Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

21.04.2021
ԵՐԵՎԱՆ


«Մեր ջերմոցները պետք է լիարժեք ապահովեն Երեւանի պահանջարկը»

2020 թվականից Երեւանի բնապահպանական խնդիրների լուծումը վստահվեց նորաստեղծ «Կանաչապատում եւ շրջակա միջավայրի պահպանություն» համայնքային կազմակերպությանը: Գործն սկսելու առաջին նախապայմաններից էր անհրաժեշտ տեխնիկայի ձեռքբերումը:
Ինչպես հայտնեցին Երեւանի քաղաքապետարանի աշխատակազմի տեղեկատվության եւ հասարակայնության հետ կապերի վարչությունից, շուրջ մեկ տարվա ընթացքում համայնքային կառույցը ձեռք բերեց ավտոաշտարակներ, ծառերի սրսկման, բեռնատար շուրջ երեք տասնյակ միավոր տեխնիկա: Ավտոհավաքակայանի հագեցվածությանն ու հնարավորություններին ծանոթանում է քաղաքապետ Հայկ Մարությանը:
«Կանաչապատման ՀՈԱԿ-ը ստեղծվել է մի նպատակով՝ կենտրոնացնել ամբողջ ներուժը մի տեղում եւ քաղաքի կանաչապատման համար մշակել մեկ քաղաքականություն: Դրա համար նախ պահանջվում էր տեխնիկայի մեծ ծավալ, որը, ցավոք, բացակայում էր: Բավականին մեծ թվով տեխնիկա գնվեց, որն այսօր արդեն օգտագործվում է»,-նշում է քաղաքապետ Հայկ Մարությանը:
«Վերջերս ձեռք ենք բերել 18 բեռնաուղեւորատար մեքենաներ, որոնք սպասարկելու են վարչական շրջաններում աշխատող այգեպան-բանվորներին: Հերթում են մոտ 10 տարբեր տիպի՝ ինքնաթափեր, ջրցաններ, ավտոաշտարակներ, հատուկ սրսկման սարքավորումներ եւ աղբատար մեքենաներ, որոնց ձեռքբերման դեպքում էապես կարագացնենք եւ ավելի արդյունավետ կդարձնենք քաղաքում իրականացվող աշխատանքները: Հեռանկարում նախատեսվում է կանաչապատման ոլորտի տեխնիկայի քանակը այսօրվա 50-ից հասցնել 70 միավորի»,-ասում է «Կանաչապատում եւ շրջակա միջավայրի պահպանություն» ՀՈԱԿ-ի տնօրեն Արա Աղայանը:
Մեքենաներն այժմ կայանում են քաղաքային ջերմոցների հարեւանությամբ: Շուտով այստեղ կկառուցվի 4300 քմ տարածքով ավտոհավաքակայան՝ մեքենաների տեխսպասարկման եւ նորոգման կայանով, կից պահեստով ու վարչական տարածքով՝ ավտոհավաքակայանի եւ ջերմոցատնկարանային վարչության աշխատակիցների համար։ Այժմ նախագծման գործընթացն է:
Կընդլայնվի նաեւ ջերմոցային եւ տնկարանային հատվածը: Շուրջ 25 հա տարածքից այսօր փաստացի օգտագործվում է մոտ 5-ը: Գործունեության 1 տարին վերջերս բոլորած համայնքային կառույցն արդեն հասցրել է սեփական կանաչ տնտեսության հիմքերը դնել: Հենց այստեղ՝ ջերմոցում ու տնկարանում է ծնվում, մեծանում քաղաքին շունչ տվող ծառերի ու ծաղիկների զգալի մասը:
«Տնկարանային տնտեսությունը, ցավոք, զրոյական մակարդակի էր: Նպատակ դրեցինք զարգացնել ջերմոցային տնտեսությունը եւ ոչ թե գնված ծաղիկները այստեղ ժամանակավոր պահել եւ տնկել, այլ որոշեցինք ինքներս արտադրել այդ ամենը»,-ընդգծում է քաղաքապետ Մարությանը:
«Այստեղ ներդրվել է դպրոց-տնկարան գործելաոճը, որը սերմից մինչեւ վերջնական տեղափոխմանը ենթակա ծառաթփատեսակների աճ է ենթադրում»,- մանրամասնում է ջերմոցատնկարանային վարչության պետ Արթուր Խալաթյանը:
«Մեր կարեւոր ուղղություններից մեկն այն է, որ բուսատեսակների մեծ մասը լինեն մշտադալար եւ բազմամյա: Մենք մտադիր ենք կանաչապատումն այնպես կազմակերպել, որ ապահովվի կենսաբազմազանություն եւ քաղաքի համար ունենա բնապահպանական նշանակություն»,-ասում է «Կանաչապատում եւ շրջակա միջավայրի պահպանություն» ՀՈԱԿ-ի փոխտնօրեն Քրիստինա Վարդանյանը:
Այսօր ջերմոցում ու տնկարանում շուրջ 30 աշխատակիցների ձեռքով աճեցվում է 30 անուն բույս՝ այդ թվում նաեւ Կարմիր գրքում գրանցված տեսակներ։ Ջերմոցն ունի նաեւ գիտական փորձադաշտ: Արդեն 30000 թուփ, 100 հազար ծաղկի սածիլ եւ 5 հազար ծառ է աճեցվել այստեղ:
«Նպատակ ունենք, որ ջերմոցները 100 տոկոսով ապահովեն Երեւանի պահանջարկը, եւ գնում այլեւս չլինի, իսկ գերնպատակը՝ նաեւ կարողանանք ապահովել Հայաստանի այլ քաղաքներին»,-ընդգծում է Երեւանի քաղաքապետը:
Այս տարի նախատեսվում է նաեւ 30 կմ ոռոգման նոր ջրագիծ անցկացնել: Բնապահպանության ու կանաչապատման ոլորտում քաղաքի անելիքները շատ են. ավելացնել Երեւանի կանաչ գոտիների ծավալները, մշակել նոր, երկարաժամկետ ծրագրեր:

07-04-2021





20-04-2021
Մինսկի խումբը՝ արցախյան խնդրի լուծման միակ հարթակ
Ադրբեջանը բոյկոտում է Արցախի կարգավիճակի շուրջ բանակցությունները

ԵԱՀԿ ...


20-04-2021
Կապույտ ու կանաչ տարածքները
Պատերազմի «անտեսանելի» զոհեր

Մինչ Արցախյան երրորդ պատերազմը, մինչ ...


20-04-2021
Իսլամական ինտերնացիոնալիզմի հերթական դրսեւորումները
Պե՞տք է զարմանալ, որ Բարդուղիմեոսի հետ Փաշազադեի հանդիպումը կայացել ...


20-04-2021
Կանխել Արցախում իրականացվող մշակութային եղեռնը
Բողոքի ակցիա Ստեփանակերտում

2000-ից ավելի պատմամշակութային հուշարձաններ կան ...


20-04-2021
Հայի ձեռքով փրկվածն ու հայի ձեռքով սպանվածը
Աստված ողորմած է, բայց եւ արդարամիտ…

«Թուրքիան պատանդ ...


20-04-2021
Ցավով ու հպարտությամբ
Ապրիլի 18-ին Եռաբլուր-ամենասրբավայրում հուղարկավորվեց քաշաթաղցի պահեստազորային Արմեն Վոլոդյայի Մանուչարյանի ...


20-04-2021
Կորցրած հայրենիքի հիշատակները
Լեմս Ներսիսյանի իսկական ռեքվիեմ հիշեցնող գեղանկարչական ցուցահանդեսում

Երեւանի ...



20-04-2021
Այց «Ինժեներական քաղաք»
Առաջիկա տասը տարում պետք է վերականգնել Հայաստանի ...

20-04-2021
Իրար կողքի եղեք, աչալուրջ եղեք, օգնեք իրար
ՀՀ նախագահն այցելել է Սյունիքի Խնածախ համայնքի ...

20-04-2021
Հանդիպել են պատերազմի մասնակիցների հարազատների հետ
ՀՀ ԶՈՒ գլխավոր շտաբի սպաները, ԶՈՒ ռազմաբժշկական ...

20-04-2021
Տասից ավելի պատվիրակություններ
Կմասնակցեն Հայոց ցեղասպանության տարելիցի ...
USD
EURO
RUR
GEL
Եղանակը Երևանում
գիշերը -1... +1
ցերեկը +1... +4

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO