Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

26.09.2020
ԼՂՀ


Սահմանամերձ գյուղը նոր ջրատար կունենա

Այն լիովին կհագեցնի Ուղտասարի այգիների ծարավը

Դավիթ ՄԻՔԱՅԵԼՅԱՆ
d.miqayelyan@hhpress.am


Ռազմավարական նշանակություն ունեցող բնակավայրերի կենսապայմանների, մասնավորապես՝ ենթակառուցվածքների բարելավման խնդիրը շարունակում է առաջնահերթ մնալ Արցախի իշխանությունների համար։
Ընդամենը երկու տասնամյակ առաջ վերաբնակեցված Ուղտասարը, որի ազատագրման համար իրենց կյանքն են զոհել բազմաթիվ հայ քաջորդիներ, այսօր Ասկերանի շրջանի զարգացող համայնքներից մեկն է։ Տնտեսությունների թիվը շուրջ 70—ի է հասնում, եւ այսօրվա դրությամբ գյուղում ավելի քան 340 բնակիչ է ապրում։ Մարդիկ, տնամերձներից բացի, սեփականաշնորհված (ոմանք՝ նաեւ վարձակալած) հողամասեր ունեն, զբաղվում են այգեգործությամբ, հացագործությամբ ու բանջարաբուծությամբ։ Բարենպաստ կլիմայական պայմանները, բերրի հողը պտղաբուծության, հատկապես՝ նռան այգիների համար «հյութեղ կենսավիշ են», եւ ամեն տարի առատ բերք է աճեցվում։ Պատահական չէ, որ գնորդներն անուշահամ նուռ, խաղող ու սերկեւիլ, տանձ ու խնձոր ձեռք բերելու համար գերադասում են Ուղտասար գնալ, ուր գները նաեւ շուկայականից անհամեմատ ցածր են։ Էլ չենք խոսում այստեղ ապրող եւ տքնող մարդկանց հյուրասիրության մասին։
Համայնքի ղեկավար Մանվել Պետրոսյանի տեղեկացմամբ՝ երբ պետությունը ձեռնամուխ է եղել Ուղտասարի վերականգնման ծրագրերին, առաջին հերթին արտոնություններ է նախատեսել երիտասարդ ընտանիքների համար՝ նրանց համար կառուցելով հարմարավետ տներ։ Այդ գործընթացին զուգահեռ՝ սփյուռքահայ բարերարների աջակցությամբ աստիճանաբար լուծում են ստանում նրանց կենսական խնդիրները։ Առաջնահերթության կարգով բարելավվում են ենթակառուցվածքները։ Հիմնանորոգվել է գյուղ տանող ճանապարհը, դպրոց բացվել, գյուղապետարան եւ բուժկետ կառուցվել։ «Չնայած համայնքի ուժերով հին խողովակներով նաեւ ջուր է Ուղտասար հասցվել, լիարժեք ջրատարի բացակայությունը բնակիչներին հնարավորություն չի ընձեռել, հատկապես ամռան սաստիկ երաշտի պայմաններում, օգտվելու բարիքից»,– ասում է համայնքապետը։
«Հայաստան» համահայկական հիմնադրամի Տորոնտոյի տեղական մարմնի դրամահավաքի շնորհիվ անցյալ տարի գյուղը նորակառույց, ժամանակակից դպրոց ունեցավ, ինչը վճռական նշանակություն ունեցավ բնակչության համար։ Երիտասարդ նոր ընտանիքների ծնունդը, երեխաների աճի միտումը Ուղտասարի զարգացման հեռանկարների ուրվագծման տեսանկյունից բավական հուսադրող են։ Եվ այս իրողությունը չէր կարող դուրս մնալ բարերարների տեսադաշտից։ Դպրոցի հանդիսավոր բացման առիթով լինելով գյուղում, Տորոնտոյի տեղական մարմնի ներկայացուցիչները հանձն առան ստանձնել համայնքի ջրային նոր համակարգի շինարարության ֆինանսավորումը։
Այս տարվա հուլիսից լայն թափով առաջ են տարվում ջրացանցի կառուցման աշխատանքները։ «Եթե շուրջօրյա ջուր ստանանք, շատերը ցանկություն կունենան վերաբնակվել գյուղում,–վստահեցնում է Մ. Պետրոսյանը։–Ամռանն այցելելով Ուղտասար, իմ ծանոթներից, մտերիմներից ոչ քչերը պատրաստակամություն հայտնեցին ջրի խնդիրը լուծելուց հետո տեղափոխվել գյուղ եւ նոր այգիներ հիմնադրել։ Եվ համոզված եմ, որ նրանք անպայման իրենց խոսքի տերը կլինեն»։
Նորակառույց ջրատարը՝ որ շուտով գյուղ կհասնի, շուրջ 7 կիլոմետր երկարություն ունի։ Մասնագետների հավաստմամբ՝ խողովակները մեծ դիմացկունություն ունեն եւ երկար, անխաթար կծառայեն համայնքին։ Շինարարության պատասխանատուի՝ ինժեներ Բորիկ Հակոբյանի խոսքով, ջրագիծը կառուցվում է նախագծի պահանջներին համահունչ, եւ «ծրագրված է Ուղտասարի փեշին, բարձրադիր կետում 100 տոննա ծավալով ավազան ունենալ՝ պոմպերով մշտահոս ջուր այնտեղ հասցնելու, ապա՝ ինքնահոս գյուղ մղելու նպատակով»։
Ըստ համայնքի ղեկավարի՝ 2020—ի ամռանը ծրագիրն ավարտին կհասցվի, եւ հանդիսավորությամբ, բարերարների հետ, մարդիկ կվայելեն նոր ջրատարի սառնորակ ջուրը, որի հոսքին երկար են սպասել։
Ստեփանակերտ

07-12-2019





25-09-2020
Ասֆալտապատման փոխարեն՝ սալարկում
Գյուղական ճանապարհների բարեկարգման համար շինթույլտվություն չի պահանջվի

Գործադիրը ...


25-09-2020
Հանրության դատին է ներկայացվել ինտեգրված կադաստրի ստեղծման ռազմավարական ծրագիրը
Կգործարկվի կադաստրային գործարքները եւ գործողությունները ապահովող միասնական էլեկտրոնային հարթակ


25-09-2020
«Հարություն վարդապետ, եթե դու ողջ լինեիր…»
«Գիտնական, ուսուցիչ, զինվոր եւ բանաստեղծ». գրված է նրա շիրմաքարին


25-09-2020
Նա ընկավ հսկա կաղնու նման
Եվ ծանր լռություն տիրեց անտառում

Այդ տխուր օրը ...


25-09-2020
Աստված կյանքի Հոգին է
Սկզբից Նա ծնվեց մարմնով, որպես մարդ՝ Հիսուս անունով: ...


25-09-2020
Համավարակի կորի իջնելը պետք է զորացնի մեր կամքը
Պայքարը դեռ չի ավարտվել

Վերացվել է հատուկ դրության ...


25-09-2020
Իրականացնում է «Քաշաթաղի ջրամատակարարում» ընկերությունը
Քաշաթաղի շրջանում մի շարք աշխատանքներ՝ շինարարություն, ճանապարհաշինություն, ջրամատակարարում եւ ...



25-09-2020
Արարատ Միրզոյանն առանձնազրույց է ունեցել Արցախի ԱԺ նախագահի հետ
Պաշտոնական այցով Հայաստանի Հանրապետություն ...

25-09-2020
Հայկական եւ ռուսական ուժերը համահունչ են գործել
«Կովկաս-2020» զորավարժություն
«Ալագյազ» ...

25-09-2020
Իտալացի մեծանուն նկարիչների գլուխգործոցները
Ժամանակավոր կզարդարեն ՀՀ նախագահի նստավայրը

25-09-2020
ՌԴ-ի դաշնակիցների շարքում ՀՀ-ն արժանացել է շատ բարձր գնահատականի
Ռուսական վերլուծական կենտրոններից մեկը հրապարակել ...
USD
EURO
RUR
GEL
Եղանակը Երևանում
գիշերը +16... +19
ցերեկը +24... +26

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO