Տոկիոյում թողարկվել են ՕԽ հատուկ նամականիշեր

Ճապոնիայի փոստային ծառայությունը Տոկիոյի օլիմպիական խաղերի կազմկոմիտեի հետ թողարկել է նամականիշների հավաքածու:
«Արմենպրեսի» հաղորդմամբ` այս մասին հայտնել է ՀԱՕԿ-ը: Դրանք վաճառքի կհանվեն հունիսի 23-ին` խաղերի բացումից մեկ ամիս առաջ: Արտոնագրված գրքույկ կարելի է ձեռք բերել ծագող արեւի երկրի ցանկացած փոստային բաժանմունքում, ինչպես նաեւ կազմակերպության պաշտոնական կայքում: 25 նամականիշի արժեքը մոտավորապես 19 ԱՄՆ դոլար է:
Նամականիշի դիմային երեսին ներկայացված են 50 օլիմպիական եւ 23 պարալիմպիկ ամառային մարզաձեւերի պատկերներ: Ֆիլատելիստների համար մատչելի կլինի նաեւ հատուկ ալբոմ, որտեղ հնարավոր է տեղադրել գնված նամականիշերը: Հավաքածուն, բացի 75 սովորական նամականիշից, կներառի նաեւ հինգ դոլար արժողությամբ փոստային նամականիշ՝ Տոկիոյի ազգային մարզադաշտի պատկերով:

06-04-2021