Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

22.09.2019
ՏՆՏԵՍՈՒԹՅՈՒՆ


Շինարարության վերելքն անխուսափելի է

Մեկնարկեց ամենամյա միջազգային մասնագիտացված տարածաշրջանային խոշորագույն ցուցահանդեսը

Քանի որ տնտեսության գերակա ոլորտներից է շինարարությունը, ուստի կարեւորելով ոլորտի զարգացումը, յուրաքանչյուր տարի ՀՀ առեւտրաարդյունաբերական պալատը եւ «Պրոմ Էքսպո» ընկերությունը կազմակերպում են մասնագիտացված ցուցահանդես։ Տասներկուերորդ անգամ երեկ մեկնարկեց «Շինարարություն եւ Ինտերիեր» միջազգային մասնագիտացված տարածաշրջանային խոշորագույն ցուցահանդեսը, այս անգամ ընդլայնված թիմով։
Այս տարի թե՛ մասնակից կազմակերպություններն էին ավելացել, թե՛ միջոցառման հովանավորները, ինչը, միջոցառման մասնակիցների վկայությամբ, խոսում է շինարարության ոլորտի աշխուժացման, նոր ընկերությունների ավելացման, ոլորտի նկատմամբ սպառողների հետաքրքրության մեծացման մասին։ Այս տարի միջոցառմանը մասնակցում էր շինարարության ոլորտը ներկայացնող շուրջ 120 կազմակերպություն, որոնց 50 տոկոսը տեղական արտադրանք թողարկող ընկերություններ են։ Մասնակցում էին նաեւ կազմակերպություններ ՌԴ—ից, Վրաստանից, Չինաստանից, Իրանից եւ Գերմանիայից։ «Պրոմ էքսպո» ընկերության տնօրեն Արման Զաքարյանը «ՀՀ»—ի հետ զրույցում նշեց, որ «Շինարարություն եւ ինտերիեր 2019» խորագրով ցուցահանդեսը տարեցտարի դինամիկա է արձանագրում թե՛ մասնակիցների, թե՛ այցելուների առումով։ Սկսել են 39 մասնակցից, իսկ այժմ 120—ի են հասել։
Նրա խոսքով, միջոցառումը լավագույն հարթակ է ոլորտում ներդրումային ծրագրերի մշակման եւ նոր գործնական կապերի ստեղծման համար։ Մասնակից ընկերություններից շատերն արդեն ավանդույթ են դարձրել միջոցառմանն իրենց մասնակցությունը, ինչը ըստ կազմակերպչի, խոսում է այն մասին, որ միջոցառումն իսկապես կարեւոր է եւ անհրաժեշտ։
Տնտեսության տարբեր ոլորտներում ներկայացված ընկերությունների համար շահավետ է ներկայացնել իրենց արտադրանքը, ծանոթանալ տնտեսության տարբեր զարգացումներին, ոլորտում կիրառվող նորամուծություններին, ինովացիոն համակարգերին՝ գործարար կապեր ստեղծելու համար։
Քաղաքաշինության կոմիտեի նախագահ Վահագն Վերմիշյանի գնահատմամբ, ցուցահանդեսը երկար ճանապարհ ունի անցնելու։ Նրա վստահեցմամբ, մոտ ապագայում Հայաստանում սպասվում են լուրջ շինարարական աշխատանքներ՝ շինարարության ճյուղի վերելք։ Իսկ այս պարագայում նման ցուցահանդեսների առկայությունը անգնահատելի հնարավորություն է ստեղծում՝ ուսումնասիրելու շինարարության ոլորտում կիրառվող նորագույն տեխնոլոգիաները։ Առանց աշխարհի նորարարություններին համահունչ լինելու հնարավոր չէ Հայաստանում զարգացնել շինարարության ոլորտը։ «Ցավոք, այն, ինչ մենք տեսնում ենք վերջին 30 տարվա ընթացքում, խոսքը վերաբերում է շինարարական ոլորտի քայլերին, ապա պետք է ասեմ, որ դրանք հեռու են իդեալական լինելուց։ Մեր երկիրը ամեն դեպքում հարյուրամյակի ընթացքում շինարարական ոլորտի առաջատարներից է եղել։ Մի փոքր ետ ենք ընկել, բայց, կարծում եմ, անկումը ժամանակի խնդիր է, եւ համոզված եմ՝ նախկին փառքը կվերականգնենք»,–միջոցառման պաշտոնական բացմանն ասաց Քաղաքաշինության կոմիտեի նախագահ Վահագն Վերմիշյանը։
Հայաստանի շինարարների միության նախագահ Գագիկ Գալստյանի համոզմամբ՝ ուրախ են տեսնել շինարարության ոլորտում ընկերությունների ներգրավվածությունը, ինչը միջավայրի զարգացման լավ հիմք է։ Սպասվող շինարարական բուռն ընթացքին պատրաստ է ոլորտի ողջ ներուժով։ Շինարարությունը, ըստ նրա, յուրաքանչյուր երկրի տնտեսության զարգացման հիմքն է եւ լոկոմոտիվը։
Տաղավարներից մեկում «Շահարտ» ընկերության արտադրանքն էր։ Ներկայացուցչի՝ Նորիկ Եփրեմյանի տեղեկացմամբ՝ ընկերությունը գործում է 1998 թվականից եւ հանդիսանում է տարածաշրջանում գործող բարձր դիմացկունության պոլիէթիլենային խողովակների արտադրության առաջատարներից մեկը։ «Շահարտ» ընկերության ներկայացուցչի խոսքերով, արտադրանքը լայն սպառում ունի հայաստանայն շուկայում առաջատար կազմակերպությունների կողմից։ Արտադրանքն առայժմ միայն Վրաստան են արտահանում։ Իսկ ներկրված պոլիէթիլենային խողովակների համեմատ բարձր են գնահատում տեղական արտադրանքի որակը։ Փաստում են, որ խողովակների արտադրամասը զինված է միջազգային ստանդարտներին համապատասխան, ցրտադիմացկուն են, չեն ենթարկվում կոռոզիայի, ճկուն են, քան մետաղական հիմք ունեցող խողովակները, ամուր են եւ ունեն ունակություն պաշտպանվելու վնասվածքներից։ Հիմնականում նախատեսված են ոռոգման եւ ջրահեռացման համար։ Արտադրում են նաեւ գազի խողովակներ։ Նորիկ Եփրեմյանը նշեց, որ այժմ ուսումնասիրում են ԵԱՏՄ շուկան, առաջիկայում ունեն ցանկություն արտադրանքն արտահանելու նաեւ այլ երկրներ։ Արտադրամասն այս պահին ապահովում է 70 հոգու զբաղվածություն, բայց պատրաստ են արտադրանքի ծավալի մեծացման պարագայում ընդլայնել նաեւ աշխատակիցների թիվը։
«Պրոֆպրոտեկտը» Հայաստանում առաջին ու միակ ընկերութունն է, որը ցանկանում է մշակույթ ձեւավորել շանթապաշտպանության տեխնիկայից օգտվելու կապակցությամբ։ Ընկերությունն առաջարկում է շանթահարության նախագծման եւ մոնտաժման համալիր ծառայություններ։ Այն պաշտպանական համալիր է՝ նախատեսված ներքին եւ երկրորդային պաշտպանության համար։ Ընկերության տնօրեն Գագիկ Նազարյանի տեղեկացմամբ՝ Հայաստանում շանթապաշտպանության նախագծման մասին նորմատիվային փաստաթղթի բացակայության պատճառով ստիպված են աշխատել ՌԴ եւ միջազգային նորմատիվներին համապատասխան։ Համագործակցում են Գերմանիայի, Լեհաստանի, ՌԴ եւ Բելառուսի հետ։ Հայաստանում այս համակարգից օգտվելու տեղեկատվության պակաս կա, ուստի ընկերության ներկայացուցիչները կարեորում են նման միջոցառման կազմակերպումը։ Նշենք, որ ցուցահանդեսը կգործի մինչեւ վաղը։
Լուսինե ՆԱԶԱՐՅԱՆ

18-05-2019





21-09-2019
Ինքնիշխան պետության ձեռքբերումներն ու մարտահրավերները
Ինչ է սովորեցնում մեզ անկախության արդեն 28 տարվա ...


21-09-2019
Անկախության բանաձեւը
Ո՞րն է պետություն կառուցելու մեր տեսլականը

Լուսինե ՄԽԻԹԱՐՅԱՆ
l.mkhitaryan@hhpress.am


1988-90 ...


 
21-09-2019
IPSE DIXIT
Ամբոխի հոգեբանության ուսումնասիրությունը ցանկալի է դիտվում գործնական առումով, բայց ...


21-09-2019
Տղամարդկանց հագուստ
Սմոքինգ
Բարձրաշխարհիկ պաշտոնական միջոցառումների ժամանակ (օրինակ՝ երեկոյան ընդունելությունների) նախընտրությունը ...


21-09-2019
Պատմության նոր էջ
Ժամանակին Մոսկվայում մի հայ ուսանողի քննությանը հարցրել էին. «Ի՞նչն ...


21-09-2019
Անկախության խորհուրդը պետության համար
Եվ անկախության՝ քաղաքացու ընկալումը

Յուրաքանչյուր դպրոցական գիտի, թե ...


21-09-2019
Ու եղավ այնպես, ինչպես չէր եղել արդեն քանի դար
Հայաստանն անկախացավ ժողովրդի գրեթե միաձայն քվեով

Թամարա ՄՈՒՐԱԴՅԱՆ
t.muradyan@hhpress.am


«Անկախության ...



21-09-2019
Տնտեսական հեղափոխության ընկալումներն ու իրագործումը
Որքանով է այն պահանջված, եւ որոնք են դրա ...

21-09-2019
Ու եղավ այնպես, ինչպես չէր եղել արդեն քանի դար
Հայաստանն անկախացավ ժողովրդի գրեթե ...

21-09-2019
Իմ թանձրացական անկախությունը
Այն ինձ համար եթերային երազանք ...

21-09-2019
Անկախության սպորտը. անմոռանալի ապրումների պահեր
Հայաստանի անկախության 28 տարիներին ...
USD
EURO
RUR
GEL
Եղանակը Երևանում
գիշերը +20... +22
ցերեկը +26... +28

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO