Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

22.10.2019
ԿՐԹՈՒԹՅՈՒՆ


Աշխատաշուկա հասնելու կարճ ճանապարհը

Աշակերտները չեն շտապում անմիջապես ավագ դպրոց գնալ

Թամարա ՄՈՒՐԱԴՅԱՆ
t.muradyan@hhpress.am


Մասնագիտական կրթրության եւ ուսուցման ոլորտի գրավչությունը վերջին ժամանակներում մեծացել է։ Դրան զուգահեռ աճում է նաեւ դիմորդների թիվը։ Եվ ինչպես նախորդ, այնպես էլ այս տարի բավականաչափ թվով դիմորդներ մրցույթից դուրս են մնացել։ «Նրանց հնարավորինս փորձել ենք իրազեկել, որ կրթությունը կարող են շարունակել ավագ դպրոցներում։ Եվ, ի գիտություն «կտրված» դիմորդների, տեղեկացրել եւ տեղեկացնում ենք, որ պահուստային տեղերը նախատեսված են միայն օրենքով սահմանված կարգով արտոնություններ ունեցող դիմորդների համար»,–«ՀՀ»—ի հետ զրույցում նշեց ՀՀ ԿԳՄՍ նախարարության նախնական (արհեստագործական) եւ միջին մասնագիտական կրթության վարչության պետ Արտակ Աղբալյանը։
Իսկ հարցին՝ կարելի՞ է արձանագրել, որ հիմնական դպրոցից հետո աշակերտներն ավագ դպրոց չեն ուզում գնալ՝ նա պատասխանեց. «Այդպես չեմ ուզում ասել։ Բայց ավագ դպրոցի շրջանավարտների, եթե չեմ սխալվում, ընդամենը 40—50 տոկոսն է բուհ ընդունվում։ Մյուսները վկայական ստանալով աշխատաշուկա են դուրս գալիս, բայց չունեն մասնագիտություն։ Նաեւ դրանով է պայմանավորված, որ ՄԿՈՒ—ի գրավչությունը մեծացել է, այսինքն՝ գերադասում են նույն ժամանակահատվածում ունենալ միջնակարգ կրթություն՝ գումարած մասնագիտություն։ Արագ աշխատաշուկա են մտնում, դրա համար այս ոլորտն են նախընտրում։ Ոլորտի մասնագետների պահանջարկ աշխատաշուկան ունի»։
Սակայն, ըստ վիճակագրության, մրցույթից դուրս մնացածների գերակշիռ մասը աշխատաշուկայում պահանջարկ գրեթե չունեցող մասնագիտություններ էին ընտրել՝ հաշվապահություն, բանկային գործ, ֆինանսներ, եւ այլն։ Այդ մասին նշեց վարչության պետը՝ անդրադառնալով նաեւ նոր մասնագիտություններին. «Ես դրանք բաժանում եմ 2 մասի»։
Առաջինը նոր մասնագիտություններն են, որոնք առաջին անգամ են ներդրվում ուսումնական հաստատություններում։ Դրանք այս տարի 3—ն են, որոնց մասով ընդունելությունը գոհացնող է եղել։ «Սառնարանային տնտեսության օդափոխման համակարգեր» մասնագիտությունը ներդրվել է 3 հաստատությունում։ Այն շուկայում մեծ պահանջարկ ունեցող մասնագիտություն է։ Ծխախոտագիտությունն էլ ներդրվել է Մասիսի գյուղատնտեսական քոլեջում։ Առաջիկա տարիներին փորձելու են պետպատվերի տեղերը ավելացնել, որովհետեւ այդ ոլորտում աշխատանքի, պրակտիկայի իրական հնարավորություն կա։ Երրորդ նոր մասնագիտությունն էլ կոչվում է չոր շինարարություն։ Այն վերաբերում է շինարարական ներքին հարդարման աշխատանքներին։
«Նոր մասնագիտությունների մյուս մասը կառավարության համապատասխան մասնագիտական ցանկում ներառվածներն են։ Պարզապես մենք տարիներ շարունակ ուսումնական հաստատություններին հանձնարարել ենք, նաեւ մարզպետարանների հետ աշխատում ենք, որպեսզի մասնագիտությունները համապատասխանեցվեն տվյալ մարզի աշխատաշուկայի պահանջարկին։ Եվ դա շարունակական գործընթաց է։ Ամեն տարի հաստատությունները փորձում են ներդնել տվյալ մարզի համար ռազմավարական նշանակություն ունեցող նոր մասնագիտություններ՝ տուրիզմի, գյուղատնտեսության եւ այլ ոլորտներ»,–ասաց մեր զրուցակիցը՝ ավելացնելով, որ զարկ է տրվել գյուղատնտեսության ոլորտի զարգացմանը։
Իսկ թվով 7 մասնագիտությունների գծով ներդրվել է գերմանական դուալ համակարգի տարրը, որն իրենից ենթադրում է պրակտիկ գործունեության ծավալի մեծացում՝ միչեւ 70 տոկոս։ Մինչդեռ նախկինում հակառակն էր՝ տեսությունը պրակտիկայից շատ էր։ Փոփոխության նպատակը ավարտելուց հետո գործնական գիտելիքներով աշխատանքի անցնելն է։ Վարչության պետի խոսքերով՝ երկրորդ կուրսից փորձում են գործատուին ներգարվել ուսումնական գործընթացում։
«Վերոնշյալ 7 մասնագիտություններն աստիճանաբար պետք է ավելանան, եւ շարժվենք աշխատանքի վրա հիմնված ուսուցման ուղղությամբ՝ ուսանողին տալով գործատուին անհրաժեշտ գիտելիքներն ու հմտությունները»,–նկատեց վարչության պետը՝ նշելով նաեւ ոլորտի խնդիրները։ Դրանք, ըստ նրա, շատ են։
Ա. Աղբալյանն առանձնացրեց շենքային պայմանները՝ 30 տոկոսից ավելի հաստատություններ շենքային պայմանների բարելավման կարիք ունեն։ Նյութատեխնիկական բազայի հետ կապված եւս բացեր կան՝ առանց եռակցման սարքավորման եռակցող պատրաստել չի լինի։ Մեկ այլ խնդիր է խոշորացման խնդիրը. «Մեր որդեգրած սկզբունքի համաձայն, համակարգը պետք է գնա խոշորացման, եւ մի քանի հաստատություններ միավորման արդյունքում գործեն մի տանիքի ներքո»։ Ասում է՝ դա շարունակական գործընթաց է։

11-09-2019





19-10-2019
Հայաստանն ընտրվել է ՄԱԿ-ի մարդու իրավունքների խորհրդի անդամ
Ի՞նչ անելիք ունենք այդ կարգավիճակում

Թամարա ՄՈՒՐԱԴՅԱՆ
t.muradyan@hhpress.am


Մեր ...


19-10-2019
Լրագրողական կրթության խոստումնալից ընթացքը
Նշվեց ԵՊՀ ժուռնալիստիկայի ֆակուլտետի 20-ամյակը

Լուսինե ՄԽԻԹԱՐՅԱՆ
l.mkhitaryan@hhpress.am


ԵՊՀ գիտական ...


 
19-10-2019
ԱՌՁԵՌՆ ԱՌԱԾԱՆԻ
«Աղբը քանի իրար տաս՝ հոտը կելնե»

Իմաստուն խորհուրդ ...


19-10-2019
Նոր ու ժամանակակից գրապահարաններ թանգարան-ինստիտուտին
Հայ բարեգործի շնորհիվ Հայոց ցեղասպանության պատմությունը ամփոփող գրականությունն ...


19-10-2019
Չկենտրոնացնել, չկուտակել ամեն ինչ մեկ վայրում եւ մեկ ձեռքում
Էրեբունի-Երեւանի տոնակատարությունների կազմակերպման տրամաբանությունը փոխվել է

Լիանա ՍԱՐԳՍՅԱՆ
l.sargsyan@hhpress.am


Դժվարին ...


19-10-2019
Զգացմունքների մաքրությունը...
Օրերս ՀԲԸՄ համերգասրահում ՀՀ կրթության, գիտության, մշակույթի եւ սպորտի ...


19-10-2019
Լրագրողական կրթության խոստումնալից ընթացքը
Նշվեց ԵՊՀ ժուռնալիստիկայի ֆակուլտետի 20-ամյակը

Լուսինե ՄԽԻԹԱՐՅԱՆ
l.mkhitaryan@hhpress.am


ԵՊՀ գիտական ...



19-10-2019
Գյումրիի թանգարաններն էլ կոտրեցին կարծրատիպերը
Շիրազի հուշատուն-թանգարանը՝ որպես ...

19-10-2019
«Կուզենայի, որ երեւանցիներն ավելի շատ զբաղվեն սպորտով»
«Էրեբունի-Երեւան» տոնից ավանդաբար անմասն չեն ...

19-10-2019
Երջանկության բանաձեւը
Հայը, hայերենն ու Հայաստանը անխզելի միասնություն ...

19-10-2019
Այն, ինչ անվերահսկելի է, միշտ վտանգավոր է
Թուրքիան տոնայնությունը փոխելով՝ ...
USD
EURO
RUR
GEL
Եղանակը Երևանում
գիշերը +18... +20
ցերեկը +25... +27

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO