Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

24.10.2019
ԼՂՀ


Շահագրգիռ քննարկումներ՝ օրենսդրական փոփոխությունների շուրջ

Նախարարը հանդիպել է քաղաքացիական հասարակության ներկայացուցիչների հետ

Դավիթ ՄԻՔԱՅԵԼՅԱՆ
d.miqayelyan@hhpress.am


Հայաստանում հաշմանդամների եւ կանանց իրավունքների պաշտպանության մասով նախապատրաստվող օրենսդրական փոփոխությունների գաղափարաբանությունը հանրությանը ներկայացնելու եւ խնդրի շուրջ միասնական կարծիք ձեւավորելու նպատակով աշխատանքային այցով Արցախում է ՀՀ աշխատանքի եւ սոցիալական հարցերի նախարար Զարուհի Բաթոյանը։
Այցի շրջանակում երեկ նախարարը հանդիպում է ունեցել Արցախում կանանց եւ հաշմանդամների խնդիրներով զբաղվող հասարակական կառույցների ներկայացուցիչների հետ։ Նրա համոզմամբ. «Քաղաքացիական հասարակության ներկայացուցիչները կարող են օգնել պետությանը՝ ճիշտ ընկալելու խնդիրները եւ ավելի հասցեական դարձնելու այն ծառայությունները, որ մատուցվում են հաշմանդամներին ու կանանց»։ Նախարարը գտնում է, որ «պետության քաղաքականության համար քաղաքացիական հասարակության փորձը, գիտելիքները, փորձագիտական ներուժը պետք է հենասյուն լինեն, քանի որ այդ դեպքում՝ հաճախ ավելի հեշտ, արդյունավետ եւ նվազ ռեսուրսներով ծրագրեր կարելի է իրականացնել ու արձանագրել շոշափելի փոփոխություններ»։ Զ. Բաթոյանը լիահույս է, որ փորձի փոխանակումն օգտակար կլինի բոլորի համար։ Ծավալված քննարկումների ժամանակ այդ մասին խոսեցին թե՛ պաշտոնյաները եւ թե՛ հանրային օղակի ներկայացուցիչները։
Ինչպես ակնհայտ դարձավ հանդիպմանը, կազմակերպություններից յուրաքանչյուրն աշխատում է մի քանի խոցելի խմբերի հետ, եւ շահառուների խնդիրները հիմնականում հոգում են պետական աջակցությամբ։ Ըստ Զարուհի Բաթոյանի՝ Հայաստանում այժմ աշխատանքներ են տարվում ռազմավարության փոփոխությունների ուղղությամբ, եւ խոսքը ոչ թե հաշմանդամների սոցիալական պաշտպանության, այլ նրանց իրավունքների, ավելի կոնկրետ՝ ինքնադրսեւորվելու եւ իրեն հասարակության լիարժեք անդամ զգալու մասին է։
«Հաշմանդամություն ունեցող անձին պետք չէ պաշտպանել, այլ պարզապես անհրաժեշտ է նրա իրավունքն ապահովել,–ասում է ՀՀ աշխատանքի եւ սոցիալական հարցերի նախարարը։–Պատրաստվող նոր օրենքը ամբողջությամբ փոխում է տրամաբանությունը եւ սահմանում հաշմանդամների աջակցման միջոցներն ու մեթոդները»։ Գերատեսչության ղեկավարը ճեպազրույցի ժամանակ նշեց, թե նման փոփոխություններ նախատեսվում են նաեւ կանանց հիմնահարցերի ոլորտում։ «Ուժեղ եւ ինքնավստահ կինն ընտանիքի ներդաշնակության, համերաշխության եւ հզորության երաշխավորն է, եւ ոչ թե հակառակը,–գտնում է նախարարը։–Խոսքը մասնավորապես այն փոփոխությունների անհրաժեշտության մասին է, որոնք ենթադրում են ընտանեկան եւ աշխատանքային պարտականությունների համատեղման ընդլայնված հնարավորություններ, կանանց ներուժի առավել ակտիվ կիրառման մեթոդներ ու ձեւեր»։
Գրեթե երկու ժամ տեւած շահագրգիռ քննարկումների ժամանակ ներկաներին հնարավորություն ընձեռվեց նոր օրինագծի վերաբերյալ ազատ եւ անկաշկանդ շարադրելու սեփական տեսակետները, հանդես գալու առաջարկություններով։ Հանդիպմանը մասնավորապես օրենքը նախապատրաստողների ուշադրությանն արժանացան ներառական կրթությանը վերաբերող հարցերը։ Իսկ քննարկումների մասնակիցներից շատերը մասնագիտական կարողությունների դրսեւորման եւ հասարակական գործառնության առումով կապված են երեխաների հետ եւ, բնականաբար,  շատ են շահագրգռված օրենսդրական փոփոխությամբ։
Ստեփանակերտ

14-09-2019





23-10-2019
Հայաստանը զբոսաշրջային քարտեզի վրա
Ինչպիսի քայլեր են արվում մեր երկրի վարկանիշը բարձրացնելու ...


23-10-2019
Հովհաննես Թումանյանի «բարի ուժի» փիլիսոփայությունը
Լիակատար ներումը հնարավոր է դարձնում «սիրելը»

Մինչ հայոց ...


23-10-2019
Ներքաղաքական կյանքն ընթանում է բնականոն հունով
Խորհրդարանական ուժերը՝ տեղական իրադարձությունների մասին

Թամարա ՄՈՒՐԱԴՅԱՆ
t.muradyan@hhpress.am


Ինչպիսի՞ն է ...


23-10-2019
Թյուրքալեզու երկրների հավաք՝ Մերձավոր Արեւելքն ու Կովկասը վերահսկելու օրակարգով
Համաթուրքական համերաշխության ներքին անհամերաշխությունը

Արմենուհի ՄԵԼՔՈՆՅԱՆ
a.melqonyan@hhpress.am


Պետք է խոսել ...


23-10-2019
Սառույց հալեցնելու աղի փոխարեն կերակրի՛ աղ օգտագործեք
Եթե, իհարկե, թանկ է առողջությունը

Արմենուհի ՄԵԼՔՈՆՅԱՆ
a.melqonyan@hhpress.am


Գաղտնիք հայտնաբերած ...


23-10-2019
Քրդերը մնացել են մենակ թուրքական թնդանոթների դեմ
Հասկանալի չէ, թե երբ քրդերը կազատվեն թուրքական իշխանության ...


23-10-2019
Բիզնես... կարմիր գծերին
Երեւանի փողոցներում՝ հատկապես կենտրոնում, կարմիր գծերին հաճախ կարելի է ...



23-10-2019
Վաշինգտոնն ու Մոսկվան ասացին իրենց խոսքը. ո՞րն է լինելու լուծումը
Եվ ինչ նոր սադրանքների կդիմի ...

23-10-2019
Գինու արտահանումն աճել է
Հայկական արտադրանքը կներկայացվի ...

23-10-2019
«Դրախտի դարպասը»՝ Արցախի էկրանին
Դավիթ ՄԻՔԱՅԵԼՅԱՆ
d.miqayelyan@hhpress.am



23-10-2019
Ռազմական խաղերում Հայաստանն ունի 1 մեդալ
Եվս մի քանիսի ակնկալիք

USD
EURO
RUR
GEL
Եղանակը Երևանում
գիշերը +18... +20
ցերեկը +25... +27

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO