀՀ աշխատանքի եւ սոցիալական հարցերի նախարար Մեսրոպ Առաքելյանին: Այս մասին հայտնեցին ՀՀ նախագահի աշխատակազմի հասարակայնության հետ կապերի վարչությունից։
Նախարարը հանրապետության նախագահին տեղեկություններ է ներկայացրել իր ղեկավարած գերատեսչության կողմից իրականացվող աշխատանքների եւ ծրագրերի մասին՝ մասնավորապես անդրադառնալով Արցախի բնակչության, ինչպես նաեւ պատերազմի հետեւանքով հաշմանդամ դարձած անձանց պետական աջակցության ծրագրերին:
Նախագահ Սարգսյանն առաջնային է համարել այդ եւ նմանատիպ ծրագրերի լիարժեք եւ պատշաճ իրականացումը: Քննարկվել են նաեւ մի շարք ծրագրերի շուրջ հանրապետության նախագահի աշխատակազմի եւ նախարարության համագործակցության հնարավորությունները:

24-03-2021